Yên Bái muôx têx hlôngr yiêz jông hâur côngz xưv cán bộ

          “Cur pov lok six jông siêz thiêz txưv haox thâuv tâu đros uô đề án. Đros cur no cê zos hâux lưv jông, cê zos zuk li txơưx jênhv, chiê tâu cơưv cxaz nzir tsưr ziv txux chi lok chinhr trị, cux li luôs hauax lưv uô sêiz car. Cur xav tênhv zuôr yax six cơưv cxaz, sir jos phuôx huiz pênhr xưv chiê uô tiêr jông luôs hâux lưv choz zok hâur ntu zuôr txos”.

          Co zos niêv lâuk Trần Thị Kim Chung cán bộ Sở nội vụ tỉnh Yên Bái li luk heik đhâu thâuv tâu xeir tsov uô Tỉnh ủy Yên Bái li đề án 11 “Cxiv tsa thiêz thox cxov cán bộ hluôk, cán bộ zos pox niêv, cán bộ zos nênhs mênhx cxưx tsơưs nênhs zos Ban thường vụ tỉnh ủy sêiz car txos shông 2030, ndar txos shông 2035”. Niêv lâuk li siêz xar, lul heik cux zos 150 lênhx cán bộ yiêz tâu Ban thường vụ tỉnh ủy Yên Bái thôngz đhâu đros uô đề án no li siêz xar, lul heik; hâur têx lênhx nênhs no muôx 60 lênhx zos cán bộ hluôk, 45 lênhx zos cán bộ pox niêv thiêz 45 lênhx zos cán bộ nênhs mênhx cxưx tsơưs nênhs. Zơưv Đỗ Đức Cảnh, Phưv giám đốc Sở Nội vụ tỉnh Yên Bái puz pâuz, têx cán bộ tâu xeir uô đề án li siêz xar zos zôngx ziv pâuz tâu, viv chiê muôx bê hâur têx lênhx nênhs no, lơưr tsuv hla đhâu yênhx cxênhz lênhx nênhs txơưr tâu xeir zuôr jiês xuz thơưx cxôngx cấp tiv phaz, chiz coaz, taz viv thiêz tsuv hla đhâu jiês thik zos thik sâu lok uô cxuô luôs hauax lưv thiêz thik heik lok muôx tsưr ziv txux chi siêz. Hâur co, thik heik kriê zos têx đồng chí Ủy viên Ban thường vụ tỉnh ủy chấm thik lơưr tsưr ziv uô tsênhz mênhx. Hâux lưv xeir zuôr tâu uô jông cxôngx hâux lưv seiz shuôk hồ sơ ntâuz ntơưr, txos hâux lưv nhênhz chơưv, ntâus gri lok ntu cơưv txux chi, ntâuz ntơưr, uô côngz xưv, tiv zix zos têx cán bộ hluôk:“Tsov lơưr têx ứng viên cxaz chuôz xeir zuôr li ploz tsênhr mak Sở nội vụ cux qênhz yuôx jông, cxix cxuô hồ sơ ntâuz ntơưr, taz por têx ứng viên tâu đăng cir xeir zuôr cxaz chuôz lol đề án no muôx shưz xar, cux xưk li pênhr xưv, yênhx tưv chuyên môn jông”.

          Uô ntêx thâuv muôx đề án số 11, côngz xưv cán bộ nhoz tỉnh Yên Bái muôx têx tsi tâu uô jông; chor cán bộ hluôk, cán bộ zos pox niêv, cán bộ zos nênhs mênhx cxưx tsơưs nênhs cxaz chuôz lênhs tov hâur cấp ủy, chinhr quyênx thiêz uô hâux lưv hâur Ban thường vụ tỉnh ủy coar lik tsênhv kis. Xav txos hli 6 shông 2018, chor cán bộ hluôk tsi tâu muôx 40 shông nhoz Ban thường vụ tỉnh ủy coar lik nhiv kruôr tsav 6% ntâu, cán bộ zos pox niêv tsav 11%, cán bộ zos nênhs mênhx cxưx tsơưs nênhs tsav 18% hâur tas nro cán bộ tỉnh quản. Ntâu cán bộ hluôk txơưv tâu thox cxov txos qơư, taz sik pênhr xưv chuyên môn thiêz pênhr xưv lênhs tov, coar lik tsênhv kis; tsưr ziv car chêx côngz xưv tsi tâu tâu uô jông; iz cxiê cán bộ zos pox niêv tsênhv tsi tâu chuv tôngv sir jos chiê tâu lênhs tov, coar lik. Lơưr zơưv Hoàng Mạnh Hà- Phưv tsar ban, Ban tsưr tsix tỉnh ủy Yên Bái: Ciês hâur shông 2019- zos shông xuz thơưx uô đề án no, Yên Bái tưz đros Học viện chinhr trị têz qơưk HCM krêz 2 lớp kriê cxaz yênhx tưv, pênhr xưv, tsưr ziv lênhs tov, coar lik trâu cán bộ cxaz chuôz đề án; iz lớp cơưv hâur six hơưv 2-3 luz hlik. Đrâuv co zos tsưr tsix lớp kriê cxaz, heik chuyên gia thênhv siêz saz đrâuv têz qơưk muôx chênhz zênhv lok cxiv tsa têx cán bộ tuôx kriê; sik côngv đros iz cxiê tập đoàn kinh têr lox paz txưv tsưr tsix têx lớp kriê cxaz lok pênhr xưv coar lik trâu têx cán bộ cxaz chuôz đề án.“Hâur têx shông zuôr txos, tỉnh ủy Yên Bái zuôr tror kriê cxaz trâu têx lênhx nênhs cxaz chuôz đề án têx yênhx tưv sâuv ntâuz ntơưr, hâur tsênhv tsênhz luz nênhx chiê têx lênhx nênhs co mul uô hâux lưv nhoz tiv phaz, chiê cơưv shâuv cxôngx tiv phaz muk, cơưv lok shưz xar chinhr trị, lok tsưr ziv nhoz uô nênhx, lok pênhr xưv, tsưr ziv lênhs tov thiêz muôz siêz yênhx tưv chuyên môn trâu têx đồng chí. Têx đồng chí muôx tsi txâuk lý luận chinhr trị mak tsov cưv chiê cơưv lý luận chinhr trị thiêz muôz siêz yênhx tưv chuyên môn chiê lơưr muôx txâuk pênhr xưv hâur ntu sik côngv đros ntiêx têz no, cux xưk li sik côngv đros doanh nghiệp hâur ntu hlôngr yiêz no”.

          Cux lơưr zơưv Hoàng Mạnh Hà, tỉnh li đề án số 11 cux heik mênhx, sâuv têx cấp ủy, chinhr quyênx, chiz coaz, taz viv thiêz cán bộ đề án li pov cov ntâus gri, Ban tsưr tsix tỉnh ủy zuôr thix ziv tsi puz tror cxaz chuôz đề án đros têx lênhx nênhs tsi tuôv zênhv tâu zoz qơưx jênhv vưv, lok sik uô cxâuv kỷ luật; thôngx cxix, cxaz nzir têx cán bộ txơưr cxaz chuôz đề án./.

(Thu Thùy- Txâur Vax cxeik nhênhv)

Yax mông phax tar moz vưv

Moz vưv zos zav moz tiv caz moz uô trâus moz, moz cik txix tsiêx cxu trâu lênhx nênhs đhâu têx qơưk trâus tsiêx cxu muôx caz moz tov.

Moz vưv lok six phiv liv, thâuv lênhx nênhs lok sik tsiêx cxu tưz trâus vưv lơưv mak zuôr tsik muôx zav yuôx tưs chơưv kho tâu jông, 100% lênhx nênhs co trâus tuôs. Cik moz vưv trâu lênhx nênhs phênhv ntâu zos txix chor đêr (muôx 96%), thiêz cik txix têx zav tsiêx txơưr đuô li: mir, puôr, nak chôngv…Caz moz vưv cik txix tsiêx cxu trâu lênhx nênhs đhâu qơư têx tsiêx tov trâus, khơưz, zêiv to lok sik cor tâu li: tuô fêik đêr, mir trâus muôx caz moz vưv.

Lênhx nênhs lok sik tsiêx cxu thâuv trâus cik caz moz vưv zuôr đhâu iz ntu vâuv caz moz txix 2 txos 8 ciêz, cux zuôr muôx yưv lur lok sik ntêr đuô. Six hơưv vâuv caz moz khov trâu ntâu kror li: Qơư trâus tsiêx tov lox lok zâu, saz lok tsik saz thiêz tov trâu ntơưv têx qơư phiv liv lok sik têx qơư tsik yuô phiv liv, qênhx shênhx xưv lik qơư trâus tov saz co li chak…uô ntêx thâuv zuôr vưv mak nênhs moz cux tsik pov muôx yưv têx phiv liv txơưr txar tưs.

Thâuv nênhs moz trâus moz vưv (zos ntu huôv xênhz moz), đros muôx yưv zos uô cuz, moz tâuz hâu, tsik thor jông nhoz, xênhr siêz ntuôr…thiêz têx kror muôx yưv li: Pư tsik tsâus jos, nyêi pov cêr, nyêi têx suôz đror lox, nyêi đêx, chuô…lok kâuz ndâus ntâu, lok ntâu hưk, sâur nyar txo grêk kik, vưv, yênh…ntu huôv moz no truz ntêr txix 1-4 hnuz, đhâu co mak zuôr trâus tuôs.

Chiê bax phax tar caz moz vưv, sơưr đơưk tsuv uô trơưk li:

1. Tsik zus ntâu đêr, mir, thâuv zus mak tsuv cxax yuôx phax moz cxix cxuô trâu têx đêr, mir thiêz cxax phax moz nzir tsik so yênhx shông lơưr nganhx thú y hêik kriê.

2. Tsik tso têx đêr, mir tơưv đrâuv jôngr; đêr tso tơưv đrâuv cêr mak tsuv chox lôngx kror ndâux. Tsik jêk têx đêr, mir.

3. Thâuv trâus đêr, mir tov, khơưz, zêiv tsuv: Nzuôr qơư trâus saz co txix đêx hur thiêz xà phòng tsik so hâur 15 phênhz, zos tsik muôx xà phòng mak tsuv nzuôr kror qơư trâus tov co txix đêx hur. No zos tsưr ziv chơưv paz muôx chêx cur chiê txo grêk tsơưs chor caz moz vưv gas tâu trâu hâur luz chêr. Tsik uô trâu qơư trâus tov co huôv moz lox thiêz tsik krưr ntov kror qơư trâus tov co. Tuôx ciês trâu qơư y têr jê tiv zix chiê tâu hêik kriê thiêz cxax yuôx phax moz vưv ndar six hơưv. Tsik zôngv yuôx njuôz chiê krưr thiêz kho moz vưv.

Txơưv tiêk moz vưv lok six phiv liv taz sik zuôr phax tar tâu. Tsuv cxax yuôx vắc xin phax moz vưv trâu đêr, mir zos tsưr ziv jông tiv zix chiê phax tar moz vưv cik trâu lênhx nênhs. Nênhs trâus đêr, mir tov mak tsuv muk cxax yuôx phax tar moz vưv cov nzor, txưv côngz yuôx chiê tsik trâus moz vưv./.

                                                 (Hồng Việt-Lik Thox cxêik nhênhv)