Jax sâu thưr 4, hnuz 26/4/2017:

Têx cêr pôngz siêz txix têx chơưr nhoz tox siêz Yên Bái

       Luz tsêr ntông đaz pêk tuôs nhoz iz saz ntus cêr Vĩnh Kiên-Yên Thế muk đhâu jok Trại Máng, xã Vũ Linh, huyện Yên Bình, tỉnh Yên Bái thâuv ntêx tâu cxiv uô lok six jông. Lênhx tsưr tsêr ntơư zos tix lâus Nông Đình Kiến- to bê lus hâur thax tsav lok sâuv txơưx uô trôngx tos, đrav ntêx tưz chiv chir cơư ntông, cxiv uô tâu. Tsi tiêk zos tix lâus luz tsêr, mak hâur ntâu shông, tix lâus tưz paz ntâu chuôz zis nhoz thax tsav qơư no uô tâu têx luz tsêr jông thiêz khor truôx lok nhoz. Li ntơư, taz sik nhiv no tix lâus tưz yênhx lênhx tiz nênhs kâus juôr kâus ji, têk tơư yênh hnho, sơưr tsi tuk, muk tsik ndax cêr, uô nhux gak mul iz truôv jux juk nhoz jê hâur iz ndis vax tsêr.

       Niêv lâuk Đinh Thị Phương- zos tix lâus Kiến pox niêv heik pâuz: Hur tiz si tiv zos hâuk chơưr ntâu uô muôx yưv têx kror tsik jông ntơư. Txix thâuv tsênhv hluôk, đhâu iz jiês paz cưr tix nênhx tsa uô tâu tsêr, tix lâus khênhr tâu lênhx tsưr tsêr zâuv đros nox mor, hâuk hâuk chơưr ntâu. Iz jâuk li heik co, tix lâus puôr lênhx jông siêz nhoz đros thav, hâuk chơưr, jux juk tsi pâuz shor zuk muôx zênhk chơưr thâuv tưs lok. Kuôk no 10 shông, tix lâus têx têk tơư qir yênh, tsâus tsi muôx jos, plaz moz, hlê tơưr tas. Taz sik thâuv muk txos trâu tsêr yuôx kho moz lok tix lâus cux tso tsi tâu chơưr tsês. Txos nhiv no, txơưv tiêk tuk moz ziv hnuz ziv hnhar, taz sik  tix lâus pox niêv cux niêx hnuz tsuv zuôr mê njik chơưr trâu tix lâus hâuk. Niêv lâuk Đinh Thị Phương heik:

        "Thâuv xuz thơưx cur xar tiêk zuk tul txir trâul kâus đaz, têk tơư cxar thiêx uô kror muôs njês njok txâuk nyei li ntơư. Cur li chox muk trâu tsêr kho moz, cưk yuôx lơưr qênhz njuôk shuôs tas, lơưr tiêk tsi zos kâus đaz mak zos tiv hâuk ntâu chơưr hênhr xưz. 10 ntâu shông lok no, cur tuk txir tưz uô tsi tâuk nox, cur iz saz uô txir iz saz uô niêv tâu 10 ntâu shông lok lơưv...".

        Tror ndo đuô lok txuz kâus tưx chơưr nhiv kruôr muôx kuôk no 2 luz hlik, tix lâus Nguyễn Văn Tấn, nhoz jok 7, xã Bạch Hà, huyện Yên Bình, tỉnh Yên Bái cux tsênhv nyêi. Zos tsi chox zênhx max muk trâu tsêr kho moz, lis 2, 3 phênhz xưz, tưz tsi pâuz shor nưk zuôr uô li chas  lơưv. 15 hli đra luz iz hlik zênhz lix, tix lâus tâu hu đros lơưr nox mor, hâuk chơưr. Hâur pluôk mor co, lênhx tsưr tsêr tưz muôz têx chơưr tsâu yuôx lok trâu lơưr hâuk. Đhâu hâuk iz pak chơưr xuz thơưx, tưz pov tuk blêis mê njik cxar, châuk zâuv, tix lâus seiz chor chơưr co tsi jông hâuk thiêz tso tsês tsi hâuk. Txơưv li heik co, taz sik tix lâus thiêz 2 lênhx txơưr đuô cux tâu chor nênhs hâur tsêr chox muk chơưv kho zênhx max trâu tsêr kho moz thiêz hmôngr jông tưz tsi pov uô chas. Tix lâus Nguyễn Văn Tấn heik:

        "Cheix yêz meir lok tsêr tas 15 phênhz mak têx nhuôs tưz tsuv juôx, jơưk chuôs tsi lok cux trâus lôngx, tsi ndo kaz. Thâuv tưz tsi tâu muôx 12 six, lơưr chox cur muk tsêr kho moz cur tưz tsi pâuz, tax txos thâuv 3 six sơưr nzor thiêx tror xênhr. Nhiv no têx lênhx nênhs hâuk chơưr lok six ntâu, cur heik kriê trâu sơưr đơưk pâuz tsi cxoz hâuk chơưr ntâu thiêz zos zav chơưr tưs tsi jông mak tsi cxoz hâuk".

        Niêv lâuk Hà Thị Thúy nhoz xã Phù Nham, huyện Văn Chấn cux tsênhv ndo njôngr hâur đruôz siêz tsi plox thâuv tror thav txos têx lênhx nênhs hâur tsêr trâus tuôs viv hâuk ntâu chơưr. Hâur ntơư, niêv lâuk tuk txir lâuk thiêz tul nuk zâu puôr lênhx trâus moz siêz, thiêz trâus tuôs thâuv tưz tsi tâu muôx 50 shông, tso tsês ntâu cêr txoz cêr cxơưx trâu chuôz zis, pox niêv, mê nhuôv. Trơưk li niêv lâuk, têx chơưr ntơưv niêv lâuk lơưr qơư nhoz khênhr muôz tor shơư nzir têx yuôx chiê chuz tâu chơưr ntâu, viv li tưz tsi jông hâuk hlo. Tsuôk hâur iz ntuk tsi ntêr zôngv têx chơưr no, zuôr uô chor txir nênhx têx têk tơư yênh thiêz huôv xênhz ntâu zav moz. Niêv lâuk Thúy heik:

       "Xuz thơưx mak mul uô hâux lưv lok, gênhs lơưr khênhr muôz chơưr hâuk, hâuk chơưr ntâu mak jux juk uô trâu zuk têx têk tơư yênh, chiv tsi tâu lơưv, iz chêr tsi muôx jos, trâus muôx moz, chơưv kho tsi tâu. Nhiv no têx txir nênhx six hâuk chơưr ntâu, trâus muôx zênhk, muôx moz tuôs tas, tso têx pox niêv, mê nhuôv nhoz txov nhêv njuôr...".

        Nhiv no, nhoz têx jêx jok  tox siêz hâur tỉnh Yên Bái, hâux lưv chuz chơưr, zuôr muôs thiêz sir  zôngv têx chơưr heik co cux tsênhv muôx yưv phiv liv. Tsôngv box chiv chir zuôr têx chuôz zênhx, lâux câux lok hâu, lok đruôz thiêz chuz chơưr. Luôs hâux lưv xeir têx cxur, xaz lok uô chơưr cux zos ntơưv tuk tiz nênhs uô; lênhs nênhs zuôr lok hâuk zuôr njiz trâus têx jông thiêz tsi jông thâuv zôngv chor chơưr no txơưv zuôr uô li chas lok cux pâuz tsi tâu. Niêv lâuk Hoàng Thị N, chuz, uô têx chơưr muôs nhoz xã Vũ Linh, huyện Yên Bình, tỉnh Yên bái khav tinhv : "Chor chơưr zuk uô mak jông, taz por thiêz tsi muôx iz jiês tưs hâuk zuôr trâus kâus tưx li":

        "Đrav ntêx, têx lâuk uô thiêz chuz, lơưr kriê trâu mê tuz mê nhuôv, pêz uô trơưk têx lâuk kriê xưz, tưz tsi muk cơưv shâuv kror tưs. Tsôngv box lơưr zuôr hâuk, lơưr puôr lênhx kruôs tiêk chơưr kaz....".

        Têx txuz kâus tưx chơưr siz lơưr liês muôx nhoz ntâu thax tsav qơư, uô tsôngv box Yên Bái lok six cxơưx. Nhiv no, hâu nov têx thax tsav cux sir jos yax kriê, vênhv tôngv tsôngv box cov tsơưs zôngv txos têx đêx chơưr, taz sik muôx têx lax tir thêir tâu txix ntâu faz tsưr ziv txơưr đuô. Lưv lươngv muôx vax huôv tỉnh Yên Bái cux tsênhv sir jos qênhz yuôx shuôs têx luôs hâux lưv uô, zuôr muôs thiêz sir zôngv têx đêx chơưr hâur thax tsav. Txơưk li ntơư, taz sik chiê txo grêk tsơưs têx tsi jông tiv hâuk chơưr uô muôx yưv, tsi pâuz tsênhz qơư mak tsuv muôx cêr hlôngr yiêz hâur chênhr tsôngv box thax tsav tox siêz, tsuv tso tsês tsik hâuk chơưr  ntâu thiêx tsik uô ruôr hiêv txos sđ li đas jos thiêz luz nênhx/.

                   (Đinh Tuấn-Riê Lâux cxeik, nhênhv)

Phênhv thưr 4.26.4.2017:

7 ZAV MOZ KHÊNHR NJIZ HÂUR CHEIX NTUX SOR

          Moz plơưr

          Yar ntux cuz sor tsi jông trâu plơưr. Plơưr tsuv uô hâux lưv ntâu đuô, sei đuô uô têx sâur lênhs đhiê sei đuô, siz mêx siêz. Nyar đôngs tiv muôx tsi txâuk đêx trâu luz chêr, uô tiz nênhs co zôngx ziv trâus lôngx.

          Tsưr ziv phax tar: Nênhs trâus moz plơưr tsuv zôngv yuôx cxix cxuô lơưr cưk yuôx lul heik kriê, gra lơưr yuôx txu grês siz mêx. Tsi vênhv tôngv ntâu thâuv yar tnux cuz sor, ntông mov thâuv tơưv đrâuv jôngr, txu grês têx zav nox muôx ntâu trox thiêz tsuv hâuk ntâu đêx. Tsưv ziv thâuv đa đêx txiêk...

          Moz o ka

          Yar ntux cuz sor thiêz luz chêr muôx ntâu đhâu iốt...zos qir tiv uô moz o ka. Thâuv moz nênhs moz khênhr pov lol ntâu hưk, iz chêr nhoz tsi kaz, o kror muôs, grês cir sei ( txơưv tiêk nox hâuk ntâu), nkrik đêx, tês tơư yênh yênh, hlê plâuz hâu. Zav moz no tsuv uô jông kho, tsuv tâu cưk yuôx seiz njôngr.

          Tsưr ziv phax tar: Tsiv tơưv đrâuv jôngr thâuv yar ntux cuz sor.

          Moz iz chêr lưx njuôr tsi tâu jông nhoz.

          Moz khênhr muôx yưv đros têx lênhx nênhs pư ntâu lok sik jâuv ntêr. Thâuv sơưr, pov iz chêr moz lưx njuôr tsi tâu jông nhoz, gênhs gênhs.

          Tsưr ziv kho: Tsuv so thiêz juôx iz chêr cov sor tuôx, zôngv pax trâu cồn puôz trâu têx qơư moz thiêz hâuk yuôx.

          Moz sâuv tơưr greix.

          Cheix ntux sor, tơưr greix khênhr trâus têx moz li moz lik, tơưv poz, moz cxaz. Zos mul sâuv ntus đêx hiêr uô si mak tsi ntông mov, trâu khâu lok six zôngx ziv trâus moz têx zav li heik sâuv.

          Tsưr ziv phax tar: Tsi nhoz jê lênhx nênhs trâus têx zav moz sâuv tơưr greix, tsuv trâu khâu thâuv mul sâuv ntus niêv đêx hiêr...Kho têx moz sâuv tơưr greix.

          Mur, zôngr tov

          Zôngr, mur tov khênhr uô o sâuv tơưr greix, zos hnhar mak uô lênhx nênhs co ntuôr, iz chêr no no, moz iz chêr tsi jông nhoz, điês tâuz hâu, lax uô pa lok sik lôngx.

          Tsưr ziv kho: Tsuv kho jông kror cxaz trâus mur, zôngr tov hâur iz six hơưv xuz thơưx. Uô ntêx tsuv grus têx tsơưr tưx lol, zôngv ntâuz krưr kror cxaz, hâuk yuôx.

          Moz chax pak

          Nox đâuk, hâuk đêx txiêk lok sik muôz đêx txiêk nzuôr chêr zos qir tiv uô trâus moz.

          Tsưr ziv phax tar thiêz kho moz: hâuk đêx sor, thâuv tưs cux uô chax pak sor. Zos trâus moz tsuv hâuk yuôx viv moz lok six riêz nênhs uô zênhr shar txos plơưr thiêz trâuv.

          Moz plaz hnhur.

          Têx caz moz uô moz cik lok six ntâu. Tiv zix hâur cheix ntux sor zôngx ziv cik lok lênhx nênhs chêr cxôngx cêr nox hâuk. Uô lênhx nênhs trâus moz tsi muôx jos, ntuôr, thox plaz, iz chêr cuz sor.

          Tsưr ziv kho moz: hâuk yuôx, thôngx cxix hâuk cxaz đêx orêzol chiê cungz đêx trâu luz chêr. Thâuv moz tsuv nox cuô đik. Tsi nyei ntuôr lok sik thox plaz viv ntuôr thiêz thox plaz chiê tso tơưv têx tsơưr tưx mul.

          Tsưr ziv phax tar: Vêv xênhz tês tơư hur si, nzuôr têx zav nox thiêz por coar cov jông./.

(KT- Txâur Vax cxeik nhênhv)