Jax sâu thưr 7 hnuz 26/3/2016

Mênhx cxưx Tày Bình Liêu li ntênhk mor blêx yiêz

Mor blêx yiêz zos kror muôx chênhr sâuv trôngx mor chiê mênhx cxưx Tày txi côngv, iz ntênhk txi côngv cxôngx nzor hêik tơưv têx vênhx huôv mênhx cxưx tox siêz nhoz ntơưv no. Chor chuôz zis mênhx cxưx Tày nhoz Bình Liêu tsưr tsix txi côngv mor blêx yiêz qir uô tsâus ntux têz, pox côngz zơưv côngz tưz paz trâu chuôz zis iz shông uô tâu kôngz lôngk cux xưk li thor muôx tâu iz shông yiêz sâu tâu kôngz ntâu đuô, muôx luz nênhx shir phaz. Pos Sùng Thị Mây, iz lênhx mênhx cxưx cxaz chuôz hnuz ntênhk shir phaz hêik: “Ntênhk mor blêx yiêz zos iz pluôs mor mak chuôz zis tưs cux xar muôx chiê txi côngv pox côngz zơưv côngz tiêk sâu tâu kôngz lôngk thiêz vav tiêk lơưr zuôr paz trâu zuk muôx tâu iz chiv kôngz lôngk yiêz sâu tâu ntâu, truôx tuk luz nênhx, muôx đas jos, shir phaz”.

Trôngx mor blêx yiêz muôx grêix kêiz, grêix njêl thiêz mênhx cxưx nhoz no li chor zav nox cxôngx nzor. Thâuv trâu tâu sâuv trôngx, chor mor blâuv tsư ha đros pa chơưr tsưz kaz nziês uô trâus lênhx tưs cux nhiêv. Chor mor yiêz tâu uô txix chor blêx blâuv tsư kaz nhiv kruôr tâu sâu sâuv chor liêx ntêir lok. Iz kror tsuv muôx thiêz zos kriêr nhôngk. Blôngx kriê muôz lok tuôr cov lưx tor đros cxur uô ntêx thâuv zuôr chuz…Zơưv Hoàng Tiến Phong tưz hêik pâuz mênhx cxưx Tày li iz tsưr ziv chuz mor blêx yiêz li no: “Uô chak cux tsuv muôx mê njik blôngx kriê shơư cov mor tsư kaz đuô. Đuô li blôngx kriêr cux zos iz zav yuôx lok six jông, nox mak paz kho moz tâuz hâu. Chor lâul tsês chiê li co lok thiêz pêz chor mênhx cxưx Tày mak nox mor blêx yiêz tsuv muôx blôngx kriêr shơư, no zos kror tsuv muôx”. Mor blêx yiêz thâuv nhiv kruôr siêr mak tsư kaz uô trâu lênhx tưs cux nhiêv. Tiv zix, chor mor li kror njuôz cux uô trâu tsôngv kruô sơưr đơưk xar nox ciês chor mor no. Đuô li, pêx xênhv Bình Liêu tsênhv xav tiêk, chor mor yiêz njuôz jôg zos hêik tơưv muôx tâu iz chêix chiv kôngz lôngk sâu tâu ntâu. Pos Lương Thị Hường, mênhx cxưx Tày nhoz Bình Liêu hêik: “Cur tuôx ntơưv no uô nox uô hâuk, nhiv no kinh têz tưz truôx tuk lơưv. Phongx cxưx uô mor blêx yiêz li no cux shir phaz đuô, cux jông đuô”. Hâur tsuv mor txi côngv pox côngz zơuv côngz, txơưv vax tsêr pluôs luôx tưs mak cux tsuv muôx iz tuk kêiz chiê txi côngv, hok chuôz zis tưs muôx đuô mak cux uô oz pêz tsuv mor chiê hu sơưr đơưk tuôx đros nox. Thâuv txi côngv tas, lênhx tsưr tsêr zos nênhs nox uô ntêx, lơưr co zos chor pox niêv mê nhuôs sơưr đơưk. Thâuv nox tas mak tsuv tsês mê njik jâuz mor thiêz chuôz zis tsik tsuv nzuôr ciês tưx têis hâur hmo co. No zos mênhx cxưx Tày li iz phongx cxưx đros siêz xar tiêk zuôr muôx tâu blêx cxur ntâu thiêz ziv chuôz zis ziv hnuz ziv muôx luz nênhx jông, txâuk nox txâuk hnar.

Nox mor blêx yiêz zos hnuz shir phaz trâu chor chuôz zis, mênhx cxưx tox siêz Bình Liêu, zos chiê pox nhuôs sơưr đơưk sik thav chiê cơưv shâuv chênhz zênhv tu zus, chos kôngz lông cux xưk li paz uô truôx đuô cêr coangz siv sik côngv, siz paz hâur jêx jok./.

(TTĐB-Lik Thox cxêik nhênhv)

Phênhv thưr 7, hnuz 26/3/2016:

Iz lênhx cưk kriê đhiê pax vuôs

Nền…

          Tưz muôx 70 ntâu shông, taz sik zơưv Vũ Hoài cux tsênhv shir phaz lul kriê cxuô hêir nênhs nhoz Sơn La đhiê pax vuôs. Ntơư zos kriê tsôngv tuz cxêik hluôk đhiê pax vuôs nthuôr uô lov jêv nhoz trâu cxuô luz jêx jos tox siêz đêz đrôngl hâur thax tsav tỉnh Sơn La. Pos Cà Thị Xôm, nhoz jos Tà Lanh, xã Chiềng Hoa, huyện Mường La hêik pâuz: “Tâu cưk Hoài kriê, cur tưz pâuz tâu têx txux chiê đhiê pax vuôs thiêz cur cux zuôr tror muk kriê trâu têx vir ndâuk hâur jos đros đhiê pax vuôs nthuôr uô cêr lov jêv”. Cơưv tiêr txux chi đhiê pax vuôs nhoz tsêr cơưv đhiê pax vuôs VN, shông 1963, zơưv Vũ Hoài lok uô hâux lưv đhiê uô pax vuôs trâu tỉnh Sơn la. Txix ntơư, zơưv Hoài tưz zok nriêr cxuô hêir nênhs nhoz thax tsav faz Bắc têx txux chi, nthuôr uô cêr lov jêv. Đhâu 34 shông uô hâux lưv, zơưv tưz uô tus car kriê đhiê pax vuôs; sâu tâu 100 ntâu jax pêv thav lok sâuv cêr uô nênhx….thiêz tâu muk nthuôr uô lov jêv đhiê pax vuôs trâu têz qơưs lok tsuôk. Lar hêik zos têx jax pêv thav lok “Lênhx lâuk jor mê nhuôv”, đhiê pax vuôs hêir nênhs poz ziz thiêz hêir nênhs Si la pax vuôs đros trâu “Hêir nênhs poz thơưx txux chi thor ntux yar ntux nas”.

          Đhâu iz ntu tov kaz, zơưv Hoài tưz lok uô hâux lưv trâu Hội đhiê pax vuôs VN, uô phó Tổng thư ký thường trực thiêz uô phó  chủ tịch thường trực hội, zơưv cux sâu tâu ntâu jax pax vuôs, ntâu jax pêv thav trâu ntơưv Hà Hội thiêz nthuôr uô cêr lov jêv trâu ntâu tỉnh hâur hủ si têz qơưs. Đros ntơư, zơưv cux tsênhv kriê ntâu lớp đhiê pax vuôs trâu tsôngv tuz cxêik hluôk nhoz trâu cxuô tsênhv qơư, nthuôr uô cêr lov jêv. Zơưv Hoài hêik: “Hâur tsêr cơưv, tsuôk kriê cov zuk pâuz uô têx kror tsênhz xưz. Kriê uô cxuô hêir nênhs têx pax vuôs đhiê  lov jêv, hâur tsêr cơưv cux tsik muôx kriê. Txix thâuv lok uô hâux lưv trâu faz Bắc thiêz pâuz tâu cxuô hêir nênhs nhoz thax tsav ntơư, muôx ntâu txux chi, ntâu jax pax vuôs nthuôr uô cêr lov jêv, muôx nhoz đros trơưr hâur luz nênhx. Taz sik, ho tsik muôx sâu trâu hâur ntơưr”. Shông 2010, tâu so lâuk, zơưv Vũ Hoài tror lok trâu Sơn La, zơưv cux pov tâu tiêk: Hêir nênhs Poz ziz têx txux chi đhiê pax vuôs tưz pôngz kro mê njik, tsuv tuôr tsês chiê cov tâu truôx hêir nênhs poz ziz nhoz Sơn la têx txux chi đhiê pax vuôs tsik chiê plox. Chênhr zos li hêik ntơư, zơưv thiêx uô luôs hâux lưv “Zok nriêr thiêz kriê nzir cxuô hêir nênhs nhoz thax tsav Sơn la iz cxiê pax vuôs nthuôr uô cêr lov jêv. “Đhiê pax vuôs, thâuv tưs cux muôx kror yiêz thiêz muôx nhoz đros trơưr luz nênhx hâur niêx hnuz; thâuv nthuôr đhiê uô pax vuôs ntơư mak lov jêv cơưs thiêz thâuv tưs têx txux chi đhiê pax vuôs cux tsiv grê đros trơưr luz nênhx”. 40 ntâu shông uô luôs hâux lưv sâu pêv thav thiêz kriê đhiê pax vuôs, zơưv tưz tâu têz qơưs muôz côngz mênhx hov 3 thiêz tâu Thủ tướng Chính phủ muôz ntơưr kruôk  đros trâu tâu têz qơưs lok tsuôk muôz ntơưr kruôk./.

                                                            (Tsu cxêik, nhênhv-Bích Thuỷ)