Jax thưr 7, hnuz 25/6/2016:

Lêiv poz-Heir nênhs Thêir txux chi uô si thâuv nzor

Tsi pâuz tsênhz shor txux chi uô si lêiv poz muôx thâuv tưs lok, tsuôk hnor têx lâuk heir nênhs Thêir thax tsav Tây Bắc piêr tiêk: Thâuv ntêx thâuv nzor, chor tuz nxeik hluôk nênhs Thêir muk uô liêx, lơưr khênhr lêiv têx zuz liês, tuk no lêiv trâu tuk tov txeik, txix thâuv ntơư txơưv muôx zav txux chi uô si lêiv poz. Txix têx hnuz co lok, luz poz thâuv tưs tưz muôx hâur têx hnuz ntênhs tsiêz thiêz tuôr tsês đreiv iz tiêv đhâu iz tiêv. Pos Tòng Thị Thân, nhoz xã Mường Cang, huyện Than Uyên, tỉnh Lai Châu heik:

“ Shông tưs cux li ntơư, thâuv tsiêz 30, ntux yiêz tis lok txos pêz ho xơưs poz chiê lêiv uô si hâur têx hnuz tsiêz. Co zos txux chi vênhx huôv uô si thâuv nzor muôx đros đreiv tsôngv box heir nênhs Thêir luz nênhx xênhz huôx”.

Hâur nênhs Thêir tsêr tsar lơưx, têx lênhx pox niêv vir ndâuk nênhs Thêir jâuv uô têx pơưs xơưs poz lêiv uô si. Têx tsis ntâuz lơưr xơưs tsôngk trik yo, uô fuôv uz no hâur iz shôngk khơưk tsês jông chiê tâu xơưs poz. Luz poz tâu uô li: Txiêr iz đeiv ntâuz xưv phaz xưv mênhv, đar xar iz đok, muôz 4 luz câuv ntâuz lok câur uô cê, đhâu ntơư muôz côngz xơưs 3 caz, yuôz iz caz mak tsês chiê thâuv tưs muôz nôngz pax njơưk pur tas trâu hâur li xơưs trâu. Txox hluô poz lơưr muôz ntâuz xơưs ntêr xar muôx 2 đok, hluô li khor thiêz jông lêiv. Chiê xơưs uô tâu iz luz poz jông, chor pox niêv tưz xeir têx ntâuz jông, txêix, liêz njuôz, đax….chiê tik uô têx tư poz txix ntơưv luz poz txos trâu tas nro txox hluô. Xơưs poz tsi tiêk xơưs uô cov jông gâux mak nưk muôx nưk iz kro jông trâu luz nênhx, viv lơưr nênhs Thêir, zos luz poz tsi muôx tư mak ntơư zos luz poz tsi muôx txix gơưv, muôx cxix cxuô zav hâur luz nênhx, ziv uô tâu ntâu têx tư đei trâu mak ziv jông thiêz ziv huôv tsar ndê jux juk.

Thâuv tưz muôx txâuk têx poz li heik sâuv, hur si sđ hâur jok sik đros uô si lov jêv lêiv poz. Zav txux chi uô si no tsi thôngx li txux chi uô si ntâuk los txir toz lok sik têx txux chi uô si txơưr đuô, tsuôk muôx têx qơư mê njik tiêx lok sik đrâuv têx tos tsar lơưx cux uô tâu, mak txux chi no tsuv muôx qơư tiêx thiêz đar. Nênhs Thêir khênhr lêiv poz ntơưv têx yar tiêx đar tov hâur jok lok sik têx liêx tưz lêis sâu kôngz tas lok sik têx qơư tiêx thiêz đar zôngx ziv muk lok, chêx tsôngk tâu chôngz lênhx đros uô si lêiv poz. Pos Khoàng Thị Duyên, phường Đoàn Kết, TP Lai Châu heik:

“ Tiv iz zos lêiv poz đhâu iz luz vox, zos lênhx tưs lêiv tâu đhâu mak tuk ntơư zos tuk txơưx thiêz hmôngr jông hâur iz shông. Tiv 2, pheiz uô 2 paz txir nênhx, pox niêv lok sik txir nênhx pox niêv uô cê, zos lênhx tưs txeik tsi tâu luz poz mak zuôr tsuv muôx iz zav huv trâu tuk nênhs lêiv poz, zos tsi muôx đaz tsi muôz mak tuô poz njês, lar heik zos têx tuz nxeik hluôk muôz fuôv, yo, tôngx, xix hơưv siz puz chiê uô puôr fênhx”.

Têx tuz nxeik hluôk hnar têx chêr tsôngk trik yo, tiêz yiêz, têk tuôr poz lêiv, iz paz nhoz iz tos, paz no lêiv paz tov txeik, lêiv uô si li ntơư lơưv yênhx hnuz tsi pâuz đhuôr đros têx suôz luôs, suôz heik luk lov jêv lus ziv uô trâu lơưr siz sưv jê đuô. Lơưr heik cưr cxiêx siz lưr, sik thav lok têx cêr siz hluz, ndo yuô đhâu luz poz lêiv muk lêiv lok, chênhr viv li zos lênhx tưs tưz nhiêv trâus lênhx tuz lok sik lênhx nxeik tưs  mak lơưr lêiv poz trâu tuk ntơư, đhâu co muôz têx huv siz puz uô puôr fênhx thiêz cux txix têx cêr lêiv poz uô si hâur têx hnuz tsiêz, ntâu lênhx tuz nxeik hluôk tưz yênhx txix gơưv, cxiv tsa luz nênhx tsâu sor, shir phaz lus.

Nhiv no, txux chi uô si lêiv poz cux tsênhv tâu côngv thôngx hêir nênhs Thêir Tây Bắc tuôr tsês chiê. Zav txux chi uô si no tsi tiêk tsưr tsix hâur têx ntênhs txi côngv jêx jok, tsiêz 30, mak tsênhv tâu tsưr tsix hâur nênhs Thêir, têz qơưs lok sik têx jiês tsưr tsix đại hội vênhx huôv thêv thao cxuô heir nênhs hâur cxuô cấp têx hnuz hội, têx hnuz ntênhs lox. Viv txux chi uô si no xưk li qơư tik cêr lov jêv, uô trâu sđ siz sưv jê, muôx nzir cêr thôngx siêz truôx jông đuô./.

( Thúy Ngoạn CTV-Riê Lâux cxeik, nhênhv)

Phênhv thưr 7, hnuz 25/6/2016:

Hêir nênhs Mạ têx kror chuz hâur tsêr tsar lơưx

(Nhạc nền…..)

Txos trâu nhiv no, hêir nênhs Mạ nhoz Lâm Đồng têx kror chuz hâur tsêr tsar lơưx ntêr, cux tsênhv tuôr tâu tsês thiêz muôx ntâu ziv chuôz zis mê nhoz uô cê hâur luz tsêr lơưx ntơư, puôr lênhx muôx kror chuz uô jâuz mor nox cxix cxuô; Iz cxiê tsêr tsar lơưx, lox ntêr, têx jiês muôx 10-14 luz kror chuz. Cxuô luz kror chuz cux tâu uô trơưk iz hax nhoz hâur đruôz đraz trơưk luz tsêr.

Cux li cxuô hêir nênhs txơưr đuô nhoz faz Tây Nguyên, hêir nênhs Mạ têx kror chuz cux tâu xav pir li đaz vax đaz tsêr, thâuv tưs tưz muôx đros đrêiv hâur hêir nênhs Mạ luz nênhx. Chênhr zos li hêik ntơư, thâuv uô tâu tsêr yiêz, lênhx tsưr tsêr ntơư, tsuv tâu txi côngv đaz kror chuz, kror txok thiêz uô kror qơư ntơư chiê trâur tơưk. Ntơư zos khơưz têx ar đax chox lok puôz uô; thâuv uô tâu ntơư tsuv chiê têx lênhx nênhs lâuk muôx côngz nto bê trâur tơưk uô ntêx cov hluôr tơưk chiêx hâur iz hnuz iz hmo tsik chiê hluôr tơưk tuôs. Hêir nênhs Mạ xav tiêk: Uô li ntơư, cxuô lênhx hâur ziv chuôz zis thiêx njiz tâu ntâu cêr vav mênhx hâur luz nênhx. Hâur hêir nênhs Mạ luz tsêr tsar lơưx, cux uô oz yôngx tsuôr nzêix; yôngx hâur kaz zos chiê kra tsês chiê cxuô zav grêix cxiêz, grêix chi, tơưr tưv, njêk kra kruôr…Yôngx sâuv tox zos tsês chiê têx nôngz kôngz thiêz cxuô zav chuôz zênhx li cuôr tênhz, tơưz, cơưv…

Hêir nênhs Mạ têx kror chuz uô jâuz mor nox hâur niêx hnuz cux zos iz kror qơư chiê cxuô lênhx hâur ziv chuôz zis jâuv thav  lok huôv tsar cêr uô nox uô hnar cov ziv hnuz ziv muôx luz nênhx tsâu sor.

Iz chas hêir nênhs Mạ cxuô ziv chuôz zis mê, têx kror chuz hâur tsêr tsar lơưx thiêz hâur đruôz đraz tsêr, zos thax tsav qơư tsês trâu niêv pos, txir zơưs nhoz thiêz hêir nênhs Mạ cux tsênhv muôx iz luz kror txok uô trâu  hâur đruôz đraz tsêr chiê chơưx kruô thiêz ntơư cux zos thax tsav qơư nthuôr uô cêr lov jêv, khoz đruôk tôngx cxêz tôngx; tsưr tsix ntênhk đơưk bê, nox yôngz cok, uô nênhz zêis…

(Nhạc……)

Hêir nênhs Mạ têx kror chuz, thâuv tưs tưz đros đrêiv hâur luz nênhx thiêz ntơư cux zos hêir nênhs Mạ iz cêr nênhx vênhx huôv jông muôx thâuv nzor lok txos trâu nhiv no tsik chiê plox./.

                                  (Tsu cxêik, nhênhv-k/t báo dân tộc)