Yên Bái: Sor siêz trâu thax tsav qơư trâus đêx ngaz cuôr

Cux xưk li yênhx châuv tiv phaz txơưr nhoz huyện Văn Chấn, xar Lương Sơn trâus ntux nas đêx ngaz cuôr ruôr hiêv ntâu đros muôx 3 lênhx nênhs tsik pov, 1 lênhx nênhs trâus saz, 18 luz tsêr trâus vâu, cuôr yôngz tas hur si, 3 luz jok trâus cêv kuôk. Pêx xênhv nhoz no hêik pâuz, đêx txix pêv hâur chor cưx đêx ntưk lok cuôr tas pêx xênhv têx vax tsêr, lênhx nênhs, cxuô zav, phênhv ntâu zos ntơưv jok Bản Tủ. Đêx cuôr yôngz muôx yưv thâuv hmo ntux; viv li xar Lương Sơn cux bax tsik zênhx hlo. Zơưv Lường Văn Hùng, jok Bản Tủ, xar Lương Sơn, huyện Văn Chấn, tỉnh Yên Bái puz pâuz:

“Đêx cuôr yôngz muôx txix pêv hâur lok chor vax tsêr iz ndis mak txar tsik zênhx muk kror tưs hlo, trâus đêx cuôr tas lênhx nênhs hur si. Chor nênhs txar tâu sêiz khiêr muk gâuv tâu ntơưv têx trôngz mak cux điv, hok lênhx tưs khiêr tsik zênhx mak trâus cuôr ciês, muôx oz niêv tuz mak trâus đêx cuôr lơưv, hok iz tuk zơưv mak cux tsik pâuz shor tsênhv nhoz gâuv kror tưs lok zos trâus đêx cuôr tsik pov lơưv thiêz”.

Ntơưv huyện Văn Chấn, txos nhiv no, chor lưx lươngv txix tỉnh, huyện tror hêik sơưr đơưk sir jos zok nriêr chor nênhs tsik pov, txar nênhs tơưv muk đhâu têx qơư phiv liv…zơưv Chu Đình Ngữ, Bí thư huyện Ủy Văn Chấn, Yên Bái puz pâuz

“Huyện cux tâu tỉnh, cxuô ban nganhx paz viv cêr muk lok sâuv thax tsav trâus muôx ar poz cêv kuôk muk lok tsik tâu iz cxiê ntu, txix co hâux lưv khưx phưx têx trâus hiêv cux njiz ntâu phiv liv. Đros qênhx shênhx li no mak cux lok six khov vav txos têx paz ntâu đuô chiê Văn Chấn chơưv paz tâu trâu pêx xênhv…”

Xav txos 4 six zuôr tsâuk ntux hnuz 22/7, tas nro tỉnh Yên Bái muôx 11 lênhx nênhs tuôs, yuôr 6 lênhx nênhs tsik pov, 18 lênhx nênhs trâus saz. Sâuv thax tsav tỉnh muôx 1.500 luz tsêr trâus puôk tsuôx, hâur co zuôr xar 1.000 luz tsuv txar qơư nhoz yiêz…thax tsav tsoz chos cxuô zav trâus hiêv zos 2.500 ntâu ha, 400 ntâu côngz trinhx cêr muk lok, qocc cxuô zav trâus puôk tsuôx…njuôk xav trâus hiêv tiv ntux nas đêx cuôr tas muôx 270 tiv đêiv ntâu.

Đros pêx xênhv trâus đêx ngaz cuôr ruôr hiêv li phiv liv no, tỉnh Yên Bái tưz huiz tôngv muôx 2.000 lênhx nênhs cxaz chuôz uô hâux lưv chơưv paz; chor huyện, thị xar, thành phố cux bax nênhs ntơưv qơư muôx 15.000 ntâu lênhx nênhs; Bôv tư lệnh Quân khu 2 tso muôx 200 ntâu lênhx chiến sĩ chiê paz uô hâux lưv paz pêx xênhv khưx phưx têx trâus hiêv…Đại tá Nguyễn Thắng Xuân, Phưv chủ nhiệm chính trị quân khu 2 puz pâuz:

“Lưx lươngv quân sự côngv đros lưx lươngv côngz an thiêz dân quân tự vệ tsưr tsix zok nriêr chor nênhs tsik pov thiêz paz chor qơư trâus muôx ar poz đêx cuôr yôngz. Tiv oz zos bax nênhs nhoz oz saz ntus đêx chiê chơưv paz tâu zos muôx yưv têx phiv liv”.

Tsêx trung cxuô lưx lươngv hâur cxiv luôs chính trị khưx phưx têx trâus hiêv tiv ntux nas đêx cuôr yôngz sâuv thax tsav, Yên Bái tưz tsuv tso tsês tsik cơưv jiês cơưv tiv 10 HĐND tỉnh Yên Bái khóa 18 njuôk xav tâu cơưv hâur oz hnuz 24-25/7/2018. Xuz thơưx, tỉnh tưz paz trâu chor chuôz zis muôx nênhs trâus tuôs, trâus saz, tsik muôx vax tsêr nhoz đros tas nro chor nhiêx muôx 2 tiv 540 triệu đêiv thiêz zuôr xar 17,5 tấn cxur. Thôngx cxix bax qơư lav nhoz uô ntêx thiêz cxuô zav tsuv muôx trâu chor chuôz zis tsik muôx vax tsêr nhoz thiêz tsuv txar qơư nhoz chiê lơưr truôx tuk luz nênhx. Đoanx côngz xưv Trung ương mặt trận têz qơưk Việt Nam zos zơưv Hầu A Lềnh, Phưv chủ tịch, Tổng thư ký Ủy ban Trung ương Mặt trận têz qơưk Việt Nam uô thơưx chox đaonx tuôx sêiz shuôk, paz trâu tsôngv box njiz trâus đêx ngaz cuôr thiêz khơưk muôz 1 tiv đêiv txix cuiv chơưv paz chiê paz trâu tỉnh Yên Bái khưx phưx têx trâus hiêv tiv ntux nas, đêx cuôr yôngz ruôr hiêv.

Tas nro têx co tưz phênhv tưs paz trâu pêx xênhv nhoz thax tsav qơư trâus đêx nas ruôr hiêv cuôr yôngz sor siêz đuô./.

(Tuấn Xuân-Lik Thox cxêik nhênhv)

PHÊNHV ĐÊX XÊNHZ HUÔX THIÊZ VÊV XÊNHZ TÊNHX QƠƯ NÔNGX CXÊNHZ

          Jos Sói, xã Bó Mười, huyện Thuận Châu, tỉnh Sơn La ntâu shông tsi so phêv liv lok qênhx shênhx tsi muôx đêx hur sir zôngv. Jos muôx 58 ziv chuôz zis nhoz uô nênhx, taz sik iz buôk ndis jos tsi muôx tul đêx tưs ntưs đhâu. Tas nro jêx jos li đêx xênhz huôx puôr lênhx khov txos luz kror đêx cxơưr, đêx tuôv zênhv tâu iz phênhv zoz qơưx xênhz huôx xưz. Cxôngx thâuv côngz tsinhx đêx hur cxôngx Dự án tsiv uô siv cxix luôk grus đêx cxơưr uô tiêr chox lol sir zôngv tâu zuôr xar 2 shông, côngz tsinhx phuôx huiz jông chêx cuk, cungz đêx xênhz huôx huv vêv xênhz trâu tsôngv box jos Sói.

Nhạc cắt

          ( Hlôngr suôz) Dự án tsiv uô cxix luôk grus đêx tưz uô muôx chêx cuk Viện Thủy Công- Viện khoa học đêx liv Việt Nam li công nghệ choz trâu. Công nghệ no muôx ntâu kror jông, sâu tâu đêx muôx hâur ar nông, liv tâu đêx hur chiê zôngv. Đros công nghệ no zuôr cxiv tsa tâu têx côngz tsinhx cungz đêx xênhz huôx đros phênhv nhiêx txiêx kis, nhiêx txiêx thâux cux kis, six hơưv tror kho đuô côngz tsinhx zos ntâu đuô 5 shông, cxênhx txuôk tâu nhiêx txiêx kho côngz tsinhx. Đhâu qênhz yuôx, njuôs siv đêx sâuv tâu, têx ploz tsênhr puôr lênhx tax lok tsơưr lươngv đêx xênhz huôx. Côngz tsinhx no li kror jông zos chuv tôngv tâu đêx hâur yênhx shông, viv tâu đhok hâur ar viv li zos muôx tox poz ar lơưk cux tsi uô zênhr shar txos côngz tsinhx li hâux lưv grus đêx, viv li tsi trâus zênhr shar tiv ntux nas. Đuô li, viv cxix luôk grus đêx tâu đhok toz hâur ar, tsi uô zênhr shar txos ar tsiv uô xênhz yar.

          Đồng chí Lò Văn Ương, Tsar jos Sói puz pâuz: Nhiv no, côngz tsinhx huôx tôngv muôx chêx cuk thiêz cungz đêx xênhz huôx huv vêv xênhz trâu tas nro tsôngv box hâur jos. Chiê côngz tsinhx truôx vênhs, phuôx huiz tâu chêx cuk siêz, tuêv coar lik đêx zuôr yax six yax mông, vênhv tôngv tsôngv box por vêv côngz tsinhx, por vêv hâur đêx, car đêx, zôngv đêx cxênhx txuôk, trơưk tsưr ziv.... Tsênhv qơư đêx hur thiêz vêv xênhz tênhx qơư nôngx cxênhz tỉnh yax six seiz car, qênhz yuôx thiêz heik kriê tsôngv box por vêv, sir zôngv côngz tsinhx. Dự án tsênhz tsênhz chox lol chêx cuk zos cungz đêx xênhz huôx huv vêv xênhz trâu tsôngv box jos Sói, xã Bó Mười. Hâux lưv sir zôngv côngz tsinhx grus đêx cxôngx hâur ar tsênhv txu grês kiês nênhs hâur đêx, gôngr phênhv muôz siêz tsơưr lươngv luz nênhx trâu tsôngv box./.

                   (Tuyết Lan- Txâur Vax cxeik nhênhv)