Jax sâu thưr 3 hnuz 26/4/2016:

Yên Bái: Chôngz lênhx pêx xênhv tox siêz trâus nziêk đas muôs trâu luôs oz chas têz qơưs

Triệu Đức Cường, zus shông 1979, nhoz ntơưv xã Phù Nham, huyện Văn Chấn, tỉnh Yên Bái nhiv kruôr tâu cơ quan an ninh qênhz yuôx Công an tỉnh Yên Bái ntêk cxov, viv cxâuv chêi “tsưr tsix trâu chor nênhs txơưr đuô tsir muk trâu luôs oz chas têz qơưk”. Tsuôk hâur iz ntu tsik ntêr, Triệu Đức Cường tưz pêz jiês siz thav đros iz lênhx nênhs uô nox ntơưv Trung Quốc chiê tsưr tsix chox 40 lênhx pêx xênhv nhoz xã Phù Nham, Thanh Lương, huyện Văn Chấn chiê muk trâu saz Trung Quốc uô jos. Đhâu iz ntu, tiv trâus tsưr lox tôngv Trung Quốc tsik muôz nhiêx hli, viv li iz cxiê lênhx nênhs tưz tror lok thiêz pênhr lênhx nênhs no. Triệu Đức Cường hêik:

“Cur oz niêv txir muk saz tor uô nox uô hâuk tâu lơưr hêik pâuz thiêz sưv tâu iz lênhx nênhs nhoz saz co zos nênhs zuôr chor nênhs lok hâur qơư no uô hâux lưv. Cur nus tiêk nưk thêv cur bâuv li chak iz lênhx nênhs mak lênhx nênhs co hêik tiêk thêv trâu cur 100.000 đêiv iz lênhx nênhs. Sơưr đơưk cux tuôx nus thiêz cav cur chox muk, viv li cur tưz chox lơưr muk trâu saz têz qơưk co”.

Lơưr phongx an ninh qênhz yuôx Công an tỉnh Yên Bái, txix hâur shôngk shông txos nhiv no, chor nênhs trâus đas chox muk saz đrâuv têz qơưk tsik zos chêi tưz tsar ndê muôx 60 ntâu lênhx nênhs, chôngz đuô oz jiês pir li shông 2015. kror no puz pov chor nênhs phamv cxâuv co ziv hnuz ziv phiv liv. Têx pêx xênhv nhoz tox siêz, txux chi kik, zôngx ziv trâus chor nênhs co nziêk đas. Tix lâus Hoàng D, iz lênhx pêx xênhv nhoz xã Vũ Linh, huyện Yên Bình, tỉnh Yên Bái hêik:

“Tsênhz mak lơưr tiêk muk uô trâu saz co mak tâu txix 7 txos 10 triệu đêiv, taz sik tsênhv tsênhz mak tsuôk tâu 4 triệu, tsik xưk li zuk xar, viv li pôngz siêz hênhr’.

Chor nênhs tsưr tsix trâu lox tôngv nhiês muk saz đrâuv têz qơưk li huôx tôngv, thiếu úy Mai Anh Tuấn, Đội qênhz yuôx, công an tỉnh Yên Bái puz pâuz:

 “Chor nênhs fêv liv zôngv pêx xênhv siêz muôs zôngx ziv njênhs. Tsik so hêik tiêk paz nriêr hâux lưv uô zôngx ziv nhiêx hli siêz chiê zaz zâuv pêx xênhv nhiês tơưv saz đrâuv têz qơưk tsik zos chêi. Tiv oz chor nênhs co sik thav đros chor nênhs Việt nam tưz muk tsik zos chêi nhoz saz đrâuv têz qơưk chiê tsưr tsix chox nênhs hâur têz qơưk muk saz đrâuv têz qơưk”.

Uô ntêx qênhzz shênhx no, muôx chôngz lênhx ntâu tus pêx xênhv tox siêz trâus nziêk đas chox muk saz đrâuv têz qơưk, Công an tỉnh Yên Bái tsênhv sir jos tso nênhs muk tiv phaz, tuôr xav ntâu tsưr ziv uô hâux lưv chiê cxov chor nênhs pham cxâuv. Thôngx cxix sir jos yax kriê, gra siêz jênhv pâuz trâu pêx xênhv. Thượng tá Trần Ngọc Tuấn, trưởng phongx an ninh qênhz yuôx, Công an tỉnh Yên Bái puz pâuz:

 “pêz tror sik côngv đros chor taz viv an ninh nhoz tiv phaz nriêr pâuz qênhx shênhx, thôngx cxix côngv đros chor cơ quan yax kriê chiê hêik pâuz lok chor nênhs fêv li têx tsưr ziv nziêk đas chox nênhs nhiêx muk saz đrâuv têz qơưk chiê taz por uô jôngz qênhx shênhx ngaz tuk nhoz tiv phaz”.

Đros lưx lươngv công an luôs hâux lưv uô, cấp ủy, chính quyền tiv phaz cux tsuv sir jos uô đuô. Muôx têx tsưr ziv paz, kruôz kriê pêx xênhv huôv tsar kinh tế ziv chuôz zis, iz thênhv jux juk cov px muôx luz nênhx truôx tuk, tsâu sor. Txix ntơư, thiêx tsik muôx têx nênhs fêv hâuz nziêk đas pêx xênhv muk trâu luôs oz chas têz qơưk tsik zos chêi./.

(Đinh Tuấn-Lik Thox cxêik nhênhv)

Phênhv thưr 3, hnuz 26/4/2016:

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 1)

                  Hnuz tso: Thưr 3 hnuz 26 hli 4 shông 2016

Nhạc hiệu chuyên mục “ Nhà nông cần biết”

 Tsôngv box….! Cxax yuôx vắc xin zos tsưr ziv tir thêir tâu caz  moz ơưk trâu tsiêx cxu. Thâuv zôngv cxix cxuô têx yuôx vắc xin cxax trâu têx tsiêx cxu tu zus; taz sik cux tsuv uô jông lơưr têx tsưr ziv, cui tinhv vêv xênhz phax moz têx qơư tu zus tsik uô vuôz tsuôz kiêk nênhs:

Tir thêir caz moz ơưk trâu tsiêx cxu tu zus

( Hlôngr suôz)

Xuz thơưx, tsôngv box tsuv ndo njôngr txos hâux lưv vêv xênhz, qêz suô hur si têx qơư tu zus thiêz têx chuôz zênhx, têik, đaz krâur trâu tsiêx cxu, tsik uô vuôz tsuôz kiêk nênhs. Qơư tu zus tsuv cxiv uô cov đros têx tsiêx cxu, thâuv ntux sor tsuv lax nziês, sor hâur chêix ntux no.

Tsôngv box sđ tsuv qêz suô hur si têx qơư tu zus đhâu iz fâuv tu hloz lox txix: Nzuôr hur si, chiê kruôr krơưr, đhâu ntơư tsuôs yuôx tir thêir tuô caz moz ơưk trâu têx qơư tu zus thiêz têx tsiêx zuôr grêix muôs, tsơưs tsơưs 15 hnuz, chor tsiêx cxu tu zus tsês uô nôngz 30 hnuz. Têx qơư tu zus ntêr hnuz lok sik qơư muôx tsiêx cxu trâus têx caz moz ơưk txơưx siz cik, tsuv vêv xênhz hur si, đu lus, đhâu thâuv tưz tso tas têx tsiêx cxu tu zus hâur thax qơư co lok, qêz suô, nzuôr hur si lơưr  têx lênhx nênhs kho moz tsiêx cxu tsưr ziv kriê, tsuôs yuôx trâu têx qơư tu zus txix sâuv têx trur tsêr, foz nja, đaz, têik krâur thiêz iz ndis qơư tu zus, tsês chiê cov kruôr thiêz qêz nzuôr hur si.

Têx hnaz tax, hưx yuôx, têik krâur hâur thax tsav qơư tu zus fâuv uô ntêx, zos trâus cik caz moz ơưk, tsuv sâu hur si por tsês, tsi zôngv txos; têx cuô đêx nzuôr qơư tu zus uz no tsuv muôx qơư trâu chiê xưv lik, tsi tâu tso nưk ntưk trâu cxiê qơư. Tsuv tsuôs yuôx tuô, lov caz moz ơưk 1-2 jiês iz ciêz thâuv tsi tâu tso tsiêx cxu tu zus hâur thax qơư co, tsơưs tsơưs 30 hnuz. Têx têik krâur, đaz đêx, chuôz zênhx tu zus tsuv muôz nzuôr hur, jiêz kruôr, tsuôs yuôx tuô, lov caz moz ơưk, khơưk tsês chiê. Tsuôs yuôx trâu iz ndis thax qơư zuôr tu zus tsiêx cxu.

Uô ntêx thâuv zuôr qir tu zus đuô iz fâuv yiêz, tsuv bax cxix cxuô têx zuôr trâus txos li: Qơư tu zus, chuôz zênhx, têik krâur, đaz đêx, krâur nox, đêx hâuk, yuôx tir thêir caz moz ơưk …..Têx tsiêx cxu tsuv zuôr chor nôngz ntơưv têx qơư txâuk njênhs, muôx tsơưr lươngv, thâuv nhiv kruôr zuôr tâu chox lok zus, tsuv muôz cơư nưk nhoz nưk iz kro chiê taz por ngaz tuk, tsi trâus têx caz moz ơưk txơưx siz cik thâuv nhiv kruôr chox lok zus. Zos têx tsiêx cxu trâus muôx moz mak tsuv kuôk cêv nưk nhoz nưk iz kro chiê chơưv kho, tsi tso đros chor tsi muôx moz. Tsiêx cxu trâus tuôs tsuv muôz hlơưr, phâuk por tsês lơưr cui tinhv. Iz chas ntơư, luôs hâux lưv vêv xênhz têx krâur, jâuz nox, đêx hâuk trâu tsiêx cxu cux lok six zov chênhr. Krâur nox, đêx hâuk tsuv taz por tsơưr  lươngv, tsi zôngv têx đêx tsi hur, krâur tsư pưv, tsư đêx, lưx trâu tsiêx nox. Tsi muôz têx đêx kiês nênhs trâu tsiêx cxu hâuk….

Tsôngv box….! Phênhv “nôngx mênhx zuôr tsuv pâuz” hnuz no, zos Đeix TNVN sik côngv đros tsênhv qơư  cxiz kôngz têz qơưs uô./.

                                                                        ( VOV4-Riê Lâux cxeik, nhênhv)