Sơn La: Cxiv tsa côx phax tas nro tsôngv box truôx tul

          Ban chỉ huiz quân sự huyện ntus đriv Sốp Cộp thâuv tưs cux tsov cưv uô jông têx njiêz luv cxiv tsa côx phax tas nro tsôngv box cxôngx ntâu tsưr ziv li yax mông, heik kriê zaoz zux thôngz đhâu têx phaz pênhv thôngz xor mông, têx jiês yax mông lok chei ntus đriv têz qơưk, chox lol hâur jêx jos, xã li quy ước, hương ước....

          Hâur shông no, Ban chỉ huiz quân sự huyện tưz tsưr tsix yax mông zuôr xar 40 jiês trâu 3 cxênhz 500 ntâu lênhx nênhs. Thượng tá Lường Văn Tuyên, Chính trị viên Ban chỉ huiz quân sự huyện Sốp Cộp heik:

          “Pêz tưz sik côngv đros têx taz viv sâuv thax tsav li đoanx 326, têx zênhx pênhz phax sâuv thax tsav chiê cxaz chuôz yax mông, vênhv tôngv thiêz phuôx huiz cêr niêv côngv siêz mênhx cxưx sâuv thax tsav cov ziv hnuz ziv truôx tul, gôngr phênhv tuôr truôx txiv ngaz chinhr trị nhoz thax tsav ntus đriv”.

          Zaoz zux muôz siêz jênhv pâuz trâu cán bộ, đảng viên lưx lươngv vũ trang thiêz tas nro tsông box đros jênhv vưv côx phax- txiv ngaz, por vêv têz qơưk zos njiêz luv coaz tsôngv, cuiz tênhv hâur cxiv tsa côx phax tas nro tsôngv box. Viv li, tỉnh SƠn La heik cxuô thiêz Bộ chỉ huiz quân sự tỉnh heik taz lok six tsov cưv txos hâux lưv tsưr tsix heik kriê Đảng, têz qơưk li têx chỉ thị, nghị quyết lok côx phax-txiv ngaz, mak tiv zix zos Đảng li Nghị quyết Đại hội 12, Nghị quyết TW 8 lok chiến lược por vêv têz qơưk hâur qênhx shênhx yiêz; Bộ chinhr trị li Nghị quyết 28-NQ-TW lok cxiv tsa tỉnh, thành phố hâur thax tsav truôx tul....Đros co, Bộ chỉ huiz quân sự tỉnh Sơn La cux heik trâu Hội đồng zaoz zux côx phax thiêz txiv ngaz tỉnh, chox kriê côngz xưv kriê cxaz yênhx tưv côx phax thiêz txiv ngaz trâu têx lênhx nênhs, txos nhiv no tas nro tỉnh krêz tâu 110 lớp kriê cxaz yênhx tưv côx phax txiv ngaz, quân số zos zuôr xar 9 cxênhz đồng chí; sik côngv đros Sở zaoz zux thiêz thox cxov têx tỉnh, têx tsêr cơưv Đại học , cao đẳng, trung cấp,THPT tsưr tsix, seiz car zaoz zux côx phax thiêz txiv ngaz trâu têx shux xênhz. SHông cơưv 2018-2019 muôx tas nro 49 tsêr cơưv, muôx zuôr xar 1 cxênhz lớp cơưv, đros zuôr xar 39 cxênhz lênhx shux xênhz cxaz chuôz.

          Taz sik, Sơn La zos tỉnh tos siêz ntus đriv, ntâu mênhx cxưx tsơưs nênhs sik đros nhoz uô nênhx, tsôngv box li yênhx tưx tsi siz bâus, cêr phongz cxưx tsênhv pôngz kaz, iz cxiê pưv phênhv cán bộ, đảng viên li jênhv pâuz tsênhv kis...viv li têx lênhx nênhs fêv khênhr liv zôngv hâux lưv no chiê hâuz zâuv uô têx hâux lưv cxâuv cêr chei. Đại tá Hoàng Mạnh Long, Phưv chỉ huiz trưởng, Tham mưu trưởng Bộ chỉ huiz quân sự tỉnh Sơn La puz pâuz:

          “Cxôngx thax tsav qơư thiêz lix xưv tsês chiê, Sơn La muôx kinh têr kis, viv li cxiv tsa côx phax tas nro tsôngv box truôx tul tsuv sik côngv jông hâur zoz qơưx huôv tsar kinh têr, vênhx huôv xã hội đros chuôz tsar côx phax tas nro tsôngv box thiêz txiv ngaz hâur jêx jos. Chiê uô jông têx njiêz luv no mak Bộ chỉ huiz quân sự tỉnh Sơn La cux thix ziv đros tỉnh zos tror tsov cưv yưv pênhr cxiv tsa cơ sở cxuô zav, kinh têr xã hội, tiv zix zos cxix luôk zaoz thôngz, đêx liv, thôngz xor mông, y tế, tênhv tênhz, uô ntêx zos kho đuô têx niêv cêr lox, taz por mul lol tâu hâur 4 cheix”.

          Cxôngx têx huôx tôngv tsênhv tsênhz, huv đros qênhx shênhx ntơưv tiv phaz, txos nhiv no cán bộ, đảng viên, công chức viên chức thiêz tsôngv box tỉnh Sơn La tưz sâu jênhv tsênhz mênhx lok kror coaz tsôngv hâur cxiv tsa côx phax tas nro tsôngv box. Thôngx cxix pov tsênhz tâu iz lênhx nênhs tsôngv box li txơưx jênhv, jênhv vưv hâur hâux lưv côx phax thiêz cxiv tsa côx phax tiv phaz. Fôngx zưs Lò Thị Hương, Bí thư Chi đoàn xã Chiềng Xôm, đrôngs SƠn La, tỉnh SƠn La heik:

          “Pêz cux zuôr tror vênhv tôngv đoàn viên hluôk nênhs cxaz chuôz đros lưx lươngv quân sự thiêz lưx lươngv vũ trang cxiv tsa côx phax tas nro tsôngv box gôngr phênhv taz por txiv ngaz chinhr trị thiêz xã hội, cxiv tsa jêx jos ziv hnuz ziv bluô nux thiêz vav mênhx”./.

(Trấn Long- Txâur Vax cxeik nhênhv)

Tuz lênhv nhoz ntus đriv Điện Biên chor nhuôs puôs thiêz siêz paz

Oz hli tror lok no, Zênhx Pênhz phax Pa Thơm (xar Pa Thơm, huyện Điện Biên, tỉnh Điện Biên) muôx nzir 2 lênhx chiến sỹ nhuôs zâu. No zos oz lênhx nhuôs mênhx cxưx tsơưs nênhs muôx luz nênhx txov nhêv tiv zix sâuv thax tsav, chuôz zis txoz cxơưx tsik tâu trâu muk cơưv ntơưr, viv li tưz tâu Bôv đôiv pênhz phax jênhv lok tu zus.

Ntơưv Zênhx Pênhz Phax Pa Thơm, oz lênhx nhuôs tâu chiê nhoz hâur iz qar tsêr, nhiêk muôx nhiêk txax pư, tủ trâu trik yo, ntơưr cơưv thiêz qơư cơưv ntơưr. Nhoz ntơưv zênhx, chor nhuôs tsik so tâu chor cán bộ, chiến sỹ hluz thiêz kruôz kriê. Nhuôs Quàng Văn Kiên, zos mênhx cxưx Lào Nhoz jok Pa Xa Xá, xar Pa Thơm puz pâuz, txix thâuv zâu tưz zênhx tsik tâu niêv txir đros hluz tiv niêv txir tsik nhoz uô cê lơưv, viv li tsuv đros tuk txir hloz nhoz. Taz sik txir hloz chuôz zis cux zos iz hâur chor chuôz zis txov nhêv tiv zix viv li tsuv so ntơưr nzor. Txix thâuv lok uô nênhx nhoz ntơưv zênhx pênhz phax, tâu chor bôv đôiv hluz thiêz kruôz kriê ntâu kror txix cơưv ntơưr txos trâu tsưr ziv uô nênhx. Kiên hêik:

“Cur chuôz zis txov nhêv, tâu chor nênhs nhoz hâur zênhx pênhz phax jênhv tu zus, cur zuôr sir jos cơưv ntơưr cov jông, sir jos hâur luz nênhx cov zos yênhx iz lênhx nhuôs txơưx njê”.

Thiếu tá Nguyễn Văn Ngô, Zênhx tsar Zênhx Pênhz phax pa Thơm puz pâuz, thâuv pâuz oz lênhx nhuôs no muôx luz nênhx txov nhêv, Zênhx tưz uô cxix cxuô têx ntâuz ntơưr chiê chox oz lênhx nhuôs co lok tu zus, paz jông tiv zix chiê chor nhuôs tâu cơưv ntơưr, uô si. Đrâuv cơưv pêv lớp, chor nhuôs tsênhv tâu têx chiến sỹ kruôz kriê cơưv ntơưr, shưz xar, tsưr ziv uô nênhx; tâu kruôz kriê txix têik têx pav, vix tsav txos trâu xênhz huôx yênhx hnuz; cxaz chuôz cơưv shâuv cov muôx đas jos:

“Oz lênhx nhuôs muôx luz nênhx txov nhêv, iz lênhx mak niêv txir siz đrâux, iz lênhx mak cux muôx niêv muôx txir taz sik tuk txir tsik nhav tsuv đros niêv nhoz, taz sik nhiv no mak niêv cux tsênhv trâus moz trưx phax. Viv li pêz tưz chox oz lênhx nhuôs co lok ntơưv zênhx chiê sêiz jor, tu zus, paz jông tiv zix chiê chor nhuôs cơưv ntơưr, uô si, huôv tsar cxix cxuô”.

Cưk kriê ntơưr Nguyễn Hữu Dũng, Hiệu trưởng tsêr cơưv Cxênhx iz, Cxênhx oz xar Pa Thơm puz pâuz: oz lênhx nhuôs no li têx sir jos hla đhâu têx cêr txov, sir jos hâur cơưv ntơưr tưz zos iz kror chiê cxuô lênhx shux xênhz txơưr đuô cơưv shâuv thiêz uô trơưk. Viv đhâu uô nênhx hâur quân đội, chor nhuôs tâu kruôz kriê lok shưz xar, cêr uô nênhx jông, zos kror chiê cxuô lênhx hâur lớp njiê thiêz uô trơưk:

“Oz lênhx nhuôs co li kror paz cxơưz cxiz trâu têx shux xênhz hâur tsêr cơưv mak lok six lox, viv đhâu nhoz hâur tênhv qơư quân đôiv, chor nhuôs cux tưz sir zôngv trâu ntơưv tsêr cơưv ntơưr, uô trâu chor nhuôs hâur tsêr cơưv sir jos cơưv shâuv trơưk oz lênhx nhuôs no. Lok oz lênhx nhuôs têx sir jos mak tsêr cơưv ntơưr cux tsik so sik thav, sêiz lax đros chor nênhs sêiz car zênhx chiê sik đros muôx têx tsưr ziv paz tu zus chor nhuôs cov jông đuô”.

Uô tsưr ziv “Zênhx pênhx phax têx mê nhuôs puôs”, Bôv đôiv pênhz phax tỉnh Điện Biên tưz jênhv tu zus 26 lênhx nhuôs hâur hnuz nhôngs txix 6-15 shông, zos têx tuz nhuôs tsôngv box mênhx cxưx tsơưs nênhs muôx luz nênhx txov nhêv tiv zix, tsik muôx qơư khov vav, chor mê nhuôs njuôs, têx tuz nhuôs chuôz zis liệt sĩ, saz pênhz, chuôz zis tâu sơưv cêr chêi, paz trâu chor nhuôs muôx tâu qơư nox, nhoz, xênhz huôx jông. Đuô li, têx shông đhâu Bôv đôiv Pênhz phax tỉnh Điện Biên cux tsênhv kriz uô tsaz yênhx “Paz trâu chor nhuôs muk cơưv ntơưr” chiê paz trâu chor chuôz zis shux xênhz pluôs muôx nzir nhiêx txiêx txoz cxơưx trâu chor nhuôs cov tâu muk cơưv ntơưr cxix cxuô thiêz jông đuô./.

(Vũ Lợi-Lik Thox cxêik nhênhv)