Pêx xênhv Lai Châu, Điện Biên siêz xar txos Đảng li Đại hôiv 13

Txơưv tsênhv yuôr ntâu hâux lưv, taz sik oz hnuz no, chôngz lênhx nênhs nhoz Điện Biên, Lai Châu cux tsês six hơưv chiê nriêr pâuz nzir ntâuz ntơưr dự thảo văn kiện dự Đại hôiv tưz tâu muôz zuôr ziv chênhv ntơưv zuk qơư nhoz. Zơưv Đào Chính nhoz phường Quyết Tiến, thành phố Lai Châu hêik tiêk, Đảng li hlôngr yiêz hâur hâux lưv zuôr pêx xênhv li ziv chênhv trâu văn kiện zuôr paz trâu Đại hôiv uô tâu yênhx côngz: “Chor văn kiện Đại hôiv Đảng jiês no, pêz pov Đảng tưz njiê đêz đuô thiêz hlôngr yiêz ntâu đuô lơưv. Đrâuv ntâuk gri lok kriz uô cux li têx uô tâu hâur ntu đhâu thiêz tsưr ziv trâu ntu zuôr txos, mak Đảng tsênhv uô txos shông 2030, txos shông 2045. Lơưr cur mak no zos iz kror hlôngr yiêz jông, cux zos huv đros trâu pêx xênhv li siêz xar nhiv no”.

Hok đros tỉnh Điện  Biên thiêz Lai Châu li chor têiv plor dự Đại hôiv tas nro têz qơưk jiês tiv 13, no cux zos jiês chiê cxuô lênhx nênhs sir jos uô tas zuk đas jos, siêz xar, xêir tsov tâu chor nênhs txơưx njê, sir jos uô hâux lưv trâu khóa yiêz; hêik tơưv têx siêz xar trâu chor tsưr ziv, paz trâu Đại hôiv tâu uô yênhx côngz jông thiêz cxiv tsa têz qơưk ziv hnuz ziv huôv tsar.

Dự Đại hôiv Đảng tas nro têz qơưk jiês tiv 13, Lai Châu muôx 16 lênhx têiv plor hlôngr njêx muôs trâu 29.000 ntâu lênhx Đảng viên thiêz pêx xênhv cxuô mênhx cxưx hâur tỉnh. Chor têiv plor muôx têx hâux lưv lox chiê paz trâu pêx xênhv xêir tsov tâu têx nênhs muôx txux chi siêz thiêz moz siêz uô hâux lưv nhoz trâu hâur Ban chấp hành Trung ương khóa yiêz. Zơưv Lê Đức Dục, Trưởng Ban Tuyên giáo Tỉnh ủy Lai Châu, têiv plor dự Đảng li Đại hôiv jiês tiv 13 puz pâuz: “Tuôx trâu Đại hôiv zuk tsuv muôx txơưx jênhv, tsêx tsung nhênhz chơưv, nriêr pâuz, paz muôx tâu ntâu ziv chênhv trâu têx tsênhv chêi, tsưr ziv lox, chiê paz trâu lênhx tov têz qơưk huôv tsar tâu kinh têr-xar hôiv, uô truôx jông côx phax-ngaz tuk, kriz đar đuô coangz siv đối ngoại, cxiv tsa Đảng, cxiv tsa cxiv luôs Chính trị hur, jông thiêz hênhr đuô. Thôngx cxix, đros chor nênhs tưz tâu Ban chấp hành khóa 12 xêir tsov, pêz zuôr sêiz shuôk, xêir tsov chor nênhs muôx txux chi, sir jos thiêz moz siêz uô hâux lưv tiv zix chiê bâux nhoz trâu hâur Ban chấp hành Trung ương khóa 13, chiê lênhx tov têz qơưk hâur 5 shông zuôr txos thiêz têx shông lơưr co”.

Pos Lò Thị Minh Phượng, Ủy viên Ban Thường vụ Tỉnh ủy, Trưởng Ban Tuyên Giáo tỉnh Điện Biên hêik: “Cux zos iz lênhx Đảng viên thiêz zos jiês xuz thơưx ciês tâu dự Đại hôiv Đảng jiês tiv 13, cur vav thiêz njênhs tiêk đại hôiv jiês no zuôr sir jos sik côngv siêz, thôngx ziv tso tơưv têx tsênhv chêi, tsưr ziv jông, huv đros hâur ntu yiêz chiê paz trâu têz qơưk huôv tsar đuô. Đros Ban chấp hành Trung ương Đảng, Ban Bí thư Trung ương Đảng li bax lok six jông lok côngz xưv lênhx nênhs mak đại hôiv zuôr xêir tsov tâu chor nênhs txơưx njê, moz siêz thiêz sir jos uô hâux lưv nhoz trâu hâur Đảng, Têz qơưk li cơ quan lênhx tov siêz tiv zix”.

Pêx xênhv Lai Châu, Điện Biên vav trâu iz đại hôiv dân chủ, hlôngr yiêz thiêz yênhx côngz; chor têiv plor tâu xêir tsov nhoz hâur Ban chấp hành khóa yiêz zuôr muôx txâuk txux chi, moz siêz, sir jos chiê paz trâu kinh têr têz qơưk tror huôv tsar đuô./.

(Khắc Kiên-Lik Thox cxêik nhênhv)