Jax sâu hnuz 25/9/2015:

Sơn La muôx ntâu zav nduôr trung thu muôs

 

 

Shông no hâur thax tsav ciêz đrôngl tỉnh tox siêz Sơn la muôx ntâu zav nduôr trung thu muôs. Hâur iz zav nduôr trung thu nox kaz txơưr tsik siz thôngx, zôngx chiê tsôngv kruô tuôx xêir zuôr. Zav nduôr muôx chôngz kruô tuôx zuôr zos nduôr blâuv shơư suôz thax. Pos Đỗ Khánh Huyền, nhoz phươngx Chiềng Cơi, đrôngl Sơn la hêik pâuz:

Băng: “Cur pov nduôr trung thu shông no muôx ntâu zav  jông txơưr tsik siz thôngx”.

Đhâu sêiz shuôk, nduôr trung thu Kinh Đô thiêz zav nduôr Hoàng Kim, Hồng Ngọc… tus grê muôs 550 cxênhz txos 3 triệu đêiv iz zav huv; đuô li cxuô zav nduôr blâuv shơư suôz thax muôs tus grê txix 20 cxênhz txos 460 cxênhz đêiv iz zav huv. Zơưv Bùi Văn Chiến sêiz car qơư muôs hax huv nhoz đrôngl Sơn la hêik pâuz tiêk: Hâur têx hnuz đhâu, chor kruô tuôx zuôr nduôr trung thu cux tsar ndê.

Băng: “Hâur hnuz nhôngl zuôr txos tsiêz trung thu, iz cxiê công ty uô nduôr shơư suôz thax nto bê li Kinh Đô; Hữu Nghị…puôr lênhx muôx muôs trâu ciêz”.

Hur si cxuô zav nduôr trung thu shơư suôz thax hêik sâu puôr lênhx uô tâu jông gâux, nox kaz, muôx chôngz lênhx kruô tuôx zuôr chox muk trâu mê nhuôv nox uô tsiêz trung thu. Ngô Thuỳ Dương, shuv xênhz tsêr cơưv cxênhx 1, phươngx Quyết Thắng, đrôngl Sơn La hêik pâuz:

Băng: “Cur jông siêz thiêz shir phaz hênhr, viv shông no muôx ntâu zav nduôr trung thu jông gâux thiêz zuôr tâu chox lok nox cux tsư sha, kaz cơưs”.

Iz chas cxuô zav nduôr trung thu nto bê, cux muôx yưv ntâu zav nduôr trung thu chuôr, uô vuôz tsuôz kiêk nênhs, tsik huv vệ xênhz. Chênhr zos li hêik ntơư, chiê cov tsôngv kruô sđ zuôr tâu cxuô zav nduôr tsênhv chox muk trâu me nhuôv nox uô tsiêz trung thu, cxuô ngênhx muôx vax huôv sêiz car ciêz đrôngl tỉnh Sơn la, tsuv uô jông luôs hâux lưv qênhz yuôx ciêz đrôngl, tsik chiê muôs cxuô zav nduôr trung thu nduôr./.

                                                                                           (Trấn Long)

 

 

 

 

 

Phênhv “Tsênhv chêi thiêz siv nênhx” hnuz 25/9/2015:

Hêik lok shux xênhz ntơưr kho njuôk moz

 

 

Shông cơưv 2015-2016 zos shông xuz thơưx, Bảo hiểm y tế shux xênhz uô lơưr chêi cxiv kho đuô, cxaz nzir iz cxiê grê luật bảo hiểm y tế đros iz cxiê kror yiêz, paz muôx ntâu kror liv trâu shux xênhz thâuv zuôr ntơưr bảo hiểm y tế.

Kror yiêz tiv iz zos, hlôngr phênhv nhiêx thêv ndê txis 3% nhiêx hli txos 4,5% nhiêx hli. Li co, txix shông cơưv no, iz shông iz lênhx shux xênhz txix cxênhx iz txos cơưv đại học thêv 434.700 đêiv. Phênhv thêv no zuôr tâu txo grêk thâuv tâu tiv phaz paz tsik nhoz hâur phênhv nhiêx têz qơưk paz 30% lơưr chêi bảo hiểm y tế cuiz tênhv.

Kror yiêz tiv oz zos, six hơưv sir zôngv ntơưr bảo hiểm y tế shux xênhz zos lơưr shông, txix hnuz 01/01 txos hnuz 31/12 hâur shông.

Chor shông cơưv thâuv ntêx, ntơưr bảo hiểm y tế shux xênhz muôx tsiv gri sir zôngv txix shông cơưv (Hâur hli 9 lok sik hli 10) thiêz tas six hơưv sir zôngv đhâu 12 luz hli. Chêi bảo hiểm y tế cux cuiz tênhv tsênhz mênhx kror no: Đros shux xênhz cơưv lớp 1 thiêz shux xênhz cơưv đại học, cao đẳng shông tiv iz six hơưv sir zôngv ntơưr bảo hiểm y tế txix hnuz tuôx cơưv lok sik hnuz đêiv ntơưr bảo hiểm y tế uô ntêx tas six hơưv sir zôngv txos tas hnuz 31/12 shông tov kaz; đros shux xênhz cơưv lớp 12 thiêz shux xênhz cơưv đại học, cao đẳng shông uô kaz ciês, six hơưv sir zôngv ntơưr bảo hiểm y tế txix hnuz 1/1 txos hnuz uô kaz ciês hâur hli suôv câuv shông cơưv co.

Tiv hlôngr yiêz đuô phênhv thêv thiêz six hơưv sir zôngv ntơưr bảo hiểm y tế, viv li chôngz lênhx niêv txir tsênhv hêik tiêk nhiêx zuôr ntơưr bảo hiểm y tế shông cơưv no siêz đuô. Taz sik no zos phênhv thêv trâu 15 luz hli, tsik zos thêv 12 hli li cxiê shông.

Zos xav iz hnuz thêv nhiêx bảo hiểm y tế tsik tâu muôx 1.500 đêiv, taz sik nênhs zuôr ntơưr bảo hiểm y tế, zuôr tâu sơưv liv chor dịch vụ y tế yiêz lơưr chêi bảo hiểm y tế kho đuô, cxaz nzir iz cxiê grê hâur chêi bảo hiểm y tế xưk li: tâu tsoz phưz đas jos xuz thơưx ntơưv y tế tsêr cơưv ntơưr; tâu sơưv 100% nhiêx txiêx thêv thâuv njuôk kho moz ntơưv xã, phường, thị trấn lok sik njuôk kho moz tas kik đuô 15% phênhv nhiêx hli nhiv no trâu iz jiês njuôk kho moz txix huyện tror sâur.

Muôx moz gênhs zênhx tsik muôx nênhs pâuz tâu uô ntêx, tiv zix zos chor nhuôs zâu, đuô li đas jos tir tar moz tsênhv kik, viv li zuôr njiz trâus muôx moz gênhk thâuv tưs lok cux pâuz tsik tâu. Viv li chor uô niêv, uô txir tsuv tsov cưv txos zuôr ntơưr bảo hiểm y tế trâu zuk têx nhuôs chiê phax tar tâu phiv liv thâuv trâus muôx moz gênhk. Viv ntơưr bảo hiểm y tế cux zos iz kror jông, zos tiêk mê nhuôs trâus muôx moz, chuôz zis zuôr zôngx ziv chơưv kho moz trâu zuk tuk mê nhuôs thiêz tsik cxơưx luôx tưs lok nhiêx txiêx. Chênhr zos li hêi ntơư, chor nhiêx zuk zuôr ntơưr zuôr bảo hiểm y tế co cux tưz paz trâu chor chuôz zis hmôngr tsik jông muôx mê nhuôs trâus muôx moz gênhk, zôngx chơưv kho thiêz nhiv no cux muôx chôngz lênhx nênhs zuôr ntơưr bảo hiểm y tế trâu zuk chuôz zis./.

                                                  (Thu Thùy-Ly cxêik-nhênhv)