Jax sâu thưr 4, hnuz 26/8/2015

Nhoz suôv qơư jok Hẹo-Sơn La

 

 

Shông hnuz nhôngs tưz siêz, đas jos ntâus, taz sik zơưv Cà Văn Trân nhoz jok Hẹo, phường  Tô Hiệu, TP Sơn La cux tsênhv ndo njôngr têx hnuz nhôngs trâus cơư hâur tsêr tux Sơn La phiv liv thiêz txov nhêv njuôr thâuv trok châuz sơưr tuôx nhoz sêiz car. Têx lênhx chiến sỹ cách mạng thâuv ntơư trâus trok châuz cơư tux, niêk tsiv, zuôv uô krêr txov nhêv cơưs, iz paz paz muk gra đêx, lêis jâuz, muk cxuô jêx jok thor hmôngr yâur lok uô puôz vuôk. Huôk njôngr têx six hơưv tâu tơưv mê njik saz đrâuv, pêz têx tuz lênhv tưz nhiês yax kriê, choz tsưr ziv tir ntâuk tros châuz trâu tsôngv box sơưr đơưk. Pos Quàng Thị Khiên-iz lênhx nxeik Thêir nhoz jok Hẹo, thâuv ntơư nhiv kruôr muôx 18-20 shông tưz nzor pâuz tâu têx tsưr ziv kriê thiêz yênhx lênhx nênhs paz txuôk luk trâu têx tuz lênhv hâur tsêr tux, xa têx xor mông lok trâu T.Ư. Tsoz ntông lôngx sưv lox, nzôngr nhok sâuv hâur trôngz tov ntus jok tưz yênhx têx tuz lênhv thâuv ntơư qơư nhiês  xa têx xor mông, tsưr ziv sir tir ntâuk tros châuz. Zơưv Cà Văn Trân tror piêr đuô:

Băng: “Iz jiês đrav T.Ư xa mông li chas tuôx trâu pos, pos ho heik trâu têx lênhx tuz lênhv tuôx thor hmôngr yâur, pos tênhv qơư siz njiz ntơưv tsoz ntông lôngx sưv. Ntông lôngx sưv thâuv co lok six lox, 8 lênhx tưz puôs tsi tas, têx chês hlâur đei niêz, tsi muôx lênhx tưs muk lok đhâu. Pos Khiên tênhv cheix trâu 2 tos siz njiz, siz kriê têx xor mông. Thâuv ntơư pos uô txux hnar têx chêr tsôngk trik yo đaz tuôs, kiês nênhs muk txiêr tơưk lok sik zus nhux tưv. Thâuv tưs muôx đaz tsi đror kror tưs, pos hnôngk iz suôz chiê trâu têx tuz lênhv khiêr đreiv….”.

Jax pêv heik lok pos Quàng Thị Khiên thiêz tsoz ntông lôngx sưv jok Hẹo tưz yênhx tsôngv box jok Hẹo thiêz TP Sơn La cêr shir phaz. Lar heik zos têx hnuz hâur hli 8 lịch sử, ntâu lênhx tsôngv box jok Hẹo thiêz pos Quàng Thị Khiên têx tuz nhuôs ho tror tuôx qơư di tích ntông lôngx sưv chiê siz chos piêr kriê, ndo txos têx lâuk đrav ntêx têx cêr txov thiêz phiv liv sir đas jos, tsưr ziv tir ntâuk tros châuz, tsưx phưv têz qơưs. Hla đhâu ntâu phiv liv thiêz txov nhêv hâur lịch sử, tsoz ntông lôngx sưv lâuk thâuv ntơư nhiv no cux tsênhv chiêx, hlar blôngx njuôz xiêz, zos iz cêr uô nênhx cxơưz gra sơưr đơưk cêr thôngx siêz, vav mênhx. Pos Quàng Thị Hiêng, nhoz jok Hẹo, phường Tô Hiệu, TP Sơn La, tỉnh Sơn La heik:

Băng: “Cur zos pos Quàng Thị Khiên iz lênhx nhuôs. Pêz lok six jông siêz thiêz shir phaz viv zos cxênhx hluôk tov kaz tâu mnôngs piêr lok pos têx côngz đas jos, tsưr ziv sir tir ntâuk trok châuz. Pêz thâuv tưs tưz kruôz kriê têx tuz nhuôs sir jos cơưv ntơưr txơưx, uô hâux lưv jông chiê phuôx huiz cêr chax chês chuôz zis cách mạng, paz cxiv tsa jok Hẹo ziv hnuz ziv jông jav, cxiv tsa TP Sơn La iz hnuz hlôngr yiêz jux juk”.

Jok Hẹo muôx 168 chuôz zis mak nhiv no tsuôk yuôr 2 ziv chuôz zis pluôs, têx ziv bluô nux tsar ndê 60%. Tsôngv box cxuô heir nênhs tưz hlôngr yiêz siêz xar, tsưr ziv uô. Têx ziv muôx ar liêx têz đar tưz huôv tsar tu zus tsiêx cxu, chos shôngz ntông đros trâu huôv tsar uô kinh tế cxuô zav….. Canr bôv, đảng viên zos têx lênhx uô ntêx nyuôs chiê tsôngv box sơưr đơưk cơưv shâuv, uô trơưk. Zơưv Vì Văn Dương, Bí thư chi bộ jok Hẹo, phường Tô Hiệu, TP Sơn La, tỉnh Sơn La heik:

Băng: “Chi bộ tưz chox car tsôngv pêx xênhv huôv tsar uô nox, huôv tsar tu zus tsiêx cxu, krêz đar qơư huôv tsar uô nox uô hnar, hlôngr yiêz tsưr ziv uô kôngz lôngk, tu zus tsiêx cxu chiê tsôngv box luz nênhx iz hnuz hlôngr yiêz jux juk thiêz truôx tuk đuô”.

Nhoz suôv qơư jok Hẹo hnuz no, đros têx cêr thôngx siêz, uô lơưr chor lâuk đrav ntêx cêr uô nênhx jông, cxuô lênhx tsôngv box sơưr đơưk tsênhv siz chos paz tsưr ziv, đas jos chiê cxiv tsa têz qơưk ziv hnuz ziv jông, tsiv nhos đros têx lâuk thâuk ntêx tsưr ziv, côngz đas jos sir tir ntâuk trok châuz, tsưx phưv têz qơưs. Jax pêv heik lok lênhx nxeik Thêir Quàng Thị Khiên siêz truôx bo sir tsưr ziv đros chor tuz lênhv, ntông lôngx sưv jok Hẹo hla đhâu têx phiv liv tir ntâuk trok, zos tsưr ziv paz cxơưz cxênhx hluôk nhiv no sir jos cơưv shâuv thiêz uô trơưk têx lâuk cêr uô nênhx./.

( Việt Anh-Riê Lâux cxeik, nhênhv)

 

 

 

 

 

Phênhv “Đas jos thiêz siv nênhx” hnuz 26/8/2015:

Moz tso jik thax li têx txơưr txar phiv liv

 

 

Moz tso jik thax zos iz zav moz uô phiv liv txos sik hlôngr tsơưr muôx hâur luz chêr, txix co zuôr uô muôx yưv têx zav moz txơưr đuô. Moz tso jik thax thiêz têx txơưr txar co zuôr phax tar tâu zos tiêk lênhx nênhs trâus moz tso jik thax tâu pov thiêz chơưv kho nzor.

* Têx muôx yưv thâuv trâus moz tso jik thax:

- Nkrik đêx tsik so.

- Muk tso jik tsik so

- Tsik so yêiz plaz, lok sik nhoz nhoz chiê yêiz plaz

- Gênhk

- Kror muôs tsik yuô pov cêr

- Kruôr kror ndâux lok sik khâuk tas nro iz chêr

- Pôngz cir sêi

* Têx phiv liv txơưr txar muôx yưv thâuv trâus moz tso jik thax:

1. Phiv liv txos têx lênhx nyar

- Nênhs moz trâus phiv liv têx lênhs nyar: Jênhv pâuz tsik yuô mênhx, lênhs nênhs tsik muôx jos. Têx kror hêik ntơư tsik so muôx yưv têx xiz tơư, uô trâu tơư trâus moz vôngk…

2. Trâus moz trâuv:

- Tiv chor thax njêr hâur nyar siêz uô trâu trâuv trâus moz saz  thiêz uô trâu trâuv txo grêk đas jos, liv tsik tâu chor đêx hâur luz chêr.

3. Trâus moz kror muôs:

- Chor lênhs nyar zâu hâur kror muôs zôngx ziv trâus cxơưk, tơưs uô phiv liv txos kror muôs. Moz tso jik thax cux zuôr uô trâus kror muôs moz lox thiêz trâus đis muôs.

4. Moz têx sâur nyar thiêz plơưr:

- Moz phiv liv txos têx lênhs plơưr nhoz nênhs trâus moz tso jik thax lok six phiv liv thiêz tsik so trâus njiz. Nênhs moz lok six zôngx ziv trâus moz sâur nyar ndê siêz, lênhs trâus cxar, lênhs nyar hâur plơưr trâus cxơưk; muôx têx jiês zuôr  uô trâu lênhx nênhs ntơư trâus tuôs. Lơưr thôngz sâu, pov muôx 65% chor nênhs trâus tuôs zos chor nênhs trâus moz tso jik thax, tiv sâur nyar hlưz cxơưk.

5. Trâus moz vôngk:

- Nênhs moz tso jik thax cux zôngx ziv trâus moz vôngk thiêz zuôr muôx yưv moz vôngk nhoz cxiê qơư xưk li: Pok hniêr, kror ndâux, vôngk têx poz moz saz đrâuv tơưr grêix trâus to, moz vôngk qơư mok, trâuv….

Moz tso jik thax lok six phiv liv, taz sik cux zuôr phax tar tâu zos tiêk zênhx max kho huv đros  chor thax njêr muôx hâur nyar.

Kror jông tiv zix chiê phax tar moz zos sêiz shuôk thiêz uô huv đros chor thax njêr muôx hâur nyar. Zos tiêk chor thax njêr hâur nyar muôx tsơưs, chor nênhs trâus moz têx zav moz li hêik co lok six tsơưs./.

                                  (Hồng Việt-Ly cxêik-nhênhv)