Jax sâu hnuz 25/8/2015:

Chiê tu zus mur nhoz Sơn La huôv tsar truôx

Tix lâus Trương Văn Khang li chuôz zis, nhoz jok Nax Hav 2, xã Chiềng Mung, huyênv Mai Sơn, tinhv Sơn La huôv tsar zus mur tưz tâu 15 shông. Piz txix Kim Động-Hưng Yên ndê tuôx Sơn La chiê uô nox, pov Sơn La muôx ntâu jôngr ntông, qiv hơưv lax, zôngx ziv huôv tsar tu zus mur uô jiz, tix lâus tưz cơưv shâuv thiêz zus 15 xuz mur. Viv zus sâu tâu lok nhiêx txiêx, viv li iz shông tix lâus huôv tsar tu zus nzir oz pêz châuv xuz mur. Nhiv no, tix lâus chuôz zis muôx 300 ntâu xuz mur. Txix zus mur, iz shông tix lâus sâu tâu muôx 300 triệu đêiv ntâu nhiêx liv. Lơưr tix lâus Khang: chiê muôx tâu jiz mur hur jông, tâu sơưr đơưk nhiêv mak kror xuz thơưx zos qơư zus tsuv hur vêv xênhz, tsik vuôz tsuôz kiêk nênhs:

Băng: “Uô ntêx thâuv zuôr muôz jiz, tsik cxoz muôz trâu mur nox nzir tưs hlo. Tiv 2, thâuv muôz jiz, cxuô zav chuôz zênhx zôngv muôz jiz tsuv tâu nzuôr cov hur si, tsik chiê têx co tso trâu hâur ar. Iz kror thiêz zos thâuv tso jiz, tsuv uô ntơưv têx qơưk hur”.

Iz huôv tinhv Sơn La nhiv no muôx 1.000 ntâu chuôz zis tu zus mur, đros muôx 35.000 paz mur. Chor jiz mur iz shông sâu tâu muôx 1.800-2.000 tânr, tus grê muôs txix 50-60 cxênhz đêiv iz cir. Chor chuôz zis tu zus ntâu txix 500-700 xuz mur, muôx iz cxiê ziv chuôz zis zus txix 1.800-2000 xuz mak sâu tâu txix 1 tỷ txos 4 tỷ đêiv hâur iz ziv chuôz zis. Chor chuôz zis tu zus mur tưz paz muôx hâux lưv uô trâu 3000 ntâu lênhx lox tôngv nhoz ntơưv qơư.

Taz sik, tu zus mur cux tsênhv njiz ntâu phiv liv, tiv qơư muôs tsik tâu truôx, tsik tâu uô côngv đros doanh nghiệp. Chuôs li chor ziv chuôz zis tu zus mur, tưx zuk muk nriêr qơư muôs, viv li gri muôs tsik tâu truôx tuk. Tix lâus Trần Văn Thạo, nhoz jok Nax Hav 2, xã Chiềng Mung, huyênv Mai Sơn tưz zus mur tâu muôx 25 shông, chuôz zis muôx 300 xuz mur puz pâuz:

Băng: “Chor nênhs tu zus mur njiz phiv liv tiv zix zos qơư muôs. Nhiv no, chor nênhs tu zus mur tưx zuk muk zok nriêr qơư muôs thiêz muôs tsơưs xưz.Pêz cux tok njôngr têz qơưs tsuv muôx tsênhv chêi zok nriêr qơư đros doanh nghiệp paz zuôr sđ têx jiz mur”.

Nhiv no, hâur têz qơưk, jiz mur Sơn La tsav muôx 30-40%, phênhv ntâu zos ntơưv chor tỉnh, thành phố lox faz Bắc xưk li Hà Nội, Hải Phòng, Quảng Ninh. Kror tsuv hêik zos, jiz mur Sơn La tax tâu Cục sơv hưur trir tuêv li ntơưr côngz jênhv zos jiz mur tsơưr lươngv siêz. Nhiv no, iz cxiê zav jiz mur Sơn La tưz tâu muôs trâu luôs oz chas têz qơưs, muôs trâu chor têz qơưk li Mỹ, EU thiêz iz cxiê luz têz qơưk hâur thax tsav Châu Á li: Nhật Bản, Hàn Quốc. Taz sik phênhv muôs tơưv saz đrâuv têz qơưk cux tsênhv tsơưs thiêz tsik tâu truôx tuk. Zơưv Hồ Văn Sâm, phưv chủ tịch Hội ganhx nghêx kôngz nuv thiêz jêx jok tỉnh Sơn La, sêiz shuôk hiêpk hôiv tu zus mur Sơn La puz pâuz:

Băng: “Zos iz tsưr tsix Hội, Hội kôngz nuv tỉnh, sêiz shuôk lok zus mur tas nro tỉnh. Pêz pov tiêk tỉnh tsuv sêiz tas nro, tsik zos hội ngênhx  kôngz nuv tỉnh thiêx zuôr uô tâu. Tiv oz zos Sở lox tôngv xaz pênhz thiêz xã hội li paz kriê huôv tsar uô, sở công thương nriêr qơư muôs chiê paz trâu chor hội viên cux xưk li pêx xênhv cxuô mênhx cxưx hâur tỉnh huôv tsar tu zus mur, txix co paz muôx nzir hâux lưv uô thiêz cxuôv yêiz thiv pluôs trâu tsôngv px sđ”.

Hâur ntu 2016-2020, Hội ngênhx tu zus mur tỉnh Sơn La tưz muôx tsưr ziv zus mur txix 35.000 xuz nhiv no ndê muôx 85.000 xuz, uô trâu chor jiz mur hâur tỉnh tsar ndê muôx 4.500-5.000 tânr iz shông. Sir jos cov muôx nzir hâux lưv uô trâu 1.600-2.000 lênhx nênhs. Chiê uô cov tâu tsưr ziv no, ngênhx tu zus mur Sơn La tsuv tâu tror tsưr tsix cov jông đuô, txix uô txos muôl muôs, sik côngv đros chor nênhs tu zus, nênhs khoa học thiêz coangr lik têz qơưk. Uô tâu li co thiêx tu zus tâu mur thiêz huôv tsar tâu truôx./.

                                            (Cà Thành-Ly cxêik-nhênhv)

Phênhv “nôngx mênhx zuôr tsuv pâuz” thưr 3 hnuz 25.8.2015:

          Tsôngv cưr tix fôngx zưs hmor yuô! Kuôk nor 20 shông, zơưv Trần Đình Thi, nhoz jos Cốc Tủm 1, xã Phong Niên, huyện Bảo Thắng ( Lào Cai) tưz chox têx nôngz ntông nox txir tsiv grê li: txir Na, txir lưv tsiz, txir lưk… nhoz tỉnh Hưng Yên, Nam Định lol chos siv tâu  yênhx côngz.

MUÔX TÂU CHÊX CUK TRÂUR NUV PHUÔV TSAR NTÔNG NOX TXIR

          Têx zav ntông nox txir li Na, lưv tsiz, txir lưk…huv đros qiv hơưv tox siêz, tsi taz phưx vưv trâu zoz qơưx xênhz huôx mak tsênhv chox lol phênhv sâu ngaz tul trâu ntâu ziv chuôz zis. Taz sik, tiv muôx iz ntu chôngz lênhx nênhs chos chor ntông nox txir no, ho muôx tsi txâuk yênhx tưv tsoz phưz, tsi txơưx sir zôngv KHKT chos, viv li ntông trâus caz hmoz nto, yar lengx tsi siêz, uô tsôngv box tsi xar chos chor ntông nox txir no lơưv thiêz.

          Zơưv Hoàng A Lỷ, nhoz jos Cốc Sâm 3 ( xã Phong Niên) zos iz hâur têx ziv chuôz zis uô ntêx nyuôk hlôngr yiêz vax chos ntông nox txir ntơưv xã. Txix shông 2010, zơưv qir chos 680 tsoz txir na hâur vax. Đhâu 3 shôngk, txir na txos six hơưv sâu. Shông nhiv kruôr đhâu no, zơưv chuôz zis sâu tâu 100 tsov đeiv cxôngx muôs txir na. Chênhr viv li, zơưv tưz truôx siêz chos cxaz 1.300 tsoz txir na đros siêz xar njôngr txir na zuôr paz chuôz zis muôx phênhv sâu tâu ntâu nhiêx txiêx.

          Zơưv Đỗ Hồng Quân, phưv tsar phongx kinh tế huyện puz pâuz cxaz: tsưr ziv chos chês jiês xuz thơưx tâu krêz uô ntơưv huyện, txơưv tiêk yuôr ntâu phêv ziv, taz sik đros thiêz huyện li chox kriê, tsôngv box thôngx ziv uô, têx tsoz ntông chiêx cux siêz, qir yênhx lix thax tsav chos txir ntông truôx vênhs.

Tsôngv …yuô! Phênhv “ Nôngx mênhx zuôr tsuv pâuz” tsuôk muôx xâuk li no xưz. Phênhv “Nôngx mênhx zuôr tsuv pâuz” ciêz no, zos Đeix nta suôz VN côngv đros Tsênhv qơư cxiz kôngz têz qơưk uô./

                                                                                                  ( Txâur Vax cxeik nhênhv)