VOV tsưr tsix ntâu huôx tôngv txưv zênhv hâur “Hli hluôk nênhs”

Têx hnuz no, sâuv cxuô suôv qơư hâur pêz têz qơưk, Đeix nta suôz Việt Nam li 1 cxênhz 200 ntâu lênhx đoàn viên tsênhv krêz uô têx côngz tsinhx hluôk nênhs, gra têx phênhv huv mul khơưk muôz trâu têx mê nhuôs pluôs nhoz tox siêz đêz đrôngs. Pov tsir điện tử (VOV.VN) gra yênhx puôk phênhv huv, trik yo sor mul khơưk muôz trâu têx mê nhuôs nhoz tox siêz Tây Bắc; đoàn viên têx chiz coaz thường trú nhoz đrôngs Hồ Chí Minh, thax tsav faz Trung, Tây Nguyên, lok sik ntơưv niêv tiêx đras niêv đêx Cửu Long muôx ntâu huôx tôngv tsênhv tsênhz li mul seiz nus, khơưk muôz huv trâu têx niêv VN zênhz shôngx, chuôz zis saz pênhz, thix xênhz. Têx jiês mul khơưk muôz huv trâu têx mê nhuôs pluôs nhoz tox siêz đêz đrôngs zos Đeix nta suôz Việt Nam tsưr tsix paz têx lênhx nênhs sâu xor xưv, biên tập viên tâu pâuz cxaz txos têz qơưk thiêz lênhx nênhs nhoz co, chuôz cxaz đas jos chiê sir jos hâur côgnz xưv thiêz huôx tôngv phongz yaox. Fôngx zưs Lê Phương Thảo, nênhs sâu xor xưv Phòng y tế, Ban vênhx huôv-xã hội (VOV2), Đeix nta suôz Việt Nam pheiz kênh:

“Thâuv cxaz chuôz têx jiês mul txưv zênhv li co, cur pov pâuz tâu ntâu qơư đuô, tsi taz li ntơư mak tsênhv pâuz tâu pox nhuôs nhoz no li luz nênhx xưk li chas, phongz cxưx nhoz no zos li chas. Cur muôx cxaz yênhx tưv, pâuz tâu têx mak thâuv ntêx zuk tsi tâu pâuz txos”.

Pâuz tâu hluôk nênhs li pưs txux, txơưx jênhv hâur cxiv tsa thiêz por vêv têz qơưk, đoàn viên Đeix nta suôz VN tsênhv niêx hnuz sir jos chiê xa têx xor mông lok cxuô vênhv thix sâuv têx kênh nta suôz, xa đuôz, pov tsir in thiêz pov tsir điện tử. Phongz yaox tso nyar jông siêz zos Đoanx Đeix nta suôz Việt Nam tsưr tsix tâu tuôr truôx hâur 10 shông no, zaz zâuv yênhv puôk lênhx đoàn viên cxaz chuôz. Zos chiz coaz pov tsir yax mông, viv li iz lênhx nênhs sâu xor xưv, biên tập viên nhoz hâur Đeix puôr lênhx zos têx lênhx nênhs yax mông viên jông sâuv Đeix, thôngx cxix cux zos lênhx nênhs uô ntêx nyuôk uô phongz yaox tso nyar jông siêz. Thôngz đhâu têx huôx tôngv txưv zênhv, têx đoanx viên, hluôk nênhs tưz phuôx huiz pênhr xưv, đas jos xar tơưv gôngr phênhv cxiv tsa têz qơưk ziv hnuz ziv bluô nux. Zơưv Phạm Duy Hưng, Phưv Bí thư chuyên trách Đảng ủy Đeix nta suôz Việt Nam puz pâuz:

“Lưx lươngv đoàn viên hâur Đeix nta suôz Việt nam muôx 1 cxênhz 200 ntâu lênhx. No zos lưx lươngv tsênhv hâur tas nro côngz xưv chuyên môn thiêz huôx tôngv phongz yaox. Đảng ủy thiêz lênhs tov Đeix nta suôz Việt Nam lok six tsov cưv muôz cxuô theox chênhv thiêz tôngv vênhx têx lênhx hluôk nênhs uô têx huôx tôngv li ntơư”.

Chiê côngz xưv txưv zênhv tax chêx cuk siêz đuô, Đoàn Đeix nta suôz Việt Nam đros Đoàn thông tấn xã Việt Nam tưz cir ntơưr sik côngv uô tsaz yênhx txưv zênhv “ Mê nhuôs li siêz xar njôngr”, đros têx huôx tôngv tsênhv tsênhz tsoz phưz trâu mê nhuôs pluôs tox siêz, paz têx mê nhuôs co sir jos đuô cơưv ntơưr thiêz sir jos hâur luz nênhx. Tix lâuk Lê Minh Đức, Bí thư đoàn thông tấn xã Việt Nam puz pâuz:

“Bí thư 2 taz viv tưz sik seiz lax lok têx tsaz yênhx txưv zênhv muôx ziz njiêz tiv zix thiêz njuôs xav zuôr uô tâu. Hâur shông 2019 no, 2 taz viv zuôr sik đros uô tsaz yênhx ndar txos mê nhuôs zâu nhoz tox siêz muôx luz nênhx txov nhêv. Tsênhz mênhx zos bax cxuô zav chiê mê nhuôs shux xênhz tâu cơưv ntơưr. Li cxiv uô tsêr cơưv ntơưr, lok sik cxiv uô qơư nhênhv ntơưr, tsov lơưr qênhx shênhx tsênhv tsênhz thiêz 2 taz viv li hâux lưv huiz tôngv pênhr jos”.

Đros têx doanh nghiệp thiêz cán bộ uô hâux lưv nhoz Đêix nta suôz Việt Nam li têx gôngr côngv, hâur hli 3 no, Ban thời sự (VOV1) tưz tsưr tsix krêz côngz cxiv uô iz tsêr cơưv mê nhuôs zâu Yên Khương nhoz huyện Lang Chánh, tỉnh Thanh Hóa đros pênhr yưv uô zos zuôr xar 1 tỷ đeiv thiêz cxiv uô iz luz tsêr cơưv txơưr ntơưv tỉnh Tuyên Quang đros pênhr yưv uô zos 500 tsov đeiv ntâu. Thâuv uô tiêr, têx tsêr cơưv no zuôr gôngr phênhv paz cưk kriê thiêz shux xênhz tâu kriê thiêz cơưv ntơưr hâur têx tsêr cơưv jông đuô./.

(Thành Trung- Txâur Vax cxeik nhênhv)

Tsưr ziv muôz tsiêx, grêix tsiêx trâus moz ơưk hlơưr por tsês

1. Hlơưr por tsês.

1.1.. Cui tinhv muôz hlơưr por tsês

a) Tsuv uô tuk tsiêx trâus moz co tuôs txix muôz tênhv hlơưr lok sik têx tsưr ziv txơưr đuô (zos muôx).

b) Qơư hlơưr por tsês: Tsuv uô lơưr têz qơưk cơ quan li heik kriê, tsov cưv xeir qơư hlơưr por ntơưv thax tsav tu zus muôx tsiêx trâus muôx moz lok sik têx qơư fiv đros txơưr đuô nhoz jê thax tsav muôx moz ơưk huôv xênhz.

1.2. Tsưr ziv hlơưr por tsês

a) Tsưr ziv muôz phâuk por tsês;

b) Tsưr ziv hlơưr: Uô iz kro qơư hlơưr lok sik khơưz têx luz kror, muôz hnaz ntiv tuk tsiêx trâus moz, têx grêix tsiêx moz co tso trâu hâur kror thiêz muôz tơưk, thênh, kuôr blêx, trox yêz, trox uz no....lok trâur hlơưr; đhâu co muôz ar phôngz thiêz niêk, tsux cov chênhr trâu. Hok têx moz hluôr ndêis mak tsuv nquôr lâuz xuôz jêz, xi măng trâu luz kror phâuk co.

1.3. Fax thâux têx tsiêx moz trâus tuôs, grêix tsiêx cxu muk trâu têx qơư hlơưr por tsês.

a) Zos qơư hlơưr por tsês nhoz đêz thax tsav muôx moz ơưk huôv xênhz, têx tsiêx tuôs, grêix tsiêx cxu tsuv tâu muôz tso hâur hnaz, khi ndâux khor thiêz thâux gra chor hnaz co muk tso trâu iz kro qơư chiê tsuôs yuôx tuô, lov caz moz uô ntêx thâuv zuôr thâux gra muk hlơưr por tsês; zos têx tsiêx lox, ntiv tsi tâu hâur hnaz mak tsuv sir zôngv têx đeiv tax lox lok sik têx tuk tsi tsi cxênhv txơưr đuô chiê puô saz hâur (kaz thiêz iz ndis) luz đaz yêz zuôr thâux chor tsiêx trâus moz muk por tsês co.

b) Yêz thâux têx tsiêx tuôs thiêz grêix tsiêx trâus moz tuôs ntơư tsuv muôx qơư thêir ntov, tsi uô pôngz têx kiêk nênhs vuôz tsuôz tâus cêr;

c) Yêz thâux têx tsiêx tuôs thiêz grêix tsiêx trâus moz tuôs co tsuv tâu vêv xênhz, tsuôs yuôx tuô, lov caz moz trơưk li cơ quan seiz car, car uô đreiv luôs hâux lưv kho moz tsiêx cxu uô ntêx thâuv zuôr fax thâux muk por tsês thiêz đhâu thâuv muôz têx hnaz trâu, ntiv co tso ntơưv qơư hlơưr por tsês lok sik zuôr lok mul đhâu thax tsav hlơưr por tsês têx tsiêx moz co.

1.4. Cui tinhv luz kror phâuk

a) Qơư: Luz kror phâuk tsuv nhoz đêz tsôngv box têx vax tsêr, hâur đêx, thax tsav tu zus tsiêx cxu tsơưs tsơưs 30 thiêr thiêz muôx txâuk qơư, tsuv xeir têx qơư phâuk trâu hâur vax (jông đuô hur si zos têx vax txir ntông lok sik vax ntông lox).

b) Luz kror phâuk co tsuv đar, txâuk thiêz fiv đros trâu phâuk têx tsiêx thiêz grêix tsiêx, têx vuôz tsuôz kiêk nênhs tsuv muôz phâuk đros. Iz zav li phâuk iz tênhr tssiêx mak luz kror phâuk co tsuv toz 1,5-2 thiêr, đar 1,5-2 thiêr, ntêr 1,5-2 thiêr.

1.5. Têx tsưr ziv, cui tinhv phâuk

Đhâu thâuv khơưz tâu kror, muôz hmôngr jêz siz muôx iz cir puô trâu hâur kaz tas, mav muôz luz hnaz ntiv chor tsiêx co tso trâu, tsuôs yuôx tuô lov caz moz lok sik muôz hmôngr jêz siz fmông sâuv tox trâu, mav muôz ar phôngz cov tuôz nhos iz thiêr thiêz niêk, tsux cov chênhr; phôngz ntâu ar trâu cov siêz đuô bông ar thiêx tsi sâuk. Muôz yuôx tsuôs tuô, lov caz moz iz ndis thax tsav phâuk chor tsiêx muôx moz tuôs ntơư chiê uô tiêr hâux lưv muôz hlơưr por tsês, tsuôs yuôx tuô, lov caz moz.

1.6. Seiz shuôs luz kror phâuk têx tsiêx trâus moz tuôs

a) Kror phâuk têx tsiêx trâus moz tuôs ntơư tsuv yuôv fiêx heik trâu têx lênhx nênhs mul lok hâur thax tsav pâuz;

b) Ủy ban cấp xã muôx txơưx jênhv seiz car, tsưr tsix qênhz yuôx shuôs tsi so thiêz xưv lik zênhx max têx tsi jông li: Luz kror phâuk têx tsiêx tuôs co trâu đêx cuôr yôngz, sâuk, cxênhv, tsư nxiêz hâur kror tuôx;

c) Qơư phâuk tsuv tâu ntâuk hov thiêz sâu, por hưv jông têx mông tsês trâu ntơưv Ủy ban cấp xã.

1.7. Zos ntiêr têx tsưr tsix, lênhx nênhs txơưr đuô thâux gra muk hlơưr, phâuk por tsês, cơ quan car uô đreiv luôs hâux lưv kho moz tsiêx cxu ntơưv qơư tsưr tsix seiz kaz têx nuv uô co, cov tâu trơưk li cui tinhv./.

(Thanh Thủy-Riê Lâux cxei, nhênhv)