Cưk kriê thax tsav đêx ngaz Nà Ớt ( Sơn La): Sir jos hla đhâu cxuô phêv ziv chiê kriê ntơưr thiêz cơưv ntơưr jông

          Tror heik txos jiês đêx ngaz thâuv hli 8 đhâu shông 2018, cưk kriê Lê Trung Thuận, Phưv hiệu trưởng tsêr cơưv phổ thôngz mênhx cxưx niêv txir zus mor Nà Ớt tsênhv ndo njôngr đêx ntưs lok tsi so hâur 2 hnuz uô ngaz tas 8 qar cơưv thiêz 2 qar tsêr trâu ntơưr, 6 qar tsêr shuv xênhz nhoz ntơưv tsêr cơưv, uô ar poz ntơưv tsêr uô mor thiêz cuôr yôngz lơưv ntâu chuôz zênhx kriê cơưv ntơưr. Đêx ngaz sei, viv li tsêr cơưv bax tsi zênhx chiê njeik txar têx chuôz zênhx, tsuôk pâuz njiê tul đêx cuôr lơưv têx chuôz zênhx, môngr jông tsêr cơưv muôx tsêr 2 yôngx viv li cưk kriê thiêz shux xênhz tsir tâu mul nhoz ntơưv co, tsi uô ruôr hiêv lok lênhx nênhs....Hâur jiês đêx ngaz co, tas nro tsêr cơưv trâus ruôr hiêv muôx nhos 2 tỷ đeiv.

          Khov muôx cán bộ, cưk kriê tsêr cơưv, têx cấp, têx nganhx, đros trâu shux xênhz li niêv txir, têx lênhx nênhs siêz jông sir jos paz txưv, côngz xưv khưx phưx tưz tâu ciêr chênhr krêz uô. Zos xã txov nhêv tiv zix, phênhv ntâu zos mê nhuôs tsôngv box mênhx cxưx Hmôngz, Khơ Mú, Xinh Mun...shux xênhz li hâux lưv cơưv ntơưr tsi tâu niêv txir tsov cưv txos, viv li đros thiêz khưx phưx đêx nas, têx luz hlik hâur shôngk shông cơưv, têx cưk kriê hâur tsêr cơưv tsênhv sik pheiz côngz mul txos shux xênhz yênhx ziv chuôz zis chiê yax mông, heik shux xênhz niêv txir tror tso mê nhuôs mul cơưv ntơưr. Cưk kriê Lê Trung Thuận puz pâuz:

          “ Lok saz Ban giám hiệu thiêz cưk kriê chủ nhiệm têx lớp mak mul txos yênhx ziv chuôz zis chiê vênhv tôngv mê nhuôs, uô li chas chiê shux xênhz li têx lênhx uô niêv uô txir tso mê nhuôs tror mul cơưv ntơưr. Phênhv ntâu shux xênhz lớp 8, lớp 9 zos têx lênhx nênhs uô lox tôngv tsênhv, viv li chiê tâu mul cơưv ntơưr mak niêv txir tsuv thôngx ziv. Têx cưk kriê tưz mul txos chuôz zis yax mông, vênhv tôngv viv li phênhv ntâu têx lênhx uô niêv uô txur puôr lênhx tso mê nhuôs mul cơưv ntơưr”.

          Tsêr cơưv Phổ thôngz mênhx cxưx niêv txir zus mor Nà Ớt nhiv no muôx 24 lênhx cưk kriê, đros 350 ntâu lênhx shux xênhz, hâur co 70% ntâu zos shux xênhz nox nhoz hâur tsêr cơưv. Viv phênhv ntâu zos shux xênhz mênhx cxưx tsơưs nênhs, viv li côngz xưv kriê thiêz cơưv ntơưr cux xưk li tuôr truôx xênhz huôx hâur niêx hnuz ntơưv tsêr cơưv njiz ntâu phêv liv. Taz sik, têx cưk kriê cux sir jos uô côngz xưv tsoz phưz yênhx shux xênhz jông li têx lênhx uô niêv uô txir. Cưk kriê Hoàng Thu Ngân, cưk kriê tsêr cơưv pheiz kênh:

          “ Heik kriê mê nhuôs tsưr ziv pênhr xưv nhoz uô nênhx, xênhz huôx nhoz no cux phêv liv, shux xênhz li têx ntâuz ntơưr chính sách cux lax uô tâu, muôx têx thâuv cưk kriê tsuv mul ntơưv xã chiê paz shux xênhz li niêv txir uô. Têx cưk kriê uô tiêr cơưv cxênhx 1, ndê cxênhx 2 mak ntâuz ntơưr ho tsi xưk iz zav, hok têx ntơưr chính sách sơưv chế độ chuôz zis pluôs phênhv ntâu zos cưk kriê paz uô”.

          Tâu têx cưk kriê tsov cưv kruôz kriê, tâu nox hâuk cxix cxuô; tâu uô si lov jêv đros têx fôngx zưs txơưr...viv li ntâu lênhx shux xênhz nhiêv mul cơưv ntơưr đuô nhoz hâur tsêr. Shux xênhz Zax Chu Dinh, cơưv lớp 4A1 heik:

          “ No zos cur li luz tsêr tiv 2, cur tâu cơưr ntơưr, tâu đros fôngx zưs uô si. Khov muôx tsêr cơưv mak cur tsi tsuv mul cơưv ntơưr đêz thiêz. Tâu têx cưk kriê tsov cưv paz max, nox hâuk cxix cxuô đuô tsi nyei trâus yeiz plaz thiêz”.

          Đros phuôx tôngv jiês tưr thik kriê jông, cơưv jông, Tsêr cơưv phổ thôngz mênhx cxưx niêv txir zus mor Nà Ớt cux muôx têx tsưr ziv cơưv nzir, hlôngr yiêz tsưr ziv kriê thiêz cơưv ntơưr cov huv đros shux xênhz li jênhv pâuz, paz shux xênhz cơưv shâuv têx yênhx tưv txux chi jông ndar chuôs iz luz nênhx hâur ntu zuôr txos cov jông đuô./.

( Đắc Thanh- Txâur Vax cxeik nhênhv)

Đắk Lắk: Cưk kriê ntơưr xar tơưv đaz nênhs, pax huôv hêik lok Hloz Hôx hâur 9 shông

Cưk kriê ntơưr Nguyễn Hồng Quân (xênhz zus shông 1980) kriê môn mỹ thuật hâur tsêr cơưv cxênhx oz Trần Bình Trọng, thành phố Buôn Ma thuột, tỉnh Đắk Lắk. txix ciês thâuv tsênhv cơưv phôv thôngz, tâu nriêr pâuz lok hloz Hôx đhâu ntâuz ntơưr, pax huôv, suôz gâux, tix lâus tưz lok six nhiêv. Tov kaz no, thâuv cơưv siêz đuô, muôx six hơưv hnuz nhôngs zok nriêr pâuz thiêz cơưv shâuv ntâu đuô mak tix lâus xar tiêk zuôr sâu ntơưr hêik lok hloz Hôx luz nênhx. Quân thiêx xêir tsov pax huôv sâu hêik lok Hloz Hôx:

“Tsênhv tsênhz mak txix thâuv tuôr chưx mêv chiê sâu txos trâu thâuv sâu tiêr zos 9 shông. Hâur ntu co mak nhênhz chơưv nriêr pâuz lịch sử, nhênhz chơưv văn học cux tsuv tas ntâu six hơưv hnuz nhôngs ntêr. Đhâu thâuv pâuz lok tsưr ziv sâu pax huôv lục bát thiêz xar tâu mak thiêx piz sâu”.

Tas ntâu six hơưv, đas jos thiêz hla đhâu ntâu phiv liv, tâu têx fôngx zưs, lênhx nênhs đros uô hâux lưv paz, fâu ntơưr đaz nênhs pax huôv tưz tâu sâu tiêr trâu kaz shông 2014. Fâu ntơưr muôx bê tiêk “Thav lok  hloz Hôx”, muôx 5 yôngx hêik lok hloz Hôx li luz nênhx, hâux lưv uô txix thâuv xênhz zus nhoz Nghệ An, muk cơưv ntơưr ntơưv Huế, muk zok nriêr cêr chơưv paz têz qơưk, uô hâux lưv saz đrâuv têz qơưk, lok têz qơưk cxiv tsa tsưr tsix, yênhx lix Chính phủ Việt Nam, ntâuk zênhx tros châuz tuôx txênhz têz qơưk…No tâu sêiz zos kror hêik txos hênhr kruôk hloz hôx tâu tsưr tsix Kỷ lục Guiness Việt Nam xav jênhv zos “Luk piêr, pax huôv… ntêr tiv zix zos hêik lok hloz Hôx tâu sâu txix pax huôv Lục bát” trâu shông 2015.

Txix co txos nhiv no, fâu ntơưr tưz muôx nhoz hâur qar qơư tsês ntơưr hâur tsêr cơưv ntơưr Trần Bình Trọng, tâu chôngz lênhx shux xênhz pâuz txos thiêz nriêr sêiz nhênhv. Nhuôs Nguyễn Mai Vy, shux xênhz lớp 7E, tsêr cơưv cxênhx oz Trần Bình Trọng, thành phố Buôn Ma Thuột puz pâuz:

“Thâuv shênhx mak cur muk thư viện chiê nriêr pâuz lok hloz Hôx chiê cơưv nzir txux chi muk hêik đaz nênhs thav lok hloz Hôx. Thôngz đhâu cưk kriê Quân li fâu ntơưr paz trâu cur muôx nzir xor mông lok hloz Hôx li luz nênhx xưk li six hơưv hloz Hôx piz muk nriêr cêr chơưv paz têz qơưk cux xưk li hloz Hôx têx hâux lưv uô hâur ntu co paz trâu cur muk thik tưr tâu jông đuô”.

Hêik lok cưk kriê ntơưr Nguyễn Hồng Quân, zơưv Phan Vĩnh Hiệp, phưv hiệu trưởng sêiz car cxuô tsêr cơưv cxênhx oz Trần Bình Trọng puz pâuz, cưk kriê Quân zos lênhx cưk kriê sir jos, muôx txơưx jênhv uô hâux lưv, uô nênhx jông đros sơưr đơưk, tâu sơưr đơưk nhiêv. Cưk kriê Quân fâu ntơưr hêik lok hloz Hôx tâu sơưr đơưk nhiêv sêiz:

“Cưk kriê ntơưr Nguyễn Hồng Quân zos iz lênhx nênhs jông, sir jos hâur uô tsêr cơưv têx hâux lưv. Nhiv no zos cưk kriê mỹ thuật, cê zos trưởng ban côngz xưv uô nênhx jông zoz zux shux xênhz hâur tsêr cơưv. Đhâu 10 shông nriêr pâuz sâu fâu ntơưr hêik lok hloz Hôx luz nênhx đros muôx ban giám hiệu tsêr cơưv ntơưr thiêz sơưr đơưk paz, tưz sâu tâu iz fâu ntơưr tâu hội kỷ lục Guiness Việt Nam côngz jênhv. No zos iz kriê tso siêz, shir phaz”.

Txơưv tưz tâu sâu tiêr thiêz côngz jênhv kỷ lục têz qơưk txix 3 shông uô ntêx, taz sik txos nhiv no, cưk kriê ntơưr Nguyễn Hồng Quân fâu ntơưr nhiv kruôr tâu chor cưk kriê ntơưr thiêz shux xênhz hâur tsêr cơưv ntơưr pâuz txos. Cưk kriê ntơưr Nguyễn Hồng Quân hêik, tsênhv sir jos cxênhx txuôs nhiêx hli. Thâuv muôx txâuk nhiêx txiêx mak zuôr cxêik uô ntâu fâu, vav tiêk fâu ntơưr hêik lok Hloz Hôx, zuôr nzor tâu sơưr đơưk pâuz txos nhênhv sêiz nhênhv./.

(TTTN-Lik Thox cxêik nhênhv)