Pêx xênhv tox siêz sik côngv tu zus

Pos Vũ Thị Thu ziv chuôz zis, nhoz jok Minh Phú, xar Vân Hội, huyện Trấn Yên zos ziv chuôz zis tu zus keiz muôs grêix ntâu tiv zix hâur jok đros zus muôx 2.000 tuk kêiz iz jiês. Cxaz chuôz sik côngv muôs kêiz đros yênhx châuv ziv chuôz zis txơưr đuô tưz paz trâu pos Thu tso siêz đuô hâur tu zus:

“Sik côngv uô li no mak muôx nênhs sâu zuôr têx hax huv trâu pêz, pêz cux tso siêz đuô, tsik cxơưx muôs tâu kênhz têx hax huv, viv li pêz tso siêz đuô hâur tu zus”.

Cux xưk li pos Thu ziv chuôz zis, chôngz lênhx nênhs tu zus nhoz xar Vân Hội nhiv no cux lok six tso siêz viv tưz muôx công ty TNHH Tuyên Là sâu zuôr tas nro chor kêiz tu zus tâu. Ntâu ziv chuôz zis cux tsuôk tu zus muôx oz pêz puô tuk kêiz, nhiv no tưz zus chôngz đuô muôx yênhx cxênhz tuk chiê huôv tsar kinh têr ziv chuôz zis. Niêv tix Trần Thị Linh, nhoz jok Khen Mon, xar Vân Hội puz pâuz: Txơưv muôx ntu gri muôs kêiz grêk kik taz sik nênhs tu zus cux sir jos tu zus truôx.

“Iz cxiê chênhz zênhv, tsưr ziv tu zus mak cur cux cơưv shâuv tâu đhâu cxuô lênhx nênhs đros zuk sik côngv. Hok lok qơư zuôr nôngz thiêz qơư muôs mak cux truôx tuk”.

Zơưv Lê Hồng Tuyên, công ty TNHH Tuyên Là, xar Vân Hội, huyện Trấn Yên puz pâuz: Piz txix têx tsênhv tsênhz hâur uô tâu kôngz, ho trâus pôngz gri, pêx xênhv uô tâu hax huv ho trâus nhov gri, Công ty cux sơưr hlo sik côngv đros chor chuôz zis tu zus kêiz hâur xar paz muôx cêr sik côngv hâur tu zus. Lơưr co Công ty zuôr paz zuôr têx kêiz nôngz, zav nox, vắc xin, kruôz kriê choz zok kỹ thuật thiêz paz sâu zuôr têx kêiz. Nhiv no thax tsav muôx 10 ntâu ziv chuôz zis sik côngv li 50.000 ntâu tuk kêiz:

“Sik côngv co cik txos qơư muôs. Qơư muôs tsik muôx mak pêx xênhv cux zuôr tsik njênhs. Đhâu thâuv zuk nriêr tâu qơư muôs mak cux hêik tiêk zuk uô tâu kror xuz thơưx lơưv”.

Tas nro tỉnh Yên Bái muôx 500 ntâu hợp tác xã thiêz 4.400 ntâu tổ sik côngv. Chor tsưr tsix no tưz paz muôx cêr sik côngv, sik paz chiê chor thành viên sik đros huôv tsar. Hâur co sir jos kriz uô têx sik côngv zos iz kror jênhv vưv tsênhv njiêz. Hợp tác xar dịch vụ kôngz nuv Hương Lý, xar Đại Đồng, huyện Yên Bình zos iz kror li co. Txơưv nhiv kruôr muôx 7 ziv chuôz zis cxaz chuôz sik côngv hâur tu zus buô, đros muôx 500 tuk taz sik Hợp tác xã tưz cir sik côngv đros iz doanh nghiệp nhoz tỉnh Phú Thọ, txix cungz têx nôngz ngaz tuk, txos sâu zuôr muôs têx buô. Kror no tưz paz trâu chor chuôz zis cxa chuôz tso siêz đuô, tiv zix zos hâur ntu gri muôs têx buô tsik truôx. Pos Lê Thị Liên, Giám đốc Hợp tác xã Hương Lý puz pâuz:

“Thâuv sik côngv tâu đros taz viv sâu zuôr têx hax huv mak no cux zos iz kror zôngx ziv trâu pox nhuôs hâur tu zus”.

Hâux lưv paz trâu chor dự án sik côngv sâuv thax tsav tỉnh Yên Bái tsênhv tâu cxuô thax tsav qơư sir jos kriz uô, đros muôx 23 tsưr ziv uô. Hâur co, tsêx trung trâu chor dự án tu zus kêiz, tu zus buô tov thơưx thiêz ntâu; uô đros trâu sâu zuôr muôs têx yuôx zêx, njuôl shôngz Bát Độ…Txix no paz trâu pêx xênhv nhoz tox siêz li hâux lưv uô kôngz nuv tâu sik côngv uô truôx jông đuô; tsơưr lươngv têx hax huv tâu gra siêz đuô; tsiv gri thiêz tsav txênhz muôs sâuv ciêz đrôngs taz taz por truôx tuk đuô./.

(Đinh Tuấn-Lik Thox cxêik nhênhv)

Tsoz phưz đas jos trâu nênhs lâul hnuz nhôngs siêz thax tsav tsôngv box heir nênhs tsơưs

Tsênhv tsênhz, Quyết tinhv sôr 1579/QĐ-TTg cir tsaz yênhx tsoz phưz đas jos trâu nênhs lâul hnuz nhôngs siêz txos shông 2030 đros thiêz tsưr ziv tsoz phưz, gra siêz đas jos nênhs lâul hnuz nhôngs siêz (têx lênhx txưv txix 60 shông tror zar sâuv) taz por huv đros trâu jênh sôr, paz uô yênhx côngz Việt Nam luôs hâux lưv jênh sôr txos shông 2030.

Chiê uô tâu têx hâux lưv tso tơưv, tsaz yênhx tsoz phưz đas jos nênhs lâul hnuz nhôngs siêz txos shông 2030 tưz tso tơưv 14 luôs hâux lưv tsênhv tsênhz txos shông 2030. Hâur co muôx ntâu hâux lưv zov chênhr li: 100% cấp ủy Đảng, hâu nov cxuô cấp tso tơưv Nghị quyết, tsưr ziv, yưv nhiêx txiêx trâu tsoz phưz đas jos nênhs lâul hnuz nhôngs siêz lok shông 2025 thiêz uô truôx  txos shông 2030; Nênhs lâul hnuz nhôngs siêz lok sik chor nênhs hâur tsêr, cxênhz jê buôk ti tsoz phưz nênhs lâul hnuz nhôngs siêz pâuz têx lok jênh sôr lâul, vax huôv tâu tsoz phưz nênhs lâul hnuz nhôngs siêz li đas jos  tax 70% shông 2025; 85% shông 2030; Nênhs lâul hnuz nhôngs siêz tâu seiz njuôk shuôs đal jos, tsơưs yax zos iz shông iz jiês, tâu uô ntâuz ntơưr sox seiz đas jos tax 95% shông 2025; 100% shông 2030; Tsar ndê têx lênhx lâul nênhs li heik sâuv tâu qênhz pov, chơưv kho moz gênhk, seiz shuôs têx moz tsi txơưx siz cik (moz trưx phax, moz lênhs plơưr, nyar ndê siêz, moz tso jik kaz jiz, tsi muôx đas jos…..; Tsar ndê chor xã, phường, thị trấn uô tâu luôs hâux lưv tênhx qơư sưv jông đros nênhs lâul hnuz nhôngs siêz tax tsơưs tsơưs 20% shông 2025; 50% lok shông 2030….

Iz chas ntơư, tsaz yênhx tsoz phưz đas jos nênhs lâul hnuz nhôngs siêz uô txos shông 2030 fuô uô sâuv tas nro têz qơưk. Phênhv ntâu zos têx tỉnh, TP thiêz thax tsav muôx ntâu nênhs lâul hnuz nhôngs siêz đuô hur si; thax tsav tox siêz đêz đrôngs, txov nhêv, thax tsav tsôngv box heir nênhs tsơưs, poz hiêr.

Chiê uô tâu têx luôs hâux lưv tso tơưv txos shông 2030, tsaz yênhx cxiv uô 6 hâux lưv thiêz thiêz tsưr ziv, co zos: Cxuô cấp ủy Đảng, hâu nov sir jos lês car, chox kriê lok sâuv tsoz phưz đas jos nênhs lâul hnuz nhôngs siêz; cxơưz tiês yax kriê, heik cov hlôngr yiêz têx tsưr ziv xar lok siz paz, sik đros tsoz phưz đas jos trâu têx nênhs lâul hnuz nhôngs siêz; cxiv kho, huôv tsar cxix luôs côngz dịch vụ tsoz phưz đas jos xuz thơưx; jux juk cxiv tsa tsưr ziv, uô luôs hâux lưv tsoz phưz đas jos tâu ntêr têx lênhx nênhs lâul’ Kriê cxaz, cơưv shâuv nzir têx tsưr ziv yuôr trâul trâu lênhx nênhs uô hâux lưv tsoz phưz chor nênhs lâul; uô tiêr têz qơưk têx chei cik txos tsoz phưz nênhs lâul……

Huyện Đại Từ, Thái Nguyên nhiv no muôx 33 heir nênhs sik đros uô nênhx nhoz uô cê, hâur co heir nênhs tsơưs tsav 32% ntâu. Chiê uô tâu luôs hâux lưv gra siêz tsơưr lươngv jênh sôr, six hơưv đhâu, tâu Tsênhv qơư tsoz phưz đas jos nênhs lâul hnuz nhôngs siêz côngv thôngx tỉnh Thái Nguyên paz max, huyện Đại Từ tưz yênhx lix tâu 21 câu lạc bộ trâu chor nênhs lâul xênhz huôx, thể dục, hu zâuv tâu 2 cxênhz ntâu lênhx nênhs lâul li heik sâuv đros cxaz chuôz. Đros trâu têx hâux lưv uô muôx liv, tsênhv tsênhz, chor câu lạc bộ tưz paz uô hlôngr yiêz mê njik chor lâul li đas jos thiêz gra cêr shir phaz trâu têx lênhx nênhs lâul hnuz nhôngs siêz hâur thax tsav huyện.

Iz chas tsưr tsix cơưv shâuv uô têx paz ntơưv thax tsav tsôngv box nhoz, jêx jok; xênhz huôx tas nro câu lạc bộ txix 3-4 jiês hâur niêx hli; têx câu lạc bộ heik sâuv tsênhv tsưr tsix siz chuôs njiz, sik cơưv shâuv têx tsưr ziv, cêr uô nênhx jông….hâur thiêz đrâuv luôs 2 chas tỉnh thiêz. Chiê uô truôx luôs hâux lưv no, têx câu lạc bộ cxiv tsa cuiv nhiêx txix ntâu faz tsưr ziv li: Sơưr đơưk sik đros gôngr nhiêx, chor tsưr tsix, lênhx nênhs, doanh nghiệp….siz chos paz trâu.

Trơưk li zơưv Nguyễn Ngọc Yến, Tsar ban hlôngr njêx muôs têx nênhs lâul hnuz nhôngs siêz tỉnh Thái Nguyên, chiê chor nênhs lâul uô nênhx muôx cêr shir phaz, lov jêv thiêz jông, thâuv tưs cux zos qơư khov, tsov iêr chi cax trâu chor tuz nhuôs cơưv shâuv, uô trơưk, mak hâux lưv tsoz phưz trâu chor nênhs lâul tsuv muôx tsưr ziv uô muk ntêr thiêz jông đuô.

“Tsuv muôx cuiv nhiêx nênhs lâul hnuz nhôngs siêz đros trâu têx đoanx thêv, uô tsêr niêv côngv siêz tsoz phưz nênhs lâul hnuz nhôngs siêz thâuv muôx moz gênhk, cxiv tsa têx câu lạc bộ chiv chir siz paz, nhiv no tsuv thor txos têz qơưk paz pênhr nhiêx chiê cơưv shâuv, uô têx hâux lưv co trâu tas nro cxuô qơư”.

Chiê uô luôs hâux lưv gra siêz tsơưr lươngv jênh sôr, Thái Nguyên cux tsuv njiz trâul ntâu phiv liv, hâur co muôx hu zâuv côngv thôngx sơưr đơưk sik đros paz tsoz phưz trâu têx nênhs lâul. Taz sik, pos Hồ Thị Thanh Thủy, Chi cục tsar Chi cục jênh sôr tsưr ziv xênhz zus nhuôs tỉnh Thái Nguyên mak:

“Ngênhx zuôr tror nhênhz chơưv trâu tỉnh chiê uô têx faz tsưr ziv  kriê txux chi, cêr xênhz huôx trâu chor nênhs lâul, chiê lơưr muôx têx chiv chir tsoz phưz cux iz zav li tsưx phưv zuk đas jos, chiê gra siêz nênhs lâul hnuz nhôngs siêz li đas jos thiêz tsưr tsix seiz njuôk đas jos, seiz shuôs chor nênhs lâul cov lơưr uô nênhx shir phaz lus cux iz zav li muôx đas jos truôx, tsi trâul muôx moz gênhk”./.

(VOV4-Riê Lâux cxeik, nhênhv)