Pêx xênhv Điện Biên sir jos cov muôx tâu iz chiv uô kông lôngk sâu tâu ntâu

Txix ciês thâuv sơưr nzor, hâur têx liêx nhoz đrak liêx Mường Thanh, huyện Điện Biên tưz muôx lok six chôngz nênhs tuôx uô liêx. Hla trâu chêix ntux yiêz, qiv hơưv cux lax nziês huv đros, chor blêx hloz lox jông viv li lênhx tưs cux shir phaz, vav njôngr tiêk zuôr muôx tâu iz chiv sâu tâu kôngz lôngk ntâu. Zơưv Lò Văn Toản, nhoz đôiv C9, xar Thanh Xương, huyện Điện Biên puz pâuz: chuôz zis muôx 6.000 ntâu yiv ndis liêx, tsênhv tsêz chos 3 zav blêx txuô tsư kaz, tám tsư kaz thiêz blêx blâuv 52. Ciês đhâu nox tsiêz tas nro chuôz zis tưz tsêx trung tso đêx trâu hâur liêx, yiz blêx, trâu qir trâu blêx:“Nox tsiêz tas, pox nhuôs cux tsêx trung muk uô liêx chiê tu têx blêx, trâu qir trâu blêx, uô đrox, yiz blêx ntơưv têx qơư trâus chor kưx đas nox. Lênhx tưs cux shir phaz, nox tsiêz tas mak lênhx tưs cux tuôx uô liêx nzor, qiv hơưv lok cux jông, blêx hloz lox jông. Shông yiêz cux vav tiêk zuôr muôx tâu iz luz nênhx jông thiêz tsâu sor đuô, muôx blêx, muôx cxur”.

Pos Trần Thị Thuấn, nhoz jok Đông Biên 1, xar Thanh An, huyện Điện Biên ziv chuôz zis hêik pâuz tiêk: txix ciês hnuz xiêz 6 tsiêz, tas nro jok siz zâuv muk uô liêx tu têx blêx, vav tok njôngr zuôr muôx tâu iz shông yiêz huôv tsar đuô. Ciês thâuv tuôx txos liêx, pos chuôz zis tưz trâu qir trâu 2.000 ntâu yiv ndis liêx tsênhv chos 2 zav blêx Tám tsư kaz thiêz Séng Cù. No zos oz zav blêx muôx tsơưr lươngv siêz, tsơưr lươngv jông viv li chuôz zis uô jông tu thiêz vav tiêk zuôr muôx  tâu iz chêix chiv sâu tâu ntâu:“Cxuô lênhx nênhs li siêz xar mak puôr lênhx shir phaz hur si. Cur cux vav tiêk hâur shông yiêz zuôr khưr uô nox tâu ntâu đuô, hla shông yiêz blêx zuôr jông đuô txos thâuv sâu mak cux zuôr sâu tâu blêx ntâu đuô. Nhiv no cur tsênhv tsêx trung trâu qir trâu chor blêx cov jông, cov sâu tâu blêx ntâu đuô”.

Chiv ntux tsâus yiêz 2020-2021, tas nro tỉnh Điện Biên tsêz chos muôx 9.500 ntâu ha blêx. Nhiv no têx tiv phaz tsênhv tsêx trung chos nzir, trâu qir, tso đêx trâu hâur têx liêx, tsuôs yuôx tuô lov caz hmoz ruôr hiêv blêx, cov blêx jông đuô. Pox nhuôs sơưr đơưk tuôx uô liêx đros cêr shir phaz, vav tok trâu iz shông yiêz sâu tâu kôngz lôngk ntâu, muôx tâu luz nênhx tsâu sor./.

(Vũ Lợi-Lik Thox cxêik nhênhv)

Nôngx mênhx Yên Bái shir phaz muk uô kôngz chiv tsâux yiêz

Chiv tsâux yiêz shông no huyện Lục Yên, tỉnh Yên Bái tsêz chos 3 cxênhz 300 hecta ntâu blêx, muôx blêx txuôv, blêx tiv phaz, têx nôngz blêx tsơưr lươngv siêz. Ciês thâuv uô ntêx Tsiêz Tưv shông, huyện tưz chêx chôngk chox kriê têx xã, thị trấn, tiv zix zos têx xã muôx mênhv chêx blêx lox li Minh Xuân, Lâm Thượng, Liễu Đô, Mai Sơn...taz por tsêz chos trơưk chiv cheix; tror chox têx nôngz blêx muôx tsơưr lươngv siêz, ngaz tul lok chos. Zơưv Hoàng Khí Phách, nhoz xã Lâm Thượng, huyện Lục Yên puz pâuz:“Lơưr tsưr ziv tsêz chos chiv ntux yiêz têx ziv chuôz zis tưz chêx chôngk uô ar, tsêz zuz, nhiv no phênhv ntâu tưz uô tiêr. Cxôngx hnuz xiêz 5, xiêz 6 hli 1 zênhz lix txơưv chêx chôngk chos blêx”.

          Chiv tsâux yiêz no, huyện tox siêz Trạm Tấu muôx tsưr ziv tsêz chos 1 cxênhz 550 hecta blêx. Đros blêx, huyện Trậm Tấu cux tsênhv chêx chôngk chox kriê tsôngv box uô ar chiê tsêz chos 2 cxênhz 400 hecta ntâu poz cưk, 200 hecta kok tsư ha thiêz jâuz tâuv cxuô zav. Huyện Trạm Tấu tưz chox kriê têx xã, thị trấn cxiv tsa tsưr ziv tsêz chos chiv tsâux yiêz huv đros qênhx shênhx tsênhv tsênhz, tsêz chos têx zav nôngz muôx tsơưr lươngv siêz chiê muôz siêz tsiv grê, phênhv sâu sâuv mênhv chêx tsêz chos; thôngx cxix, hlôngr mênhv chêx ar chos sâu tâu tsơưr lươngv kis chiê chos tsoz chos txơưr li lôngx xôngz, kok, tâuv pâur...Zơưv Nguyễn Văn Hòe, Tsar phongx kôngz nuv thiêz huôv tsar nôngx cxênhz huyện Trạm Tấu puz pâuz:“Uô tsưr ziv tsêz chos chiv tsâux yiêz 2021, huyện tưz krêz uô txos têx xã, thị trấn, txos nhiv no tsôngv box tưz chuv tôngv uô ar, tso đêx, mênhv chêx uô liêx taz por. Tiv zix huyện tưz chox kriê txos tsôngv box bax nôngz, hnaz tax chiê taz por muôx txâuk nôngz cux xưk li mênhv chêx zu tâu their hnaz tax tir tar ntux no”.

          Chiv tsâux yiêz zos chuv tsêz chos tsênhv viv li tsuôk đhâu 2,3 hnuz so Tsiêz, pox nhuôs nôngx mênhx tỉnh Yên Bái tưz muk uô ar, tso đêx, tsêz chos blêx cux xưk li cxuô zav jâuz tâuv txơưr. Nganhx kôngz nuv têx tiv phaz cux sir jos bax têx zuôr trâus li nôngz, qir zuôv, chuôz zênhx, kho đuô têx njưs đêx, heik kriê tsưr ziv tsoz phưz zuz blês...trâu pox nhuôs. Zơưv Nguyễn Đức Điển, Phưv giám đốc Sở kôngz nuv thiêz huôv tsar nôngx cxênhz tỉnh Yên Bái puz pâuz: Lơưr tsưr ziv, chiv ntux yiêz no, tas nro tỉnh tsêz chos 19 cxênhz ntâu hecta blêx, sir jos sâu tâu fênhx pheiz 55 tạ iz hecta. Nôngz blêx phênhv ntâu zos: Nhị ưu 838, Nghi hương 305, Việt txuôv 20; Nhị ưu 63; têx nôngz hương chiêm, HT1,KD18, blêx blâuv 67. Zơưv Nguyễn Đức Điển puz pâuz:“Nganhx kôngz nuv tưz chox kriê txos qơư côngz xưv bax chiê tsêz chos chiv tsâux yiêz, hâur co tsov cưv txos côngz xưv uô ar, kho đuô têx côngz tsinhx đêx liv. Txos nhiv no lơưr pov cov cxôngx têx tiv phaz mak tas nro têx bax trâu chiv ntux yiêz tưz tâu uô jông, qiv hơưv jông, iz cxiê tiv phaz tưz tsêz chos. Têx chiz coaz chuyên môn cux heik kriê pox nhuôs ciêr chênhr tsêz chos cov trơưk chiv cheix”.

          Chiê tsêz chos chiv tsâux yiêz sâu tâu chiv kôngz jông, nganhx kôngz nuv tỉnh Yên Bái chox kriê têx tiv phaz tsêz chos huv đros, tir tar ntux no thâuv blêx cxơưr, phax tar đêx nas ngaz nhoz têx qơư kis thâuv txos six hơưv sâu blêx; thôngx cxix, paz chiê nzor tsêz chos chiv sor lax thiêz krêz uô chiv ntux tsâus 2021./.

(Trịnh Xuân-Txâur Vax cxeik nhênhv)