Yên Bái: Kriê hâux lưv uô đros cêir chêx hâux lưv uô nhoz jêx jok

Yên Bình zos tiv phaz muôx thax tsav pak đêx Thác Bà lox đros muôx 19 cxênhz hec ta, zos qơư muôx nôngz txir lưk jôngr Đại Minh kaz nto bê. Taz sik, tiv tsik tâu muôx txux chi, kỹ thuật tu zus njêl đêx kaz jiz thiêz chos txir lưk jôngr, viv li tsơưr lươngv tsik siêz, chêx cur kinh têr kik, uô trâu chor nênhs lox tôngv tso kuz qơư nhoz muk uô nox đez tsêr ntơưv têx thành phố lox.

Txix thâuv tâu sơưv Thủ tướng Chính phủ li têx tsênhv chêi txix Đề án kriê hâux lưv uô trâu lox tôngv jêx jok, huyện tưz tsov cưv kriz têx lớp kriê tu zus tsiêx đêx, zus njêl đêx kaz jiz thiêz kỹ thuật chos, tsoz phưz ntông nox txir, tiv zix zos txir bưởi  Đại Minh. Têx lớp no muôx six hơưv cơưv iz hli, 45 hnuz thiêz 3 hli lơưr tsưr ziv tuôr têk kriê hâux lưv uô. Đhâu thâuv tâu kruôz kriê, têx nênhs cơưv puôr lênhx pâuz tsênhz lok tsưr ziv chos, tu zus thiêz sir zôngv muôx chêx cur trâu luz nênhx ciês sâuv zuk qơư nhoz. Niêv tix Vũ Thị Quyên, jok Đồng Tiến 1, xar yên Bình, huyện Yên Bình hêik:

“Tâu cxaz chuôz chor lớp cơưv pâuz tâu têx tsưr ziv, txux chi chos kôngz lôngk, tsoz phưz tsoz txir bưởi thiêz têx ntông nox txir jông lok six shir phaz. Thâuv ntêx tsik tâu cơưv mak cxuô lênhx nênhs tsuôk pâuz sik cơưv shâuv xưz. Txix thâuv tâu cơưv đhâu mak lok chos thiez tsoz phưz trâu tsoz chos tâu jông đuô”.

Huyện Văn Chấn zos tiv phaz muôx thax tsav chos yuôx zêx lox tiv zix tỉnh Yên Bái, đros xar muôx 4.700 ha. Iz shông tsoz yuôx zêx paz muôx phênhv sâu trâu nhiêx txiêx tiv phaz 23 tiv đêiv ntâu, tiv zix os tsik so paz muôx hâux lưv uô thiêz phênhv sâu truôx trâu 2 vạn ntâu lox tôngv nhoz tiv phaz. Ntâu shông lok no, tsoz yuôx zêx zos yênhx iz hâur chor tsoz chos chênhr hâur huyện li huôv tsar kinh têr. Chiê gra siêz tsơưr lươngv thiêz phênhv sâu txix tsoz yuôx zêx trâu pêx xênhv, huyện Văn Chấn tưz tsêx trung kruôz kriê lok kỹ thuật cik txos chos yuôx zêx trâu pox nhuôs. Zơưv Mai Mộng Tuân, Chủ tịch UBND huyện Văn Chấn, tỉnh Yên Bái puz pâuz:

“Pêz muôx têx tsênhv chêi tsênhz mênhx paz trâu pox nhuôs chos yiêz, paz trâu pox nhuôs uô xênhz yar ngaz tuk. Thôngx cxix pêz chox kriê têx phongx ban cik txos tsik so kriz têx lớp kruôz kriê trâu pox nhuôs lok tsưr ziv sâu đêx, uô thiêz tsưr ziv tsoz phưz cux xưk li tsưr ziv phax tar caz moz trâu tsoz yuôx zêx”.

Đhâu 7 shông kriz uô Thủ tướng Chính phủ li Đề án 1956, tỉnh Yên Bái tưz kruôz kriê hâux lưv uô trâu zuôr xar 69 cxênhz lox tôngv jêx jok; xav luz đraz iz shông muôx 9.800 ntâu lênhx nênhs tâu kruôz kriê. Têx nênhs lox tôngv đhâu thâuv tâu kruôz kriê tas nriêr tâu hâux lưv uô muôx 88% ntâu, hâur co tưz muôx 350 ntâu lênhx nênhs chiv chir yênhx lix tâu hợp tác xã, doanh nghiệp, zuôr xar 900 ziv chuôz zis hla đhâu cêr pluôs đhâu 1 shông cơưv hâux lưv uô. Chêx cur no muôx tâu zos khov trâu kruôz kriê hâux lưv uô tâu tỉnh kriz uô lơưr nênhs cơưv li zoz qơưx thiêz huv đros ciêz đrôngs uô lox tôngv nhoz têx tiv phaz.

Zơưv Lê Văn Lương, Phưv giám đốc Sở lox tôngv-Xaz pênhz thiêz Xar hội tỉnh Yên Bái puz pâuz:

“Ntu 2018-2020 pêz sir jos iz shông kriê hâux lưv uô trâu xar muôx 6 cxênhz lox tôngv jêx jok. Tiv oz zos uô uô cê kriê hâux lưv uô trâu lox tôngv jêx jok lơưr đề án 1956 đros chor đề án hlôngr yiêz hênhr cơ cấu lox tôngv kôngz nuv trâu tsik uô kôngz nuv. Tiv 3 zos chuôz cxaz xor mông ciêz đrôngs lox tôngv, siz txuôk đros zoz qơưx lox tôngv chiê kruôz kriê cov huv đros tsênhv tsênhz nhoz tiv phaz”.

Txơưv tiêk chuôz zênhx kriê hâux lưv uô muôx tsik tâu txâuk, chor nênhs uô côngz xưv kriê hâux lưv uô cux tax tsik tâu tâu zoz qơưx…taz sik kriê hâux lưv uô trâu lox tôngv jêx jok cux tsênhv tâu cxuô cấp, cxuô nganhx thiêz tiv phaz nhoz Yên Bái tsov cưv txos kriz uô; tsưr ziv zos muôx nzir ntâu lox tôngv muôx hâux lưv uô, phênhv sâu truôx, paz uô hlôngr yiêz sêi côngz xưv cxuôv yêiz thiv pluôs nhoz tiv phaz./.

(Trịnh Xuân-Lik Thox cxêik nhênhv)

Têx cui tinhv hâur chei ngaz tuk zav nox

Grê 17. Cui tinhv taz por truôx tuk đros thiêz têx txux lov trâu zav nox thiêz têx tsơưr tsiv uô zav nox

1.Taz por uô tâu trơưk li kỹ thuật, trơưk cui tinhv lok têx txux lov trâu zav nox thiêz tsơưr tsiv uô zav nox.

2. Muôx heik kriê sir zôngv sâuv saz đrâuv hnaz lok sik hâur ntơưr muôx đros têx zav nox txix luk Choz Tsiz thiêz têx lul heik txơưr đuô trơưk li qơư uô zav nox.

3. Nhoz hâur têx txux lov, tsơưr tsiv uô zav nox tâu tso chei sir zôngv hâur tsiv uô, zuôr muôs zav nox zos Bộ trưởng Bộ Y tế cui tinhv.

4. Muôx ntơưr đas cir trơưk cui tinhv trâu Cơ quan lês uô hâux lưv têz qơưk muôx vax huôv uô ntêx thâuv zuôr muôs trâu hâur ciêz đrôngs.

Chính phủ cui tinhv tsênhz mênhx hâux lưv đas cir têx ntâuz ntơưr heik co thiêz six hơưv, hnuz nhôngs đas cir heik pâuz têx zav nox ntơư.

Grê 18. Cui tinhv taz por hur jông trâu têx chuôz zênhx, hnaz, tưx têis trâu têx zav nox.

1. Tsiv uô txix têx shôngz ntông uz no jông, tsi tsư nxiêz, tsư kiêk trâu zav nox, taz por têx zav nox co tsênhv hur, tsi tâu tas six hơưv, hnuz nhôngs sir zôngv.

2. Taz por têx chuôz zênhx, tưx têis, hnaz ntơư hur jông, trơưk cui tinhv trâu têx zav nox zos Bộ trưởng Bộ Y tế tso tơưv.

3. Muôx ntơưr đas cir trơưk cui tinhv trâu Cơ quan lês uô hâux lưv têz qơưk muôx vax huôv uô ntêx thâuv zuôr muôs trâu hâur ciêz đrôngs.

Chính phủ cui tinhv tsênhz mênhx hâux lưv đas cir têx ntâuz ntơưr ntơư thiêz six hơưv, hnuz nhôngs đas cir heik pâuz lok têx chuôz zênhx, tưx têis, hnaz trâu têx zav nox uô ntêx zuôr muôs hâur ciêz đrôngs.

Grê 19. Cui tinhv taz por truôx tuk zav nox đros thiêz têx qơư tsiv uô, zuôr muôs zav nox.

1. Qơư tsiv uô, zuôr muôs zav nox tsuv uô tâu trơưk li têx cui tinhv đrav kaz:

a) Muôx qơư jông, huv đros, kuôk đêz thiêz ngaz tuk trâu têx tsi jông, uô vuôz tsuôz kiêk nênhs.....;

b) Muôx txâuk đêx hur phưx vưv tsiv uô, zuôr muôs zav nox; 

c) Muôx txâuk têx chuôz zênhx fiv đros chiê xưv lik têx uz no li: Uô tưx têis, zav nox, uô hnaz trâu, por hưv thiêz fax thâux têx zav nox txơưr đuô; muôx txâuk têx chuôz zênhx uz no nzuôr thiêz yuôx tsuôs tuô têx caz moz, zôngr, chuôz zênhx phax tir thêir tsi chiê têx caz, zôngr uz no tsơưk, uô kiêk nênhs vuôz tsuôz;

d) Muôx qơư xưv lik têx vuôz tsuôz, kiêk nênhs thiêz tâu uô tsi so lơưr chei têz qơưk cui tinhv lok por hưv tênhx qơư;

đ) Tuôr truôx, uô đreiv lơưr têx cui tinhv taz por truôx tuk zav nox thiêz muôx ntơưr sâu tsês têx zav nox, chuôz zênhx, tưx têis trâu têx zav nox co li qơư tsiv uô, zuôr muôs.

e) Uô trơưk cui tinhv lok sâuv lênhx nênhs buôk ti tsiv uô, zuôr muôs zav nox li đas jos, tsưr ziv uô;

2. Bộ trưởng Bộ Y tế, Bộ trưởng Bộ Kôngz nuv thiêz huôv tsar tox siêz, Bộ trưởng Bộ Công thương tso tơưv têz qơưk cui tinhv thiêz cui tinhv tsênhz mênhx lok taz por truôx tuk zav nox đros thiêz qơư tsiv uô, zuôr muôs zav nox zos zuk hâux lưv tâu zok muôz, car seiz./.

(Tuyết Lan-Riê Lâux cxeik, nhênhv)