Tsôngv box, doanh nghiệp “jông siêz” thâuv tuôx txos trâu tỉnh ntus đriv Lai Châu

          Tỉnh Lai Châu tưz yênhx lix thiêz cxiv tsa Tsênhv qơư phưx vưv hành chính côngz tỉnh lok huôx tôngv; tsưr tsix jiês sik thav đros doanh nghiệp; yênhx lix hiệp hội doanh nghiệp; tsưr tsix tsaz yênhx cà phê doanh nhân....chiê mnôngs doanh nghiệp li têx siêz xar njôngr. Đrâuv co, tiv phaz cux yênhx lix Chủ tịch UB tỉnh li tuêv côngz xưv, yax six mul qênhz yuôx, cxơưz cxiz uô têx sở, ban, nganhx uô jênhv vưv, tiv zix zos têx jênhv vưv muôx lênhx coaz txos tsôngv box, doanh nghiệp.Zơưv Nguyễn Quốc Tuấn, Giám đốc Công ty TNHH yưv pênhr thiêz cxiv tsa Mạnh Quân puz pâuz:“Pêz uô lok six ntâu têx ntâuz ntơưr hành chính sâuv thax tsav. Ntu đhâu tsôngv box thiêz côngv thôngx doanh nghiệp ntâus grê lok six siêz têx sir jos hlôngr yiêz ntâuz ntơưr hành chính sâuv thax tsav tỉnh Lai Châu. Tiv zix zos nhiv kruôr đhâu tỉnh tưz cxơưz cxiz thiêz chox lok huôx tôngv tsênhv qơư hành chính côngz, đơưk tâu têx phêv liv trâu tsôngv box thiêz doanh nghiệp”.

          Tsênhv qơư hành chính côngz tỉnh Lai Châu đhâu 8 luz hlik huôx tôngv tưz tsênhz tsênhz muôx têx trus hlôngr yiêz, thâuv car chêx zuôr xar 1 cxênhz 400 zav ntâuz ntơưr hành chính trâu 15 sở, nganhx thiêz 2 doanh nghiệp. Txos nhiv no, tsênhv qơư tưz tos 18 cxênhz ntâu jiês lênhx nênhs tuôx uô ntâuz ntơưr hành chính, car chêx zuôr xar 11 cxênhz ntâuz ntơưr, car chêx trơưk six hơưv tax 99% ntâu, paz lok six ntâu trâu tsôngv box thiêz doanh nghiệp thâuv tuôx uô hâux lưv. Zơưv Vũ Văn Bồi, iz lênhx tsôngv box nhoz thị trấn Mường Tè, huyện Mường Tè tuôx uô ntâuz ntơưr đăng cir doanh nghiệp ntơưv tsênhv qơư hành chính côngz tỉnh Lai Châu pheiz kênh:“Đhâu uô hâux lưv mak pov têx cán bộ Tsênhv qơư hành chính côngz lok six jông siêz paz max uô sei têx ntâuz ntơưr. Cur pov lok six jông siêz. Ntâuz ntơưr uô txos tưs mak cán bộ kriê txos co cov uô trơưk cui tênhv”.

          Ntơưv tỉnh li Tsênhv qơư hành chính côngz, cxuô xor mông lok têx ntâuz ntơưr hành chinhr puôr lênhx tâu uô tsênhz mênhx chiê tsôngv box, doanh nghiệp tuôx uô ntâuz ntơưr chuv tôngv nriêr pâuz, seiz shuôk. Khov co, đhâu 8 luz hlik ntâu huôx tôngv, tưz muôx 96% ntâu tsôngv box thiêz doanh nghiệp tuôx uô hâux lưv ntơưv Tsênhv qơư thiêz ntâus grê puôr lênhx jông siêz. Zơưv Kiều Hải Nam, Chánh văn phòng UB tỉnh Lai Châu, Giám đốc tỉnh li Tsênhv qơư hành chính côngz puz pâuz:

          “Txơưv hâux lưv car chêx ntâuz ntơưr hành chính trơưk six hơưv thiêz đhâu six hơưv cux tưz tâu muôz siêz, taz sik pêz tsênhv tror heik muôz siêz cán bộ li chinhz yênhxx, txơưx jênhv uô hâux lưv hâur tas nro têx vênhv thix, têx hâux lưv tsuv uô, tos jênhv ntâuz ntơưr, uô ntâuz ntơưr. Tror heik trâu lênhs tov tỉnh chox kriê têx nganhx, tiv phaz muôz siêz hâux lưv car chêx ntâuz ntơưr txos phênhv 3, phênhv 4 trực tuyến; tror seiz car hâux lưv uô ntâuz ntơưr hành chính chiê seiz têx ntâuz ntơưr tưs zuôr trâus txu grês”.

          Tas nro cxix luôk chinhr trị nhoz tỉnh Lai Châu li sir jos hâur hlôngr yiêz ntâuz ntơưr hành chính tưz tâu sâu jênhv thâuv tỉnh sơưr tiv 51 sâuv tas nro 63 tỉnh, thành phố hâur têz qơưk, đros 79 điểm ntâu, chuôz ndê 7 thênhv pir đros shông 2018. Đros co, tsôngv box, tsưr tsix jông siêz đros chiz coaz hành chính têz qơưk ntơưv tiv phaz cux chuôz ndê 11 thênhv, sơưr tiv 44 sâuv tas nro 63 tỉnh, thành phố. No zos Lai châu li phênhv siêz tiv zix cxôngx shông 2012 txos nhiv no. Zơưv Vừ A Tiến, Giám đốc Sở nội vụ, Phưv tsar Ban chox kriê hlôngr yiêz ntâuz ntơưr hành chinhr tỉnh Lai châu heik:“Lai Châu zos tỉnh txov nhêv, viv li vênhv thix hlôngr yiêz ntâuz ntơưr hành chính li uô chinhr quyền điện tử thiêz iz cxiê hâux lưv car chêx ntâuz ntơưr hành chính txơưr tsênhv nhoz cấp 3,4 sik côngv đros cấp xã zos iz vênhv thix phêv liv. Vênhv thix zos têx chuôz zênhx phưx vưv, tsôngv box li cêr cor cav sir zôngv hâur vênhv thix car chêx ntâuz ntơưr hành chính sâuv thax tsav nhoz phênhv tsênhv kis. Pêz zuôr uô tsênhz mênhx têx vênhv thix muôx lênhx coaz txos ntâuz ntơưr hành chính, txu grês txos phênhv tsơưs tiv zix chiê tsôngv box thiêz tsưr tsix pov huv đros thiêz jông tiv zix”./.

(Khắc Kiên-Txâur Vax cxeik nhênhv)