Lênhx hluôk nênhs mênhx cxưx La Chí uô ntêx nyuôk viv

 côngv thôngx

          “Thâuv ntêx tsi tâu muôx tul qox no, pox nhuôs tsik zôngx ziv muk lok đhâu, mê nhuôs shux xênhz tsuv tâu niêv txir êr muk cơưv ntơưr. Nhiv no muôx qox lơưv mak yêz muk lok zôngx ziv đuô trâu mê nhuôs shux xênhz, pox nhuôs muk muôv muôs hax huv cux zôngx ziv đuô, tsi xưk li thâuv ntêx thiêz”.

          Co zos tix lâuk Vàng Văn Tư, nhoz xã Tồng Táo, xã Cốc Rế, huyện Xín Mần, tỉnh Hà Giang li pheiz kênh lok zuk cux xưk li pox nhuôs hâur jos li cêr shir phaz thâuv tâu huyện đoàn Xín Mần sik côngv, hu grus paz max cxiv uô tul qox, paz pox nhuôs muk lok zôngx ziv đuô hâur cheix ntux lok nas. No tsuôk zos iz hâur têx côngz tsinhx tsênhv tsênhz tsês trâu côngv thôngx mak hluôk nênhs Xín Mần uô tâu, hâur co muôx tix lâuk Lộc Văn Huy- Bí thư huyện Đoàn li gôngr côngv lok six ntâu.

          Zos iz lênhx nênhs mênhx cxưx La Chí, tâu xênhz zus thiêz hloz lox nhoz Xín Mần, iz huyện tox siêz tsênhv yuôr ntâu phêv liv nhoz tỉnh Hà Giang, tix lâuk Huy pâuz thôngz pox nhuôs nhoz zuk têz qơưk li têx phêv liv, tiv zix zos lok kinh têr, cơ sở cxuô zav. Thâuv tưs cux xar njôngr gôngr côngv tâu zuk li đas jos cxiv tsa têz qơưk, cxôngx co tưz paz tix lâuk xar tơưv tâu ntâu tsưr ziv uô muôx liv trâu têz qơưk, côngv thôngx:

          “Cxôngx ciês thâuv qir muk cơưv ntơưv tsêr cơưv Đại học Văn hóa Hà Nội, cur tưz xar njôngr gôngr côngv zuk li đas jos trâu têx huôx tôngv nox nhoz xã hội. Thâuv lok tiv phaz, cur tưz xar tơưv ntâu huôx tôngv reik đros qênhx shênhx tsênhv tsênhz muôx nhoz tiv phaz, viv zuk tiv phaz tsênhv yuôr ntâu phêv liv lok cơ sở cxuô zav muôx lênhyx coaz txos tsoz phưz, zaoz zux mê nhuôs zâu, tiv zix zos tsêr nhoz trâu nênhs pluôs, têx qox muk lok đhâu đêx…Viv li cur tưz xar tơưv têx tsưr ziv cxiv tsa têx côngz tsinhx hluôk nênhs reik đros nox nhoz xã hội viv côngv thôngx li luz nênhx”.

          Cxaz chuôz uô côngz xưv Đoàn cxôngx shông 2011, ciês thâuv tsênhv zos cán bộ đoàn xã Pà Vầy Sủ, huyện Xín Mần, tix lâuk Lộc Văn Huy tưz đros đoàn viên hluôk nênhs xã tsưr tsix ntâu huôx tôngv nox nhoz xã hội li: pluôs mor Tsiêz trâu mê nhuôs, txiêr plâuz hâu trâu mê nhuôs, Tsiêz sor trâu mê nhuôs, huiz tôngv yênhx puôk hnuz côngz txưv zênhv kho đuô cêr zaoz thôngz; sik côngv cxiv tsa 1 tsêr cơưv cxênhx 1, tsưr tsix ntâu tsaz yênhx txưv zênhv, khơưk muôz yênhx puôk phênhv huv trâu pox nhuôs, mê nhuôs shux xênhz txov nhêv tas nro tsiv grê 1,5 tỷ đeiv. Tov kaz no zos phưv Bí thư huyện đoàn, Chủ tịch Hội lien hiệp hluôk nênhs, txos Bí thư huyện Đoàn, tix lâuk tưz sik côngv, hu grus têx tsưr tsix lênhx nênhs siêz jông gôngr paz cxiv tsa tâu 4 luz tsêr cơưv mê nhuôs zâu thiêz cxênhx iz; cxiv uô tâu 2 tul qox, 20 tuv ntơưr tsês trâu mê nhuôs zâu; sik côngv tsưr tsix 20 tsaz yênhx nox nhoz xã hội viv côngv thôngx ntơưv têx jos tsênhv txov nhêv, njuôs xav tsiv grê 1,5 tỷ đeiv ntâu, đros ntâu tsaz yênhx jông viv côngv thôngx txơưr…Chiê uô tâu têx hâux lưv muôx ziz njiêz gôngr côngv trâu côngv thôngx, tix lâuk Huy puz pâuz: Zos cán bộ Đoàn, đrâuv sei đrơưv, uô ntêx nyuôk hâur uô huôx tôngv, tsuv jê hluôk nênhs, jê tsôngv box. Li ntơưv thiêx li huiz tôngv tâu hluôk nênhs cxaz chuôz têx hâux lưv tsênhv tsênhz:

          “Thâuv chêx chôngk tâu hluôk nênhs sik côngv siêz mak Đoanx li têx huôx tôngv thiêx li tâu tsưr tsix thiêz uô tâu. Cur cux nriêr pâuz, cơưv shâuv têx cxênhx nênhs tov ntêx li chênhz zênhv, muk nriêr pâuz hluôk nênhs li têx siêz xar njôngr thiêz tsưr tsix têx huôx tôngv reik đros têx hluôk nênhs li siêz xar njôngr chiê lơưr sik côngv cxaz chuôz. Đrâuv co, chiê tsưr tsix jông đuô, cur sik uô uô cê têx huôx tôngv Hội hluôk nênhs, sik njiz sik thav, sik tưr thik thiv thao thiêz têx huôx tôngv txưv zênhv reik đros nox nhoz xã hội”.

          Pov tâu hâux lưv tso nyar jông siêz chơưv lênhx nênhs li têx zuôr trâus, tix lâuk Lộc Văn Huy tưz xar tơưv yênhx lix Câu lạc bộ Zênhx hangx nyar huyện Xín Mần thiêz câu lạc bộ tưz huiz tôngv, chêx chôngk tâu chôngz têx lênhx hluôk nênhs cxaz chuôz tso nyar jông siêz. Tix lâuk cux yênhx lix Hội đồng mê nhuôs zâu nhoz tiv phaz, đros ntâu huôx tôngv uô tsênhv tsênhz li tsoz phưz, zaoz zux, por vêv thiêz cxiv tsa qơư uô si jông trâu têx mê nhuôs tsôngv box mênhx cxưx tsênhv txov nhêv. Lơưr tix lâik Thèn Văn nghiêm, Phưv Bí thư huyện Đoàn Xín Mần: heik tâu tsuv uô tâu, đồng chí Huy li têx luôk hâux lưv uô tâu tsuôk li paz cxơưz cxiz têx hluôk nênhs ntơưv qơư sik côngv đros uô lơưr:

          “Đồng chí Huy lok six sei đrơưv, moz siêz đros hâux lưv uô, muôx pênhr xưv chêx chôngk cux xưk li sik côngv chiê cxiv tsa têx côngz tsinhx. Lok uô Bí thư huyện Đoàn tâu zuôr xar 2 shôngk, đồng chí tưz uô tâu ntâu côngz tsinhx trâu pox nhuôs li têx tsêr cơuư trâu shux xênhz, tâu pox nhuôs lok six nziv hluz”.

          Shông 2018 tix lâuk Lộc Văn Huy zos 1 hâur 87 lênhx đoàn viên hluôk nênhs jông uô lơưr Hloz Hôx tỉnh Hà Giang. Shông 2020 tix lâuk tâu kruôk zos iz hâur 75 lênhx hluôk nênhs jông tas nro têz qơưk hâur côngz xưv Por vêv txiv ngaz têz qơưk zos Bộ công an thiêz Trung ương Đoàn tsưr tsix ntơưv tỉnh Tây Ninh; tâu chính quyênx têx cấp nhoz tỉnh khơưk muôz ntâu ntơưr kruôk viv têx gôngr côngv hâur phongz yaox uô ntêx nyuôk viv côngv thôngx. Đros tix lâuk Huy, phênhv huv lox tiv zix zos tix lâuk tâu gôngr zuk li đas jos trâu têz qơưk:

          “Đoan hluôk nênhs huyện Xín Mần zuôr tror tsưr tsix têx huôx tôngv phongz yaox cơưx mênhv hluôk nênhs reik đros cxiv tsa têx côngz tsinhx hâux lưv uô chiê zaz zâuv, chêx chôngk hluôk nênhs cxaz chuôz gôngr côngv, cxiv tsa têz qơưk, por vêv ntus đriv, ndêx đriv têz. Đros co zos tror vênhv tôngv cxôngx xã hội chiê uô tiêr têx tsưr ziv cxiv tsa têx côngz tsinhx ndar txos nox nhoz xã hội”./.

(Txâur Vax cxiv sâu, cxeik nhênhv)

Paz trâu pêx xênhv ntơưv têx qơư muôx caz moz

   Txơưv tiêk nhiêx txiêx têz qơưk muôx tsơưs, tsênhv yuôr ntâu kror phiv liv, pêz têz qơưk tưz paz trâu yênhx cxênhz lênhx nênhs Việt Nam nhoz saz đrâuv têz qơưk truôx tuk luz nênhx, paz trâu sơưr đơưk tâu sơưv liv cxuô zav huv đros; thôngx cxix zos iz hâur tsơưs chor têz qơưk tsưr tsix cxuô jiês yêz za chox chor nênhs muôx luz nênhx txov nhêv, zoz qơưx lok têz qơưk tâu truôx jông, ngaz tuk đros uô jông côngz xưv phax, tar caz moz gênhk. Xav ciês hâur shông 2020 đhâu, Bôv Ngoại giao tưz sik côngv đros chor bôv: Y têr, Côx phax, Công an, Zoz thôngz vận tải thiêz cxuô thax tsav qơư cik txos kriz uô muôx 300 ntâu jiês yêz za, chox xar muôx 85 cxênhz lênhx nênhs txix 59 luz têz qơưk, thax tsav sâuv ntiêx têz tror lok pêz têz qơưk ngaz tuk. Zơưv Phạm Bình Minh-Phưv Thủ tướng Chính phủ, Bôv trưởng Bôv Ngoại giao puz pâuz:

“Kror uô tâu tiv zix hâur ntu muôx moz Covid-19 co zos Việt Nam zos iz hâur tsơưs chor têz qơưk muôx chor jiês yêz za chox nênhs Việt Nam nhoz saz đrâuv têz qơưk lok zuk têz qơưk, co zos iz kror lok six zov chênhr”.

  Chor nênhs Việt Nam uô lox tôngv saz đrâuv têz qơưk muôx 500.000 ntâu lênhx nênhs thiêz 100.000 lênhx shux xênhz cơưv saz đrâuv têz qơưk. Chor nênhs Việt Nam zuôr txir saz đrâuv têz qơưk muôx 200.000 ntâu lênhx nênhs. Đros tsôngv box cxuô mênhx cxưx tsơưs nênhs, phênhv ntâu zos muk uô lox tôngv ntơưv têx têz qơưk Trung Quốc, Nhật Bản, Hàn Quốc, Ả-rập-xê-út, Malaysia, Đài Loan, Singapore, Lybia, Trung Đông, Qatar, Cộng hòa Séc…., iz cxiê lênhx mak tưz tâu chiê tror lok têz qơưk, hâur co tsuv hêik txos zos jiês yêz za chox nênhs Việt Nam txix qơư muôx caz moz Vũ Hán-Trung Quốc tror lok têz qơưk hnuz 10/2/2020.

Đros chor nênhs tsênhv uô nênhx nhoz, uô hâux lưv thiêz cơưv ntơưr saz đrâuv têz qơưk, Bôv Ngoại giao thiêz têx cơ quan hlôngr njêx muôs Việt Nam nhoz saz đrâuv têz qơưk tsik so sik thav, sik côngv truôx jông đros luôs oz chas têz qơưk, têx cơ quan muôx vax huôv ntơưv qơư chiê paz trâu lơưr lok xênhz huôx, tsoz phưz y têr, cơưv shâuv, uô hâux lưv…cov jông tiv zix. Tsênhv tsênhz, hêik têz qơưk saz đrâuv tror tso nzir six hơưv nhoz ntơưv lơưr têz qơưk trâu chor nênhs tas six hơưv, nzor nriêr hâux lưv uô nzir trâu chor nênhs lox tôngv tsik muôx hâux lưv uô, tror chiê chor shux xênhz tâu cơưv ntơưr cxix cxuô thiêz kriz uô têx tsưr ziv, luôs hâux lưv chiê por vêv jông tiv zix trâu cxuô lênhx nênhs.

  Iz zav li Nhật Bản-qơư muôx chôngz lênhx mênhx cxưx tsơưs nênhs muk cơưv shâuv thiêz uô lox tôngv, Đại sứ quán tưz thav đros tsênhv qơư hêik pâuz têx tỉnh, hêik cov lơưr kriz uô số tênhv chiê hu thiêz hêik txix luk tsoz tsiz. Kror no lok six zov chênhr viv côngv thôngx muôx 200.000 ntâu lênhx nênhs zos chor shux xênhz muk cơưv shâuv uô hâux lưv, hâur co muôx nênhs mênhx cxưx tsơưs nênhs chiê muk uô lox tôngv, têx luk Nhật Bản mak tsuôk pâuz thav mê njil xưz, zos trâus cik moz mak zuôr tsik pâuz hêik li chak trâu luôs pâuz. Nhiv no thủ đô Tokyo thiêz xar muôx iz đraz chor tỉnh tưz muôx tuk số tênhv chiê hu hêik luk tsoz tsiz no. Xar muôx 20 hôiv nênhs Việt nhoz Nhật Bản li 20 luz tỉnh paz trâu sứ quán chiê paz trâu côngv thôngx. Cán bộ, nhân viên Đại sứ quán Việt Nam ntơưv Nhật Bản tưz muôz iz lênhx nênhs iz hnuz nhiêx hli chiê zuôr cxuô zav paz trâu chor nênhs pluôs, luz nênhx txov nhêv. Tsuv hêik tiêk, no zos iz kror jông hêik tơưv cêr siz hluz, siz paz, zênhx zos nênhs Việt pêz li iz kror uô jông hâur luz nênhx. Zơưv Vũ Hồng Nam-Đại sứ Việt Nam ntơưv Nhật Bản hêik:

“Shông 2020 zos iz shông njiz ntâu kror phiv liv, ciês thâuv xuz thơưx pêz tưz xav jênhv côngz xưv por vêv trâu nênhs Việt Nam zos iz kror lok six zov chênhr, pêz xav jênhv tâu txơưx jênhv co đros trâu têz qơưk, đros tsôngv box thiêz paz trâu pêz hla đhâu têx phiv liv chiê uô tiêr tâu jông hâux lưv tâu choz zok”.

Côngz xưv por vêv trâu chor nênhs Việt Nam nhoz saz đrâuv têz qơưk tưz thiêz tsênhv paz trâu chor nênhs ndêiv muk đêz zuk têz qơưk njênhs siêz đuô trâu Đảng thiêz Têz qơưk; paz trâu nênhs Việt Nam nhoz saz đrâuv têz qơưk sor siêz đuô, nhiêv zuk têz qơưk đuô. Vũ Thị Tuyên, zos mênhx cxưx Thái nhoz Bắc Quang, Hà Giang, tsênhv cơưv ntơưr ntơưv Mỹ hêik:

“Pêz tưz tênhv zuôr ntơưr chêix yêz za lok six ntâu jiês lơưv, taz sik  cux lok tsik tâu trâu Việt Nam, lok six pôngz siêz hênhr taz sik cux uô tsâus ntâu trâu chor fâux, txir nzơưv sơưr đơưk nhoz đại sứ quán ntơưv têz qơưk no, nhoz bang Sanfransico, Texas paz trâu pêz zok nriêr chor jiês yêz za, paz nriêr qơư nox, nhoz chiê zok nriêr têx jiês yêz za txơưr”.

  Nhiv no ntâu luz têz qơưk thiêz thax tsav cux tsênhv chiê za tsơưs lok sik txưr tsik khênhr za chor jiêz yêz za ntiêx têz, tsik khênhr chiê muk lok, lok sik tsuv muôx têx ntâuz ntơưr hêik pâuz lok đas jos uô trâu chôngz lênhx nênhs muk lok tsik tâu tsuv nhoz ntơưv têx qơư tsar đrêk yêz za ntiêx têz. Chiê tsik muôx yưv têx jiês tsuv nox nhoz li co, mak cxuô lênhx nênhs Việt Nam hêik cxuô thiêz tsôngv box mênhx cxưx tsơưs nênhs hêik taz nhoz saz đrâuv têz qơưk tsuv tsik muk lok ntâu, chiê tsik trâus cik caz moz, uô truôx jông lơưr têx tsưr ziv phax tar caz moz trơưk têx têz qơưk zuk nhoz hêik kriê, tsik so qênhz yuôx thiêz nriêr pâuz lok têx xor mông sâuv chor chuôz zênhx zoz thôngz, cêr yêz za ntiêx têz cux xưk li cui tênhv lok têx ntâuz ntơưr tsuv muôx chiê muôx tâu chor jiês yêz za thâuv nênhs Việt Nam tror lok trâu zuk têz qơưk./.

(VOV4-Lik Thox cxêik nhênhv)