Jax sâu thưr 3.25.4.2017:

ĐAK LAK: POV TÔNGV QÊNHX SHÊNHX MÊ NHUÔS TSO NTƠƯR TSÊS MUL UÔ LOX TÔNGV

          Hâur shôngk shông no, tâu iz lênhx nênhs shưv jê heik kriê, zơưv Lê Văn Hồng ( nênhs Hmôngz), nhoz jos Noh Prông, xã Hòa Phong, huyện Krông Bông tưz puz 2 tul mê nhuôs zos Lê Văn Cải 10 shông thiêz Lê Văn Khương 15 shông mul thành phố Hồ Chí Minh uô hâux lưv xơưk pax ntâuz. Tsi xưk li lul tưz heik tiêk hâux lưv siz, nhiêx shar siêz, tsuôk đhâu 2 luz hlik, tiv cor tsi chưv hâux lưv uô hnhar viv li zơưv 2 tul mê nhuôs ntâu jiês hu xor tôngx lol tsêr thor chơưv paz. Zơưv Hồng tsuv mul txeik nhiêx mul thành phố Hồ Chí Minh chiê chox mê nhuôs lol. Zơưv Hồng heik:

          “Jêx jos cux nus cux nriêr ntâu lik zơưx tiêk chox mê nhuôs mul chas ho tror chox lol, txeik nhiêx mul tos mê nhuôs lol, nhiv no tsi tâu nriêr tâu hâux lưv uô chiê thêv nhiêx tưz txeik, txov nhêv hênhr”.

          Cux viv luz nênhx pluôs, zơưv Lê Văn Tỏa, nhoz jos Noh Prông, xã Hòa Phong, huyện Krông Bông tso tul nhuôv nxeik muôx 13 shông so ntơưr chiê mul uô hâux lưv đêz, taz sik zơưv tsi pâuz zuk tul mê nhuôs mul uô hâux lưv tul tsi, tsuôk hnor hu tênhv lol heik tiêk luz nênhx nhoz luôk têz qơưk khưr hênhr.

          “Hnor nưs heik tiêk uô hâux lưv khưr hênhr, uô yênhx hnuz tsi muôx six hơưv so. Cxôngx thâuv 6 six txos 11 six, 12 six txos 5 six zar hnuz keix, nox mor tas tror uô txos 12 six iz tas hmo, tsi muôx six hơưv so”.

          Lơưr zơưv Ngueyẽn Văn Tâm, chủ tịch xã Cư Pui, huyện Krông Bông, txơưv tiêk têz qơưk muôx tsênhv chei paz txưv tsês trâu mê nhuôs thax tsav tox siêz mênhx cxưx, taz sik viv luz nênhx txov nhêv ntâu chuôz zis tsênhv tso mê nhuôs so ntơưr. Zơưv Tâm heik:

          “Phênhv ntâu zos tsôngv box mênhx cxưx tsơưs nênhs, chuôz zis txov nhêv. Tiv txov nhêv viv li chiê muôx cxaz phênhv sâu tsôngv box cux thôngx ziv chiê mê nhuôs mul uô lox tôngv. Taz sik thâuv pêz pâiz mak lơưr tưz cir hôx thôngx đros têx qơư xeir zuôr lox tôngv, muôx têx uô cxâuv, viv li pêz vênhv tôngv têx chuôzz is co chox mê nhuôk lol tsêr, taz sik viv luz nênhx txov nhêv viv li lơưr tsi tâu chox mê nhuôs tror lol tsêr”.

          Zơưv Trần Ngọc Hùng, Phưv tsar phongx lox tôngv saz pênhz thiêz xã hội huyện Krông Bông puz pâuz, hâux lưv mê nhuôs so ntơưr mul nriêr hâux lưv ntơưv têx qơư công nghiệp uô, lok sik phưx vưv têx tsêr uô mor nox tưz muôx shông kaz shông 2014. Txơưv tiêk nganhx tưz đros chinhr quyênx tiv phaz, têx tsưr tsix đoanx thêv yax mông, vênhv tông, heik kriê. Heik txos têx uô cxâuv cêr chei hâur xeir zuôr mê nhuôs mul uô lox tôngv thâuv tsi tâu txưv shông chiê yưr lir taz sik cux tir tar tsi tâu qênhx shênhx no. Xav cxôngx hâur shôngk shông txos nhiv no, tas nro huyện muôx 135 lênhx cxôngx 12-16 shông tso ntơưr tsês. Hâur co, 42 lênhx so ntơưr mul uô lox tôngv nhoz TP Hồ Chí Minh. Chiê car chêx txos qơư qênhx shênhx mê nhuôs so ntơưr mul uô lox tôngv nzor, lơưr zơưv Hùng đrâuv muôz siêz jênhv pâuz trâu têx ziv chuôz zis lok qênhx mê nhuôs tsuv muôx tas nro xã hội sik côngv đros uô...:

          “Xar txu grês qênhx shênhx mê nhuôs mul uô lox tôngv nzor thiêz tso ntơưr tsês mul uô lox tôngv tsuv muôx tsênhv chei yưv pênhr chiê huôv tsar kinh têr taz por luz nênhx trâu tsôngv box. Lok tsênhv chei huôv tsar kinh têr, txos nhiv no lok six ntâu taz sik chiê tsôngv box pâuz txos tsênhv chei no mak zos vênhv thix lox. Đros thiêz têx nganhx muôx txơưx jênhv tsuv muôx tsưr ziv uô chiê kinh têr tiv phaz huôv tsar”./.

(TTT- Txâur Vax cxeik nhênhv)

Phênhv thưr 3 hnuz 25/4/2017

Phênhv: NÔNGX MÊNHX ZUÔR TSUV PÂUZ

                    Luk Hmôngz (số 6)

                    Hnuz nta suôz:  25  hli  4  shông 2017

                    Nhạc chuyên mục “Nhà nông cần biết”

Hlôngr txix tu zus nhux tưv tso yar chiê tu zus cơư guôx

(Hlôngr suôz)

      Thâuv ntêx, tsôngv box Hmôngz nhoz jok Xín Suối Hồ, xã Cán Tỷ, huyện Quản Bạ, tỉnh Hà Giang tsuôk tu zus nhux tưv tso yar, tưx muk zok nriêr jâuz nox lok sik chaz chox muk zus nox jâuz tâux trơưk têx ntus têz. Pox nhuôs tsik tâu tsov cưv txos cxax yuôx phax tar caz moz ơưk, tsoz phưz thâuv txos chêix ntux no njiv, uô trâu chor nhux tưv trâus txo grêk grik, sâu tsik tâu truôx lok nhiêx txiêx. Đhâu muk nriêr pâuz ntơưv iz cxiê qơư, tix lâus Zax Mí Páo nhoz jok Xín Suối Hồ pov tâu tsưr ziv tu zus nhux tưv tros thiêz sha mê nhuôs lơưr tsưr ziv tu zus cơư guôx xưk li Mèo Vạc-tiv phaz xưk iz zav li Quản Bạ, muôx tâu chêx cur kinh tế siêz, tix lâus tưz sir jos zus nhux đas chiê hla đhâu cêr pluôs.

      Shông 2008, tix lâus txêik zênhx hangx tsênhv chêi xã hội 10 triệu đêiv chiê yưv pênhr zus nhux đas. Muôx tâu mê njik nhiêx, tix lâus muk zok zuôr nhux đas ntơưv huyện Mèo Vạc lok zus. Viv chor nhux no sưv đros qiv hơưv thax tsav tox siêz. Tix lâus zôngv têx tâux nxư thiêz cxuô zav li: blôngx poz cưk, krâur…uô zav nox trâu nhux đas, viv li pênhr nhiêx yưv trâu luôs haux lưv tu zus cux tsơưs, nhux hloz lox sêi, muôs tâu grê, muôx qơư muôs truôx. Tix lâus tsênhv chos nzir tâux chiê muôx jâuz nox truôx tuk trâu nhux đas, tiv zix zos cxax yuôx phax tar caz moz ơưk cxix cxuô trâu chor nhux đas. Viv li, txơưv jêx tưv nhoz tox siêz poz jêz grêk kik, taz sik khov muôx txâuk jâuz nox thiêz tsêr guôx tâu thêir vor jông, tix lâus chuôz zis chor nhux cux tsik trâus ruôr hiêv li chas.

      Cxuô jiês nhux đas sha mê nhuôs xuz thơưx, tix lâus chuôz zis tsês chiê tu zus cov chor nhux vav chôngz, đhâu co chor mê nhuôs nhux zus lox tâu muôs chiê muôx nhiêx tror zus nzir. Tsuôk huôv tsar tu zus hâur 4 shông, txix tuk nhux xuz thơưx, tix lâus chor nhux tưz muôx 4 tuk. Đros co, hâur shông 2011, thâuv thêv tas nux grê trâu zênhx hangx, Zax Mí Páo tror txêik nzir 15 triệu đêiv nhiêx chiê zuôr nzir nhux đas thiêz muôz chor têz chos tsik jông kôngz chiê hlôngr chos tâux nxư trâu nhux đas nox. Iz shông xav tas cxuô zav, tix lâus chuôz zis sâu tâu 30 triệu đêiv nhiêx. Tix lâus Páo hêik: “Nhiv no, cur oz niêv txir cê tu zus, cê muôl muôs têx hax huv zâu, chuôz zênhx kho tênhv tênhz ntơưv tsêr. Pox niêv mak xơưk khâuz ndơưk, trik yo muôs trâu pox nhuôs hâur jok”.

      Đros trâu huôv tsar uô kôngz lôngk, muôs hax huv, tu zus tsiêx cxu chiê hla đhâu cêr yêiz pluôs, uô bluô nux trâu chuôz zis, lênhx hluôk Zax Mí Páo tsênhv sir jos yax kriê trâu tsôngv px sơưr đơưk hâur jok tsưr ziv zus tu zus nhux đas thiêz chos jâuz tâux. Páo li têx tsưr ziv huôv tsar cêr uô nox tưz tâu pox nhuôs hâur jok coưv shâuv uô trơưk. Tix lâus Zax Mí Páo cux đros yax kriê pox nhuôs sđ hlôngr tsưr ziv txix tu zus nhux tưv tso yar chiê tu zus cơưv guôx, hlôngr đuô têx liêx têz chos blêx tsik jông chiê chos têx zav tsoz chos sâu tâu nju đuô.

Phênhv “Nôngx mênhx zuôr tsuv pâuz” hnuz no, zos Đaix TNVN côngv đros tsênhv qơư cxiz uô kôngz têz qơưk uô./.

(Lik Thox cxêik nhênhv)