Sik tưr “Suôz gâux sơn ca” jiês tiv 5-2020 paz cxơưz gra têx nhuôs zâu suôz sênhr heik gâux

Chor tuz nxeik nhuôs zâu tưz gra têx suôz gâux jông nhoz cxuô thax tsav qơư hâur têz qơưk tuôx sênhr heik hâur hmo tưr hêik gâux sơn ca shông no, heik lol chor nhuôs zâu li siêz xar nhiêv têz nhiêv qơư, ndo txos Lâuk Hôx, chor cưk kriê ntơưr côngz txiêx njis..... Hâur co muôx iz lênhx nhuôs 6 shông, hnuz nhôngs zâu đuô hur si tưz nthuôr uô lov jêv tâu lok six jông. Ntâu lênhx nhuôv nthuôr uô têx txux chi jông lok sâuv heik gâux, sênhr chêr. Tus nxêik Nguyễn Tuệ Minh, nhoz Tsênhv qơư vênhx huôv nhuôs zâu tỉnh Thái Bình tưz tâu muôz pax cuz puz lok sâuv muôx suôz heik gâux tâu jông: “Co zos jiês xuz thơưx cur đros tưr hêik gâux. Cur siêz nhiêv nthuôr uô cêr lov jêv heik têx gâux thâuv nzor thiêz cur xar tiêk, xeir jax gâux no chiê heik tưr thik. Têx thâuv luz six hơưv shênhx, cơưv ntơưr so hâur tsêr cơưv, cur shâuv heik. Thiêz têx thâuv so, cur khênhr krêz mnôngs Xuân Hinh têx gâux chiê cơưv heik trơưl li txir nzơưv. Tưr thik tâu jông mak no zos hur si pêz têx lênhx hâur đoanx li côngz đas jos uô tâu”.

Hôiv đôngx chấm tưr thik zos têx lênhx txơưx hu gâux, heik gâux muôx suôz bê to tưz sir jos uô hâux lưv, xeir tâu 12 jax tưr thik tâu pax cuz, 18 jax thik tâu nhiêx thiêz 14 jax tưr thik tâu tôngx. Tsênhv qơư têx tuz nxeik nhuôs zâu tỉnh Sơn La xênhz huôx, nthuôr uô txux chi cêr lov jêv mak tưr thik tâu hov iz tas nro đoanx. Tưr thik heik gâux jông tâu muôz trâu tsênhv qơư nthuôr uô lov jêv Si đô TP HCM. Đros trâu liên hoan gâux Sơn ca 2020, Hôiv têx lênhx nênhs hu gâux, heik gâux VN lok six moz siêz txos, muôz 3 giải thik tâu jông trâu chor tuz nxeik nhuôs zâu tưr thik tâu jông yax hâur jiês no. Phưv giáo sư, tiến sỹ Nguyễn Thế Kỷ, Ủy viên T.Ư Đảng, Tổng Giám đốc Đeix nta suôz VN, Tsar ban chox kriê Liên Hoan heik pâuz: “Pêz tưz uô tâu yênhx côngz luôs hâux lưv heik sâuv. Phôngv côngz jông trâu têx tập thể, lênhx nênhs tưr thik tâu jông ntơưv jiês Liên Hoan no. Co zos qơư uô si lov jêv thiêz jông, zos qơư qênhz pov, pâuz tâu tsênhz têx lênhx muôx txux chi, suôz jông hâur heik gâux thiêz heik lol chor tuz nxeik nhuôs zâu hâur hur si têz qơưk phongz yaox hu gâux, heik cưr cxiêx. Cur vav chiê siêz tiêk, têx taz viv thiêz chor nhuôs zuôr tror gra zuk têx suôz jông, txux chi ntơư sênhr heik hâur luz nênhx trâu sđ mnôngs, sđ pâuz txos; tror sir jos cơưv shâuv, xar tơưv têx tsưr ziv jông chiê tưr thik trâu têx jiês hâur chor shông txuôk lơưr co, uô muôx nzir têx cêr lov jêv thiêz jông đuô hâur luz nênhx”.

Đeix nta suôz VN khênhr phuôx tôngv thiêz nthuôr uô đar phôngz yaox hu gâux heik cưr cxiêx trâu chor tuz nxeik nhuôs zâu nhoz cxuô thax tsav qơư hâur têz qơưk. Tok txos iz cheix nthuôr uô têx txux chi cêr lov jêv li heik sâuv, Ban tsưr tsix Liên hoan gâux sơn ca vav chiê siêz tiêk, cxuô thax tsav qơư zuôr moz siêz txos đuô thiêz luôs hâux lưv no, muôz jông six hơưv tsoz phưz, choz kriê, paz max chor tuz nxeik hluôk, nhuôs zâu têx hâux lưv nthuôr uô txux chi lov jêv, tror cxơưz paz chor tuz nxeik ntơư muôx suôz bê đror uô trâu chôngz lênhx ntâu tus pâuz txos./.

(VOV1-Riê Lâux cxeik, nhênhv)

Hêir nênhs Nùng nhoz Lạng Sơn têx suôz gâux

Hà Mai Ve, hêir nênhs Nùng, nhoz Xã Thuỵ Hùng, huyện Cao Lộc, tỉnh Lạng Sơn. Pos zos iz lênhx pâuz hêik gâux nhoz tỉnh Lạng Sơn tâu chủ tịch têz qơưs muôz ntơưr kruôk, zos iz tus muôx luz suôz sênhr hêik tâu gâux jông. Trơưk li hêir nênhs Nùng, Sli zos pax huôv, hêik lok cxuô njiêz luk cêr gâux cêr đrâus thiêz huôv tsar cêr uô nênhx. Pos Hà Mai Ven hêik: “Thâuv tsênhv zâu muôx nhos 8-9 shông, cur tưz mnôngs thiêz cơưv shâuv chor niêv lâuk hâur jos suôz sênhr gâux Sli. Muôx têx jiês cur mnôngs hêik gâux hâur yênhx tas hmo. Đhâu ntâu jiês mnôngs hêik gâux, cur thiêx cơưv shâuv hêik trơưk. Đhâu ntâu jiês mnôngs thiêz cơưv shâuv, cxuô suôz gâux Sli thâuv tưs cur nhoz trơưr cur siêz tsik plox”.

Txix têx suôz gâux tâu kriz nthuôr uô cêr lov jêv hâur jos, hâur xã thâuv tưs pos ven cux muk mnôngs njôngr chor niêv lâuk têx suôz sênhr hêik gâux, hêik cưr cxiêx. Kror tưs tsik pâuz ho nus chor niêv lâuk kriê nzir. “Xuz thơưx mak têx fôngx zưs đros cur iz fâuv cux hêik cur tiêk: Uô li chas cur ho nhiêv têx suôz gâux suôz sênhr cưr cxiêx Sli ntơư, tsik muôx lênhx tưs đros cur nhiêv hlo. Taz sik, shor zos zuk hmôngr lokuô chas, txix thâuv tsênhv zâu cur zênhx nhiêv zav suôz gâux, suôz sênhr cưr cxiêx Sli no”

Hâur jiês tưr hêik gâux, hêik cưr cxiêx cxuô hêir nếnh tỉnh Lạng Sơn shông 1999, Hà Mai ven tưz tưr tâu hov iz, tâu muôz côngz mênhx cuz puz. Txix jiês tưr tâu côngz mênhx cuz no, Pos hà Mai Ven tưz jux juk nto côngz bê lok suôz sênhr hêik gâux, hêik cưr cxiêx, muôx chôngz lênhx ntâu tus pâuz txos. Thiêz xav txix ntơư, hauar niêx shông, thâuv txos trâu têx hnuz kriz ntênhk hội, pos Ven tưz tâu muk đros tưr hêik gâux, hêik cưr cxiêx Sli trâu cxuô thax tsav qơư thiêz tâu muk tưr hêik gâux trâu tỉnh Quảng Tây-Trung Quốc. Txix shông 1999 txos trâu nhiv no, pos Ven tưz muk  tưr hêik gâux, hêik cưr cxiêx thiêz muôx ntâu jiês tâu têz qơưs muôz côngz puz.

Txix têx luôs hâux lưv uô tâu ntơư, xav txos trâu nhiv no, pos Hà thị Ven tưz xar tâu 200 ntâu jax gâux, cưr cxiêx Sli. Zơưv Vi Hồng Nhân, chủ tịch khơưk tsês chiê cxuô hêir nênhs têx txux chi, vênhx huôv jông tỉnh Lạng Sơn hêik pâuz: “Hà Mai Ven, zos iz lênhx pâuz hêik tâu ntâu jax gâux, cưr cxiêx Sli thiêz zos hêir nênhs Nung têx txux chi, vênhx huôv jông tsênhv muôx đros đrêiv hêir nênhs co li luz nênhx hâur niêx hnuz thiêz Hà Mai Ven cux tsênhv niêx hnuz kriê trâu tsôngv tuz nxêik hluôk nhiv no tsik chiê zuk hêir nênhs têx txux chi trâus pôngz plox”

Hâur 40 ntâu shông đhâu, hêik gâux, hêik cưr cxiêx, nthuôr uô cêr lov jêv, cxuô jax gâux thiêz cxuô jax cưr cxiêx thâuv tưs cuxx nhoz trơưr pos Hà Mai Ven siêz tsik plox.

Băng hát….

Chênhr zos li heik ntơư, xav txos trâu nhiv no, pos Hà Mai Ven tưz kriz tâu iz kro qơư cơưv kriê cơưv shâuv hêik gâux, hêik cưr cxiêx Sli, muôx chôngz lênhx ntâu tus tuôx đros cơưv.Cà Phùng thị Sen nhoz qơư cơưv hêik cưr cxiêx no hêik pâuz:“Niêv lâuk Ven zos iz tus muôx tsưr ziv  xar tơưv ntâu jax cưr cxiêx. Txix thâuv hâur xã muôx kror qơư kriê cơưv hêik cưr cxiêx Sil-Cưr cxiêx Then, pêz chor uô cưr shir phaz lul tuôx cơưv. Niêv lâuk Mai Ven cux kriê trâu pêz chor uô cưr iz thênhv jux juk, cov sênhr suôz hêik tâu jông cưr cxiêx Sli huv đros” 

          Bái hát….

Viv muôx siêz nhiêv txos zuk hêir nênhs têx cxuô suôz sênhr cưr cxiêx Sli-suôz sênhr cưr cxiêx Then đros trâu tsưr ziv siêz xar njôngr tsik chiê zuk hêir nênhs têx txux chi, vênhx huôv jông trâus pôngz plox./.

                                  (Tsu cxêik nhênhv-VOV Đông Bắc)