Luôs hâux lưv paz uô kôngz lôngk cxiv tsa jêx jos yiêz

Văn Hán zos xã nhoz thax tsav tox siêz đêz đrôngl ntơưv huyện  Đồng Hỳ, tỉnh Thái Nguyên. Hâur têx shông đhâu lok no, xã Văn Hán tưz tâu hâu nov ntơưv qơư muôz pênhr nhiêx paz max txos. Taz sik, chiê uô cov tâu truôx luôs hâux lưv cxiv tsa jêx jos yiêz txuôk đros huôv tsar truôx lok kinh tế, px muôx luz nênhx tsâu sor. Chênhr zos li hêik ntơư, cxuô cấp, cxuô ngênhx tỉnh Thái Nguyên  tưz paz tsôngv px hâur thax tsav huôv tsar chos tsoz chos ntông yuôx zêx. Zơưv Đoàn Hồng Minh nhoz jos Thái Hưng, xã Văn Hán, huyện Đồng Hỷ hêik pâuz:

“Txix thâuv muôx tsoz chos yuôx zêx yiêz, px muôx phênhv sâu tâu cxaz nzir 4 bâus pir li ntu đrav ntêx”.

Hâur pêz shông đhâu, xã Văn Hán cux uô luôs hâux lưv paz tsôngv px huôv tsar chos tsoz chos txir lưk jôngr tơưr njuôz, cov px muôx phênhv sâu tâu cxaz nzir nhiêx txiêx. Pos Đồng Thị Chắt nhoz jos Hoá, xã Văn Hán hêik pâuz tiêk, pos chuôz zis tưz chos tâu 300 tsoz chos txir lưk jôngr tơưr njuôz shơư tsoz chos yuôx zêx.

“Pêz tâu têz qơư paz zuz nôngz, qir fông, zuk tsuôk thêv nhiêx yêz thâux xa xưz. Pêz tâu têz qơưs paz zuz nôngz, tâu cơưv lok tsưr ziv huôv tsar uô huv đros thiêz thâuv ntêx mak px luz nênhx tsênhv txov nhêv, taz sik nhiv no px luz nênhx tưz truôx tuk jux juk”

Đros trâu luôs hâux lưv hlôngr tsoz chos yuôx zêx, xã Văn Hán tưz paz px chos tâu 80 ha tsoz chos lưk jôngr tơưr njuôz, đhâu ntơư px muôx phênhv sâu tâu cxaz nzir nhiêx txiêx muôx luz nênhx truôx tuk jux juk thiêz xav kror đruôz đraz, iz lênhx nênhs sâu tâu 30 triệu đêiv nhiêx hâur iz shông. Zơưv Nguyễn Quang Huy, phó chủ tịch uỷ ban xã Văn Hán hêik pâuz:

“Pêz cxiv tsa iz ban sêiz car  luôs hâux lưv huôv tsar uô chos tsoz chos ntông nox txir. Luôs hâux lưv huôv tsar tsêz chos kôngz lôngk cux uô huv đros zos đrêiv tsưr ziv kriê”.

Pâuz tâu têx muôx liv lok huôv tsar cêr uô nox, hâur ntu đhâu, huyện Đồng Hỷ tưz yax kriê tsôngv px hâur thax tsav huyện huôv tsar chos cxuô tsoz chos yuôx zêx, chos ntông uô jôngr, uô qơư tu zus tsiêx cxu đros trâu tsêz chos cxuô zav kôngz uô hax huv muôs trâu tuz luôv ciêz đrôngl. Chênhr zos li hêik ntơư, xav txos trâu nhiv no, huyện Đồng Hỷ tưz muôx 28 hợp tác xã huôv tsar uô kôngz lôngk đros trâu 32 luôs hâux lưv uô huv đros tsênhv qơư. Zơưv Vũ Văn Mác Thường trực văn phôngx cxiv tsa jêx jos yiêz huyện Đồng Hỷ hêik pâuz:

“Luôs hâux lưv cxiv tsa jêx jos yiêz, tsik tiêk cxiv uô vax tsêr mak tsuv huôv tsar uô kôngz lôngk cov txo grêk tâu hyêiz pluôs trâu tsôngv px sđ”.

Tsênhz mênhx luôs hâux lưv cxiv tsa jêx jos yiêz, tsuv uô cov tsôngv px sđ muôx luz nênhx ziv hnuz ziv tsar ndê thiêz cxơưz cxiz huôv tsar cêr uô nox, px muôx luz nênhx truôx tuk, tsâu sor./.

                       (Tsu cxêik nhênhv-Mạnh Phương-Ban thời sự)

Têx taz por zaoz thôngz thâuv cxaz chuôz zaoz thôngz cêr đêx hâur thax tsav

Nus: Têx yêz gox đêx thâuv cxaz chuôz zaoz thôngz cêr đêx tsuv muôx têx ntâuz ntơưr li chas?

Têz: Têx yêz gox đêx thâuv cxaz chuôz zaoz thôngz cêr đêx tsuv muôx ntâuz ntơưr:

          1. Yêz gox đêx cui tênhv ntơưv ntu 1 thiêz ntu 2 Grê 24 Chei no tsuv muôx cxix cxuô ntâuz ntơưr, tsưr yêz tsuv uô trơưk têx cui tênhv no:

          a) Thâuv đhok uô yêz gox đêx yiêz, kho đuô tsuv muôx ntâuz ntơưr njuôs xav tsưr ziv uô chiê muôz trâu chiz coaz muôx txơưx jênhv thôngz đhâu.

          b)Thâuv yêz gox đêx huôx tôngv tsuv tâu chi coaz đăng kiểm Việt Nam qênhz yuôx lok taz por kỹ thuật thiêz por vêv tênhx qơư; tsưr yêz gox đêx muôx txơưx jênhv taz por qênhx shênhx kỹ thuật thiêz por vêv tênhx qơư lơưr têx ploz tsênhr cui tênhv hâur 2 jiês qênhz yuôx.

          2. chiz coaz đăng kiểm thâuv uô hâux lưv qênhz yuôx taz por kỹ thuật luz yêz gox đêx tsuv uô trơưk cxix luôk quy phạm, ploz tsênhr Việt nam, ploz tsênhr nganhx. Nênhs sơưr thơưx chiz coaz đăng kiểm thiêz nênhs qênhz yuôx tsuv muôx txơưx jênhv đros chêx cuk zuk qênhz yuôx.

          3. Bộ trưởng Bộ zaoz thôngz vênhv teiv cui tênhv ploz tsênhr yêz gox đêx li tsơưr lươngv, taz por kỹ thuật thiêz por vêv tênhx qơư; cui tênhv thiêz tsưr tsix uô hâux lưv uô ntâuz ntơưr trâu yêz gôx đêx sâuv tas nro têz qơưk, tsi xav têx yêz gox đêx cui tênhv ntơưv khoản 4 grê no.

          4. Bộ trưởng Bộ côx phax, Bộ trưởng Bộ công an, Bộ trưởng Bộ Thủy sản hâur zuk li jênhv vưv, qênhx liv cui tênhv yêz gox đêx li ploz tsênhr tsơưr lươngv, taz por kỹ thuật thiêz por vêv tênhx qơư zos jênhv vưv côx phax, txiv ngaz, yêz gox đêx ntês shuôz njês; cui tênhv thiêz tsưr tsix hâux lưv uô ntâuz ntơưr trâu yêz gox đêx uô jênhv vưv côx phax, txiv ngaz, ntês shuôz njês.

          Nus: Qơư đhok uô yêz gox đêx, kho yêz cxaz chuôz zaoz thôngz cêr đêx tsuv uô trơưk têx cui tênhv tưs?

          Têz: Qơư đhok uô, kho yêz gox đêx cxaz chuôz zaoz thôngz cêr đêx tsuv uô trơưk têx cui tênhv li đrav kaz:

          1.Têx qơư đhok uô, kho yêz gox đêx muôx ntâuz ntơưr lơưr cui tênhv ntơưv khoản 1 grê 26 chei no tsuv muôx txâuk têx mak chinhr phuv cui tênhv.

          2. Thâuv đhok uô yiêz, kho yêz gox đêx tsuv uô lơưr ploz tsênhr tsơưr lươngv, taz por kỹ thuật thiêz trơưk tsưr ziv njuôs xav uô tưz tâu chiz coaz đăng kiểm thôngz đhâu. Thâuv uô tsuv tâu chiz coaz đăng kiểm seiz car lok ploz tsênhr tsơưr lươngv, taz por kỹ thuật thiêz por vêv tênhx qơư.

          Grê 28: Zuôr yêz gox đêx saz đrâuv têz qơưk lok tsuv taz por tsơưr lươngv, taz por kỹ thuật thiêz por vêv tênhx qơư; hâux lưv zuôr yêz gox đêx tsuv uô lơưr pháp luật li cui tênhv.

(Bích Thủy- Txâur Vax cxeik nhênhv)