Trâus pôngz tas hur si têx chuôz zênhx chuôz tav, tsôngv box thax tsav trâus đêx ngaz lok six zuôr trâus têx pheiz kênh cxôngx tsôngv box tas nro têz qơưk

          Txos nhiv no, tsôngv box xã Sơn Lương, huyện Văn Chấn cux tsênhv ndo njôngr nyei trưk lok têx ruôr hiêv hâur jiês đêx ngaz cuôr nhiv kruôr đhâu. Tas nro xã muôx 3 lênhx tsôngv box trâus tuôs thiêz plox mông, 18 luz tsêr trâus đêx cuôr yôngz lơưv tas hur si, yênhx châuv luz tsêr txơưr trâus puôk tsuôx... Tsôngv box nhoz no tsênhv cê so cuô muôs, cê mul khơưk têx chuôz zênhx tsênhv yuôr hâur têx tsêr trâus puôk tsuôx tas. Txơưv pâuz tiêk zuôr tsi yuôr tưs tsi, taz sik lênhx tưs cux sir jos nriêr seiz pok yuôr tul tsi jông zôngv lơưv thiêz. Niêv lâuk Hà Thị Quyên thiêz tix lâuk Hoàng Quyết heik:

          “ Khơưk tsi chuôk tul tsi ciês hlo, đêx ntưs lol mak tsuôk pâuz khiêr tơưv mul đrâuv jôngr xưz, khiêr tâu txơưv jông lơưv...”

          “ Nhiv no tsi yuôr tul tsi, muôx têx chuôz zênhx mak trâus đêx cuôr yôngz, muôx têx mak trâus liêv, cur xar njôngr cur chuôz zis thiêz têx chuôz zis txơưr tâu paz txưv iz phênhv tưs txơưv jông lơưv”.

          Tsôngv box huyện Mù Cang Chải, tỉnh Yên Bái cux trâus ruôr hiêv lok six hnhar đhâu jiês đêx cuôr yôngz thiêz tox poz. Đrâuv 5 lênhx nênhs trâus tuôs, tưz muôx 22 luz tsêr trâus poz vâu tas hur si, 100 ntâu luz tsêr tsuv txar qơư nhoz; 13 hecta liêx têz trâus ar vôngz thiêz đêx cuôr yôngz.... Zơưv Lý Vàng Hử nhoz jos Nậm Pẳng, xã Nậm Có muôx 2 tul tuz thiêz iz tul nhuôv xênhz nzưr- zos têx lênhx nênhs uô lox tôngv tsênhv hâur chuôz zis trâus tuôs hâur jiês đêx cuôr yôngz no heik:

          “ Viv mul uô nox uô hâuk mak cur tul tuz thiêz nhuôv xênhz nzưr trâus tuôs lơưv, iz lênhx lâus nênhs li cur thiêz têx lênhx nênhs txơưr hâur chuôz zis nhiv no tsi pâuz uô li chas chiê tror nhoz uô nênhx. Têx hnuz no jênhv tâu têx cấp têx nganhx li tsov cưv paz txưv, cur lok six uô tsâus ntâu thiêz xar njôngr têx cấp zuôr tror tsov cưv paz txưv txos cur thiêz têx chuôz zis txơưr”.

          Txos nhiv no, tỉnh Yên Bái tưz paz txưv têx chuôz zis muôx nênhs tuôs, trâus sz, tsêr trâus poz vâu chor nhiêx txiêx zos 2 tỷ 540 tsov đeiv. Tsênhz mênhx, paz txưv 10 tsov trâu chuôz zis muôx nênhs tuôs, plox mông, tsêr trâus cuôr yôngz lơưv tas hur si, paz txưv 3 tsov trâu lênhx nênhs trâus saz. Tỉnh cux cungz zuôr xar 17,5 tênhr cxur trâu têx chuôz zis trâus pôngz lơưv tsêr nhoz, chuôz zênhx chuôz tas, têx ziv chuôz zis tsuv txar qơư nhoz yiêz. Thôngx cxix bax qơư lav nhoz uô ntêx đros têx chuôz zênhx chuôz tas zuôr trâus trâu têx ziv chuôz zis chiê tror ngaz tul luz nênhx... Têx paz txưv co tưz paz tsôngv box thax tsav trâus ntux nas ngaz tul luz nênhx iz phênhv tưs. Taz sik, lok lêx ntêr, đrâuv têz qơưk, têx tiv phaz li paz txưv, tsôngv box nhoz no lok six zuôr trâus tâu tsôngv box tas nro têz qơưk pheiz kênh cêr pôngz siêz thiêz paz txưv. Zơưv Chu Đình Ngữ, Bí thư huyện ủy Văn Chấn heik:

          “ Côngz xưv khưx phưx têx trâus ruôr hiêv njiz ntâu phêv liv, đros qênhx shênhx li no mak cux xar njôngr tror jênhv tâu têx pheiz kênh, paz max chiê Văn Chấn tror khưx phưx tâu têx trâus ruôr hiêv tiv ntux nas...”

          Chiê ciêr chênhr paz max tsôngv box tỉnh Yên Bái khưx phưx têx trâus ruôr hiêv tiv ntux nas, UBMTTQ Việt Nam tỉnh Yên Bái nhiv kruôr hu lơưs têx doanh nghiệp, lênhx nênhs jông siêz, têx tsưr tsix hâur thiêz đrâuv tỉnh cxôngx zuk li phênhv sâu paz max têx lênhx nênhs, chuôz zis trâus ruôr hiêv nhoz tỉnh Yên Bái. Têx tsưr tsix, lênhx nênhs xar paz max mak xa lol Ban chơưv paz tỉnh Yên Bái, tuêv 27, phường Đồng Tâm, thành phố Yên Bái lok sik xa nhiêx txiêx đhâu số tài khoản: 3761.3017715.91999, Ban chơưv paz tỉnh Yên Bái ntơưv Kho bạc têz qơưk tỉnh Yên Bái. Six hơưv phuôx tôngv paz max uô cxôngx hnuz 22/7/2018 txos tas hnuz 22/8/2018./.

( Tuấn Xuân- Txâur Vax cxeik nhênhv)

Zơưv Phạm Đức Cảnh: Lênhx Bôv đôiv lâuk trâus moz uô nox uô hâuk coz

Thâuv 19 shông, muk lơưr têz qơưk lul hu, lênhx hluôk tuz Phạm Đức Cảnh sơưr cêr muk uô tuz lênhv nhoz ntơưv Campuchia, đhâu co lok đros tir ntâul trok châuz ntơưv đriv têz Tây Nam. Đhâu 7 shông uô tuz lênhv tir ntâuk tsav, zơưv Phạm Đức Cảnh tror lok tsêr gra đros ntâu têx moz gênhs,  thâuv ntux txơưr txar mak zơưv Cảnh têx moz ho tror huôv moz. Txơưv tiêk li ntơư, taz sik lênhx tuz lênhv trâus muôx moz gênhs hov 3 no tsi xar cov luz nênhx txov nhêv, trâus yeiz pluôs. Zơưv đros chuôz zis sir jos uô bluô nux txix huôv tsar uô kôngz ntơưv zuk thax tsav qơư nhoz Tân Hội, huyện Tân Châu, tỉnh Tây Ninh.

Đros thiêz têx lênhx jông têk jông tơưk, muôx đas jos huôv tsar uô nox tưz lax uô tâu, đros thiêz lênhx trâus muôx moz trâus saz, têx moz gênhs tsi so huôv hâur niêx shông ziv phiv liv đuô. Taz sik ziv txov nhêv ziv paz trâu lênhx tuz lênhv zơưv HLoz Hôx sir jos truôx siêz đuô. Iz hnuz đhâu hnuz, iz hmo đhâu iz hmo, zơưv Cảnh đros pox niêv mê nhuôv sir jos krêz uô 2 ha liêx têz chiê chos kôngz, txix ntơư jux juk hlôngr yiêz thiêz gra siêz luz nênhx nox nhoz trâu chuôz zis. Zơưv Phạm Đức Cảnh heik:

“Zos iz lênhx tuz lênhv zơưv Hloz Hôx thâuv tưs tưz sir jos uô ntêx nyuôs, khưx phưx cxuô cêr txov thiêz phiv liv hâur luz nênhx. Cur cux vav chiê siêz tiêk, tâu cơưv cxaz têx txux chi tsưr ziv yuôr trâus, paz choz kriê cêr uô nênhx jông trâu cxênhx hluôk, chor tuz nhuôs sđ”.

Shông 1991, zơưv Cảnh quyết tinhv muôz têx liêx têz uô poz cưk hlôngr chos kuôr njuôk lok zos caz tsiz muôs trâu tsêr meir thax Tây Ninh. Têx nhiêx txiêx sâu tâu txix chos poz cưk thiêz caz tsiz, zơưv zuôr nzir 3 ha liêx têz chos mos, têx ntông nox txir thiêz tu zus buô. Đhâu yưx hur tiz si têx uz no tas, iz shông zơưv Cảnh chuôz zis sâu tâu liv muôx 700 ntâu tsov deiv. Tsi tiêk uô bluô nux trâu zuk chuôz zis, zơưv Cảnh tsênhv muôz hâux lưv uô tsi so trâu 20 lênhx nênhs txơưr duô, hâur co muôx 5 lênhx zos chor bôv đôiv lâuk ntơưv qơư têx tuz nhuôs đros thiêz phênhv sâu tâu truôx iz lênhx nênhs 4 tsov đeiv iz hlik. Iz chas co, 3 shông đhâu, zơưv Cảnh tsênhv buôk ti paz 4 chuôz zis hâur jok Hội An hla đhâu yeiz pluôs khov kriê têx tsưr ziv huôv tsar uô nox jông, paz nôngz tsiêx cxu, pênhr nhiêx. Zơưv Nguyễn Ngọc Ẩn nhoz jok Hội An, xã Tân Hội, huyện Tân Châu, tỉnh Tây Ninh zos iz hâur têx chuôz zis tâu zơưv Cảnh paz nôngz buô tu zus, nhiv no zơưv Ẩn chuôz zis tưz hla đhâu yeiz pluôs heik:

“Txir hloz Cảnh zos iz lênhx nênhs siêz jông, pâuz hluz txos tsôngv cưr tix nênhx tsa sđ. Iz zav li cur no, cux zos tâu txir hloz Cảnh paz, pheiz kênh nôngz tsiêx cxu trâu cur zus thiêz paz thâuv pêz txov nhêv. Hur si txir hloz Cảnh gơưk 2 niêv txir puôr lênhx lok six jông, hluz thiêz paz sđ”.

 Ndo njôngr Lâuk Hôx têx luk kriê “Trâus moz trâus saz taz sik muôx txux chi tsưr ziv sir jos hla đhâu têx phiv liv”, đros thiêz uô ntêx nyuôs hâur cxuô luôs hâux lưv, iz chas huôv tsar uô nox uô hâuk coz, lênhx tuz lênhv trâus moz Phạm Đức Cảnh tsênhv zos lênhx sir jos đros uô têx hâux lưv XH, iz lênhx canr bôv ntơưv qơư uô ntêx nyuôs hâur cxuô cêr nuv. Đhâu hlo thâuv muk uô tuz lênhv tror lok tsêr, zơưv sir jos đros cxaz chuôz uô têx hâux lưv ntơưv qơư, zos tsar jok, Bí thư chi bộ thiêz nhiv no zos Chủ tịch Hội bôv đôiv lâuk xã Tân Hội. Zơưv Vũ Văn Điệp, Hội Bôv đội lâuk xã Tân Hội, huyện Tân Châu, tỉnh Tây Ninh shir phaz thâuv heik lok lênhx bôv đôiv lâuk Phạm Đức Cảnh li no:

“Txir hloz Cảnh zos lênhx Chủ tịch Hội bôv đôiv lâuk xã Tân Hội paz pêz bôv đôiv lâuk sđ hla đhâu yeiz pluôs chiê muôx luz nênhx truôx tuk. Txir hloz Cảnh moz siêz txos  pêz têx lênhx hâur Hội bôv đôiv lâuk. Txir Hloz Cảnh zos lênhx siêz jông, tsi tiêk paz têx lênhx hâur hội mak tsênhv paz hur si tsôngv cưr tix nênhx tsa sđ thiêz, paz lok six ntâu lênhx nênhs”.

Uô tiêr tâu jông cxuô luôs hâux lưv zok muôz, tâu têx hloz njênhs njôngr, tsôngv box sđ nhiêv txos, ntâu shông siz lơưr liês lênhx bôv đôiv lâuk Phạm Đức Cảnh tâu hâu nov ntơưv qơư thiêz tỉnh Tây Ninh kruôs txos. Zơưv zos iz hâur têx lênhx bôv đôiv lâuk uô ntêx nyuôs uô tâu jông cxuô luôs hâux lưv ntơưv tỉnh Tây Ninh hâur phôngz yaox sik tưr nhiêv têz qơưk./.

(TTTPHCM-Riê Lâux cxeik, nhênhv)