Muôz nghị quyết uô hâur luz nênhx: Hêik txos têx lênhx bí thư paz trâu jêx jok nhoz Sơn La

Xar Lóng Luông, huyện Vân Hồ zos luz xar nhoz puôz đriv têz sâuv txox cêr lox 6 saz tror muk trâu zar qơư kik xav txix tsênhv qơư tỉnh Sơn La, muôx 1.350 ziv chuôz zis, zuôr xar 7.000 lênhx nênhs, phênhv ntâu zos tsôngv box Hmôngz uô nênhs nhoz. Tiv pêx xênhv li jenhv pâuz tsênhv kik, tsik tâu sir jos moz siêz hâur luz nênhx, thâuv ntêx no muôx txos iz đra chor nênhs hâur xar zos chor ziv chuôz zis pluôs. Muôx têx jêx jok li Lũng Xá-Tà Dê tsênhv tâu xav tiêk zos chor nênhs nhiês zuôr muôs zax zênhz li têx qơư nhoz, hâur co muôx têx chor nênhs sêiz car zuôr muôs zax zênhz thôngz têz qơưk tưz trâus cxov… Ntâu jiês cấp ủy sêiz lax, Nghị quyết tâu xar tso tơưv. Chiê Nghị quyết nzor tâu uô hâur luz nênhx, Bí thư Ký tưz tsik so muôx njêx muôs ntơưv têx jêx jok, muk yênhx ziv chuôz zis, njiz yênhx lênhx nênhs chiê yax kriê, hêik cov sơưr đơưk pâuz tâu. Thiêz thax tsav phiv liv thâuv ntêx co tưz hlôngr yiêz lok six ntâu, đros xar muôx 400 ha txir đuôx, ntâu ziv chuôz zis chos txir đuô sâu tâu muôx 200-300 triệu đêiv iz shông. Yênhx puô ha tsoz chos tsik jông sâuv têx ar têz nxaz tox cux tâu pêx xênhv hlôngr đuô chiê chos ntông nox txir, uô kôngz nuv zos yênhx hax huv, txix co, chor ziv chuôz zis pluôs tâu txo grêk tsơưs sêi, txos tas shông 2020 tas nro xar tsuôk yuôr  muôx 15%:“Hâur côngv thôngx mênhx cxưx Hmôngz mak muôx chor tsưr chuôz xênhv, thiêz chor nênhs muôx suôz bê, txir ndâux txir luk hâur jok. Thâuv muk trâu têx jêx jok uô hâux lưv mak cur xux muk ciês trâu yênhx ziv chuôz zis, yênhx chuôz xênhv chiê hêik sơưr đơưk. Đhâu yax kriê, txos trâu nhiv no cux khav tênhv tâu tiêk pêx xênhv tưz pâuz tâu thiêz lơưr cux tưz muôx ntâu hlôngr yiêz”.

95 ntu cêr, ntêr muôx 45 cêik tâu uô txix bê tông; 2.000 ntâu tuk ndêx tênhv paz tơưk chis pov cêr trâu cxuô jêx jok; tas nro 15 jêx jok muôx trôngx vas ntơưv ndâux cêr zuôr muk hâur jok lox jông, hêik tơưv tâu txos mênhx cxưx têx vênhx huôv jông... Têx uô tâu mak pêx xênhv nhoz Ngọc Chiến, huyện Mường La tâu sơưv nhiv no muôx tsik tsơưs Bí thư Đảng ủy xar Bùi Tiến Sỹ thiêz Tập thêv Đảng ủy ntơưv no li têx sir jos paz uô, thâuv sir jos đros đrêiv pêx xênhv muôz Nghị quyết lok uô hâur luz nênhx. Niêv tix Lò Thị Vượng, hôiv viên pox niêv xar Ngọc Chiến hêik:“Muôx Bí thư moz siêz, sir jos thiêz txơưx xar tơưv hâur uô hâux lưv, têx tsưr ziv, Nghị quyết huv đros, viv pêx xênhv, tsik muôx hnuz so, thưr 7, hnuz ciêz txơưv lok nas, yar ntux cux sir jos paz, đros đrêiv pêx xênhv, txix luz jok no trâu luz jok tor…Đros sir jos uô li no mak xar Ngọc Chiến zuôr txo grêk tsơưs tâu yêiz pluôs thiêz zuôr ziv hnuz ziv huôv tsar đuô”.

Bí thư Đảng ủy xar Ngọc Chiến puz pâuz, uô ntêx thâuv zuôr cxiv tsa, iz tsaz yênhx uô hâux lưv puôr lênhx tâu hêik pâuz chiê zuôr pêx xênhv li ziv chênhv, sêz zuk jêx jok, zuk qơư nhoz tsuv tâu yưv pênhr uô tuk đaz tsi uô ntêx, lơưr kaz…kror zov chênhr chiê paz uô tiêr zos cêr thôngx ziv thiêz pêx xênhv sik côngv siêz truôx jông.Tỉnh Sơn La muôx 12 huyện, thành phố, đros muôx 204 xar, phường, thị trấn. Txơưv tsênhv yuôr ntâu kror phiv liv, taz sik têx shông jê lok no, Đảng bôv, chinhr quyền thiêz pêx xênhv cxuô mênhx cxưx têx thax tsav qơư tưz sir jos sik côngv siêz, txơưx xar tơưv hâur tsaz yênhz kriz uô cov huv đros trâu tsênhv tsênhz, khov co kinh têr-xar hôiv muôx têx huôv tsar jông. Xav chuôz ndê sâuv thax tsav tỉnh ntu 5 shông txix shông 2016-2020 tâu muôx 5% ntâu iz shông; tas nro têx sâu tâu shông 2020 muôx 56 cxênhz tiv đêiv, sơưr tiv 5 hâur 14 tỉnh trung du thiêz tox siêz faz Bắc; phênhv sâu xav lênhx nênhs shông 2020 tâu muôx 44 triệu đêiv iz lênhx nênhs iz shông; chor ziv chuôz zis pluôs xav lok ntâu kror tas nro tỉnh nhiv no tâu txo grêk tsơưs txos yuôr 18% ntâu. Lơưr zơưv Lò Minh Hùng, Phưv Bí  thư Thường trực Tỉnh ủy Sơn La, kror uô tâu no muôx tsik tsơưs chor nênhs sơưr thơưx cấp ủy cxuô cấp li têx sir jos, tiv zix zos ntơưv cxuô thax tsav qơư, đrâuv muôx tập thêv cấp ủy li đas jos thiêz txux chi hâur lênhx tov, chox kriê, tso tơưv têx tsưr ziv, cêr chêi huv đros trâu tsênhv tsênhz, tsênhv đros đrêiv pêx xênhv, sơưr đơưk nhoz ntơưv qơư chiê paz uô truôx jông cêr sik côngv siêz thiêz huôv tsar:“Tsênhv tsênhz tưz hêik pâuz tiêk canr bôv tưs mak phongz yaox co. Xar muôx phongz yaox hênhr mak tsuv muôx cán bộ sir jos, txơưx uô hâux lưv. Têx shông đhâu, tỉnh Sơn La lok six moz siêz txos nênhs sơưr thơưx cấp ủy, chính quyền cxuô cấp li txux chi, pưk txux hâur tsưr tsix kriz uô Đảng, Têz qơưk têx cêr chêi, hâux lưv huôv tsar kinh têr-xar hôiv cux xưk li taz por ngaz tuk chinhr triv, ngaz tuk xar hôiv ntơưv thax tsav qơư. Đhâu tsênhv tsênhz puz pov nhoz kror tưs lênhx Bí thư, Chủ tịch uô jông, moz siêz, sir jos uô zuk têx hâux lưv, paz trâu pêx xênhv mak nhoz têx qơư co truôx tuk thiêz huôv tsar jông đuô”./.

Thu Thùy-Lik Thox cxêik nhênhv

Nênhs tâu uô ntơưr căn cước công dân thiêz lênhx nênhs li vax huôv lok căn cước công dân

Lơưr Chêi Căn cước công dân 2014, nênhs Việt Nam  muôx txưv 14 shông tror sâur tâu uô ntơưr Căn cước công dân trơưk li (ntu 1, Grê 19). Ntơưr Căn cước công dân tsuv tâu hlôngr đuô thâuv lênhx nênhs txưv 25 shông, txưv 40 shông thiêz txưv 60 shông (Grê 21). Zos tiêk ntơưr Căn cước công dân tâu uô, hlôngr đuô, uô đuô hâur 2 shông uô ntêx hnuz nhôngs cui tênhv mak cux muôx tsiv gri sir zôngv txos trâu hnuz nhôngs tsuv hlôngr đuô, uô đuô ntơưr Căn cước công dân txuôk lơưr co. Đuô li, chor nênhs tưz muôx ntơưr chứng minh thư (9 sôr thiêz 12 sôr), ntơưr Căn cước công dân mã vạch tâu hlôngr trâu ntơưr Căn cước công dân muôx chíp thâuv tsuv tâu uô lok sik đêiv ntơưr kuz tas six hơưv sir zôngv. Sôr ntơưr Căn cước công dân muôx 12 sôr. No chênhr zos yênhx lênhx tiz nênhs li tuk sôr. Tuk mã sôr no mak đros đrêiv lênhx tiz nênhs txix thâuv tâu xênhz zus txos trâu thâuv tas siv nênhx, tsik hlôngr đuô têx sor yiêz thiez iz lênhx nênhs nhiêk muôx nhiêk iz tuk sôr sik txơưr tsik jông iz zav. Mã sôr tiz nênhs no tâu uô khov trâu têx xor mông têz qơưk nriêr pâuz lok pêx xênhv, zôngv chiê txuôk đros, nriêr pâuz xor mông lok pêx xênhv, lênhx tiz nênhs.

Lơưr Grê 20 Chêi Căn cước công dân 2014: Ntơưr Căn cước công dân tâu sir zôngv hlôngr trâu hâux lưv sir zôngv hộ chiếu hâur hâux lưv Việt Nam thiêz têx têz qơưk saz đrâuv cir điều ước lok sik sêiz lax ntiêx têz tso chêi trâu chor nênhs nhoz hâur têz qơưk cir jênhv tâu sir zôngv ntơưr Căn cước công dân hlôngr trâu hâux lưv sir zôngv hộ chiếu hâur têx têz qơưk co. Đros co, ntơưr Căn cước công dân muôx chíp điện tử nhiv no tsênhv paz muôx ntâu kror liv trâu cxuô lênhx nênhs. Thượng tá Huỳnh Văn Long, Phưv trưởng Công an thành phố Cao Lãnh, tỉnh Đồng Tháp puz pâuz:“Ntơưr Căn cước công dân muôx chíp điện tử chiê paz trâu hâux lưv sêiz car têz qơưk, paz zôngx ziv trâu cxuô lênhx nênhs uô zuk têx ntâuz ntơưr, hâux lưv uz no. Căn cước công dân muôx xor mông lok tiz nênhs, qơư nhoz chiê trâu lênhx tiz nênhs uô zuk têx ntâuz ntơưr, hâux lưv uz no hlôngr trâu ntơưr hộ khẩu. Ntơưr Căn cước công dân muôx chíp mak zuôr paz por vêv jông têx xor mông, tso chêi chiê uô ntâu zav đros, zuôr tâu sir zôngv thiêz txuôk đros trâu têx dịch vụ công côngv thiêz tưz nhân”.

Chêi Căn cước công dân cux cui tênhv, chor nênhs zos liệt sỹ li niêv, txir, pox niêv, tuk txir, mê nhuôv tsik tâu muôx 18 shông; xaz pênhz, nênhs tâu sơưv cêr chêi li xaz pênhz; nênhs trâus saz zos xaz pênhz; pêx xênhv nhoz ntơưv chor xar ntus đriv; nênhs nhoz ntơưv têx huyện poz hiêr; tsôngv box mênhx cxưx tsơưs nênhs nhoz chor xar kinh têr-xar hôiv txov nhêv tiv zix; nênhs nhoz hâur chuôz zis zos chuôz zis pluôs lơưr chêi têz qơưk li cui tênhv; mak tâu uô ntơưr Căn cước công dân tsik tas nhiêx txiêx.

Cxuô lênhx nênhs uô ntơưr Căn cước công dân mak tâu taz por tsik muôx nênhs pâuz txos têx xor mông lok zuk tiz nênhs, zuk chuôz zis hâur têx xor mông têz qơưk lok pêx xênhv thiêz têx xor mông căn cước công dân, yưx têx kror tsuv hêik pâuz têx xor mông lơưr chêi têz qơưk cui tênhv; hêik cơ quan sêiz car Căn cước công dân kho đuô xor mông thâuv têx xor mông têz qơưk lok pêx xênhv, xor mông lok căn cước công dân lok sik tsik tâu muôx ntơưr Căn cước công dân, tsik tâu xav jênhv tâu xor mông lok sik muôx têx hlôngr yiêz lơưr chêi têz qơưk li cui tênhv; tâu uô, hlôngr đuô, uô đuô ntơưr Căn cước công dân lơưr chêi têz qơưk no li cui tênhv; Siz pênhr, pênhr trơưk cêr chêi têz qơưk li cui tênhv đros têx uô cxâuv cêr chêi lok căn cước công dân, têx xor mông têz qơưk nriêr pâuz lok pêx xênhv thiê zor mông lok căn cước công dân; sir zôngv zuk đêiv ntơưr Căn cước công dân hâur uô zuk têx ntâuz ntơưr, hâux lưv uz no, zuk têx vax huôv, kror liv huv chêi. Thượng tá Tô Anh Dũng, Phưv Cục trưởng Cục Cảnh sát sêiz car hành chính lok ngaz tuk xar hôiv, Bôv Công an puz pâuz:“Thâuv têx hâux lưv dân sự xar txuôk đros bôv nganhx txix têx xor mông têz qơưk lok pêx xênhv no mak pêx xênhv sơưr đơưk xar muk uô hâux lưv trâu têx bôv nganhx tưs, pêz cux tưz xav txos hâux lưv txuôk đros trâu têx bôv nganhx co chiê phưx vưv, paz trâu sơưr đơưk uô cov tiêr tâu têx hâux lưv jông tiv zix”./.

VOV4-Lik Thox cxêik nhênhv