Đoanx hluôk nênhs Đak Lak sik đros uô nox uô hâuk

          Ar têz tsơưs, tsi muôx theox chênhv huôv tsar têx zav tsoz chos tsênhv nhoz tiv phaz li cà phê, hưx txoz, tix lâuk Vũ Việt Dũng nhoz jos 7, xã Ea Kpam, huyện Cư Mgar, tỉnh Đak Lak xeir trâur nuv chos ndêz.

          Tsuôk đros 1000 yiv ndis, tix lâuk Dũng chos cxuô zav ndêz. Dũng puz pâuz, shông 2016 tix lâuk qir uô trâur nuv chos ndêz, viv pênhr tsơưs viv li tix lâuk chos siv 1000 naz ndêz, đhâu 4 luz hlik, xiv huv sâu tâu 200 cir ntâu, đros grê muôs 50 cxênhz đeiv iz cir, tsi xav têx nhiêx txiêx tưz yưv tix lâuk sâu liv tâu 6 tsov đeiv.

          Txơưv phênhv liv sâu tâu tsi siêz, taz sik uô trâu tix lâuk Dũng ziv truôx siêz chiê krêz đar trâur nuv chos ndêz. Shông 2017, txeik tâu 100 tsov đeiv cxôngx Đoàn hluôk nênhs li phênhv pênhr, tix lâuk cxiv tsa cxaz qơư chos ndêz, tsưr ziv huôv tsar tsiv uô. Txos nhiv no, tix lâuk li qơư chos ndêz tưz huôv tsar txos 10 cxênhz naz ndêz, muôz hâux lưv uô yax six trâu 6 lênhx nênhs lox tôngv tiv phaz đros phênhv nhiêx shar 7-9 tsov đeiv iz luz hlik.

          “ Pênhr 100 tsov đeiv cur txeik Đoanx hluôk nênhs lol uô nox uô hâuk nhiv no đros 10 cxênhz naz ndêz iz chiv 4-5 luz hlik cur sâu lol tâu 60 txos 70 tsov đeiv”.

          Cux xeir kôngz nuv chiê huôv tsar kinh têr, tix lâuk Y’Linh Niê, xênhz shông 1988 mênhx cxưx Ê Đê nhoz jos 4, thị trấn Ea Pôk, huyện Cư M’gar, tỉnh Đak Lak tưz uô yênhx côngz trâur nuv chos pax cúc, chox lol phênhv sâu 100 tsov đeiv ntâu iz shôngk. Tix lâuk Y’Linh puz pâuz, shông 2014 thâuv tix lâuk tsi tâu pâuz txeik pênhr kror tưs chiê huôv tsar chos pax cúc mak tix lâuk tâu txeik Đoanx hluôk nênhs li 20 tsov đeiv, muôx pênhr, Y’Linh tưz mul Lâm Đồng shâuv tsưr ziv chos pax cúc thiêz cxiv tsa yênhx côngz trâur nuv chos pax ntơưv tiv phaz. Trâur nuv kinh têr tsi taz muôx phênhv sâu ngaz tul mạk tsênhv tâu ntâu lênhx hluôk nênhs tuôx cơưv shâuv:

          “ Cxôngx thâuv tâu txeik pênhr hluôk nênhs zos Hội liên hiệp hluôk nênhs tỉnh Đak Lak paz txưv, cur mul cơưv shâuv tsưr ziv chos pax thiêz đhâu co lol cxiv tsa trâur nuv chos pax tsơưs trâus caz hmoz, yar lengx siêz tưz paz ngaz tul kinh têr chuôz zis”.

          Tix lâuk Dũng, tix lâuk Y’Linh tsuôk zos 2 hâur yênhx cxênhz lênhx hluôk nênhs nhoz tỉnh Đak lak tsênhv sir jos niêx hnuz chiê uô bluô nux ciês sâuv zuk têz qơưk.

          Tix lâuk Y’Nhuân Byă, Bí thư đoàn hluôk nênhs CSHCM tỉnh Đak Lak puz pâuz, đros hluôk nênhs uô nox uô hâuk tỉnh đoàn Đak Lak tưz paz nriêr doanh nghiệp, taz viv paz txưv pênhr, muôz pênhr chiê hluôk nênhs huôv tsar kinh têr. Txos nhiv no, têx cấp bộ Đoàn tsênhv coar lik tas nro phênhv nux grê sơưr txeik cxôngx Zênhx hangx tsênhv chei xã hội zos 630 tỷ đeiv, muôz pênhr Cuiv têz qơưk car chêx hâux lưv uô kênh Trung ương Đoàn trâu 6 taz viv đros tas nro zos 1,2 tỷ đeiv. Cxôngx phênhv pênhr no tưz gôngr phênhv paz hluôk nênhs cxiv tsa têx trâur nuv kinh têr tsêz chos thiêz tu zus yênhx côngz, chox lol chêx cuk kinh têr siêz:

          “ Nhiv no, hluôk nênhs li chinhz yênhx, siêz xar uô nox uô hâuk tâu phuôx huiz jông, tỉnh đoàn zuôr heik kriê thiêz paz txưv pênhr, hluôk nênhs xar tơưv thiêz uô zuk li tsưr ziv, tsênhz mênhx tưz muôx ntâu hluôk nênhs uô tâu yênhx côngz thiêz gôngr côngv trâu xã hội li huôv tsar”.

          Đoàn viên hluôk nênhs uô nox uô hâuk yênhx côngz tsi taz gôngr côngv lol tiv phaz li huôv tsar kinh têr, mak tsênhv cxơưz tiês phongz yaox xar tơưv uô nox uô hâuk hâur tas nro tỉnh. Têx hluôk nênhs yênhx côngz hâur huôv tsar kinh têr tsênhv sir jos pheiz kênh chênhz zênhv, paz txưv pênhr trâu têx hluôk nênhs txơưr sik đros uô nox uô hâuk chiê cxiv tsa têz qơưk Đak Lak ziv hnuz ziv bluô nux, vav mênhx./.

( TTTN-Txâur Vax cxeik nhênhv)

Tà Lèng cơưv shâuv thiêz uô lơưr Hloz Hôx

          Đros zơưv Nguyễn Quốc Tân thav, Bí thư Đảng ủy xã Tà Lèng, TP Điện Biên, tỉnh Điện Biên, pêz pâuz thôngz đuô lok têx hlôngr yiêz mak cấp ủy, chinhr quyênx thiêz tsôngv box nhoz no uô hâur cơưv shâuv thiêz uô lơưr Hloz Hôx li lul heik kriê. Hâur côngz xưv yax mông, đros thiêz phuôx huiz pưs txux chi ủy, chi bộ, Đảng ủy pheiz côngz Đảng ủy viên, canr bộ thênhv siêz mul têx jêx jos đros tsôngv box thav, mnôngs tsôngv box li siêz xar, ziv chênhv. Cxơưz tiês côngz xưv yax mông lok cơưv shâuv thiêz uô lơưr Hloz Hôx, reik đros xênhz huôx yax six, xênhz huôx chuyên đề hâur chi bộ, chi hội đoàn thêv. Cxôngx jênhv vưv tsênhz mênhx Đảng bộ, têx chi bộ, đangv viên cxiv tsa têx ploz tsênhr uô lơưr Hloz Hôx, zôngx ziv ndo txos, heik tâu tsuv uô tâu, muôz siêz tsơưr lươngv, chêx cuk côngz xưv…

          Uô lơưr Hloz Hôx li lul heik kriê: “ Nênhs pluôs mak muôx txâuk nox, nênhs muôx txâuk nox mak uô bluô nux, nênhs bluô nux mak ziv bluô nux đuô”. Mặt trận tổ quốc thiêz têx đoanx thể…lơưr txơưx jênhv chuôz tsar vênhv tôngv đoàn viên, hội viên, tsôngv box sir jos huôv tsar kinh têr ziv chuôz zis, cxuôv yeiz thiv pluôs. Zôngv KHKT yiêz lol hlôngr yiêz tsoz chos tsiêx tu zus, chos ntông nox txirr, krêz phaz…chiê chuôz cxaz phênhv sâu sâuv iz taz viv mênhv chêx. Khov cxơưz tiês phongz yaox tưr thik nhiêv têz nhiêv qơư, sir jos uô xã tax 17/19 ploz tsênhr cxiv tsa nôngx cxênhz yiêz…

          Đros co, canr bộ chuyên trách, công chức xã muôx ntâu hlôngr yiêz lok siêz xar, tsưr ziv uô hâux lưv; muôx txơưx jênhv đuô hâur hâux lưv phưx vưv tsôngv box... Đoanx hluôk nênhs uô ntêx nyuôk txưv zênhv uô cêr zaoz thôngz, zôngv KH yiêz lol uô xênhz yar. Hội nôngx mênhx zaoz zux yax mông vênhv tôngv hội viên tuôr truôx vêv xênhz tênhx qơư, sơưr txeik pênhr trâu hội viên cxuôv yeiz thiv pluôs, huôv tsar uô xênhz yar, đros chinhr quyênx vênhv tôngv nôngx mênhx sir jos cxiv tsa nôngx cxênhz yiêz. Công an xã uô jông jênhv vưv por vêv txiv ngaz xã hội, Hội pox niêv xã đros phongz yaox “ Huz cxur cxênhx txuôk”, “ 5 tsi uô, 3 hur đu”. Hội bộ đội lâuk phuôx huiz cêr chax chês “ Bộ đội zơưv Hloz Hôx” zaoz zux cêr chax chês trâu cxênhx hluôk nênhs, uô ntêx nyuôk hâur txu yeiz cxuôv pluôs…

          Six hơưv zuôr txos, txơưv tsênhv yuôr ntâu phêv liv, taz sik đros thiêz Đangv bộ thiêz tsôngv box xã Tà Lèng li chinhz yênhx sir jos hla đhâu têx phêv liv tưz gôngr phênhv hlôngr yiêz kinh têr, vênhx huôv, xã hội sâuv thax tsav xã./.

( KT-Txâur Vax cxeik nhênhv)