Cxoz chiê yênhx chuôz zis pluôs đhâu iz jiês muôx moz gênhk

Tuôx trâu tsêr kho moz Bạch Mai hnuz xiêz 7/5 nhiv kruôr đhâu, viv trâus moz vôngk hnhur tưk, txos nhiv no, nênhs moz Trần Ngô Bạch Châu, muôx 20 shông hnuz nhôngs, nhoz xã Vạn Hưng, huyện Vạn Ninh, tỉnh Khánh hòa tsuv hla đhâu oz jiês flêik, njuôk xav tsuv chiv chir thêv nhiêx tas muôx 800 triệu đêiv viv tsik muôx ntơưr bảo hiểm y tế. Kror tsuv hêik zos nênhs moz Trần Ngô Bạch Châu li chuôz zis muôx 5 lênhx nênhs puôr lênhx tsik muôx ntơưr bảo hiểm y tế. Zơưv Trần Công Bạch, nênhs moz tuk txir puz pâuz:

“Cur chuôz zis tsik muôx lênhx tưs muôx bảo hiểm y tế viv li thâuv nhuôs tuôs tsêr kho moz mak chuôz zis njiz lok six ntâu phiv liv lok nhiêx txiêx, tas nro cưr tưzz nênhx tsa sơưr đơưk paz mak nhiv kruôr cxơưx tâu zuôr xar iz đraz nhiêx kho moz zos 350 triệu đêiv. Hok cưk yuôx cux nhiv kruôr hêik pâuz: chor hnuz chơưv kho lơưr co mak zuôr tas 10 triệu đêiv, hok chuôz zis mak cux tsik pâuz shor zuôr kir txêik kror tưs”.

Zos yênhx chuôz zis pluôs tsuôk đhâu iz jiês moz tiv tsik zuôr ntơưr bảo hiểm y tế, zos chôngz lênhx nênhs trâus muôx moz gênhk li hêik ntơư cux zos iz kror pôngz siêz thiêz tsik zos uô trâu nênhs moz chuôz zis njiz phiv liv mak cux tsênhv uô phiv liv txos trâu chor cưk yuôx kho moz, viv tsuv muôz zuk chor nhiêx lok sik paz zok nriêr têx têx tsưr ziv txơưr đuô chiê paz trâu lênhx nênhs moz.

Nhiv no, xar muôx 20% lênhx tsik tâu zuôr ntơưr bảo hiểm y tế, tsênhz mênhx zos xar muôx 20 triệu lênhx nênhs tsik tâu muôx ntơưr bảo hiểm y tế. Chor co, phênhv ntâu zos nênhs khưr uô kôngz lôngk, nênhs muôl muôs hax huv, chor ziv chuôz zis zuôr xar pluôs muôx phênhv sâu tâu tsik truôx. Tiến sỹ Dương Đức Hùng, trưởng phòng kêz hoạch tổng hợp, tsêr kho moz Bạch Mai puz pâuz:

“Đros phênhv paz thêv nhiêx txix bảo hiểm y tế txix 100% txos têx phênhv thêv sik txơưr, taz sik nhõ trâu phênhv tưs lok cux paz txo grêk lok six ntâu nhiêx txiêx kho moz trâu nênhs moz. Tsênhv tsênhz muôx lok six chôngz nênhs tsik muôx bảo hiểm thâuv tuôx tsêr kho moz njiz lok six ntâu phiv liv lok nhiêx txiêx. Pêz nus mak lơưr hêik tiêk tsik zuôr bảo hiểm, viv lơưr cux pâuz tsik tâu lok sik sir jos uô nox xưz tsik tâu xav txos bảo hiểm y tế”.

Txix hnuz 1/6 zuôr txos, 1.900 ntâu qơư y tế zuôr ndê gri thiêz đros trâu chor nênhs tsik muôx ntơưr bảo hiểm y tế. Zuôr ndê txix 20-50%, Têx jiês, cxuô qơư y tế cux tsar ndê txix 2-3 jiês, chênhr zos têx phiv liv trâu lênhx nênhs tsik muôx ntơưr bảo hiểm y tế, tiv zix zos chor nênhs zos “Chuôz zis pluôs-trâus moz gênhk hnhar”. Zơưv Phan Văn Toàn, phưv vụ trưởng vụ bảo hiểm y tế (Bộ y tế) puz pâuz, shông 2016, gri qơư y tế xav nzir nhiêx hli tưz tâu sir zôngv trâu nênhs moz muôx ntơưr bảo hiểm y tế thiêz jiês no tâu sir zôngv trâu lênhx nênhs tsik tâu muôx ntơưr bảo hiểm y tế cov siz bâus:

“Zos tiêk tsik xar cov njiz phiv liv tiv nhiêx txiêx y tế, mak lơưr cur pêx xênhv tsuv zuôr thể bảo hiểm y tế. Zuôr thể bảo hiểm y tế thâuv tsênhv muôx jos, zos tiêk hmôngr tsik jông trâus muôx moz mak zuôr tâu thể bảo hiểm y tế thêv nhiêx thiêz hmôngr jông tsik trâus muôx moz, mak chor nhiêx co zuôr paz phêiz kênhz đros chor nênhs hmôngr tsik jông trâus muôx moz. Iz zav li: iz lênhx nênhs tsuv liv trâuv, iz shông cux tas muôx 100 triệu đêiv, zos tsik muôx bảo hiểm y tế mak cêr yêiz pluôs, moz gênhk hax zav chuôz ndê, viv li tsuv muôx bảo hiểm y tế chiê paz thâuv njiz phiv liv, hmôngr tsik jông, trâus muôx moz gênhk”.

Taz sik, nhiv no, têx uô trâu pêx xênhv tsênhv njiz phiv liv thâuv muk zuôr ntơửr bảo hiểm y tế li: Uô ntâu ntâuz ntơưr, tsuv tok ntêr…iz cxiê qơư uô ntơưr nhoz têx xã, phường thâuv uô mak tsênhv uô zuôv cêr têx xor môngz sâuv đêiv ntơưr bảo hiểm y tế, uô trâu lênhx nênhs moz gênhk ntơưr zuôr sir zôngv tsik tâu thiêz tsuv tuôx trâu cơ quan bảo hiểm xã hội chiê hêik lơưr kho đuô. Muôx iz cxiê thax tsav qơư, tsuv tok cov chôngz lênhx ntâu tus mav muk uô iz jiês têx ntơưr đros cơ quan bảo hiểm xã hội, uô kênhz thiêz truz ntêr hnuz nhôngs, uô tuôr thênhv txos trâu luôs hâux lưv zuôr ntơửr bảo hiểm y tế... No zos têx phiv liv, tsuv tâu Bảo hiểm xã hội Việt Nam nzor tuôr xav uô cov huv đros chiê pêx xênhv zôngx ziv zuôr tâu ntơưr bảo hiểm y tế thiêz taz por uô tâu jông bảo hiểm y tế tas nro pêx xênhv trâu shông 2020./.

(TTT-Lik Thox cxêik nhênhv)

PHÊNHV TSÊNHV CHEI TÊZ QƠƯK

Pok tâu sơưv têx nhiêx paz tsi muôx đas jos uô lox tôngv

Bảo hiểm xã hội Việt Nam thor têz têx lul nuk ntơư li đrav kaz:

Trơưk li Bộ Lox tôngv-xã hội cui tinhv ntơưv grê 3 Thông tư số 16/2010/TT-Bộ laox tôngv xã hnuz xiêz 1/6/2010 heik kriê Thủ tướng Chính phủ quyết tinhv số 613/QĐ-TTg hnuz xiêz 6/5/2010 lok sâuv têx lênhx nênhs txưv hnuz nhôngs txix 15 shông txos 20 shông uô hâux lưv têx nhiêx paz hâur niêx hli tưz tas hnuz nhôngs paz nhiêx tsi muôx đas jos uô lox tôngv mak six hơưv paz niêx hli muôx li đrav kaz:

-Lênhx nênhs tưz tas six hơưv, hnuz nhôngs tâu sơưv têx nhiêx paz tsi muôx đas jos uô lox tôngv hâur niêx hli thiêz tưz tas hnuz nhôngs uô hâux lưv (txir nênhx txưv 60 shông, pox niêv txưv 55 shông) uô ntêx hnuz xiêz 1/7/2010 tâu sơưv têx nhiêx paz hâur niêx hli xav txix hnuz xiêz 1/5/2010.

-Lênhx nênhs tưz tas six hơưv hnuz nhôngs tâu sơưv têx nhiêx paz tsi muôx đas jos uô lox tôngv hâur niêx hli, taz sik txos hnuz xiêz 1/7/2010 ho tsi tâu tas hnuz nhôngs so uô hâux lưv tâu sơưv têx nhiêx paz hâur niêx hli xav txix hnuz xiêz 1 luz hlik tov kaz, đhâu hli lênhx nênhs lox tôngv ntơư tas hnuz nhôngs so uô hâux lưv....

Uô li ntơư, têx lul nuk sâu zos txâuk six hơưv, hnuz nhôngs tâu sơưv têx nhiêx paz hâur niêx luz hlik txix hnuz xiêz 1/5/2010 mak zuôr tâu sơưv têx nhiêx ntơư txix hnuz xiêz 1/5/2010 thiêz tâu gra hur si chor nhiêx paz hâur niêx luz hli trơưk li cui tinhv./.

(Thanh Thủy-Riê Lâux cxeik, nhênhv)