Jax sâu thưr 3, hnuz 26/1/2016:

Tsôngv px Yên Bái uô jông luôs hâux lưv tir thêir ntux no njiv.

 

 

Hâur oz pêz hnuz muôx ntux no njiv no, chor uô niêv uô txir nhoz cxuô thax tsav tỉnh Yên Bái tưz bax cxix cxuô pak vor, trik yo sor tir thêir no njiv trâu cxuô lênhx tuz cxêik shuv xênhz. Đros ntơư, cxuô luz tsêr cơưv nhoz thax tsav tox siêz tỉnh Yên Bái cux bax tâu tơưk chiê trâur trâu shuv xênhz ntê cov sor thiêz hâur thax tsav tsêr cơưv ntơư, tưz tâu cxuô lênhx cưk kriê xor thêir tsik chiê yâu chuô. Niêv lâus Đỗ Thị Hàng nhoz Văn Yên, Yên bái hêik pâuz:

Băng: “Ntux no njiv hênhr, cur cux muôz ntâu trik yo trâu mê nhuôv hnar cov sor thiêz muôz thov khưv trâu mê nhuôv trâu cxix cxuô; muôz cxuô jâuz mor grêix uô cov sor trâu mê nhuôv nox hâur yênhx hnuz. Zos muôx ntux no njiv nzir, cur cux zuôr trâur tơưk trâu mê nhuôv ntê cov sor”.

Tsôngv px nhoz cxuô xã tox siêz huyện Trạm Tấu, Mù Cang Chải, Văn Chấn, Văn Yên…tưz tâu hâu nov ntơưv qơư yax kriê chaz nhux tưv nhux đas lok cơư trâu hâur têx guôx cov sor so, tsik chiê trâus nas chuô thiêz txiêr cov txâuk jâuz tâux trâu nhux tưv nhux đas nox hâur têx hnuz muôx ntux no njiv. Shông no, tsôngv px nhoz thax tsav tỉnh Yên Bái tưz bax tâu yênhx cxênhz pơưs kuôr blêx, zos ntux no njiv ntêr, têx kuôr blêx ntơư cux zuôr txâuk trâu nhux tưv nhux đas nox hâur têx hnuz ntux no njiv.  Pos Đặng Thị Thuý,  nhoz jos 5,  xã An Bình, huyện Văn Yên hêik pâuz:

Băng: “Muôx ntux no njiv, cur tưz uô tsêr fênhz suôz trâu tưv thiêz hâu tsơưz shơư mê njik krâur trâu tưv nox thiêz ho txiêr mê njik jâuz trâu nox nzir”.

Yên Bái muôx 106 cxênhz tus nhux tưv nhux đas; 3 cxênhz ntâu tus nêhk; 20 ntâu cxênhz tus yik. Phênhv ntâu zos tsôngv px sđ  uô  guôx tu zus. Zơưv Lê Trọng Khang, phó chủ tịch uỷ ban huyện Mù Cang Chải hêik pâuz:

Băng: “Cxuô cấp txix huyện txos trâu cxuô xã puôr lênhx uô jông luôs hâux lưv tir thêir ntux no njiv trâu tsiêx cxu. Đros ntơư, huyện cux hêik trâu tsôngv px sđ pâuz, zos ziv chuôz zis tưs tsik uô jông tu tsiêx cxu, muôz têx tsiêx tso lav trâu pêv têx trôngz, tsiêx cxu trâus tuôs, zênhx cux zênhx tsiki paz nhiêx”.

Hâur têx hnuz muôx ntux no njiv no, tsôngv px hâur thax tsav tỉnh Yên Bái tưz tsik tsêz chos cxuô zav kôngz lôngk; tok txos têx hnuz ntux yar sor so li chos, tsik chiê cxuô zav kôngz lôngk trâus tuôs viv ntux no njiv./.

                                              (Chu dịch đọc-Thừa Xuân)

 

 

 

 

 

 

Phênhv “Tsưr ziv uô kôngz” thưr 3, hnuz 26/1/2016:

1.Chiv kôngz ntux tsâus 2015.

-Chêx tsôngk kriê tsôngv box tsưr ziv tu têx kôngz chiv ntux tsâus, lar heik zos têx kôngz nziv ntux no; heik cov tsôngv box sâu têx kôngz tưz txos cheix sâu chiê taz por sâu tâu nju trơưk tsưrziv; moz siêz txos njuôk xav thax tsav uô têx kôngz ntux tsâus chiê muôx tsưr ziv tso đêx huv đros, tsi uô hiêv txos têx kôngz.

-Têx liêx têz uô jâuz tưz sâu tas tsuv kriê tsôngv box zênhx max suô têx liêx, lêix ar thiêz bax zuz nôngz jâuz jông chiê tror tsêz chos ciês sâuv têx liêx têz nhiv kruôr sâu kôngz tas ziv nzor ziv  jông chiê taz por muôx jâuz trâu niêv ciêz, lar heik zos hâur six hơưv uô ntêx, đhâu tsiêz têz qơưs.

-Chuôz tsar luôs hâux lưv qênhz yuôx qênhz shuôs tsơưr lươngv thiêz vêv xênhz zav nox.

-Cxiz tiês huôv tsar thiêz sik côngv tsưr ziv uô-sâu zuôr têx jâuz ngaz tuk ( GAP).

2.Sir jos kriê tsưr ziv tsêz chos têx blêx chiv ntux tsâus yiêz 2015-2016.

-Đros têx blêx châux yiêz, tsêz zuz uô ntêx hnuz 15/12/2015 txos iz jiês no, têx zuz liês tưz tuôx muôx nhos 6 đeiv blôngx, iz cxiê zuz liês tsêz nzor tâu 6,5 txos 7 đeiv blôngx. Heik cxuô thax tsav tso canr bôv kỹ thuật sox seiz, ntâuk grê tsênhz mênhx têx zuz liês tưz tsêz tâu, kriê, vênhv tôngv tsôngv box muôz têx zuz liês lâuk hênhr, muôx 6 đeiv blôngx ntâu tso tsês, hlôngr chos têx blêx lur hnuz nhôngs, tsêz uô zuz ntơưv têx vax…..

-Đros têx liêx qơư kis, vuôs har, tsôngv box tưz chos iz cxiê zav nôngz ntêr hnuz nhôngs, têx nôngz muôx ntơưv qơư…. Tsi so qênhz shuôs njôngr đras liêx đhâu thâuv chos tas. Zuôv ntâu qir đơưz muôx nhos 10-15%, zuôv qir đhâu thâuv tưz chos tas chiê truz ntêr six hơưv hloz lox thiêz têx blêx huôv tâuk tuôx. Seiz shuôs njôngr tsi chiê caz hmoz tho nox uô ruôr hiêv têx blêx.

-Chor blêx lis yiêz:

+Xeir hnuz nhôngs tsêz chos, uô huv đros, tsêz zuz liês hâur têx vax lok sik têx têik chiê têx zuz liês jông chos trâu thâuv hli 2 cov blêx cxơưr jov jơưk txix hnuz xiêz 1-20/5/2016 ( cxơưr ntâu đuô thiêz zuôr xar cxix txix hnuz xiêz 5-15/5/2016).

+Uô ntâu têx liêx têz tsêz ciês têx zuz trâu hâur liêx, bax tsưr ziv tso đêx uô liêx, phưx vưv tsêz  zuz txix hnuz xiêz 10-20/2/2016 ( đhâu tsiêz têz qơưs)./.

                        (Thanh Thủy-Riê Lâux cxeik, nhênhv )