Đại tướng Võ Nguyên Giáp hâur pêx xênhv Mường Phăng

Shông 2004, ndaz ndơưv chiv nhênhv 50 shông hnuz ntâuk zênhx tros châuz Điện Biên Phủ, Đại tướng Võ Nguyễn Giáp tưz tror tuôx sêiz shuôk đuô pêx xênhv thax tsav qơư cách mạng Mường Phăng. Hnor mông Đại tướng tuôx sêiz shuôk txos sơưr đơưk, yênhx cxênhz lênhx pêx xênhv nhoz thax tsav Mường Phăng thiêz chor xar iz ndis hâur thax tsav tưz tuôx nhoz tok txix thâuv lok six nzor ntơưv đrak liêx Phiêng Ta Lét chiê tok mênhx cxưx li lênhx zênhz shôngx.

Zơưv Lường Văn Nánh, nhoz jok Phăng 1, xar Mường Phăng tror ndo txos: đros cán bộ thiêz pêx xênhv cxuô mênhx cxưx xar Mường Phăng, jiês co zênhx nhoz đêiv hâur cxuô cxênhx tsôngv box nhoz ntơưv no siêz tsik plox. Đại tướng têx luk kriê pox nhuôs tiêk, Mường Phăng tsuv tror sir jos phuôx huiz cêr sik côngv siêz cxôngx nzor, sir jos moz siêz khưr uô nox, tuôr tsês chiê jông qơư di tích trâu cxênhx nênhs ntu tov ntêx no cux tâu hêik kriê tsik so hâur chor jiês cơưv jêx jok, hâur têx luk kruôz kriê trâu cxênhx hluôk nênhs ntu tov ntêx no:

“Thâuv co mak pêx xênhv Mường Phăng sơưr đơưk puôr lênhx kuôx hur si, hloz Giáp cux shir phaz cxov têk pêx xênhv Mường Phăng hur si. Đros siêz xar lok hloz Giáp mak hloz xưk li zos iz lênhx nênhs nhoz ntơưv Mường Phăng no lơưv, hloz hêik pêx xênhv sơưr đơưk tsuv sir jos por vêv qơư di tích no chiê trâu ntu tov ntêx no, tsik tâu ruôr hiêv txos jôngr, chiê jôngr njuôz jông mak vax tsêr thiêx hur jông, hloz kruôz kriê trâu têx tuz nhuôs sơưr đơưk li co”.

Ntơưv tix lâus Lò Văn Ánh nhoz jok Phăng 2, xar Mường Phăng luz tsêr, đêiv đuôz thâuv pos Lò Thị Đôi cxêik đros Đại tướng Võ Nguyên Giáp hâur jiês tuôx sêiz shuôk đuô Điện Biên uô kaz ciês shông 2004 tsik so tâu đêi ntơưv kror qơư zov chênhr tiv zix hâur tsêr. Tix lâus Lò Văn Ánh, zos pos Đôi tuk nhuôs xênhz nzưr puz pâuz: Hnuz Đại tướng tas siv nênhx, pos Đôi tsuôk tuôr đêiv đuôz no sêiz kuôx xưz. Uô ntêx thâuv zuôr tas siv nênhx, pos Đôi hêik têx tuz nhuôs hâur chuôz zis tsuv sir jos cxiv tsa Mường Phăng cov huôv tsar, tsưx phưv truôx jông qơư di tích trơưk Đại tướng têx luk hêik tsês thiêz siêz xar njôngr.

“Zos têx tuz nhuôs, txos hnuz xênhz zus hloz mak pêz cux hlơưr shaz chiê hơưv ndo txos hloz li têx côngz lox. Cur cux zos iz lênhx nênhs sêiz car qơư di tích Mường Phăng cur cux sir jos tuôr chiê qơư di tích chiê têx tuz nhuôs tâu tuôx ndis shuôk thiêz ndo txos hloz li têx côngz lox”.

Đhâu thâuv Đại tướng Võ Nguyên Giáp tas siv nênhx, 3 luz tsêr cơưv nhuôs zâu, cxênhx iz thiêz cxênhx oz sâuv thax tsav xar Mường Phăng puôr lênhx tâu hlôngr đuô bê yênhx tsêr cơưv Võ Nguyên Giáp, hêik tơưv pêx xênhv nhoz ntơưv no li siêz xar thiêz ndo txos Đại tướng. Pos Nguyễn Thị Thanh, nênhs sêiz car Tsêr cơưv cxênhx iz Võ Nguyên Giáp, xar Mường Phăng, thành phố Điện Biên phủ puz pâuz:

“Txix thâuv tâu hlôngr đuô bê yênhx tsêr cơưv Đại tướng Võ Nguyên Giáp, no zos iz kror hâux lưv lok six lox, chor cưk kriê ntơưr hâur tsêr cơưv cux tsik so sir jos kruôz kriê trâu chor shux xênhz. Hâur kriê ntơưr mak pêz kriê nzir lok chax chês cách mạng nhoz Mường Phăng cux xưk li tir ntâuk zênhx tros châuz Điện Biên Phủ; txix co paz trâu chor shux xênhz pâuz tsênhz đuô thiêz muôx siêz nhiêv txos zuk qơư nhoz thiêz ndo txos zơưv Giáp, mênhx cxưx li iz lênhx thơưx zênhz shôngx”.

Zơưv Lò Văn Hợp, Chủ tịch UBND xar Mường Phăng, thành phố Điện Biên Phủ puz pâuz: Uô truôx jông lơưr Đại tướng Võ Nguyễn Giáp luk hêik kriê tsês, yênhx lênhx nênhs nhoz Mường Phăng nhiv no tsik so sir jos hâur huôv tsar kinh têr chiê hla đhâu cêr pluôs, por vêv, phuôx huiz tsiv gri lịch sử trâu Sở Chỉ huy Côngz xưv tir ntâuk zênhx tros châuz Điện Biên Phủ lok du lịch lịch sử.

Shông 2018 xar tâu côngz jênhv uô tiêr cxiv tsa jêx jok yiêz đros jêx jok muôx ntâu kror hlôngr yiêz jông, pêx xênhv luz nênhx cux jông đuô, ntâu zav tsưr ziv uô nox, kinh doanh uô tâu jông paz muôx nzir phênhv sâu trâu pêx xênhv, paz txo grêk tsơưs chor chuôz zis pluôs hâur xar lơưr yênhx shông. Kror co cux zos muôx pêx xênhv hâur xar li têx sir jos sik côngv siêz, sir jos cxiv tsa qơư cách mạng Mường Phăng cov ziv hnuz ziv huôv tsar:

“Đảng bôv, chinhr quyền thiêz pêx xênhv xar Mường Phăng tsik so ndo njôngr txos Đại tướng Võ Nguyên Giáp têx luk hêik kriê tsês, tuôr chiê jôngr, huôv tsar kinh têr cov muôx tâu luz nênhx tsâu sor, têx tuz nhuôs tâu muk cơưv ntơưr cxix cxuô. Sik côngv siêz cxuô mênhx cxưx sâuv thax tsav qơư chiê sik đros phuôx huiz tâu thax tsav qơư muôx ntâu chax chês, sik đros txo grêk cêr yêiz pluôs cov uô tâu zos đrêiv li Đại tướng Võ Nguyên Giáp têx luk hêik kriê tsês thiêz siêz vav njôngr”./.

(Vũ Lợi-Lik Thox cxêik nhênhv)

PHÊNHV ĐÊX HUR

Nus: Đa đêx, uô luôv đêx hâur têx đêx lox pok uô ruôr hiêv li chas txos đal jos?

Têz: Têx đêx hâur đêx lox nhiv no tsênhv trâul vuôz tsuôz, kiêk nênhs tiv lênhx tiz nênhs muôz têx kiêk nênhs, vuôz tsuôz por tsês lok sik tso ntưk trơưk đêx. Chênhr viv li, đa đêx lox muôx têx uô trâu lênhx nênhs đa đêx trâul cik tâu têx caz moz li: Moz kror muôs, poz njês, kror njưs, chax đaz, moz hlưz hâu, trâul cik tâu moz li: Moz ơưk, trơưk plaz….đhâu kror ndâux, kror njưs.

Nus: Têx đêx hur hâur têx cxa ar, nhoz toz hâur ar lênhx nênhs muôz nror tưs lok?

Têz: Têx đêx co tâu gruk, muôz hâur têx cxa ar toz lok sik têx hâur đêx cxơưr, tsuôs siêz hâur kror ar tuôx. Đhâu thâuv liv tas muôz ntiv trâu hâur hưx chiê lênhx nênhs sir zôngv.

Nus: Têx đêx li heik sâuv pok zos đêx hâur kror ar?

Têz: Chor đêx no zos đêx nhoz toz hâur têx cxa ar, taz sik thâuv liv tas, chor nênhs gruk đêx, khơưz kror đêx ntơư zuôr xeir, liv zuôr iz cxiê zav têx jông, muôx liv trâu đas jos hâur têx đêx co chiê hâuk uô yuôx thiêz chơưv kho moz gênhk, tsi thôngx li liv têx đêx cxơưr hâur ar zôngv chiê xênhz huôx hâur niêx hnuz.

Nus: Têx pâuz mênhx lok đêx trâul kiêk nênhs, vuôz tsuôz, tsi hur?

Têz: Đêx trâul kiêk nênhs, vuôz tsuôz tsi hur zos chor đêx muôx iz tsok mê njik kâuz, tsư nxiêz, pluôk, uô têx tsôngk tril yo đhâu nxuô tas ntơư thiv, uô têx car đêx, thôngz trâu đêx khuz, đax lik.

Nus: Liv têx đêx li chas?

Têz: Liv têx đêx vuôz tsuôz, kiêk nênhs por tsês lok sik tuô têx caz vêiv uz no zôngx ziv uô huôv têx moz gênhk. Tuô têx caz vêiv, liv têx kiêk nênhs vuôz tsuôz, txix ntơư tsi muôx têx caz uz no huôv xênhz uô cik moz. Taz sik thâuv sđ tuô, liv têx đêx co, hur si cxuô zav caz uz no zuôr trâul tuôs tas hur si.

Tsưr ziv uô, liv têx đêx li heik sâuv, zôngx ziv đuô hur si zos cxuô chuôz zis muôz chor đêx râuz cov bâu.

 Nus: Tsưr ziv liv đêx li chas thiêx jông?

Têz: Liv têx caz vêiv, nxuôz uz no zuôr uô trâu cxuô zav caz hmoz, caz vêiv trâul tuôs jux juk, chiêx tsi tâuk hâur têx đêx.

Nhạc cắt

Tsôngv box….! Sđ tsuv nox hâuk, xênhz huôx li chas cov huv đros  tsik chiê têx vuôz tsuôz kiêk nênhs, caz vêiv uz no uô ruôr hiêv txos sđ li đas jos./.

(TuyếtLan-Riê Lâux cxeik, nhênhv)