Ndo txiêx njis txos chor tuz lênhv lâuk đrav ntêx thiêz zoz zux trâu cxênhx hluôk

Nus: Thor cox puz pâuz! Hnuz xaz pênhz liệt sỹ 27/7 muôx tsiv gri tiv zix đros chôngz lênhx bộ đôiv lâul Việt Nam-chor tưz tâu tas siv nênhx hâur ntu hluôk thiêz sir tas đas jos, trox nyar tir ntâuk tros châuz, cxiv kho têz qơưs. Uô li Hôiv bôv đôiv lâul Việt Nam, zuôr tsưr tsix uô luôs hâux lưv li chak chiê “ndo txiêx njis” ndax trâu jiês chiv nhênhv  no?

Têz: Hôiv bôv đôiv lâul Việt Nam kriz uô ntâu huôx tôngv tsês chiê ntâu kror jông, xưk li đros hiệp hôiv doanh nhân tsưr tsix tsaz yênhx ndo txos cxuô lênhx tuz lênhv lâuk đrav ntêx tir ntâuk tros châuz tâu tas siv nênhx, hênhr kruok bôv đôiv lâul uô kinh têr hênhr hâur têz qơưs hlôngr yiêz. Pêz đros Hôiv hluôk nênhs xung phong Việt Nam tsưr tsix jiês ndo txos cxuô lênhx tuz lênhv lâuk sâuv thax tsav Tây Nguyên. Đhâu co, yax kriê lok đuôz shav bôv đôiv lâul, hluok nênhs xung phong, cov chor hluôk pâuz tâu đrav ntêx thiêz ntu nhiv no, txix co chor hluôk cơưv shâuv thiêz uô trơưk. Đros ntơư, cux tsênhv tsưr tsix cxuô jiês nthuôr uô cêr lov jêv ndo txiêx njis txos chor tuz lênhv lâuk đrav ntêx, tir ntâuk tros châuz tâu tas siv nênhx, khơưk muôz huv trâu chuôz zis saz pênhz liệt sỹ, chor tiv phaz tsênhv txov nhêv. Cux hâur hli 7 no, Hôiv bộ đội lâul Việt Nam đros Ban chox kriê têz qơưk zok nriêr chor liệt sỹ chiê chox lok cxiv uô nza. No cux zos tsưr ziv yax kriê chiê cxênhx hluôk sik đros cxaz chuôz huôx tôngv ndo txiêx pâux njis.

Nus: Đros ndo txos chor nênhs muôx côngz ndax trâu chiv nhênhv hnuz saz pênhz, liệt sỹ 27/7, hâur ntu đhâu, Hoiv bôv đôiv lâul Việt Nam tưz muôx ntâu huôx tôngv tsoz phưz, gra siêz luz nênhx trâu bôv đôiv lâul, zos li thor cox puz pâuz Hôiv tưz tsưr tsix phongz  yaox bôv đôiv lâul uô kinh tế li chak chiê chôngz lênhx bôv đôiv lâul luz nênhx thiêx tsik txov nhêv?

Têz: Hâur iz ntu ntêr, Hôiv bôv đôiv lâul Việt Nam tưz lok sik tsov cưv txos luôs hâux lưv tsoz phưz, cxaz chuôz cxuôv yêiz thiv pluôs trâu bôv đôiv lâul. Đhâu ntâuk gri, phongz yaox bôv đôiv lâul sik paz cxuôv yêiz thiv pluôs, nhiv no, chôngz lênhx bôv đôiv lâul zos yênhx doanh nhân uô tâu hâux lưv jông, uô bluô nux trâu ziv chuôz zis, têz qơưk, paz trâu cuiv “ndo txiêx pâux njis”; cxiv tsa cuiv siez jông đồng đội” zos bôv đôiv lâul chiv chir gôngr côngv paz trâu hôiv viên txêik tsik zuôr nhiêx liv cxiv uô kinh tế, uô tsêr nhoz, paz trâu têx tuz nhuôs cơưv ntơưr. Chor bôv đôiv lâul sik côngv đros Hiệp hôiv doanh nhân chiê muôx gôngr côngv, uô cuiv chiê thâuv tưsnjiz phiv liv mak sik paz cxuôv yêiz thiv pluôs. Viv li, phongz yaox bôv đôiv lâul sik paz cxuôv yêiz thiv pluôs zos chor hôiv li kror jông hâur uô têx phongz yaox.

Nus: Li cox nhiv kruôr hêik pâuz, Hôiv bôv đôiv lâul Việt Nam muôx pưk txux zov chênhr hâur zoz zux cách mạng trâu cxênhx hluôk. Zos li, đros trâu uô luôs hâux lưv ndo txiêx njis, Hôiv muôx têx tsưr ziv tưs chiê uô trâu chor hluôk nhiêv têz qơưk đuô thiêz cơưv shâuv uô lơưr chor lâuk muôx côngz nto bê đrav ntêx, sir jos trâu luôs hâux lưv huôv tsar cêr uô nox huv đros ntu têz qơưs hlôngr yiêz nhiv no?

Têz: Chor tuz lênhv lâuk, thâuv uô tiêr hâux lưv tror lok, iz lênhx nênhs nhiêk muôx nhiêk hâux lưv, jênhv vưv sik txơưr taz sik muôx iz kror cxuô zos yax kriê, zoz zux trâu cxênhx hluôk phuôx huiz jông thiêz paz hluôk nênhs uô nox. Muôx ntâu kror trâu hluôk nênhs cơưv shâuv, têx thâuv muôx chuôz zis bôv đôiv lâul muôx mê nhuôs zos nênhs txơưx uô kinh tế hênhr. Txix co paz uô trâu chor hluôk nênhs cxuô tiv phaz cơưv shâuv. Lok sik iz cxiê tsưr tsix huôx tôngv nhiv no, bôv đôiv lâul đros hluôk nênhs cxiv uô tsiwrr ziv hluôk nênhs uô nox zos bôv đôiv lâul sơưr paz trâu hluôk nênhs huôv tsar. Thôngx cxix, nhoz tox siêz, thax tsav txov nhêv, bôv đôiv lâul puôr lênhx zos nênhs sơưr thơưx chiê uô zaz zâuv têx tuz nhuôs bôv đôiv lâul thiêz hluôk nênhs đros uô hâux lưv. Pêz ntâuk gri đuô mak txos nhiv no muôx txos iz đraz têx tuz nhuôs bôv đôiv lâul, hluôk nênhs cxaz chuôz trâu chor doanh nghiệp zos bôv đôiv lâul uô tsưr. Bôv đôiv lâul sir jos sik côngv, zoz zux hluôk nênhs, paz hluôk nênhs muôx hâux lưv uô, phênhv sâu truôx. Đoàn hluôk nênhs nhoz chor tiv phaz puôr lênhx muôz bôv đôiv lâul uô qơư sik côngv chiê uô jênhv vưv. Thôngx cxix, bôv đôiv lâul tsik so tuôr truôx chính trị chiê gôngr côngv trâu côngz xưv cxiv tsa thiêz por vêv têz qơưk.

Zos li, thor uô cox tsâus ntâu tưz tsês six hơưv têz pêz têx luk nus!

                                                                                                                                (TTT-Lik Thox cxêik nhênhv)

Phax tar moz hâur cheix ntux nas

1.Têx moz lok sâuv tơưr grêix: Têx moz zôngx ziv njiz trâus hâur cheix ntux nas zos: Đêx thiêz ar tov têk, tơư; moz poz vôngk uô pâus, moz lis...... Qir tiv zos hâur cheix ntux nas chuô, khênhr tir thiêz cor đêx ntâu, lar heik zos têx đêx kiêk nênhs txix têx cưx đês cưx ha....Trơưk li bác sỹ heik kriê, chiê phax txar jav têx moz li heik sâuv, hâur têx hnuz ntux nas lox, sơưr đơưk tsuv trâu têx khâu lax nziês, tsi cxoz trâu ntêr thov khưv, têx khâu tơưr, khâu ntâuz, tsuv nzuôr tơư tsi so, uô têx têk tơư kruôr krơưr.

Iz chas ntơư, sơưr đơưk uô đaz tsi têx cux tsuv max mav tsi cxoz uô têx grêix, têk tơư to thâuv cxaz chuôz uô têx zav nuv tuk tsi tsuv muôx khâu trâu, lôngx têk..... Lênhx nênhs moz tsi cxoz khơưz, uô têx tơưr grêix to, vôngk; viv thax grêix co lok six nhiêk, zôngx ziv to. Zos grêix trâus to, sơưr đơưk tsuv zênhx max muôz đêx hur, đêx cuô njêr lok nzuôr luz kror cxaz co, zos pov six moz vôngk lox ntêr hnuz tsi jông, mak tsuv zênhx max muk chuôs cưk yuôx chiê qênhz njuôk shuôs sêz zos viv li chas.

Chênhr viv li, jông đuô zos sơưr đơưk tsuv vêv xênhz hur si zuk tul khênhx, max mav thiêz tsơưs cor, tir têx đêx kiêk nênhs, lar heik zos têx nhuôs zâu thiêz nênhs lâuk; tsi so muôz xaz phôngx nzuôr têk.

2.Têx moz lok sâuv moz uô pa: Ntux nông, lok nas li nhiv no uô cxuô lênhx sơưr đơưk zôngx ziv trâus moz khâuz thuôs. Thâuv trâus moz li heik ntơư, lênhx nênhs moz pov zuk tsi thor jông nhoz, moz tâuz hâu, lok njưs, hnôngk, uô cuz uô no....

Chiê muôx têx phax tir thêir tâu têx moz heik sâuv, tsôngv box sơưr đơưk muôx têx cxaz nzir đas jos txix nox nzir têx zav nox li: txir ntông muôx ntâu Vitamin C, grêix njêl, kê, pư txâuk, hâuk txâuk đêx..... Tsi so hâuk đêx cuô kriêr nhôngk cux jông trâu phax tir thêir têx moz thiêz.

Zos tưz trâus moz têx li heik sâuv mak sơưr đơưk tsuv muôz fuôv so hưk cov hur, iz chas ntơư tsi cxoz tir chuô, nox têx jâuz mor sor so, cxơưz. Iz chas têx li heik no, sơưr đơưk cux muôx têx trâus moz iz cxiê zav moz cik txos cêr uô pa li: Moz siêz njưk....

Zos tsi moz hnhar mak tsi tas nox yuôx lol nưk cux muôx têx jông jux juk. Lar heik zos tsuv paz lênhx nênhs moz nox hâuk cov huv đros thiêz niêx hnuz ndis uô uz uô no mul lok, tsi xar ntâu.

3.Têx moz lok sâuv moz plaz, đhiê hâu: Moz trơưk plaz zos zav moz khênhr njiz trâus yax, ntâu lênhx trâus moz hâur têx hnuz ntux nas. No zos moz zôngx ziv siz cik tâu đhâu cêr nox hâuk, tiv nưk muôx nnưk iz zav caz moz uô huôv moz. Zos trâul moz li heik no, sơưr đơưk tsuv zênhx max muk trâu qơư y tế jê yax chiê tâu seiz njuôk shuôs moz.

Chiê phax tir thêir moz trơưk plaz, tsôngv box sơưr đơưk tsuv muôz xaz phôngz nzuôr têk uô ntêx thâuv zuôr nox mor thiêz đhâu tơưv trôngx tas, tsi cxoz nhoz siz jê uô cê đros chor nênhs moz, uô jông lơưr tsưr ziv nox siêr hâuk bâu./.

                                                                                                                                         (Thu Thùy-Riê Lâux cxeik, nhênhv)