Jax sâu thưr 6, hnuz 26/2/2016:

Têx lênhx cưk yuôx chơưv kho chor nhuôv zâu trâus moz plơưr

 

 

 

Võ Hoài Bảo Tâm nhoz Bình Dương, nhiv kruôr muôx iz shông ntâu, tưz trâus moz plơưr. Y văn ntiêx têz cux xav tâu tiêk: muôx xa55 150 lênhx trâus moz plơưr iz zav li ntơư. Đhâu fêiv ntâu lênhx mê nhuôv, fêik tas 7 luz six hơưv thiêx fêik tiêr; cxuô lênhx cưk yuôx nhoz tsêr kho moz Đại học y dược đrôngl HCM tưz chơưv kho tâu têx lênhx mê nhuôv trâus moz plơưr. Cưk yuôx Lê Hân hêik:

 “Hâur six hơưv fêik cux zôngx ziv, taz sik thâuv chox muk chơưv kho cux phiv liv cơưs. Uô ntêx thâuv zuôr fêiv, lênhx tưs cux xav tiêk: thâuv fêik tas, zuôr trâus vôngk hnhar. Chor trâus vôngk ntơư, tâu muôz yuôx kháng sinh chox lok cxax đros trâu yuôx cxaz nzir đas jos iz ntu, cux jông, tơưv tsêr kho moz. Uô cxuô lênhx cưk yuôx tsâus”.

Têx luôs hâux lưv uô tâu tiêr ntơư zos hâur hli 8 shông 2015 thiêz ntơư cux zos iz hâur 4 cxênhz lênhx tâu cưk yuôx nhoz tsêr kho moz Đại học y Dược Đrôngl HCM fêik tâu tiêr txix shông 2006. Hâur ntơư, tsêr kho moz Đại học Y Dược đrôngl HCM sir zôngv kỹ thuật yiêz fêiv plơưr trâu ntâu lênhx thiêz tsơưs luz tsêr kho moz thiêx fêik tâu plơưr li hêik ntơư. Cưk yuôx Nguyễn Hoàng Định hêik pâuz:

 “Hâur ntu zuôr txos no, Khoa zuôr sir zôngv cxuô khoa học kỹ thuật yiêz chiê fêik cov tâu ntâu lênhx mê nhuôv trâus moz plơưr. Kror tiv oz, zos sir zôngv muôz mair fêik đhâu hluôk zak zưr thiêz pêz tsênhv taz tov tso iz cxiê cán bộ cưk yuôx muk cơưv cxaz nzir tsưr ziv txuôk plơưr”.

Tsêr kho moz Đại học y dược đrôngl HCM, iz shông fêik tâu 300 lênhx mê nhuôv zâu pluôs trâus moz plơưr. Xav kror đruôz đraz, iz hli muôx oz lênhx mê nhuôv zâu nhoz thax tsav tox siêz đêz đrôngl trâus moz plơưr chox tuôx sêiz shuôk moz plơưr. Cưk yuôx Lê Minh Khôi hêik pâuz:

 “Thâuv chox tus mê nhuôv ntơư tuôx trâu sêiz shuôk, zav moz ntơư cux tsik zôngx ziv chơưv kho. Viv chor nyar ntơư đrôngl, lok tsik đhâu trâu luz plơưr faz lâux; nyar ntưk tsik thôngz luz chêr. Taz sik, cux fêik tâu yênhx côngz. Đhâu fêik, tus mê nhuôv ntơư txir thiêx hêik, cov lênhx cưk yuôx ntơư uô txir zus”.

Cưk yuôx nhoz tsêr kho moz Đại học y dược đrôngl HCM, zos chor paz chơưv kho tâu chôngz lênhx ntâu tus mê nhuôv trâus moz plơưr tror muôx luz nênhx nhoz yar ntux đris./.

                                                      (Tsu Vưx, cxêik nhênhv-TTTPHCM)

 

 

 

 

 

Phênhv thưr 6, hnuz 26/2/2016:

Phênhv tsênhv chei sâu sê

 

 

Nus: Cur doanh nghiệp hâux lưv uô zos zôngv ntâu lênhx lox tôngv  pox niêv hâur yênhx luz hli, muôx nzir iz cxiê nhiêx txiêx trâu têx lênhx lox tôngv pox niêv ntơư. Uô li thor nus, têx nhiêx muôz no pok tâu xav zos trơưk chei, cui tinhv têz qơưs thâuv xav doanh nghiệp têx nhiêx sê?

Têz:

Trơưk  Thông tư 96 cui tinhv mak têx phênhv nhiêx muôz nzir no trâu lox tôngv pox niêv tâu xav trơưk têx nhiêx tâu yưx li:

1.Muôz trâu uô hâux lưv kriê đuô txux chi tsưr ziv uô nuv trâu lox tôngv pox niêv hâur qênhx shênhx hâux lưv kuz tsi huv đros, tsuv hlôngr uô đuô lưv zav hâux lưv txơưr trơưk doanh nghiệp tsưr ziv tso tơưv.

2.Muôz nhiêx hli, nhiêx paz trâu cưk kriê ntơưr ntơưv têx tsêr seiz jor, kriê têx nhuôs zâu zos doanh nghiệp tsưr tsix thiêz seiz car.

3.Nhiêx muôz trâu seiz njuôk shuôs đas jos nzir hâur shông li: seiz njuôk shuôs moz trâu têx lênhx pox niêv công nhân viên.

4. Nhiêx muôz nzir trâu lox tôngv pox niêv đhâu thâuv xênhz zus tuk mê nhuôs tiv iz lok sik tiv 2.

5. Nhiêx muôz trâu lox tôngv pox niêv uô hâux lưv nzir, viv nưk muôx nưk hâux lưv uô so tsi tâu đhâu thâuv xênhz zus nhuôs tas, so muôz mik trâu nhuôs nox mak tsuv nhoz uô hâux lưv trâu doanh nghiệp.

Li ntơư, zos doanh nghiệp muôz nzir têx nhiêx trâu têx lênhx lox tôngv pox niêv muôx têx li heik sâuv, zos lênhx tiz nênhs, trơưk tsưr ziv, tsi muôz ntâu đhâu cui tinhv mak zuôr tâu xav zos têx nhiêx muôz trơưk chei thâuv xav tinhv doanh nghiệp têx nhiêx sê tsuv thêv./.

                                                         (Thanh Thủy-Riê Lâux cxeik, nhênhv)