Xeir zuôr cơưv Đại học: tsi tsov lơưr điểm thik cơưv tiêr 12

          Jiês xeir zuôr shux xênhz shông no, têx tsêr cơưv Đại học cxiv tsa cxaz tsưr ziv xeir zuôr tsov lơưr chêx cuk cơưv ntơưr cxênhx 3, xeir zuôr lơưr chứng chỉ quốc tế thiêz chêx cuk cơưv cxênhx 3. Iz cxiê tsêr cơưv li chor shux xênhz xeir zuôr lơưr têx tsưr ziv tsi tsov lơưr chêx cuk jiês thik cơưv tiêr THPT njuôs xav ndê txos 50% tas nro chỉ tiêu xeir zuôr shux xênhz. Zơưv Lê Hiếu Học, Phưv Hiệu trưởng tsêr cơưv Đại học Phenikkaa puz pâuz:“Pêz muôx 10% tâu xeir zuôr muk cơưv, 40% zos xeir zuôr cơưv cxôngx cxênhx 3, zos xeir zuôr lơưr học bạ, 50% zos xeir zuôr lơưr chêx cuk jiês thik cơưv tiêr THPT. Đros siêz xar njôngr taz por tsơưr lươngv xeir zuôr shux xênhz, txos nhiv no pêz tsênhv uô jông tsưr ziv xeir zuôr li ntơư. Txơưv zuôr muôx têx phêv liv trâu pêz thâuv xeir zuôr, viv shux xênhz xar njôngr thiêz hâux lưv xeir zuôr cux zuôr phiv liv đuô”.

          Tsi sir zôngv chêx cuk thik cơưv tiêr xeir zuôr, viv li têx tsêr cơưv zuôr tsưr tsix xeir zuôr ntâu jiês cxôngx kaz hlik hli 7 thiêz chor shux xênhz đăng cir cux chôngz. Taz sik, chor hồ sơ ntâuz ntơưr cux ntâu, viv li zuôr phêv liv trâu têx tsêr cơưv. Pos Nguyễn Thị Thu Hường, Phưv Hiệu trưởng Tsêr cơưv Đại học Công nghiệp xơưk pax ntâuz Hà Nội puz pâuz, 50% tas nro chỉ tiêu trâu luôs hâux lưv xeir zuôr cxôngx học bạ thiêz tâu xeir zuôr muk cơưv, taz sik cux tsi tsênhz mênhx chor shux xênhz tuôx cơưv shor pês tsơưs lênhx:“Học bạ mak nhiv no tsêr cơưv tưz xeir zuôr 2 jiês, muôx chêx cuk tâu xeir zuôr 2 jiês. Chêx cuk no pêz zuôr xar zuôr tas nro 1 cxênhz ntâu học bạ thiêz tâu muôx nhos 800 lênhx. Vênhv thix ntâuz ntơưr chuôr zos vênhv thix phiv liv. Thâuv têx tsêr cơưv zôngv ntâu tsưr ziv txơưr zos shux xênhz nộp hồ sơ lok hâur tsêr cơưv mak tsuôk pâuz muôx bâuv li shux xênhz nộp hồ sơ, shux xênhz pok nộp hồ sơ muk têx tsêr cơưv txơưr lok tsi nộp mak pêz tsi pâuz”.

          Tiv moz Covid-19 uô zênhr shar, viv li txos nhiv no tsênhv yuôr shux xênhz nhoz TP Đà Nẵng, iz cxiê thax tsav tỉnh Quảng Nam, Lạng Sơn....zos F1,F2 tsi tâu thik cơưv tiêr THPT. Nhiv no têx tsêr cơưv tsênhv njuôs xav chiê dưv phax chỉ tiêu trâu têx shux xênhz, hâur co muôx tsưr ziv tsi zôngv chêx cuk jiês thik cơưv tiêr cxênhx 3. Viv txơưv thik tâu thik cơưv tiêr cxênhx 3, taz sik têx shux xênhz no cux xa hồ sơ đăng cir xeir zuôr tâu lơưr tsưr ziv xeir zuôr đhâu học bạ, tâu xeir zuôr muk cơưv, xeir zuôr côngv đros chứng chỉ  quốc tế thiêz chêx cuk cơưv cxênhx 3. Lơưr pos Vũ Thị Hiền, Tsar phongx coar lik zoz zux, tsêr cơưv Đại học ngoại thương, muôx ntâu tsưr ziv xeir zuôr huv đros ntâu lênhx shux xênhz:

          “Tsêr cơưv muôx ntâu tsưr ziv xeir zuôr shux xênhz. Zos shux xênhz tưz tsov cưv txos tsêr cơưv Đại học ngoại thương mak cux tsuv tsov cưv txos ntâu tsưr ziv xeir zuôr tuôx cơưv. Tsi taz tsov lơưr chêx cuk jiês thik mak tsênhv muôx ntâu tsưr ziv txơưr, pir li têx chứng chỉ quốc tế, lok sik chêx cuk cơưv thiêz tsêr cơưv njuôs xav uô lơưr têx tsưr ziv no”.

Pos Nguyễn Thu Thủy, qênhx Vụ trưởng Vụ zaoz zux Đại học, Bộ zaoz zux puz pâuz, Bộ tưz muôx ntâuz ntơưr heik kriê têx tsêr cơưv tsês chỉ tiêu huv đros têx tsưr ziv xeir zuôr tsês trâu têx shux xênhz zuôr thik cơưv tiêr cxênhx 3 jiês 2. Njuôs xav, têx tsêr cơưv cux zuôr hêik trâu Bộ thiêz côngz fur têx luôs hâux lưv ntơư hâur hlik hli 9:“Têx tsêr cơưv tsênhv uô hâux lưv kho đuô zuk li đề án xeir zuôr shux xênhz, viv têx tsêr cơưv li đề án xeir zuôr lok six ntâu, muôx ntâu tsưr ziv xeir zuôr txơưr. Têx shux xênhz tsuv tsưr tsix thik jiês tiv 2 tsi tâu xeir zuôr cxôngx điểm thik cơưv tiêr THPT mak tsênhv muôx têx tsưr ziv xeir zuôr txơưr huv đros”.

          Txos nhiv no, iz cxiê tsêr cơưv Đại học tưz thôngz pov trâu shux xênhz tâu xeir zuôr muk cơưv đại học. Thâuv shux xênhz tâu côngz jênhv cơưv tiêr cxênhx 3 (hâur co muôx têx shux xênhz tâu tsov cưv xeir zuôr cơưv tiêr ntơưr cxênhx 3), têx shux xênhz zuôr tâu côngz jênhv xeir zuôr thiêz muk cơưv Đại học lơưr trơưk cui tênhv./.

(Minh Hường- Txâur Vax cxeik nhênhv)

NÔNGX MÊNHX ZUÔR TSUV PÂUZ

Lênhx pox niêv heir nênhs Hmôngz huôv tsar uô nox uô hâuk coz

Sik thav đros pêz, niêv lâuk Juôs heik pâuz: Têx shông đrav ntêx, cur chuôz zis cux xưk iz zav li têx ziv chuôz zis txơưr đuô hâur jok Nong Chạy, tsuôk pâuz chos poz cưk, uô blêx trơưk li têx lâuk tsưr ziv uô thâuv ntêx, luz nênhx lok six txov nhêv.

Nhạc cắt

Txix shông 2008, thâuv tâu Công ty Kôngz nuv Chiềng Sung (Mai Sơn) tuôx yax kriê, cir hux thôngx chos poz cưk uô nôngz muôs trâu Công ty, cur chuôz zis tưz muôz 8 ha têz chos poz cưk muôs hlôngr chos thiêz uô têx poz cưk uô nôngz LVN10. Txix hnuz cir hux thôngx đros Công ty, chuôz zis tâu muôz nôngz, qir zuôv, heik kriê tsưr ziv chos thiêz tu, xav kror đruôz đraz iz ha sâu tâu xar muôx 3 tênhr poz cưk nôngz, iz chiv sâu tâu zuôr xar 50 tsov đeiv iz ha, ntâu đuô 3 bâus pir li chos têx poz cưk muôs luz thiêz njiêr.

Nhạc cắt

Đhâu zok nriêr, tsưr ziv tu têx poz cưk uô nôngz cux tsi thôngx li chos têx poz cưk muôs, chor poz cưk chos uô nôngz co tâu chos iz tsoz kuôk đêz iz tsoz xar iz đok, thiêz iz hax kuôk iz hax muôx iz đok ntâu, 5 hax poz cưk niêv mak chos iz hax poz cưk txir chiê têx poz cưk cxơưr thiêx uô tâuk poz, muôx njiêr. Đhâu 2  luz hlik chor poz cưk cxơưr uô bâus jov jơưk, muôz chor bâus poz cưk niêv lor por tsês, zuôr chor bâus poz cưk txir xưz, chiê têx hmôngr pax poz cưk txir za, jênhs pôngz trâu têx poz cưk, nxuôr cưk poz cưk niêv, đhâu thâuv têx hmôngr pax ntơư jênhs pôngz tas mak muôz têx hax poz cưk txir co txiêr por tsês; Tiv uô têx nôngz cưk ntơư tsuv uô đhâu ntâu ntu viv li tsuv muôx chôngz nênhs uô thiêx uô tâu.

Nhạc cắt:

Niêx shông, txos cheix uô nôngz cưk, muôx kênh hnuz niêv lâuk chuôz zis tưz ntiêr txos 100 ntâu lênhx nênhs ntơưv qơư đros uô, nhiêx côngk zos 150 cxênhz đeiv iz hnuz iz lênhx. Đhâu uô tas iz chiv têx nôngz cưk li heik sâuv, niêv lâuk chuôz zis tsênhv chos nzir têx jâuz tâuv, tâuz uz no…., sâu tâu nhos 100 tsov đeiv, thiêz chuôz zis tsênhv nzaz nzơưv têx kuôr cưk ntêik sâu tas ntơư đros trâu chos nzir tâux vâuv uô jâuz nox trâu 5 tus niêv nhux. Iz chas chos poz cưk, tu zus tsiêx cxu, shông 2018, niêv lâuk Juôs chuôz zis tsênhv chos 300 tsoz txir mo môngk thiêz 150 tsoz txir lưk pax, nhiv no tsênhv hloz lox jông.

Nhạc cắt

Txix têx cêr moz siêz, sir jos khưr huôv tsar uô nox, niêv lâuk Juôs zos iz hâur têx lênhx uô tâu  hâux lưv jông ntơưv xã Mường Chùm muk dưv jiês cơưv kruôs txos chor nênhs uô nox uô hâuk coz huyện Mường La, jiês tiv 5, ntu 2015-2020 thiêz tâu xeir tsov muk dưv Đại hôiv sik tưr nhiêv têz qơưk tỉnh Sơn La jiês tiv 5, shông 2020.

Nhạc cắt

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đeix TNVN nhoz iz suôv faz Tây Bắc uô đros trâu Tsênhv qơư cxiz kôngz têz qơưk paz max./.

Lầu Chia BT-Riê Lâux cxeik, nhênhv