Lào Cai: sir jos phax tar ntux no trâu shux xênhz tox siêz hâur chêix ntux no

Ntơưv tsêr cơưv nhuôs zâu Hoa Đào, thị trấn Sa Pa, hâur chor hnuz ntux no chênhr, no njiv, tas nro 12 qar cơưv ntơưr tâu cơư kror trôngx ntov nti, cxiv luôs qơư ntê cov sor tâu zôngv tsik so. Tiv chor shux xênhz tsênhv zâu, đas jos tsơưs, viv li cán bộ tsêr cơưv ntơưr, tiv zix zos cưk kriê ntơưr tsuv uô jông sêiz shuôk đuô. Cưk kriê Trần Thị Huệ, kriê lớp nhuôs zâu A4 hêik:

“Zus lênhx cưk kriê sêiz car mak zuk cux tsov cưv txos chor nhuôs li đas jos. Qiv hơưv phiv liv viv li pêz hêik chor niêv txir tsuv hnar trik yo sor trâu chor nhuôs. Hâur lớp mak pêz cux bax tâu zav li quạt uô sor, pav sor, xênhz huôx mak muox đêx trâu sor tsik chiê chor nhuôs trâus no”.

Nhoz sâuv thax tsav xã txov nhêv tiv zix đros muôx 70% ntâu shux xênhz zos chor chuôz zis pluôs, txix ciês thâuv hâur chêix ntux no, tsêr cơưv ntơưr phôv thôngz mênhx cxưx niêv txir zus mor cxênhx oz xã Trung Chải, huyện Sa Pa tưz kho đuô chor lớp cơưv taz por tsik yâu chuô. Iz cxiê nênhs siêz jông cux tưz khơưk muôz trâu chor shux xênhz iz lênhx iz chêr trik yo sor thiêz câuk mov sor, khov co chor shux xênhz tâu tuôx cơưv ntơưr cxix cxuô. Tiv zix, tas nro tsêr cơưv ntơưr muôx 135 lênhx shux xênhz nhoz ntơưv tsêr cơưv niêv txir zus mor, chor shux xênhz qơư nhoz tâu bax pav sor, pluôs nox cux tâu tsêr cơưv ntơưr tsov cưv txos muôx cxuô tsơưr pưr. Cưk kriê Nguyễn Thị Loan, sêiz car tsêr cơưv hêik:

“135 lênhx shux xênhz nhoz ntơưv tsêr cơưv niêv txir zus mor tâu têz qơưk paz mak pêz cux taz por uô jâuz mor nox trâu chor shux xênhz taz por lok tsơưr pưr, yênhx hnuz pluôs zav nox cux tâu hlôngr yiêz tsik so. Đuô li pêz cux chiê chor shux xênhz chos nzir jâuz chiê muôx nzir zav nox. Pêz cux taz por thâuv shux xênhz ônx mak zav nox tsênhv sor”.

Nhiv no, tas nro huyện Sa Pa muox zuôr xar 60 luz tsêr cơưv nhuôs zâu txos cxênhx oz, đros xar muôx 18 cxênhz lênhx shux xênhz. Uô lơưr chính quyền tiv phaz chox kriê, txos nhiv no, tas nro chor tsêr cơưv ntơưr, txix tsênhv qơư huyện, xã txos chor tsêr cơưv nhoz đêz, tox siêz txov nhêv, têx tsar tov tir thêir ntux no tưz tâu taz por. Pos Nguyễn Thanh Nhạn, phưv trưởng phongx zoz zux thiêz thox cxov huyện Sa Pa puz pâuz:

“Phongx zoz zux cux tưz chox kriê chor tsêr cơưv ntơưr uô jông côngz xưv yax kriê txos cấp ủy, chính quyền tiv phaz thiêz pêx xênhv, tiv zix zos shux xênhz niêv txir hâur côngz xưv phax tar ntxx no trâu chor shux xênhz. Pêz cux hêik chor tsêr cơưv ntơưr bax cxuô tsar tov hâur tsêr cơưv ntơưr. Đros chor tsêr cơưv nhoz đêz pêz cux qênhz shuôk chiê cxaz nzir têx tsar tov tsuv muôx chiê phax tar ntux no trâu chor shux xênhz”.

Lơưr cuiz tênhv cxuô mak chor shux xênhz têx tsêr cơưv ntơưr tâu so ntơưr thâuv jêx tưv grêk kik đuô 10 tưv. Taz sik, đros tox siêz li Sa Pa, txos chêix ntux no, jêx tưv tsik so grêk kik đuô 10 tưv hâur ntâu hnuz, viv li kriê thiêz cơưv ntơưr cux tâu uô. Viv li, lơưr cuiz tênhv ntơưv tiv phaz, tsuôk thâuv jêx tưv grêk kik đuô 6 tưv, tsêr cơưv ntơưr zuôr khov trâu tsar tov tsênhv tsênhz chiê tso shux xênhz so ntơưr./.

(An Kiên-Lik Thox cxêik nhênhv)

Sơn La: Hluôk nênhs quân đội truôx siêz cơưv shâuv thiêz uô lơưr Hloz Hôx lul heik kriê

          Tiểu đoàn bộ binh 1, Trung đoàn 754, Bộ chỉ huiz Quân sự tỉnh Sơn La zos taz viv thâuv tưs cux truôx siêz bo uô cxuô jênhv vưv tâu choz thâuv Bộ chỉ huiz Quân sự tỉnh choz. Tror ndos txos jiês đêx cuôr yôngz lix xưv ntơưv huyện Mường La, tỉnh Sơn La thâuv tas cik hnuz xiêz 3/8 nhiv kruôr đhâu, thâuv tsôngv box tsênhv tsi pâuz uô li chas thâuv đêx cuôr yôngz mul đhâu, Trung đoàn 754 tưz huiz tôngv canr bôv, chiến sĩ ciêr chênhr mul sik côngv đros têx lưx lươngv ntơưv qơư chêx chôngk chơưv paz, nriêr têx lênhx nênhs trâus plox mông, lênhx nênhs trâus saz, chuv tôngv paz tsôngv box kho đuô tsêr nhoz, txar qơư nhoz yiêz, khưx phưx zaoz thôngz mul lol chiê thâux hax huv paz txưv tuôx txos tsôngv box tiv phaz. Hla đhâu ntâu hnuz phêv liv chơưv paz pox nhuôs thax tsav trâus đêx cuôr yôngz, 150 ntâu lênhx canr bộ, chiến sĩ Trung đoàn 754 tưz txar 10 luz tsêr mul đhâu thax tsav đêx cuôr yôngz, uô 4 tul qox lav mul đhâu, thâux 15 tênhr cxur, 2000 hưv mix tôm, 500 hưx đêx hâuk…thôngx cxix heik 30 lênhx canr bộ, chiến sĩ tsưr tsix uô qar cơưv ntơưr, cxiv tsas jêz thiêz qơư vêv xênhz đros 1 cxênhz 500 hnuz côngz. Thượng úy Vàng A Ga, tiểu đoàn bộ binh, Trung đoàn 754 heik:

          “ Jus xuz thơưx cur tuôx txos xã Nặm Păm, tiv zix zos ntơưv tsêr cơưv mê nhuôs zâu xã Nặm Păm. Thâuv pêz tuôx tas nro trâus ar vôngz tas, no zos chiv nhênhv xuz thơưx mak cur pov phêv liv tiv zix thâuv tuôx paz xã Nặm Păm”.

          Tsi taz truôx siêz uô cxuô jênhv vưv tâu choz, hluôk nênhs Tiểu đoàn bộ binh 1, Trung đoàn 754 tsênhv yax six paz tsôngv box uô tsaz yênhx cxiv tsa nôngx cxênhz yiêz li: Vênhv tôngv tsôngv box tsi tu zus tsiêx cxu, keiz ok hâur kaz tsêr lơưx; uô vêv xênhz jêx jos, hâur shông đhâu tưz huiz tôngv tâu 200 ntâu lênhx canr bộ, đoàn viên cxaz chuôz đros tỉnh đoàn Sơn La uô cêr bê tông nôngx cxênh ntơưv xã Chiềng Đen, thành phố Sơn La…Đại úy Lê Công Trường, chinhr trị viên Tiểu đoàn bộ binh 1, Phưv bí thư đoàn cơ sở Trung đoàn 754 heik:

          “ Thôngz đhâu têx huôx tôngv co têx đồng chí canr bộ đoàn viên hluôk nênhs hâur taz viv cux tưz jênhv pâuz tsênhz mênhx lok zuk li pưs txux thiêz jênhv vưv. Thiêz tiv zix hâur six hơưv uô jênhv vưv mak têx đồng chí co tưz phuôx huiz tas chinhz yênhx txơưx jênhv, cxaz chuôz têx huôx tôngv jông, muôx txơưx jênhv thiêz tax tâu têx chêx cuk tsênhv tsênhz”.

          Bộ chỉ huiz Quân sự tỉnh Sơn La nhiv nomuôx 400 ntâu lênhx đoàn viên, tưz thiêz tsênhv uô muôx chêx cuk hâux lưv cơưv shâuv thiêz uô lơưr Hloz Hôx li cêr uô nênhx jông thôngz đhâu têx hâux lưv uô tsênhv tsênhz li: Hlôngr yiêz canr bộ, đảng viên, đoàn viên li cêr cor cav xênhz huôx; cxơưz tiês uô 3 hâux lưv lơưr Đảng ủy Quân sự tỉnh li Nghị quyết lok “ Muôz siêz chêx cuk côngz xưv, tsơưr lươngv cơưv shâuv”, “ Cxiv tsa chinhr quy, uô jông kỷ luật”, “ Coar lik, sir zôngv vưv qiv taz por”. Đros co tsưr tsix têx jiês sik thav trâu đoàn viên hluôk nênhs đros ntâu tsưr ziv uô jông hâur têx jiês xênhz huôx lok hmo thưr 4 yênhx ciêz, tsưr tsix sik thav ntơưv têx chi đoàn cơ sở đros njiêz luv “ Hluôk nênhs quân đội cxơưz tiês cơưv shâuv thiêz uô lơưr Hloz Hôx li cêr uô nênhx jông, tsiv nhos zos Bộ đội zơưv Côngz Hôx hâur six cxiv yiêz”, đhâu co tưz zaoz zux trâu đoàn viên hluôk nênhs kror coaz tsôngv thiêz tsiv grê lox hâur hâux lưv cơưv shâuv thiêz uô lơưr Hloz Hôx li cêr uô nênhx jông. Thượng úy Nguyễn Tuấn Anh, lênhx paz hâux lưv trâu hluôk nênhs, phưv chinhr trị Bộ chỉ huiz quân sự tỉnh Sơn La puz pâuz:

          “ Tiv iz zos uô jông côngz xưv yax mông, tsưr tsix heik kriê chiê muôz siêz jênhv pâuz thiêz cxơưz tiês cơưv shâuv uô lơưr Hloz Hôx li cêr uô nênhx jông, cxơưz tiês côngz xưv vênhv tôngv phuôx huiz cêr chax chês, gôngr côngv lênhx nênhs jông tsiv nhos đros luz bê “ Bộ đội zơưv Côngz Hôx”; tiv 2 zos tror uô jông côngz xưv chuôz tsar siêz xar, txơưx jênhv thiêz muôz siêz chinhz yênhx uô ntêx nyuôk hâur canr bộ đoàn têx cấp, tso pov txơưx jênhv chiv chir cơưv shâuv thiêz uô lơưr Hloz Hôx li cêr uô nênhx jông hâur uô côngz xưv thiêz luz nênhx niêx hnuz, chiê cxiv muôx tâu têx lênhx canr bộ đoàn jông, muôx txơưx jênhv, uô ntêx nyuôk nhoz cơ sở”.

          Cxôngx ntâu hâux lưv uô tsênhz mênhx, iz lênhx đoàn viên hluôk nênhs Bộ chỉ huiz Quân sự tỉnh Sơn La thâuv tưs cux sir jos cơưv shâuv thiêz uô lơưr Hloz Hôx li lul heik kriê, truôx siêz jênhv thiêz uô tiêr jông cxuô jênhv vưv tâu choz./.\

(Hoàng Long- Txâur Vax cxeik nhênhv)