Têx muôx liv lok hnuz txi côngv huôz têik Hùng

Sâuv ntiêx têz, muôx ntâu luz têz qơưs cux tsưr tsix txi côngv pox côngz zơưv côngz, txi côngv lênhx sơưr thơưx kriz têz qơưs. Taz sik, muôx tsơưs tsơưs luz têz qơưs li pêz têz qơưs VN, cxuô lênhx sđ tsênhv muk uô hâux lưv thiêz cơưv ntâuz ntơưr trâu oz chas têz qơưs, thâuv tưs cux ndo txos hnuz txi côngv huôz têik Hùng pêz têz qơưs.

Hâur niêx shông, thâuv txos trâu hnuz xiêz 10/3 hli ntux, tsôngv px sđ tưz muk trâu thax tsav qơư tsêr mnov lịch sử huôz têik Hùng chiê đros txi côngv.  Ntơư zos thax tsav qơư xênhz zus tâu cxuô hêir nênhs VN zênhz shôngx-zos iz hêir nênhs truôx siêz bo tir ntâuk zênhx tros châuz Pháp, ntâuk zênhx tros châuz Mỹ. Thiêz pêz hêir nênhs VN, zos iz hêir nênhs muôx tsưr ziv txux chi, tir ntâuk zênhx tros châuz, muôx tsưr ziv txux chi cxiv kho têz qơưs truôx tuk thiêz zos iz hêir nênhs nhiêv têz nhiêv qơư; nhiêv đros cxuô têz qơưs huôv tsar uô cêr fôngx zưs jông.

Hêik txos hnuz xiêz 10/3 hli ntux hâur niêx shông, zos hnuz hur si tsôngv px cxuô hêir nênhs VN puôr lênhx muk trâu thax tsav qơư lịch sử tsêr mnov chiê txi côngv huôz têik Hùng. Thiêz tsêr mnov huôz têik Hùng zos iz di tích muôx liv trâu cxuô hêir nênhs VN./.

                                                                                                                                                                                (Tsu cxêik nhênhv-KT BĐTPT)

Ntênhs txi côngv Lạc Long Quân thiêz hlơưr shaz ndo txos Âu Cơ

Txi côngv huôz teik Hùng- Ntênhs phêv tsêr mnov Hùng shông no zos UB tỉnh Phú Thọ lov lik đros 4 tỉnh BÌnh Dương, Kiên Giang, Thái Nguyên thiêz Quảng Nam cxaz chuôz. Krêz uô ntêx ntênhs phêv shông no Ban tsưr tsix txi côngv huôz teik Hùng- Ntênhs phêv tsêr mnov Hùng shông 2018 tưz tsưr tsix Ntênhs txi côngv Lạc Long Quân thiêz hlơưr shaz ndo txos niêv Âu Cơ muôx côngz krêz phaz, huôv tsar mênhx cxưx Việt Nam.  Ntênhs txi côngv Lạc Long Quân tâu uô jông đros têx tsưr ziv uô chax chês. Đoanx teiv plor tưz hlơưr shaz shov, khơưk muôz pax, chuôz zênhx cxuô zav trâu Đức Quốc Tổ thiêz Tổ mẫu Âu Cơ, xar njôngr Đức Quốc Tổ Lạc Long Quân thiêz Tổ mẫu Âu Cơ paz cov têz qơưk tiêv tiêv tâu tiêx tul, por vêv tsưr qênhx têz qơưk, poz hiêr truôx tul; paz tsôngv box cxuô xênhv nênhs sik côngv tês iz siêz phuôx huiz đas jos chiê uô jông đuô thiêz hâux lưv hlôngr yiêz luz nênhx, uô tiêr jông jênhv vưv huôv tsar kinh têr- xã hôiv.

          Đros phênhv ntâus chax chês, Ban tsưr tsix txi côngv huôz teik Hùng- Ntênhs phêv tsêr mnov Hùng shông 2018 cux tsưr tsix têx huôx tôngv vênhx huôv, vênhx ziv, thiv thao li: piêr kriê, heik kriê ju lix, têx xiv huv nto bê nhoz Phú Thọ; heik kriê têx đruôz shav jông lok Phú Thọ; ntâus đruôs tôngx....ntơưv qơư di tích lix xưv tsêr mnov HÙng. Zơưv Nguyễn Duy Anh, giám đốc qơư di tích lix xưv tsêr mnov Hùng, Phưv tsar Ban thường trực Ban tsưr tsix txi côngv huôz teik Hùng-Ntênhs phêv tsêr mnov HÙng shông 2018 puz pâuz:

          “ Ntơưv qơư di tích lix xưv tsêr mnov Hùng muôx lok six ntâu huôx tôngv li têx huyện, thành thị li hội trại vênhx huôv, tsưr tsix têx giải thiv thao mênhx cxưx. Shông no pêz chox lol tsưr tsix piêr kriê têx chuôz zênhx ntu Huôz teik Hùng ntơưv tsêr bảo tàng qơư di tích. No cux zos qơư vênhx huôv chiê tsôngv box muôx cxaz qơư tuôx ndis shuôk, nhênhz chơưv lok tsêr mnov Hùng thiêz ntu đrav ntêx”.

          Tsâus ntux hnuz 21/4, ntơưv TP Việt Trì zuôr tsưr tsix tsaz yênhx ntênhs phêv vênhx huôv trâur lâus ntơưv têx cêr mul lol thiêz tsaz yênhx nghệ thuật hơưv tos Ntênhs phêv tsêr mnov Hùng shông 2018...Đhâu tsaz yênhx nghệ thuật zuôr muôx jiês tuô fov ntơưr pax ntêr 15 phênhz ntơưv ntus pas qơư uô si Văn Lang, thành phố Việt Trì./.

                                                                                                                                                               (Minh Hường- Txâur Vax cxeik nhênhv)

Viv li chas nox ntâu njêr, zuôr uô mor trâu lênhx nênhs luz chêr?

Nus: Thor nus cox mê njik, nhiv no xav kror đruôz đraz, iz lênhx nênhs VN sir zôngv tas 9,5 gam njêr hâur iz hnuz. Uô li cox ho hêik pâuz mê njik, tiv li chas nox ntâu njêr ho uô moz trâu lênhx nênhs luz chêr?

Têz: Nox ntâu njêr, lênhx nênhs luz chêr zuôr tsar ndê Natri thiêz Natri zuôr ndê trâu têx lênhs nyar, uô trâu têx lênhs nyar trâus grơưv mê, nyar zuôr ntưk tsik zênhx muk thôngz lênhx nênhs li luz chêr. Txix ntơư, lênhx nênhs nox ntau njêr, zuôr uô trâu sđ têx sâur nyar ndê siêz, nyar ntưk tsik tâu thôngz luz chêr thiêz zuôr uô trâu têx nyar khor trâu txox sâur nyar plơưr, uô trâu lênhx nênhs trâus tuôs. Chênhr zos li hêik ntơư, tsôngv px sđ tsik cxoz nox ntâu njêr thiêx tsik uô moz trâu lênhx nênhs luz chêr thiêz têx jâuz grêix, cuô txoz… tsôngv px sđ tsuv tso cov tsơưs, tsik chiê têx jâuz, grêix đơư njêr thiêx tsik uô moz trâu lênhx nênhs luz chêr thiêz tsuv xêir têx zav nox muôx liv trâu zuk li đas jos, luz chêr.

Nus: Li cox nhiv kruôr hêik tas ntơư, uô li hâur pêz têz qơưs pok tâu muôx quy tênhv hêik lok têx jâuz grêix cxuô cxuô zav, tsuv trâu njêr li chas thiêx huv đros?

Têz: Nhiv no, Bộ y tế tsênhv taz tov đros cxuô đơn vị nhênhz chơưv cxiv tsa quy tênhv no, hâur ntơư zos luôs hâux lưv quy tênhv tsuv hêik cov tse3enhz mênhx: Cxuô zav jâuz, grêix tsuv trâu njêr li chas cov huv đros.  Chênhr zos li hêik ntơư, ntâu luz têz qơưs sâuv ntiêx têz nhiv no cux tsênhv quy tênhv: 100 gam njêr tso trâu  cxuô zav jâuz grêix chiê uô nox.

Nus: Iz chas hêik lok têx tsik jông ntơư thiêz yax kriê tsôngv px tsuv nox njêr tsơưs thiêz cxiv tsa quy tênhv chiê tso njêr trâu cxuô zav jâuz, grêix thiêz Bộ y tế pok muôx faz tsưr ziv tưs yax kriê tsôngv px nox njêr tsơưs?

Têz: Pêz tưz đros Bộ zoz zux fuô uô luôs hâux lưv cov muôx liv trâu tsôngv tuz nxêik shuv xênhz nhoz cxuô luz tsêr cơưv; ntơư zos têx jâuz, grêix tsuv tso njêr cov huv đros, zos Viện yax kriê nox cov txâuk cxuô zav jâuz mor cxiv tsa thiêz pêz cux pov tâu tiêk: Têx jâuz grêix, tsuv trâu njêr tsơưs, cux chênhr zos iz kro jông, muôx liv trâu cxuô lênhx sđ thiêz tsik uô moz gênhk trâu lênhx nênhs luz chêr. Xav kror đruôz đraz, lênhx nênhs lâuk tsuv nox txos 5 gam njêr; mê nhuôv zâu tsuv nox txos 2 gam njêr thiêx huv đros luz chêr thiêz tsik uô moz trâu lênhx nênhs đas jos, luz chêr.

Uô cox tsâus ntâu!

(Tsu cxêik nhênhv-Ban thời sự)