Chor hluôk nênhs Quảng Nam xơưs ntâuz bos kror ndâux, uô têx đêx cuô yuôx pheiz puz trâu tsôngv px

Hâur têx hnuz no, qơư xơưs têx tsôngk tril yo Mỹ Thuận nhoz txox cêr Tiểu La, TP Tam Kỳ tưz yênhx 20 ntâu lênhx hluôk nênhs phường An Mỹ li qơư tuôx đros xơưs têx ntâuz bos kror ndâux. Nhoz no, chor hluôk nênhs sik pheiz hâux lưv uô, têx lênhx mak lơưr txiêr ntâuz, kênh lênhx tho kror, nxuô ntâuz, xơưs yuôz đror tsi tsês hâur hur si thâuv tar su. Linh Chi, shux xênhz nhoz tsêr cơưv cxênhx 2 Lê Hồng Phong, TP Tam Kỳ, lok six shir phaz thâuv tâu đros chor hluôk nênhs uô têx nuv jông siêz xơưs ntâuz bos kror ndâux pheiz puz trâu tsôngv px shir phaz lul heik: “Cur thiêz chor niêv lâuk, tix lâus khênhr tuôx no uô ntâuz bos kror ndâux paz trâu cxuô lênhx sđ”.

Niêv lâuk Phạm Thị Kim Chi, Bí thư đoanx phường An Mỹ, TP Tam Kỳ heik pâuz, qơư xơưs tsôngk tril yo Mỹ Thuận, xơưs  txix thâuv hâur hli 3 txos nhiv no, hu zâuv tâu chôngz lênhx ntâu tus hluôk, shux xênhz tuôx đros xơưs, đros xơưk têx ntâuz bos kror ndâux ntơư. Nhiv no, iz hnuz, qơư co xơưs tâu iz cxênhz ntâu đeiv ntâuz bos kror ndâux. Trơưk li niêv lâuk Kim Chi, têx ntâuz uô tâu xuz thơưx mak tsov cưv muôz pheiz puz trâu têx lênhx nênhs pluôs, chor nhuôs trâul sêv khiz luz chêr hâur têx thax tsav txov nhêv uô ntêx: “Nhiv no muôx moz mak têx hluôk nênhs zuôr nhoz no đros paz qơư xơưs têx tsôngk tril yo hnar uô thiêz xơưs têx ntâuz bos kror ndâux chiê muôx ntâu đuô têx ntâuz pheiz puz trâu tsôngv px”.

  Hâur têx hnuz đhâu lok no, tsêr cơưv cơư kror trôngx, cưk kriê ntơưr zos lênhx seiz car đội nhoz TP Tam Kỳ paz nhiêx zuôr ntâuz xơưs ntâuz bos kror ndâux muôz pheiz puz trâu tsôngv px. Cưk kriê Huỳnh Thị Ái Nguyệt, seiz car chor nhuôv đội viên tsêr cơưv cxênhx 2 Ngô Quyền, TP tam Kỳ heik pâuz, têx lênhx hâur pêz paz tsi muôx lênhx tưs zos lênhx txơưx xơưs viv li têx ntâuz xơưs, uô tâu muôx têx tsi yuô jông gâux, taz sik ntơư zos pêz têx tsưr ziv, cêr sik pheiz kênh đros côngv thôngx: “Trơưk li cur, hâux lưv uô no lok six muôx liv. Tsi zos uô 1, 2 hnuz, mak muôx têx ntâu hnuz cux tâu chiê zuk muôx siêz, sir jos uô tâu têx huv mak tsôngv px thiêz zuk têx shux xênhz zuôr trâul txos”.

Tix lâus Hoàng Văn Thanh, Phưv Bí thư Tỉnh đoanx Quảng Nam heik pâuz, luz hlik hluôk nênhs li têx hâux lưv uô shông no uô reik đros trâu phax tir thêir moz Covid-19. Đhâu têx ciêz xuz thơưx hâur luz hlik hluôk nênhs, têx sở đoanx hâur thax tsav tỉnh tưz uô cxiv 370 ntâu côngz trênhx, hâux lưv hluôk nênhs, xav hur si tsiv grê nhos 2 tyv đeiv ntâu. Hâur co muôx ntâu côngz trênhx, hâux lưv lok six muôx liv jông, pir li: Xơưs têx ntâuz bos kror ndâux 3 yôngx phax tir thêir moz, uô têx đêx cuô yuôx muôz pheiz puz trâu tsôngv px..... Tix lâus Hoàng Văn Thanh heik pâuz nzir: “Ban Thường vụ Tỉnh đoanx nhiv kruôr phuôx tôngv tsaz yênhx “chor hluôk nênhs sik đros uô têx hâux lưv jông siêz”. Iz chas ntơư cux muôx luk hu lơưk cxuô doanh nghiệp hâur thax tsav tỉnh Quảng Nam sik đros paz nhiêx txiêx chiê uô têx đêx cuô yuôx thiêz xơưs têx ntâuz bos kror ndâux muôz pheiz puz trâu têx taz viv, qơư uô hâux lưv hâur thax tsav qơư....”.

Txix chor hluôk nênhs tỉnh Quảng Nam têx tsưr ziv, hâux lưv uô tsênhv tsênhz tsênhv sik côngv têk đros tas nro têz qơưk phax tir thêir moz Covid-19./.

(VOVMT-Riê Lâux cxeik, nhênhv)

Loa phường “lênhx fôngx zưs” đros pêx xênhv

Điện Biên tir tar moz Covid-19

Loa phường….

  Cxuô nro thâuv zuôr tsâuk ntux yênhx hnuz, niêv tix Dương Thị Thu Hiền, cán bộ vênhx huôv phường Mường Thanh, thành phố Điện Biên Phủ ho tror mnôngs têx xor mông hêik lok moz covid-19 tso sâuv phường li loa nta suôz. Trung ương, tiv phaz têx ntâuz ntơưr chox kriê, lok sik yax kriê tsưr ziv phax tar caz moz, tâu hêik tsênhz mênhx thiêz zôngx ziv trâu pêx xênhv pâuz: “Thâuv muôx têx phiv liv yiêz mak pêz piêr iz cxiê xor mông cov zôngx ziv pâuz, tsênhz mênhx thiêz cơư tso nta suôz sâuv loa nta suôz phường. Txix co chor tôv dân phố cux tso chiê yax kriê trâu pêx xênhv pâuz têx tsưr ziv chiê phax tar caz moz, tsik chiê siz cik hâur côngv thôngx”.

Loa nta suôz, chôngz lênhx nênhs cux six hêik tiêk zos “loa phường” txix ntêr lok tưz zênhx lok six sưv đros chôngz lênhx nênhs nhoz Điện Biên. Thâuv moz Covid-19 li phiv liv nhiv no, loa phường hax zav muôx liv trâu tsôngv px hâur thax tsav. Pos Vũ Thị Nhài, nênhs nhoz tôv dân phố 13, phường Mường Thanh, thành phố Điện Biên hêik: “Đhâu mnôngs têx xor mông loa nta suôz yênhx hnuz tưz paz trâu cur pâuz tâu qênhz shênhx caz moz cux xưk li Bôv Y têr li kruôz kriê hâur hâux lưv chiv chir por vêv zuk li đas jos. Cur pov xor mông hêik pâuz đhâu yax mông sâuv phố lok six muôx liv”.

Zơưv Nguyễn Thanh Tùng, Chủ tịch Ủy ban phường Mường Thanh, thành phố Điện Biên Phủ puz pâuz: Txix hâur ntu muôx yưv moz covid-19 tsênhv phiv liv li no, hâu nov phường tưz chox kriê tso nzir six hơưv nta suôz têx xor mông; xêir tsov six hơưv tso zos zar zuôr tsâuk ntux, thâuv pêx xênhv muk uô hâux lưv lok chiê tso têx xor mông. Têx thax qơư li ntơưv ciêz-qơư muôx chôngz nênhs mak zuôr tâu tso nta suôz ntâu đuô. “Chor loa nta suôz no lok six jông, viv muôx chôngz nênhs mnôngs tâu, tso tsik so, têx jâuv hnuz no muôx nênhs mnôngs tsik tâu mak hnuz tov kaz tror mnôngs đuô têx mông li co”.

Tiếng loa phường….

Yax kriê tsưr ziv phax tar caz moz, tsưr ziv uô nox chiê txo grêk yêiz pluôs….Loa nta suôz tsênhv zos iz lênhx fôngx zưs sưv đros trâu chor nênhs nhoz tox siêz Điện Biên, tiv zix zos chor ziv chuôz zis pâuz tsik tâu txos têx zav chuôz zênhx tso nta suôz, nta đuôz jông txơưr li internet, TV…/.

(Vũ Lợi-Lik Thox cxêik nhênhv)