Bộ zoz zux thiêz thox cxov cxiv kho đuô têx phênhv nhiêx sâu thêv tsêr cơưv hâur shông cơưv

Nuk:Thor cox puz pâuz, ntơưv têx tsêr cơưv lav sâu têx nhiêx thêv tsêr cơưv mak Ban giám hiệu puôr lênhx tiêk, no zos têx lênhx hlôngr njêx muôs shux xênhz li niêv txir sâu. Uô li, trơưk cui tinhv mak têx lênhx hlôngr njêx muôs shux xênhz niêv txir tâu  chei sâu têx phênhv nhiêx tưs thiêz shux xênhz niêv txir pok muôx vax huôv tsi zênhv sâu têx nhiêx co lok tsi muôx?

Têz: Têx qơư zoz zux muôz trâu têx lênhx hlôngr njêx muôs shux xênhz niêv txir êr sâu trơưk cuiv nhiêx hội mak hâux lưv no, Bộ tưz muôx Thông tu số 55, cui tinhv tsênhz mênhx têx lênhx hlôngr njêx muôs shux xênhz niêv txir txơưx jênhv, vax huôv thiêz têx phênhv tâu vax huôv sâu thiêz têx phênhv tsi muôx vax huôv sâu. Taz sik hâur six hơưv fuô kriê, zos têx lênhx sơưr thơưx qơư zoz zux fuô kriê ntov jông, mak luôs hâux lưv sâu têx nhiêx li heik sâuv thiêz muôx ntơưr heik trâu tsêr cơưv pâuz mak têx li no muôx têx zuôr tsi muôx yưv. Đhâu co cux tso pov, têx lênhx hlôngr njêx muôs shux xênhz niêv txir thiêz chor nhuôs shux xênhz sơưr đơưk niêv txir cux tsuv pâuz tsênhz lok Thông tư số 55 cui tinhv li chas.

Nuk: Txơưv li ntơư, taz ntâu lênhx shux xênhz niêv txir heik tiêk, co zos zuôv lơưr tsuv thêv têx nhiêx heik sâuv. Uô li cox  ho xar li chas lok têx luôs hâux lưv no?

Têz: Tsênhz tiês hu lơưk XH sik đros paz thiêz uô hlôngr yiêz mak ntơư zos tsưr ziv uô. Têx no zos lênhx muôx paz lênhx pluôs, lar heik zos tsôngv box thax tsav tox siêz đêz đrôngs, công nhân têx thax tsav công nghiệp. Zos tiêk li pêz fuô uô iz zav, pheiz siz bâus thiêz zuôv mak nttơư tsi huv đros.

 Zos tsi chiê thêv iz phênhv tưs hlo mak zuk têx mê nhuôv zuôr trâus xiêk, co zos shux xênhz niêv txir tsưr ziv, siêz xar xưz. Tsênhz tiês mak têx tsêr cơưv cux tsi muôx tsênhv chei thiêz phênhz, shênhx têx shux xênhz thiêz zuk têx nhuôv iz zav li shux xênhz niêv txir heik, viv đros thiêz têx côngz trênhx, qơư cơưv ntơưr zos sơưr đơưk li. Cur cux zos shux xênhz niêv txir, cur pâuz muôx têx hâux lưv uô tâu lok six jông. Ntơư zos hu lơưk sơưr đơưk siz chos chiv chir paz,  zos tiêk zuôv mak zuôr muôx ntâu luk heik.

Nuk: Uô li chiê txo grêk tsơưs qênhx shênhx lav tâuk lav sâu têx nhiêx thêv tsêr cơưv hâur shông cơưv yiêz, Bộ zoz zux thiêz thox cxov tưz muôx têx nuv qênhz yuôx, qênhz shuôs li chas  thiêz chei xưv bluô têx li heik co tưz uô tâu truôx thiêz ntov jông lok tsi tâu?

Têz: Tsênhz tiês luôs hâux lưv qênhz yuôx mak hâur cơưv yiêz, Bộ tưz muôx ntơưr heik kriê lok sâuv hâux lưv qênhz yuôx. Đros thiêz têx  Sở zoz zux thiêz thox cxov têx phòng qênhz yuôx cxiv tsa tsưr ziv qênhz yuôx chiê thôngz đhâu trâu têx hloz hâur Sở chiê tso tơưv tsưr ziv qênhz yuôx. Qênhz yuôx Bộ zuôr uô tsi tas, tsi cxuô luôs hâux lưv qênhz yuôx hâur hur si cxuô thax tsav hâur thôngz têz qơưk, hâux lưv no zos têx thax tsav qơư hâur hur tiz si têz qơưk thiêz Sở zoz zux-thox cxov tsuv muôx txơưx jênhv qênhz yuôx.

Lok sâuv hâux lưv tik cêr cxâuv, trơưk li phênhz cấp mak ntơưv qơu zuôr buôk ti xưv bluô têx qơư uô cxâuv, uô zuôv trơưk đreiv li cui tinhv cấp ntơư. Bộ zoz zux thiêz thox cxov tsi buôk ti xưv bluô têx lênhx nênhs chiê muôx yưv têx tsi jông li heik sâuv ntơưv têx qơư zoz zux. Lok luôs hâux lưv no, Bộ cux zuôr heik têx thax tsav qơư qênhz shuôs chor nênhs sơưr thơưx chor qơư zoz zux-thox cxov chiê muôx yưv têx tsi jông co cov cxiv kho zênhx max thiêz muôx chei xưv bluô, tik cêr cxâv cov txos qơư.

Nuk: Txix têx muôx tsênhz lav tâuk lav sâu têx nhiêx thêv tsêr cơưv nhoz iz cxiê tsêr cơưv nhiv no, đros trâu hâux lưv qênhz yuôx, qênhz shuôs, tik cêr cxâuv, uô li trơưk cox xav, kror tưs zos tsưr ziv jông chiê txo grêk tsơưs qênhx shênhx lav tâuk lav sâu têx nhiêx thêv tsêr cơưv hâur têx tsêr cơưv no zov?

Têz: Tiv iz, lênhx nênhs sơưr thơưx qơư zoz zux co tsuv fuô uô jông lơưr têx chei, cui tinhv. Têx lênhx hlôngr njêx muôs shux xênhz niêv txir thiêz shux xênhz sơưr đơưk têx lênhx uô niêv uô txir tsuv zos lênhx nênhs sơưr tơưv txênhz, heik têx tsi jông co thiêz lar heik đuô zos tsuv pâuz tsênhz lok thông tư số 55 têx cui tinhv đros thiêz shux xênhz niêv txir chiê pâuz tâu zuk vax huôv tsuv thêv têx tuk tsi thiêz thêv li chas, thêv trơưk faz tsưr ziv, cui tinhv tưs. Hok têx phênhv sâu saz đrâuv mak tsi tâu muôz trâu shux xênhz niêv txir trik chiê sâu têx nhiêx uz no tsi trơưk chei xưk li tưz muôx đhâu.

Txơưx jênhv chiê muôx yưv têx li lav tâuk lav sâu, muôx ntơưr sâu têx nhiêx co thiêz heik trâu sơưr đơưk pâuz zos tsuv sâu mak lênhx nênhs sơưr thơưx taz têx li heik no tsuv zos lênhx thơưx seiz car têx qơư zoz zux. Zos chiê muôx yưv têx tsi jông li lav tâu lav sâu thôngz đhâu cuiv nhiêx hội mak tsi heik tsênhz mênhx trâu sơưr đơưk pâuz lok sik muôx tsi cxix têx ntâuz ntơưr sâu chor nhiêx ntơư mak têx lênhx hlôngr njêx muôs shux xênhz niêv txir tsuv taz txơưx jênhv.

 Thor uô cox tsâus ntâu, tưz tsês six hơưv, hnuz nhôngs đros pêz thav!

                                       (TTT-Riê Lâux cxeik, nhênhv)

Lớp kriê cơưv trâu cán bộ thênhv siêz: Paz gra siêz Đảng li đas jos lênhx tov thiêz tsav txênhz

Tsês six hơưv thiêz tsưr ziv tsưr tsix 6 lớp kriê trâu cán bộ thênhv siêz khóa 12, Giáo sư, tiến sỹ Tạ Ngọc Tấn, zos kuz giám đốc Học viên chính trị têz qơưk Hồ Chí Minh puz pâuz: Ntu xuz thơưx kriz lớp njiz lok six ntâu phiv liv, txix cxiv tsa tsaz yênhx txos cxiv tsa cơ sở cxuô zav thiêz nhiêx txiêx. Đros thiêz tsaz yênhx cơưv ntơưr, Học viện chính trị têz qơưk Hồ Chí Minh tưz 3 jiês cxiv tsa tsaz yênhx nriêr pâuz lok Mỹ, Nhật Bản, Hàn Quốc thiêz Trung Quốc li tsaz yênhx:

“Nhật li tsaz yênhx zos cơưv 10 luz hli, nhoz Nhật iz lêhx nênhs tuôx cơưv mak thêv 25 cxênhz đô la Mỹ nhiêx cơưv ntơưr. Nhoz Trung Quốc iz khóa tsuôk kruôz kriê 200 lênhx nênhs thiêz cơưv 10 luz hli thiêz kriê truôx jông đuô pêz nhiv no. Li hmo thưr 7 mak tâu lok tsêr hok hmo chủ nhật mak tror tuôx tsêr cơưv thiêz hâur oz hnz thưr 7 thiêz chủ nhật mak muôx iz hâur oz hnuz co muk uo hâux lưv siêz jông. “Đrâur tuôx tsik tâu, hâur tơưv tsik tâu”, lênhx tưs nhiês tơưv trâu saz đrâuv jôngr mak tsik khênhr lok lơưv. Hok nênhs sêiz jor nhoz tsêr cơưv Đảng mak uô ntov hênhr”.

Muôx têx sir jos, nriêr pâuz txix saz đrâuv têz qơưk lok kriz lớp cơưv huv đros tsênhv tsênhz nhoz Việt Nam, Giáo sư tiến sỹ Tạ Ngọc Tấn hêik tiêk: Tsênhv njiêz thox cxov chor lớp dự nguồn cán bộ thênhv siêz tsêx trung lý luận, tsênhv tsênhz, tiv zix têx nriêr pâuz yiêz lok Chủ nghĩa Mác-Lê nin, têx vênhv thix lok chủ nghĩa xã hội. zơưv hêik tiêk, ntâu vênhv thix tsuv tror tâu nriêr pâuz đuô.

Đhâu 6 lớp dự nguồn khóa 12 puz pov, hâux lưv kruôz kriê nzir trâu cán bộ thênhv siêz hâur Đảng zos kror huv đros, tsênhv tsênhz thiêz muôx chêx cur. Hâur ntâu jiês cơưv dự suov câuv chor lớp dự nguồn, Tổng bí thư Nguyễn Phú Trọng ntâu gri siêz Học viên chính trị-Hành chính têz qơưk Hồ Chí Minh li têx sir jos, Ban tsưr tsix cơ quan Trung ương thiêz chor cơ quan Trung ương, tiv phaz tưz tsưr tsix yênhx côngz lớp cơưv. No zos kror tsuv muôx, tsuv tâu uô tsik so, chiê bax trâu đại hội cxuô cấp. zơưv Nguyễn Tuấn Khanh, zos kuz phưv Ban tsưr tsix Trung ương puz pâuz:

“Cur kriê txix lớp 1 txos lớp 6 mak chor lớp nhiêk txơưr lơưv nhiêk. Zok pov tiêk txix lớp 1 txos lớp 6 mak lớp 6 cur kriê ntơưr jông đuô. Kror co puz pov tiêk chor nênhs tuôx cơưv tsuv chiv chir nriêr pâuz, cơưv shâuv, tiv zix zos tso trâu hâur têx kror tsênhv tsênhz. Cur pov chor cơ quan lớp nguồn xar pâuz têx kror tsênhv tsêhz đuô lý luận”.

Đhâu tsênhv tsênhz tsưr tsix chor lớp dự nguồn thênhv siêz puz pov, six hơưv truz ntêr 4 hli zos huv đros tsar tov tsênhv tsênhz nhoz pêz têz qơưk. Kror muôx 60-70 hoc viên iz lớp zos jiês chor học viên sik njiz, sik thav lok chênhz zênhv tsênhz tsênhz. Thôngx cxix, đhâu muk ndis shuôk nriêr pâuz tsênhz tsênhz, nhênhz chơưv ntơưv tiv phaz, học viên chor lớp dự nguồn pâuz nzir ntâu kror, tâu cơưv shâuv thiêz pâuz nzir ntâu đuô txix tsênhv tsênhz, tsưr ziv kho đuô têx tsênhv chêi, xưv lik cxuô kror… Đhâu co, sik côngv uô hâux lưv, co zos chor nênhs lênhx tov sêiz car li zoz qơưx zov chênhr.

Txix hâux lưv tsưr tsix 6 lớp dự nguồn cán bộ thênhv siêz trâu khóa 12 puz pov, no tsênhv zos kror zov chênhr, cê muôx tsiv gri uô ntêx, cê zos tsưr ziv muk ntêr hâur côgz xưv cán bộ. Zuôr txos hâux lưv tsưr tsix chor lớp kruôz kriê dự nguồn cán bộ trâu khóa 13 thiêz chor khóa tov kaz zos kror tsuv uô. Viv li, tsuv cxiv tsa tsaz yênhx, tsênhv njiêz kruôz kriê tsênhv tsênhz, muôx chêx cur, huv đros zoz qơưx, tsưr ziv kruôz kriê cán bộ dự nguồn thênhv siêz; uô jông côngz xưv thox cxov txix cxiv tsa tsênhv njiêz, tsaz yênhx, xêir zuôr kriê huv lênhx nênhs, ploz tsênhr; tsưr tsix huôx tôngv ngoại khóa thiêz nhênhz chơưv tsênhv tsênhz khoa học, tsênhz mênhx. Zơưv Phạm Minh Chính, Trưởng ban tsưr tsix Trung ương hêik tiêk:

“Hâur qênhx shênhx nhiv no pêz tsuv tsov cưv huv đros đuô txos chor tsênhv njiêz lok cxiv tsa Đảng, cxiv tsa têz qơưk pháp quyền xã hội chủ nghĩa, khoa học lênhx tov thiez sêiz car hội nhập ntiêx têz, quản trị têz qơưk. Viv chor nênhs hâur lớp cơưv thiêz tsưr ziv zos cán bộ lênhx tov sêiz car cấp tsưr ziv. Nhênhz chơưv kho đuô tsaz yênhx lơưs saz cxaz nzir têx txux chi kho học sir zôngv, tsưr ziv lênhx tov, sêiz car…đros thiêz kho đuô tsaz yênhx zos xav six hơưv kruôz kriê cov huv đros, tsêhv tsênhz”.

4 hli cxaz chuôz lớp kriê cơưv cán bộ thênhv siêz zos iz kror zov chênhr kriê chor học viên sêiz no zos kror xuz thơưx trâu sir jos, cơưv shâuv muk ntêr, tsik so, tsik cxoz tso siêz. Tiv zix, tsuv pâuz txos chủ tịch Hồ Chí Minh têx luk kruôz kriê “Cơưv chiê uô hâux lưv, uô nênhs, uô cán bộ. Cơưv chiê paz trâu đoàn thể, pêx xênhv, têz qơưk… txix co paz gra siêz Đảng li đas jos lênhx tov, tsav txênhz, tax tâu zoz qơưx tsênhv tsênhz lok jênhv vưv hâur ntu yiêz./.

(TTT-Lik Thox cxêik nhênhv)