Sơn La: Zuôr xar 1.450 ziv chuôz zis tsôngv box

muôx đêx hur sir zôngv

Nhoz hâur tsaz yênhx “krêz đar uô vêv xênhz thiêz đêx hur nôngx cxênhz tsov lơưr chêx cuk uô” côngz tsinhx cungz đêx hâur têx jêx jos nhoz xã Đông Sang thiêz xã Chiềng Sơn, huyện Mộc Châu, tỉnh SƠn La tâu cxiv uô cxôngx hli 11/2017 đros tas nro pênhr yưv uô zos 20 tỷ đeiv ntâu. Côngz tsinhx tưz cungz đêx hur trâu zuôr xar 560 ziv chuôz zis tsôngv box nhoz têx jos Búa, jos Áng I-II-III, jos Tự Nhiên, tiểu khu 34 nhoz xã Đông Sang; têx chuôz zênhx yưr lir đêx hur công suất 320 yiv đuôz iz hnuz hmo.

          Côngz tsinhx cungz đêx hur xênhz huôx xã Chiềng Sơn zôngv têx chuôz zênhx yưr lir đêx Contact đros công suất zos 530 yiv đruôz iz hnuz hmo, cungz đêx trâu zuôr xar 890 ziv chuôz zis tsôngv box nhoz tiểu khu 2 tiểu khu 7, tiểu khu 30/4 thiêz trâu têx côngz tsinhx li y tế,z aoz zux thiêz xã li qơư uô xưv. Zơưv Phan Thanh Hoằng, Phưv bí thư- Chủ tịch UB xã Chiềng Sơn heik:

          “Tiv zix hâur cheix ntux kruôr nhiv kruôr đhâu shông 2019 no, xã chiềng Sơn zos iz xã lok nas lok six tsơưs thiêz côngz tsinhx no tưz tuôv zênhv tâu đêx xênhz huôx trâu tsôngv box sâuv thax tsav thiêz pêz cux ntâus gri côngz tsinhx no tâu yưv pênhr trơưk tsôngv box li siêz xar. Thiêz pêz cux zuôr tror chox kriê ban coar lik coar lik jông chiê cungz đêx taz por trâu tsôngv box sâuv thax tsav xã”.

          Côngz tsinhx đêx hur tưz car chêx têx vênhv thix lok đêx hur trâu tsôngv box hâur thax tsav dự án, muôz siêz luz nênhx trâu tsôngv box, tâu tsôngv box njênhs njôngr thiêz thôngx ziv, thôngx cxix por vêv tênhx qơư; txu gris qênhx shênhx zôngv đêx tsi txâuk tsơưr lươngv, đêx tsi tâu đhâu yưr lir; tsi muôx txâuk đêx hur sir zôngv thiêz txu gris têx moz gênhs tiv zôngv đêx tsi txâuk tsơưr lươngv. Pos Đỗ Thị Oanh, nhoz tiểu khu 34, xã Đông Sang pheiz kênh:

          “2,3 shông tov ntêx đêx nhoz no cux muôx taz sik tsi cxix cxuô, 2,3 hnuz thiêx muôx iz jiês. 2,3 luz hlik lok no muôx đêx hur zôngv mak cur thiêz chuôz zis cux jông siêz, zôngv đêx hur no tso siêz đuô. Pêz zôngv mak pov cux taz por đuô, jông đuô, tâu cungz cxix cxuô đuô, tsi trâus pôngz đêx thiêz. Hâur têx jiês lok nas nhiv kruôr đhâu đêx cux tsi trâus đru mak cux tâu cungz cxix cxuô, pêz lok six tso siêz”./.

(Đắc Thanh- Txâur Vax cxeik nhênhv)

Lênhx pox niêv Hmôngz sir jos uô nox nhoz Sáng Pao

Kuôk no muôx 10 shông, niêv tix Bla zos chuôz zis pluôs, luz nênhx txov nhêv, tuk txir ho muk cơưv đêz, iz lênhx tsuv tu zus 3 tuk mê nhuôv zâu. Thâuv uô tâu blêx, poz cưk mak tsênhv muôx nox, têx shông kôngz lôngk tsik jông mak luz nênhx njiz lok six ntâu phiv liv.

Shông 2010, niêv tix Bla tâu canr bôv Hôiv gâux muôv vir ndâuk xar Xà Hồ yax kriê, hêik cxaz chuôz xênhz huôx Hôiv thiêz tâu dự án paz uô nox paz iz tuk mâuv buô zus sha mê nhuôv. Txix no, niêv tix Bla sir jos cxaz chuôz trâu chor lớp kruôz kriê tu zus, chos kôngz lôngk trâu lox tôngv jêx jok chiê pâuz nzir chênhz zênhv huôv tsar tu zus tsiêx cxu…

Txix iz tuk mâuv buô xuz thơưx, nhiv no niêv tix Bla ziv chuôz zis muôx 8 tuk nhux, tưv, 50 tuk yil, 2 tuk mâuv buô sha mê nhuôv. Iz jas cux muôs muôx 20 tuk buô grêix. Xav luz đraz iz shông niêv tix Bla ziv chuôz zis sâu tâu lok muôx 70 triệu đêiv ntâu, zos iz phênhv sâu tsik tsơưs trâu iz ziv chuôz zis tsôngv box Hmôngz nhoz tox siêz. Đrâuv tu zus tsiêx cxu, niêv tix Bla tsênhv khơưz pak njêl zus njêl thiêz uô 6.000 ntâu yiv ndis blêx liêx. Khov pâuz cxênhx txuôs niêv tix chuôz zis tưz uô tâu vax tsêr jông, zuôr tâu cxix cxuô têx chuôz zênhx sir zôngv thiêz phưx vưv uô xênhz yar kôngz nuv li mêir luôv blêx, mêir lêix têz, lêix liêx…

Băng tiếng Mông

Niêv tix Bla lok six sir jos cxaz chuôz chor phongz yaox ntơưv tiv phaz, tiv zix zos phongz yaox sik tưr huôv tsar uô kinh têr, cxuôv yêiz thiv pluôs, cxiv tsa jêx jok yiêz…Đrâuv tsik so sik phâiz kênh chênhz zênhv tu zus, iz shông niêv tix tsênhv paz trâu iz lênhx hôiv viên pox niêv iz tuk mâuv buô zus sha mê nhuôs. Niêv tix cux tsik so hêik sơưr đơưk sir jos uô xênhz yar, gra siêz phênhv sâu…Niêv tix Nzơưv Xênhv Zax, pêx xênhv jok Sáng Pao, xar Xà Hồ puz pâuz:

Băng Tiếng Mông

Pos Lưu Thị Quế, Chủ tịch Hôiv Liên hiệp gâux muôv vir ndâuk huyện Trạm Tấu hêik: Niêv tix Bla zos iz lênhx hôiv viên pox niêv uô tâu hâux lưv jông nhoz tiv phaz, yênhx shông tâu cxuô cấp Hôiv pox niêv sâu jênhv, ntâuk gri siêz:

“Niêv tix Bla zos iz hâur chor pox niêv uô tâu hâux lưv jông hâur phongz yaox paz pox niêv pluôs huôv tsar uô nox, cxuôv yêiz thiv pluôs”.

Nhiv no, pêx xênhv nhoz jok Sáng Pao thiêz tas nro hâur xar Xà Hồ tsik so hêik txos niêv tix Bla li tsưr ziv, sir jos khưr uô nox chiê kruôz kriê, hêik têx tuz nhuôs cơưv shâuv huôv tsar kinh têr ziv chuôz zis, sir jos uô bluô nux./.

(Đinh Tuấn-Lik Thox cxêik nhênhv)