Lai Châu: cxuô lênhx px tox siêz pâuz thôngz têx chei zos lênhx yax kriê trâu hnuz bâux xeir

Đhâu ntâu hnuz lok no, uô ntêx thâuv zuôr muk uô liêx têz, niêv lâuk Shôngx Xênhv Tsaz, heir nênhs Hmôngz, nhoz jok Cang Hồ, xã Khun Há, huyện Tam Đường (Lai Châu) ho đros iz cxiê lênhx px hâur jok huôk njôngr six hơưv muk đhâu tsêr vênhx huôv jok chiê seiz bê têx lênhx nênhs ứng cử thiêz nriêr pâuz nzir lok hnuz bâux xeir đại biểu Côx hôiv thiêz HĐND zuôr txos.

“Tsar jok, bí thư chi bộ tưz yax kriê six hơưv, hnuz nhôngs, qơư chiê sđ muk bâux xeir. Cur zuôr heik chor nênhs hâur tsêr, cxênhz jê thiêz tsôngv cưr tix nênhx tsa sđ hâur jok uô trơưk li six hơưv thiêz qơư kriê sđ bâux xeir cô. Cur cux tưz nriêr thiêz pâuz tâu bê chor đại biểu hâur six cxiv zuôr txos thiêz cux tưz xeir zuk zuôr bâux xeir lênhx nênhs tưs lơưv. Cur vav chiê siêz tiêk, chor đại biểu Côx hôiv thiêz đại biểu hội đôngx hâur ntu zuôr txos zuôr zos têx lênhx muôx txux chi pênhr xưv, moz siêz uô jông hâux lưv zok muôz viv tsôngv niêv txir lax px sđ”.

Jok Sàng Phàn Thấp, xã Khun Há-suôv qơư 100% tsôngv px njênhs tsưr thiêz phênhv ntâu hâur niêx hnuz tsôngv px muk uô liêx têz tas. Chiê px pâuz tsênhz lok jiês bâux xeir li têx jông thiêz muôx liv, cux li cử tri vax huôv, txơưx jênhv, thâuv luz six hơưv tsâuk ntux, sđ muk uô liêx têz lok, chor nênhs uô hâux lưv yax kriê hâur jok tưz muk yênhx chuôz zis, heik têx lênhx cử tri iz tus jux juk chiê đros yax kriê, vênhv tôngv. Iz chas ntơư, hâux lưv yax kriê cux tâu uô uô ntêx jiês sđ cơưv tsưr lok têx hnuz ciêz hâur niêx ciêz. Khov li co, txos nhiv no, zuôr xar 300 lênhx cử tri hâur jok tưz pâuz tsênhz têx cui tinhv lok jiês bâux xeir. Zơưv Shôngx Xênhv Lù, tsar jok Sàng Phàn Thấp heik pâuz

“Thâuv cơưv jêx jok, cur tưz yax kriê trâu sđ lok hâux lưv bâux xeir lok six zov chênhr, zos tsôngv niêv txir lax px xar heik tus đaz tsi trâu têz hloz, trâu têz qơưk mak tsuv bâux xeir. Zos tsi uô trơưk Chei bâux xeir, zuk tsi tâu sơưv têz qơưk têx chei paz, zuk zuôr trâul luôs heik, zos tsi uô trơưk chei têz qơưk thiêz zuk tsi pâuz đaz tsi hlo mak zuk tsi zos nênhs VN”.

Huyện Tam Đường muôx 7 qơư bâux xeir, 147 qơư tso ntơưr . Chiê tsôngv box cxuô heir nênhs hâur thax tsav pâuz tâu mênhx têx mông lok jiês bâux xeir, iz chas yax kriê txix pheiz têx ntơưr trâu sđ seiz, đei lo ntơưr heik pâuz lok bâux xeir...., hâu nov cxuô xã, thị trấn tưz fuô kriê cxaz nzir  sâuv têx loa nta suôz lok têx tsênhv njiêz tâu uô uô cê đhâu piêr pêv uz no....txix ntâu zav lul heik. Zơưv Lưv Páo Xênhv Shôngx, Chủ tịch Ủy ban huyện Tam Đường heik pâuz:

“Têx qơư xênhz huôx, cơưv tsưr, cux iz zav li thax tsav tsôngv box heir nênhs Hmôngz zos lơưr siêz muôs, zôngx ziv njênhs luôs lưv tus heik, hâuz nziêk. Chênhr zos li heik co, iz chas yax kriê sâuv loa nta suôz, yax kriê đhâu têx jiês xênhz, cơưv jêx jok, pêz cux muôx tổ txiv ngaz tsi so muk qênhz shuôs hâur thax tsav; moz siêz txos hâux lưv đơưk tu tsôngv niêv txir lax px têx lul heik cik txos hâux lưv bâux xeir, cik txos têx tsênhv chei, taz por truôx tuk thax tsav qơư nhoz”.

Ntơưv huyện ntus đriv Mường Tè (Lai Châu), têx jiês bâux xeir đại biểu Côx hôiv thiêz HĐND cxuô cấp uô ntêx ntơư, tsôngv px khênhr tâu chiê bâux xeir nzor đuô viv cêr muk lol đêz thiêz phiv liv, iz cxiê lênhx tsôngv box tsi yuô tâu muôx txux chi tsưr ziv jênhv pâuz. Tiêv sik li ntơư, jiês bâux xeir jâuv no, tsôngv box Mường Tè zuôr tâu tso ntơưr bâux xeir đros trâu tsôngv box sđ hâur tas nro têz qơưk lol hnuz 23/5.

Zơưv Nguyễn Xuân Định, Phưv Chủ tịch Thường trực Ủy ban MTTQ huyện Mường Tè heik pâuz: Iz chas chor đại biểu ứng cử HĐND huyện, xã, Mường Tè tâu phênhz iz lênhx nênhs ứng cử uô đại biểu Côx hôiv, 7 lênhx ứng cử đại biểu HĐND tỉnh. Txos nhiv no, hâur thax tsav qơư tưz yax kriê tâu zuôr xar iz cxênhz jiês, muôx 200 cxênhz ntâu lênhx nênhs cxaz chuôz.

“Hâur six hơưv yax kriê txos trâu tsôngv box heir nênhs tsơưs hâur thax tsav, mặt trận thiêz chor tsưr tsix đoanx thêv cux tưz tsov cưv uô ntêx trâu thax tsav tsôngv box heir nênhs tsơưs, txov nhêv. Phênhv ntâu zos heir nênhs La Hủ uô nênhx nhoz ntus đriv, têx jêx jok tox siêz đêz đrôngs, chuôs li phênhv ntâu lơưr tsi pâuz luk Choz Tsiz. Pêz tưz hu têx lênhx zos heir nênhs La Hủ, têx lênhx pâuz luk La Hủ, pâuz cxuô lok tsôngv box têx phôngz cxưx cêr nênhx chiê yax kriê, vênhv tôngv tsôngv box pâuz mênhx lok jiês bâux xeir, cov sđ uô lơưr tâu jông”.

Tsuôk tsi muôx iz luz hlik tưz txos hnuz bâux xeir đại biểu Côx hôiv khóa 15 thiêz HĐND cxuô cấp, six cxiv 2021-2026. Đros trâu tsưr ziv “Lênhx nênhs pâuz kriê têx lênhx tsi tâu pâuz”, iz lênhx px nhoz Lai Châu tsênhv zos iz lênhx yax kriê, sik đros gôngr côngz đas jos uô yênhx côngz jiês bâux xeir thiêz chiê hnuz bâux xeir zuôr txos tsênhv tsênhv zos hnuz hôiv tas nro tsôngv box sđ./.

                                                 (Khắc Kiên-Riê Lâux cxeik, nhênhv)