Kok tsư ha Thuận Châu tsiv uô lơưr tsưr ziv kriê uô yiêz, muôx qơư sâu zuôr ngaz tul

          Chiê muôz siêz tsơưr lươngv thiêz xiv huv kok tsư ha, nôngx mênhx nhoz têx xã Chiềng Ly, Chiềng Bôm thiêz Nậm Lầu, huyện Thuận Châu tưz sik côngv đros HTX Hưng Thịnh cxiv tsa thax tsav chos kok tsư ha nôngz Củ Cang. Lơưr pox nhuôs mak nôngz kok taz por tsơưr lươngv, tsêz chos trơưk tsưr ziv VietGap chiê muôx têx xiv huv taz por trâu nênhs sir zôngv. Zơưv Lò Văn Tâm nhoz jos Củ, xã Chiềng Ly puz pâuz:“Thâuv ntêx chuoz zis cux chos kok tsư ha taz sik chos tsơưs. Shông no tâu têz qơưk paz nôngz, qir zuôv mak pêz tưz krêz đar mênhv chêx chos 12 hecta. Txos nhiv no tưz txos ntu sâu kok, chuôz zis xav mak zuôr sâu tâu muôx nhos 10 tênhr iz hecta”

          Kok tsư ha Thuận Châu nhiv no tâu cungz qênhx sir zôngv bê trâu HTX Hưng Thịnh thiêz muôx 79 lênhx nênhs Hội nôngx mênhx hâur huyện. Tsêz no, huyện tưz cxiv tsa cêr sik côngv huôv tsar tsiv uô xiv huv kok tsư ha ntơưv têx xã: Chiềng Ly, Chiềng Bôm, Nậm Lầu đros tas nro mênhv chêx muôx 80 hecta. Đros mênhv chêx no, taz viv lov lik dự án krêz uô hâux lưv cungz nôngz, qir zuôv thiêz sâu zuôr tas nro xiv huv trâu têx ziv chuôz zis cxaz chuôz tsêz chos. Zơưv Lương Quốc Huy, Giám đốc HTX Hưng Thịnh heik:“Tsưr ziv tsêz chos tâu muôz siêz lok six ntâu, thâuv ntêx chos tsi chêx chôngk, nhiv no tâu coar lik moz, coar lik lok xiv huv...Đhâu iz jiês uô lơưr dự án tas nro kok tsư ha muôv muôs ngaz tul, kok lox mak chiê muôs, kok zâu tror zôngv chiê uô nôngz, cxơưz cxiz muôv muôs sâuv thax tsav”.

          Ndar txos hâux lưv chox kok tsư ha yênhx xiv huv kôngz nuv tsênhv, huyện Thuận Châu tưz thiêz tsênhv cxơưz tiês heik kriê xiv huv sâuv têx qơư muôv muôs điện tử, sik côngv đros têx doanh nghiệp sâu zuôr xiv huv, tsưr tsix têx lớp kriê cxaz, heik kriê tsôngv box nôngx mênhx tsưr ziv chos, sâu thiêz por coar kok, taz por xiv huv hur, vênhv tôngv yax mông nôngx mênhx krêz đar mênhv chêx chos kok tsư ha thiêz huôv tsar xiv huv lơưr saz hax huv muôx tsơưr lươngv siêz. Zơưv Nguyễn Xuân Hoàng, Phưv Chủ tịch UB huyện Thuận Châu, tỉnh Sơn La puz pâuz: Huyện txix ciês hâur shôngk shông tưz cxiv tsa tsưr ziv sâu zuôr xiv huv kok tsư ha thiêz têx xiv huv kôngz nuv txơưr trâu pox nhuôs, hâur co cxiv tsa tsưr ziv thâuv qênhx shênhx moz tsênhv phêv liv li nhiv no, têx tuz luôv tsi tuôx sâu zuôr tâu mak yênhx lix têx trang điện tử muôv muôs hax huv online thiêz đhâu têx kênh thôngz xor mông heik kriê đros têx Sở, ban, nganhx hâur tỉnh lok xiv huv kok tsư ha. Đros 1 cxênhz 800 tênhr ntâu huyện zuôr sâu jux jus txux kaz hli 9 txos tas tsiêz zênhz lix thiêz sâu zuôr tas hur si trâu pox nhuôs”.

          Tsơưr lươngv jông, tsư kaz, kok tsư ha Thuận Châu tâu chôngz lênhx ntâu tul pâuz txos thiêz lok six nhiêv nox. Têx luz kok jông, lox muôx hâur pâus tsênhz mênhx, hnhar txix 5-10 cir zos tsôngv kruô li xeir tsov zuôr lok nox lok six chiê uô huv. Huyện Thuận Châu tsênhv tror njuôs xav thax tsav chos, nhênhz chơưv choz têx KHKT yiêz chiê tsêz chos kok tsư ha, paz têx HTX, tuêv sik hux jos thiêz tsôngv box chos kok tsư ha lơưr tsưr ziv muôz siêz tsơưr lươngv, tuôv zênhv niêv ciêz hâur têz qơưk thiêz muôs tơưv trâu saz đrâuv têz qơưk, cxiv tsa xiv huv kok tsư ha Thuận Châu nto bê truôx vênhs./.

(Thanh Thủy-Txâur Vax cxeik nhênhv)