Cưk kriê sir jos hla đhâu têx phêv liv chiê kriê ntơưr nhoz Huổi Moi

          Nhoz sâuv iz nta trôngz, tsêr cơưv mê nhuôs zâu jos Huổi Moi tsuôk muôx 2 qar so, iz qar cơưv ntơưr, iz qar uô mor tâu zôngv vuôs hlâu vor, their. Tsêr cơưv nhoz kuôk tsênhv qơư xã 30 cei cêr, nhoz buôk ntus đriv 2 têz qơưk VN-Lào, zos tsêr cơưv txov nhêv tiv zix xã Pa Thơm.

          Tsêr cơưv Huổi Moi muôx 8 lênhx shux xênhz thiêz tsuôk muôx cưk kriê Loan kriê ntơưr, viv li cưk kriê luôs hâux lưv uô ziv phêv liv đuô, thâuv cê kriê ntơưr, cê cxơưx pluôk nox trâu mê nhuôs shux xênhz thiêz tso mê nhuôs shux xênhz pư. Qir muôx 51 shông hnuz nhôngs, cưk kriê Loan tưz muôx 17 shông kriê ntơưr ntơưvễcuô luz tsêr cơưv nhoz têx jos txov nhêv tiv zix xã Pa thơm, jos Huổi Moi cux tưz kriê tâu 3 shông. Cưk kriê Loan pheiz kênh:    “Pox nhuôs heik tiêk, cưk kriê hluz cox hênhr, cox iz lênhs cxôngx tsênhv qơư tuôx no cox tsi nyei chas? Pêz nyei hênhr, pêz muk lor njuôs, đê jâuz pêv har jôngr mak tsuv muôx oz lênhx thiêx li car muk. Taz sik nhiv no cêr muk lok zôngx ziv đuô mak tsôngv box li jênhv pâuz cux tâu muôz siêz, lơưr tsov cưv chiê mê nhuôs muk cơưv ntơưr, lok six shir phaz. Muôx têx thâuv kriê shux xênhz heik gâux kruôk txos bộ đội, heik tas cur nus tiêk tov kaz no hloz tiêr nênhs mak xar muk uô tul tsi, phênhv ntâu mê nhuôs shux xênhz heik tiêk xar muk uô bộ đội...cur thiêx heik kriê cxaz tiêk tsuv sir jos cơưv ntơưr hênhr, tov kaz no muk uô bộ đội, por vêv pêz ntus đriv têz qơưk”.

          Đhâu pluôk nox su cxôngx mix tôm tas, cưk kriê Loan ho trâur tơưs cxơưx pluôk nox cxaz trâu mê nhuôs thâuv cơưv zar hnuz keix. Ciês hnuz xuz thơưx hâur ciêz, zav nox nhiv kruôr tâu gra tuôx, viv li shux xênhz tâu nox cuô tâuv đuz. Đros cưk kriê, chor mê nhuôs shux xênhz cux xưk li zuk tuz nhuôs, tsuv cxơưx yênhx pluôk nox, kriê mê nhuôs cơưv ntơưr, cơưv luk, uô hâux lưv xênhz huôx niêx hnuz. Nhoz Huổi Moi, tsôngv box khênhr muk uô têz đêz, tsâus ntux thiêx li lok tsêr:“Điện thoại mak nhoz no sóng tsi muôx jos, muôx têx thâuv tsênhv đros chuôz zis thav cux ntês tsi tâu sóng, tsuv muk ntês sóng chiê tror hu tênhv. Thâuv shux xênhz muk tsêr tas, tsôngv box jêx jos chuôz zis tưs cux muôx cxix cxuô lênhx nênhs sik đros nox mor, thâuv co zuk thiêx li pov qiv siêz thiêz ndo zuk chuôz zis viv tsuôk muôx iz lênhx nhoz no. Ndo chuôz zis hênhr, tsuôk pâuz kuôx xưz”.

          Tsi taz cưk kriê Loan, lênhx cưk kriê tưs thâuv jênhv uô hâux lưv kriê ntơưr nhoz Huổi Moi puôr lênhx xav tênhv tsuv sir jos viv têz qơưk txov nhêv. Luz nênhx yuôr ntâu phêv liv, thâuv tưs cux tsuv sir jos cơưv ntơưr chiê muôx yênhx tưv thiêx li hlôngr yiêz tâu luz nênhx.          Tsar jos Lò Văn Sam puz pâuz: Huổi Moi muôx 31 ziv chuôz zis, pheiz uô 2 thax tsav qơư nhoz txơưr zos Huổi Moi thiêz Buôm Em, đros muôx nhos 130 lênhx nênhs sik đros nhoz uô nênhx thiêz tas nro puôr lênhx zưs chuôz zis pluôs. Thax tsav Huổi Moi, yar ntux cuz sor, tsêz chos thiêz tu zus tul tsi cux lax. Tsôngv box hâur jos xar tiêk: tsuôk cơưv ntơưr muôx yênhx tưv thiêx li muôx tâu luz nênhx tov kaz no jông đuô. Chênhr viv li, lơưr thâuv tưs cux tsov cưv txos cưk kriê- nênhs chox khur ntơưr tuôx kriê trâu zuk têx tuz nhuôs:“Têx cưk kriê lok six jông, kriê trâu têx mê nhuôs pâuz ntơưr, ciêz đuô, txơưx uô nox uô hâuk, tov kaz no luz nênhx zuôr jông đuô. Phôngv têx cưk kriê thâuv tưs cux muôx jông đas jos, chuôz zis nhoz uô nênhx shir phaz”.

          Cưk kriê Vũ Thị Nhớ, Hiệu trưởng tsêr cơưv mê nhuôs zâu Pa thơm puz pâuz: Tsêr cơưv nhiv no muôx iz qơư nhoz tsênhv qơư xã, 5 qơư nhoz hâur jêx jos đros tas nro muôx 103 lênhx shux xênhz nênhs mênhx cxưx tsơưs nênhs, hâur co muôx mênhx cxưx Cống, zos mênhx cxưx lok six tsơưs nênhs tsav 1/3. Đrâuv Huổi Moi mak têx qơư cơưv ntơưr txơưr cux lok six txov nhêv li: Buôm En, Púng Bon, Pa Thơm....taz sik iz cán bộ, cưk kriê hâur tsêr cơưv thâuv tưs cux sir jos truôx siêz hla đhâu têx phêv liv chiê uô tiêr jông zuk li jênhv vưv:“No zos hâux lưv pêz xeir uô, tưz uô mak tsuv sir jos hla đhâu têx phêv liv chiê uô tiêr jông jênhv vưv tâu choz. Viv li tsuv sir jos đuô kriê cov jông trâu têx mê nhuôs shux xênhz. Li thâuv ntêx qơư cơưv ntơưr Huổi Moi shux xênhz tsi car đros cưk kriê thav, taz sik nhiv no shux xênhz tưz txơưx ntâu đuô, pâuz ntâu đuô tuôx”./.

(Vũ Lợi-Txâur Vax cxeik nhênhv)

NUS TÊZ TSÊNHV CHÊI BHXH

PHÊNHV TÂU SƠƯV ĐHÂU XÊNHZ ZUS MÊ NHUÔV

Fôngx zưs Cầm Thị Thắm nhoz huyện Sốp Cộp, tỉnh Sơn La nus: Cur zuôr BHXH tưz txưv 5 shông. Ntu zuôr txos no, cur cux zuôr xênhz zus mê nhuôs txix fêik jiês 2. Zos li cur puôk tâu sơưv têx phênhv đhâu xênhz zus li paz đas jos, paz hâur 6 luz hli đhâu xênhz zus? (nhiv no nhiêx thêv BHXH zos 5.500.000 đêiv)

Ntu 2, ntu 3 Grê 31 Chêi BHXH shông 2014 cui tênhv trâu chor lox tôngv pox niêv zus mê nhuôv tâu sơưv thâuv xênhz zus: tsuv thêv nhiêx BHXH txưv 6 luz hli tror sâur hâur  ntu zuôr txos zos 12 luz hli uô ntêx thâuv zuôr zus mê nhuôs lok sik lox tôngv pox niêv tưz thêv nhiêx BHXH txưv 12 luz hli tror sâur, thâuv xênhz mê nhuôs hâur chêr tsuv so tsik uô hâux lưv chiê nhoz so lơưr qơư njuôk kho moz muôx qênhx li hêik pâuz, tsuv thêv nhiêx BHXH cov txưv 3 luz hli tror sâur zos 12 luz hli uô ntêx thâuv zuôr zus mê nhuôv.

Lơưr Bôv Lox tôngv-Xar hôiv li cui tênhv ntơưv ntu 1 Grê 39 Chêi BHXH shông 2014 thiêz ntu 1 Grê 12 Thông tư số 59/2015/TT-BLĐTBXH hnuz 29/12/2015 cui tênhv tsênhz mênhx thiêz hêik kriê uô lơưr iz cxiê grê hâur Chêi BHXH lok tsuv uô phênhv sơưv xênhz zus mê nhuôs iz hli bâuv 100% phênhv nhiêx hli thêv nhiêx BHXH 6 luz hli siz lơưr liês jê tiv zix uô ntêx thâuv so hâux lưv. Zos tiêk hâur ntu thêv nhiêx BHXH tsik zos chor hli sik lơưr liês mak tâu côngx uô cê.

Grê 41 Chêi BHXH shông 2014 cui tênhv lox tôngv pox niêv ciês đhâu six hơưv so hâux lưv sơưv xênhz zus mê nhuôs, hâur six hơưv zos 30 hnuz uô hâux lưv xuz thơưx đas jos tsik tâu muôx mak tâu so chiê paz cov muôx đas jos đhâu xênhz zus. Six hơưv so cov muôx đas jos, paz muôx đas jos trâu nênhs lox tôngv pox niêv xênhz zus mê nhuôs tsuv fêik ntâu tiv zix zos 7 hnuz; phênhv paz chiê muôx nzir đas jos, paz muôx đas jos đhâu xênhz zus iz hnuz bâuv 30% phênhv nhiêx hli kik tiv zix.

Tiv cox tsik hêik pâuz tsênhz mênhx lok six hơưv njuôk xav zus mê nhuôs cux xưk li co ntu thêv nhiêx BHXH txos six hơưv cox zus mê nhuôs viv li BHXH Việt Nam tsik pov kaz têz cov tsênhz mênhx trâu cox. Cox cux zuôr khov trâu têx hêik tas sâur chiê sêiz shuôk njuôk xav cov huv đros trâu zuk./.

(Thanh Thủy-Lik Thox cxêik nhênhv)