Hmôngz Sà Dề Phìn cxiv uô luz nênhx yiêz

Jok Mao Sa Phìn nhoz kuôk nro hâur vuôk har, đêz tsênhv qơư xã Sà Dề Phìn muôx 5 cêik ntâu, zos suôv qơư muôx 70 ntâu chuôz zis tsôngv px uô nênhx nhoz, phênhv ntâu zos tsôngv box Hmôngz. Thâuv ntêx, Mao Sa Phìn tưz muôx jiês tâu seiz zos thax tsav cuz nxor lok zax zênhz nhoz Sìn Hồ. Muôx zax zênhz zôngv, phênhv ntâu têx hluôk nênhs, txir nênhx nhoz hnuz nhôngs muôx đas jos huôv tsar uô nox tưz trâul muôx zênhk zax zênhz tas, tsi xar đros têx pox niêv, mê nhuôv khưr uô têx liêx têz.

Pos Zax Páo Thìn-nhoz jok Mao Sao Phìn tror ndo đuô: Thâuv ntêx ntơư, chor txir nênhx hâur jok chuôs li lênhx tưs cux muôz zax zênhz seiz hloz, niêx hnuz hmo nhoz đros zax zênhz. Thâuv lơưr tsi hâuk zênhz mak ho hâuk chơưr, viv li cxuô luôs hâux lưv hloz zâu hâur vax tsêr puôr lênhx zos têx pox niêv  uô tas hur si. Thâuv tsi muôx zax zênhz hâuk, lơưr ho khênhr muk nhiês têx chuôz zênhx uz no hâur tsêr thiêz luôs lưv tus hâur jok têx chuôz zênhx chuôz tas muk muôs, viv li hâur jêx jok thâuv tưs cux nxor hnho, tsi truôx tuk. Tov kaz no tâu canr bôv yax kriê, chos muk chiv zênhk zax zênhz, muôz têx zuz nôngz kôngz yiêz trâu chos hlôngr têx tsoz zax zênhz, luz nênhx tưz hlôngr yiêz ntâu:

“Canr bôv Công an, hâu nov 2, 3 shông no lok six moz siêz uô côngz xưv, yax kriê zax zênhz têx tsi jông, uô hiêv trâu lênhx nênhs, px hâur jok cux tưz uô trơưk, chor nênhs trâul muôx zênhk zax zênhz mak mul chiv zênhk zax zênhz, nox hâuk têx yuôx chiv zênhk zax zênhz uz no, iz ntuk jê lok no pêz px sđ cux nox nhoz njiês to, tsi muôx têx cuz nxor li thâuv ntêx lơưv”.

Chiê txo grêk tsơưs têx tsi jông li heik sâuv, paz px hlôngr yiêz txux chi tsưr ziv jênhv pâuz, jux juk cxuôv yeiz thiv pluôs, têx côngz đas jos lox tsuv heik txos zos canr bôv đoanx thêv, lar heik zos têx công an hâur xã, hâur jok. Đhâu thâuv xã muôx tsưr ziv, iz lênhx canr bôv Công an zos iz lênhx yax kriê muk yênhx jêx jok, yênhx chuôz zis vênhv tôngv px cir ntơưr chos luk: tsi cor, tsi hâuk, tsi đros luôs lưv tus sir zôngv zax zênhz.

Trung tá Lò Văn Xương, Tsar Công an xã Sà Dề Phìn, huyện Sìn Hồ heik pâuz:

“Pêz tưz muk yênhx chuôz zis chiê yax kriê vênhv tôngv tsôngv box gra siêz txux chi tsưr ziv jênhv pâuz, chênhr phax, đros yơưz phơưz têx nênhs fêv uô cxâuv chei. Tsôngv box sđ chiv chir por hưv zuk têx chuôz zênhx chuôz tas thiêz đros phax tar zax zênhz chiê qênhz pov chor nênhs tâu xav tiêk nhiês zuôr muôs, uô luôv zax zênhz.... nhoz thiêz mul lok đhâu hâur hâur thax tsav. Đhâu fuô uô têx hâux lưv li heik co, mak têx nênhs fêv uô cxâuv, nênhs zuôr muôs zax zênhz cux tâu txo grêk tsơưs, chor nênhs trâul muôx zênhk zax zênhz cux jux juk tâu chox muk chiv zênhk zax zênhz tas”.

Txix iz xã cuz nxor lok zax zênhz thiêz jêx jok tsi truôx tuk, khov muôx tas nro cxix luôs chính trị li têx sir jos sik đros uô hâux lưv phax tar têx tsi jông li heik sâuv, 3 shông tror lok no, xã Sà Dề Phìn tưz tsi pov muôx lênhx nênhs tưs trâul muôx zênhk zax zênhz yiêz. Nhiv no ntơưv qơư tsuôk yuôr 5 lênhx nênhs muôx zênhk zax zênhz thiêz phênhv ntâu zos têx lâuk nênhs. Hâur thax tsav tsi pov zuôr muôs, uô luôv zax zênhz li thâuv ntêx lơưv thiêz....

Zơưv Nzơưk Xênhv Shôngx, Bí thư Đảng ủy xã Sà Dề Phìn, huyện Sìn Hồ shir phaz heik: Đhâu thâuv muôx lưv lươngv Công an lok paz uô têx hâux lưv phax tar zax zênhz, hâu nov xã lok six sir jos chiê txo grêk tsơưs chor nênhs trâul muôx zênhk zax zênhz thiêz nhiês zuôr muôs, uô luôv zax zênhz. Canr bôv công an xã zos têx lênhx uô ntêx nyuôs, muk seiz car têx jêx jok chiê đros têx đoanx thêv hâur jok mul trâu chor chuôz zis muôx lênhx nênhs trâul muôx zênhk zax zênhz, tôngv zênhx, paz max chox lơưr muk chiv zênhk zax zênhz. Iz chas ntơư, lưv lươngv công an cux qênhz shuôs, sir jos sơưr tơưv txênhz, phax tar têx lênhx nênhs zuôr muôs, uô luôv zax zênhz tsi trơưk chei:

“Đhâu ntu muôx  công an lok paz hâur xã uô hâux lưv phax tar têx nênhs fêv, nênhs uô cxâuv chei, mak kror tưs muôx cuz nxor, muôx têx hâux lưv đaz tsi phênhv ntâu cux zos chor công an co uô ntêx nyuôs. Lơưr tưz nhênhz chơưv tâu trâu cấp ủy cxiv tsa tsưr ziv, hux jos đros yax kriê lok zax zênhz têx uô hiêv thiêz tsi jông txos trâu px sđ pâuz. Đhâu têx hâux lưv uô li no cux txo grêk tsơưs tâu qênhx shênhx zuôr muôs, uô luôv zax zênhz”.

Khov tas nro cxix luôs chính trị sik đros côngv têk paz uô hâux lưv phax tar, đhâu ntâu shông muôx têx cuz nxor lok zax zênhz tsi truôx tuk, nhiv no tsôngv box cxuô heir nênhs nhoz Sà Dề Phìn tưz tso siêz huôv tsar uô nox uô hnar thiêz jux juk hla đhâu cêr yeiz pluôs truôx vênhk, cxiv tsa têz qơưk./.

(Khắc Kiên-Riê Lâux cxeik-Txâur Vax nhênhv)

Ndo njôngr tir thêir têx nênhs fêv liv zôngv “tín ngưỡng, tôn giáo” hâuz zâuv tsôngv box mênhx cxưx tsơưs nênhs uô ruôr hiêv Đảng, têz qơưk

   Iz zos, liv zôngv têx vênhv thix lok lix xưv, ar têz thiêz tsôngv box mênhx cxưx tsơưs nênhs li têx phêv liv chiê lav heik đaz heik tuôs lok pêz têz qơưk li têx tsênhv chêi, zuôv tsôngv box mênhx cxưx tsơưs nênhs tsuv “tsov tsês zuk mênhx cxưx li vênhx huôv...”chiê hâuz zâuv tsôngv box cxaz chuôz têx jiês nxor loanv. Têx nênhs fêv tsênhv liv zôngv têx tsi tâu uô tâu hâur tsênhv chêi mênhx cxưx, tôn giáo, car chêx pênhr cov...nhoz thax tsav mênhx cxưx tsơưs nênhs chiê hu grus uô txiv ngaz tsi taz por, tsi ngaz tul sâuv thax tsav.

          Oz zos, nênhs fêv liv zôngv tsôngv box li jênhv pâuz kis chiê yax kriê uô vax tsưr tsik trơưk chêi, đhâu co hâuz zâuv tsôngv box muk lơưr vax tsưr li tin lành Đề-ga; Dương Văn Minh, Bà Cô Zợ....thôngz đhâu yax kriê vax tsưr, têx nênhs fêv tsênhv heik txos vênhv thix chinhr trị chiê tir tar, uô ruôr hiêv txos Đảng thiêz têz qơưk li cêr chei niêv côngz siêz tas nro mênhx cxưx. Tsênhz mênhx, nênhs fêv hu grus tsôngv box mênhx cxưx tsơưs nênhs tsi uô lơưr tsênhv chêi tsưr ziv xênhz zus nhuôs, tsi cxaz chuôz têx tsưr tsix chinhr trị thiêz têx huôx tôngv zos cấp ủy tiv phaz krêz uô....chiê hâuz zâuv tsôngv box tơưv đhâu chinhr quyênx li coar lik. Trung tá Y Thu Ê Ban, Phưv tsar phongx An ninh đối nội, Công an tỉnh Đăk Lăk puz pâuz:

          “ Nênhs fêv liv zôngv thiêz heik tiêk têz qơưk chinhr quyênx tiv phaz no zuôv mênhx cxưx uô đaz uô tuôs, tsi puz huôx tôngv tôn giáo, tsi puz xênhz huôx vax tsưr, hiêv chinhr quyênx tiv phaz, uô cxâuv lênhx nênhs li vax huôv, txênhz tas tsôngv box li ar têz, đhâu co zaz zâuv tsôngv box sơưr tir tar uô nxor loanv. Têx nênhs fêv tsênhv zôngv điện thoại, ntơưr lok sik thôngz đhâu nênhs cxênhz jê chiê yax mông, hâuz zâuv....”

          Pêz zos, nênhs fêv yênhx lix têx “tôn giáo txơưr” trâu tsôngv box mênhx cxưx tsơưs nênhs li “ Tin lành Đề-ga” nhoz Tây Nguyên; “Hmôngz li tin lành” nhoz Tây Bắc; “Nênhs Khmer li phật giáo” nhoz Tây Nam Bộ... đhâu co hu grus tsôngv box mênhx cxưx muk lơưr thiêz hâuz tsôngv box tsi uô lơưr tsênhv chêi, uô chinhr trị, xã hội tsi ngaz tul nhoz tiv phaz.

          Chiê phax tar, tơưv txênhz muôx chêx cuk huôx tôngv no, têx chiz coaz muôx txơưx jênhv tsuv pâuz tâu qênhx shênhx, njuôs pov heik tơưv nênhs fêv li têx tsưr ziv liv zôngv tín ngưỡng, tôn giáo chiê hâuz zâuv tsôngv box tir tar uô txiv ngaz tsi ngaz tul; car chêx txos qơư ciês têx qơư cuz nxor nhoz cơ sở, car chêx têx txuz hâux lưv phưx txuôx muôx lênhx coaz txos pox nhuôs li vax huôv, liv zix, jav tâu qênhx shênhx nênhs fêv liv zôngv chiê heik tsi zos thiêz hâuz zâuv tsôngv box tir tar uô txiv ngaz tsi ngaz tul.

          Chuôz tsar yax kriê, zaoz zux muôz siêz cán bộ, đảng viên thiêz tsôngv box li jênhv pâuz lok tsôngv box têx mênhx cxưx tsơưs nênhs li qênhx lơưr cêr chei, lok nênhs fêv li têx tsưr ziv liv zôngv vênhv thix no chiê tir tar uô ruôr hiêv txos Việt Nam, chiê tsôngv box muôz siêz jênhv pâuz, tsưv ziv tsi mnôngs lơưr nênhs fêv li luk hâuz zâuv, tsi chiê trâus nênhs fêv liv zôngv, tsôngv box chiv chir uô lơưr Đảng li siêz xar, chủ trương, têz qơưk li cêr chei lok mênhx cxưx, tôn giáo.

          Lơưr Trung tá Hoàng Thanh Sơn, Phưv tsar Công an huyện Cư Kuin, tỉnh Đăk lăk, chiê tơưv txênhz tir tar tâu zav nênhs fêv no, pêz tsuv cxiv tsa cêr niêv côngv siêz hâur tsôngv box truôx tul, tiv zix zos hâur tsôngv box mênhx cxưx tsơưs nênhs muôx vax tsưr, heik tsôngv box thâuv tưs cux tsuv huôx tôngv lơưr tsưr ziv nhoz uô nênhx jông, trơưk cêr chei:

          “Pox nhuôs mnôngs phim yax kriê, mnôngs têx mục sư, têx lênhx txir ndâux txir luk hâur zuk jêx jos, lơưr heik cov pox nhuôs to tâuz đuô, tiv zix zos heik txos nênhs fêv li têx tsưr ziv uô chiê tsôngv box tsưv ziv đuô. Pêz lok six tsov cưv txos côngz xưv vênhv tôngv lênhx nênhs, tiv zix zos têx lênhx txir ndâux txir luk hâur thax tsav tsôngv box mênhx cxưx tsơưs nênhs, têx mục sư, chức sắc hâur têx Hội tin lành chiê lơưr sik côngv đros tiv phaz uô côngz xưv yax mông, vênhv tôngv tsôngv box tsi mnôngs lơưr nênhs fêv” .

          Iz chas co, pêz tsuv phuôx huiz cấp ủy, chinhr quyênx tiv phaz li pưs txux, uô jông tsênhv chêi huôv tsar KTXH mak co tsênhz mênhx zos tsênhv chêi mênhx cxưx, tôn giáo; tsi so hlôngr yiêz, muôz siêz tsôngv box sâuv tas nro têx thax tsav tox siêz hâur têz qơưk.

          Thiêz tiv zix, tsôngv box mênhx cxưx tsơưs nênhs tsuv zos lênhx nênhs phênhz tâu tsênhz mênhx chiê tơưv txênhz tir tar nênhs fêv li têx tsưr ziv liv zôngv uô ruôr hiêv txos Đảng, têz qơưk, sir jos cxaz chuôz chiê pâuz tsênhz mênhx qênhx shênhx, qênhz pov nênhs fêv li têx huôx tôngv tsi jông ciêr chênhr paz txưv chinhr quyênx tiv phaz tơưv txênhz, tir tar./.

(VOV4-Txâur Vax cxeik nhênhv)