Txir thênhx caz Xoàn Phụng Hiệp: sik côngv gra bê xiv huv txos niêv ciêz

          Hâur ntu no, têx vax txir thênhx caz Xoàn nhoz xã Phương Phúc, huyện Phụng Hiệp tsênhv zos cheix taz tov siêr, sâu txir. Iz chas têx vax txir thênhx caz njuôz jông, pov têx doanh nghiệp, nênhs sâu zuôr nriêr tuôx sâu zuôr ciês ntơưv qơư. Tix lâuk Trần Văn Tời- iz nôngx mênhx chos txir thênhx caz xoàn xuz thơưx nhoz no heik: Thax tsav ar no trâus kâuz, thâuv ntêx tsuôk chos tràm, tov kaz no chos kuôr njuôs, chos blêx taz sik phênhv sâu tsi truôx tul. Xar tsi tâu tiêk txir thênhx caz xoàn ho huv đros ar têz nhoz no thiêz tso lol phênhv sâu truôx tul: “Pov txir thênhx caz xoàn tso lol phênhv liv siêz đuô kuôr njuôs 10, 15 jiês. Chos 2 shôngk mak sâuv hâur shông tiv 3. Fênhx pheiz 1 côngz muôx nhos 5 tênhr. Grê muôs zos 45 cxênhz mak sâu liv tâu siêz. Pox nhuôs nôngx mênhx nhoz no pov zuk uô uô ntêx muôx chêx cuk viv li cux muôx ntâu lênhx nênhs uô lơưr”.

          Jênhv pov zos iz lênhx uô xưz mak tsi chox lol chêx cuk siêz li sik côngv uô, kuôk nor zuôr xar 3 shôngk, têx chuôz zis chos txir thênhx caz nhoz no tưz sik đros yênhx lix Hợp tác xã txir thênhx caz Xoàn Phương Phú. Zơưv Võ Văn Đê- giám đốc Hợp tác xã puz pâuz: HTX muôx 21 lênhx nênhs đros zuôr xar 31 hecta ar chos txir thênhx caz. Cxôngx thâuv yênhx lix txos nhiv no, têx xã viên li phênhv sâu tsi so tâu chuôz ndê khov tsưr ziv sik đros uô, muôx têx doanh nghiệp cxaz chuôz, cxôngx hâux lưv cungz nôngz txos chuôz zênhx kôngz nuv txos hâux lưv sâu zuôr xiv huv. Tsêz no, HTX tưz muôs tâu 400 ntâu tênhr txir thênhx caz, chox lol phênhv tâu zos zuôr xar 12 tỷ đeiv trâu chor ziv chuôz zis chos tsoz chos txir thênhx caz. Shông no, txir thênhx caz xoàn Phương Phú ziv nto bê thiêz zaz zâuv tâu ntâu têx doanh nghiệp, nênhs uô luôv tuôx nriêr zuôr, viv têx xã viên puôr lênhx uô trơưk tsưr ziv tsiv uô VietGap. Iz chas co, Cục Sở hữu trí tuệ cux tưz cungz ntơưr tso chei por vêv bê “ Txir thênhx caz xoàn Phụng Hiệp” trâu HTX. Zơưv Võ Văn Đê heik cxaz: “Bê HTX txir thênhx caz xoàn mak côngz jênhv thâuv hli 6/2016 no, thâuv co zuk tsênhv uô tsaz yênhx VietGap, tsaz yênhx cux nhiv kruôr côngz jênhv. Nhiv no heik cxuô mak zuk tsiv uô hâur HTX shông tưs cux sâu tâu liv, nênhs sâu zuôr tuôx ciês ntơưv vax zuôr tas hur si”.

          Zơưv Châu Văn Mía- Bí thư Đảng ủy xã Phương Phú, huyện Phụng Hiệp puz pâuz: xã nhiv no muôx 150 hecta txir thênhx caz. Cxôngx trâur nuv HTX Phương Phú li chêx cuk, xã tsênhv krêz đar niêv ciêz sâu zuôr cxôngx tsưr ziv sik côngv đros têx ciêz, têx niêv ciêz lox chiê chox txir thênhx caz xoàn lol muôs hâur niêv ciêz; thôngx cxix tror chos cxaz zuôr xar 270 hecta txir thênhx caz xoàn thiêz. “Tsưr ziv tov kaz no zos xã uô li chas chiê hlôngr mênhv chêx chos kuôr njuôs muôx nhos 165 hecta chiê chos txir thênhx caz thiêz muôx nhos 100 hecta tsoz chos tsi muôx chêx cuk chiê hlôngr chos txir thênhx caz, uô li chas chiê pox nhuôs luz nênhx tâu muôz siêz, yênhx trus uô bluô nux”.

          Têx shôngk đhâu, grê txir thênhx caz ngaz tul cxôngx 30.000 txos 40.000 iz cir, muôx têx shông ndê txos 45.000 iz cir. Đros thiêz txir thênhx caz xoàn chos 4 shông mak yar lengx tax muôx nhos 5 tênhr iz côngz, nênhs chos muôx cxaz phênhv sâu cxôngx 150 tsov đeiv iz shôngk. Txir thênhx caz xoàn nhiv no tâu tsôngv box xã Phương Phú heik taz thiêz huyện Phụng HIệp heik cxuô seiz zos tsoz chos kinh tế. Taz sik lơưr têx xã viên nhoz no, đrâuv xeir nôngz tsoz chos huv đros, mak jax cơưv chênhz zênhv xuz thơưx zos nôngx mênhx tsuv pâuz sik côngv uô hâur tsiv uô xênhz yar chiê zuk xiv huv uô tâu muôx qơư sơưr truôx tul sâuv niêv ciêz. Li ntơưv nôngx mênhx thiêx li bluô nux jux juk./.

Cxiv kho đuô nghị định 42, tir thêir uô lax luôv, zuôr muôs ntâu xiv huv uz no

Uô lax luôv ntâu zav xiv huv hâur six hơưv đhâu cux tsi tâu pov txo grêk hlo, thâuv xav txos hâur hli 9/2016, txơưv tsuôk yuôr 50 doanh nghiệp zuôr muôs têx xiv huv li heik sâuv uô hâux lưv, taz sik lơưr phênhv sâu tâu mak tsar ndê txos 4 cxênhz tỷ đeiv. Têx doanh nghiệp uô lax luôv zuôr muôs ntâu têx huv li ntơư, phênhv ntâu zos nhoz trâu têx đrôngs lox li: Hà Nội, TP HCM thiêz krêz uô iz cxiê qơư mê trâu têx tỉnh. Lơưr zơưv Nguyễn Thanh, Giám đốc Sở Công thương tỉnh  Thừa Thiên-Huế, têx sâu tâu txix uô lax luôv li heik sâuv, tsi tâu thôngz sâu tâu. Iz chas ntơư, ntâu ziv chuôz zis tưz pluôs, lok ziv trâus yeiz pluôs đuô viv trâus luôs nziêk đas đros uô cxuô zav hâux lưv li uz li no: “Têx lênhx đros uô zav nuv no phênhv ntâu zos têx shux xênhz, nênhs nhoz hâur tsêr uô liêx têz, so lâuk, lơưr mnôngs thiêz uô trơưk luôs hâuz nziêk sik đros zuôr muôs, uô luôv têx xiv huv ntơư. Zok nriêr lênhx nênhs zuôr, têx nênhs muôs têx huv li heik no zuôr uô li chas thâuv têx công ty lox, công ty chênhr lơưr nhoz TP HCM, hok ntơưv Huế tsuôk zos tsưr tsix heik kriê, zok nriêr lênhx tiz nênhs đros uô luôs hâux lưv no. Thâuv muôx yưv têx tsi jông, muôx Công an qênhz yuôx txos taz  sik sâu tsi tâu đaz tsi, kror tưs cux tsi muôx tsi mênhx, lênhx nênhs trâus hiêv mak pôngz tas yênhx 2, 3 châuv tỷ đeiv cux tsi pov kaz heik, tsi pov kaz pênhr lênhx tưs, têx lênhx no lơưr ho tror muk zaz zâuv, nziêk lưv tuk đros uô chiê pâux nzir trâu têx pênhr trâus pôngz ntơư”.

Kror lar heik zos hâur ntu nhiv kruôr đhâu tsik ntêr lok no, ntâu lênhx nênhs, tsưr tsix tưz uô txơưr lưv faz tsưr ziv chiê tror nziêk đas, hu zâuv sđ sik đros côngv nhiêx uô lax luôv, zuôr muôs huv xưk li uô têx nhiêx chuôr chiê yưv pênhr trâu uô têx tsưr ziv li: zuôr ar, uô tsêr tok kruô…. Hur si têx faz tsưr ziv uô no puôr lênhx zos iz kro chiê nziêk thiêz hu zâuv sđ siz chos côngv nhiêx txiêx, muôz lênhx nênhs tov kaz têx nhiêx thêv trâu lênhx uô ntêx. Uô lax luôv trơưk faz tsưr ziv no zos uô tsi trơưk chei, tưz trâus têz qơưs txưr. Taz sik, yênhx cxênhz lênhx nênhs cux trâus nziêk đas, pôngz pênhr tas. Zơưv Nguyễn Trọng Tín, Phưv Cục tsar Cục seiz car tênhx qơư ( Bộ Công thương) heik tsênhz mênhx li no: “Têx lênhx nênhs zuôr muôs chor huv li heik sâuv zos lơưr muk iz ziv chuôz zis jux juk ntơưv têx thax tsav tox siêz đêz đrôngs, nhiês uô têx nuv tsi trơưk chei ntơư chiê nziêk đas, hu zâuv tsôngv cưr tix nênhx tsa đros cxaz chuôz. Iz chas têx hâux lưv uô tsi trơưk chei li: hu zâuv cưr tix nênhx tsa, lar heik zos têx thax tsav tsôngv box pluôs, txov nhêv lơưr yưv nhiêx tiês đros uô têx nuv sâuv taz sik sâu tâu têx nhiêx chuôr, tsênhz tiês zos muôz lênhx tiz nênhs uô kaz têx nhiêx thêv trâu lênhx tiz nênhs uô ntêx, uô li ntơư lok six phiv liv”.

Seiz car têx hâux lưv zuôr muôs ntâu têx huv li no, phênhv ntâu zos khov lok Nghị định 42/2014 lok sâuv uô lax luôv, zuôr muôs cxuô zav hax  huv. Taz sik đhâu 2 shông ntâu fuô uô, tưz pov muôx yưv ntâu kror tsi jông. Têz qơưs cxiv kho tsi tâu zênhx max fiv đros tsênhv tsênhz, muôx têx tsênhv tik cêr cxâuv tsi tâu txos qơư trâu têx lênhx nênhs uô cxâuv chêi. Cơ quan muôx vax huôv tsuôk đros đơưk thiêz tu têx txuz lox thiêz thâuv pâuz tsênhz pâuz mênhx iz cxiê lênhx thiêz iz cxiê tsưr tsix uô yưv têx kror tsik jông cux pôngz lis, uô ruôr hiêv chôngz lênhx ntâu tus. Xưk li txuz nênhs VN đros têx lênhx saz đrâuv luôs 2 chas têz qơưs uô, thâuv trâus qênhz yuôx, công ty no tưz nziêk đas tâu 60 cxênhz lênhx nênhs, tâu muôx 1.900 tỷ đeiv.

Txix têx lênhx nênhs uô zav nuv li heik sâuv têx tsưr ziv tsưr tsix, txơưx nziêk đas thiêz phiv liv, Bộ công thương heik pâuz, tsênhv qênhz shuôs têx cui tinhv chiê cxiv kho đuô Nghị định 42 lơưr tsưr ziv qênhz shuôs, qênhz yuôx jông têx hâux lưv uô nox lơưr tsưr ziv no chiê thôngz đhâu trâu Chính phủ hâur hli 11 zuôr txos. Bộ trưởng Trần Tuấn Anh heik: “Công thương zuôr cxơưz sei six hơưv cxiv kho Nghị định 42, nzor thôngz đhâu trâu Chính phủ chiê thor ziv chênhv, txix ntơư uô trơưk chei, cui tinhv têz qơưs. Đros têx công ty zuôr muôs thiêz uô ntâu zav nuv tsênhv trâus qênhz yuôx, zos pov muôx li chas uô cxâuv lox mak zuôr heik cov tik cêr cxâuv txos qơư, chiê phax tar, tir thêir têx tsi jông, siz zâuv, nziêk đas uô têx nuv tsi trơưk chei xưk li têx txuz heik sâuv”.

Sâuv ntiêx têz, uô lax luôv, zuôr muôs ntâu zav huv tưz muôx thâuv nzor lok. VN cux txưr tsi tâu têx nuv uô no. Têx cui tinhv hâur uô lax luôv, zuôr muôs ntâu huv cux tsênhv tâu Cơ quan muôx vax huôv njuôk xav, seiz lax, nhênhz chơưv, taz sik tsênhz tiês, no cux zos iz hâux lưv sir jos uô chiê qênhz yuôx truôx jông đuô têx nuv uô li heik sâuv, tsi chiê uô ruôr hiêv txos tsôngv px sđ luz nênhx nox nhoz muk lok hâur niêx hnuz./.