Tsôngv box Sơn La sor siêz cxôngx Chinhr phuv li têx phênhv paz txưv nox nhoz xã hội

          Zơưv Hoàng Văn Thương, mênhx cxưx Thái nhoz jos Pá Sang 2, xã Chiềng Hắc, huyện Mộc Châu tỉnh Sơn La zos bộ đội thâuv trâus saz tiv tir ntâus tros châuz, shông no tưz muôx 70 shông hnuz nhôngs. Hâur 2,3 luz hlik đhâu, zơưv li phênhv paz txưv hâur yênhx hli yênhx chuôz zis li phênhv sâu tsênhv chiê cxơưx trâu luz nênhx xênhz huôx hâur chuôz zis muôx 5 lênhx nênhs, viv zơưv li tuz hnhaz puôr lênhx uô jos, 2,3 luz hlik cêv kuôk phax tar moz Covid-19 tsi muôx hâux lưv uô, tsi muôx phênhv sâu, mê nhuôv xênhz nzưr tsênhv cơưv ntơưr, pox niêv mak trâus moz gênhs.

          Nhiv kruôr đhâu, tâu jênhv 1 tsov 500 cxênhz nhiêx txiêx Chinhr phuv paz txưv zos huyện, xã khơưk muôz, zơưv lok six jông siêz:     “Tâu Đangv, chinhr phuv thiêz têz qơưk tsov cưv li no pêz lok six jông siêz, tsi pâuz heik tul tsi, tsuôk pâuz uô tsâus lok six ntâu xưz”.

          Đros thiêz zơưv Hoàng Văn Thương li chuôz zis, xav txos hnuz 20/5 tưz muôx zuôr xar 2 cxênhz lênhx tsôngv box nhoz Mộc Châu tâu jênhv nhiêx txiêx paz txưv tiv moz Covid-19 uô zênhr shar, tas nro chor nhiêx txiêx ndê txos zuôr xar 3 tỷ đeiv. Tas nro têx lênhx nênhs tâu jênhv phênhv paz txưv puôr lênhx zos nênhs tâu sơưv paz txưv xã hội thiêz nênhs muôx côngz đros cơưx mênhv. 7 cxênhz ntâu ziv chuôz zis pluôs thiêz zuôr xar pluôs hâur huyện cux tưz tâu thôngz sâu thiêz tsênhv tos tỉnh thôngz đhâu paz txưv. Zơưv Nguyễn Quốc Hòa, tsar phongx lox tôngv saz pênhz thiêz xã hội huyện Mộc Châu puz pâuz, đhâu krêz uô, huyện tưz uô ntâu tsưr ziv thêv nhiêx txiêx taz por trơưk lênhx nênhs, cux jav tâu qênhx shênhx sâuv liv tsi trơưk chei cxôngx chính sách:“Huyện Mộc Châu tưz yênhx lix 16 tuêv côngz xưv nhoz UB huyện chiê heik kriê hâux lưv seiz car tsưr tsix uô cxôngx ciês hâux lưv seiz car lênhx nênhs. Tiv 2 zos Mộc Châu yênhx lix têx tuêv côngz xưv têx xã, thị trấn seiz car yênhx jêx jos chiê taz por paz trơưk lênhx nênhs. Têx tuêv côngz xưv no cux uô hâux lưv seiz car chiz coaz coar lik têz qơưk li hâux lưv muôz nhiêx paz txưv chiê taz por uô trơưk cêr chei lơưr chinhz yênhx Nghị quyết...”

          Thôngz sâu hâur tas nro tỉnh Sơn La, txos nhiv no, têx nganhx, tiv phaz tưz thôngz sâu tâu 464 cxênhz ntâu lênhx nênhs nhoz 3 zav zos: nênhs muôx côngz đros cơưx mênhv; nênhs tâu sơưv paz txưv xã hội tsênhv sơưv paz txưv hâur yênhx hli thiêz ziv chuôz zis pluôs, chuôz zis zuôr xar pluôs tâu sơưv paz txưv lơưr Chinhr phuv li Nghị quyết số 42 lok têx tsưr ziv paz txưv tsôngv box njiz phêv liv tiv moz Covid-19. UB tỉnh Sơn La cux tưz cuiz tênhv muôz uô ntêx chor nhiêx txiêx zos 300 tỷ đeiv cxôngx tiv phaz li phênhv nhiêx txiêx chiê uô hâux lưv paz txưv uô ntêx.Lơưr zơưv Nguyễn Mạnh Du, Phưv giám đốc Sở lox tôngv saz pênhz thiêz xã hội tỉnh SƠn La, đros têx lênhx nênhs tsênhv yuôr tâu sơưv phênhv paz txưv lơưr Chinhr phuv li chinhz yênhx nghị quyết 42 muôx: nênhs lox tôngv txưv zơưx, têx ziv chuôz zis muôv muôs, têx cấp, nganhx, tiv phaz tsênhv sir jos seiz car thôngz sâu seiz tiv zix, taz sik tsuv uô tsênhz mênhx, trơưk lênhx nênhs thiêz trơưk tsưr ziv “tsi chiê lênhx tưs tsi tâu jênhv phênhv paz txưv”:“Lok tsưr ziv mak tỉnh tsênhv sir jos uô hâux lưv muôz nhiêx txiêx hâur hli 5. Yuôr phêv liv mak nhiv no phênhv ntâu zos lênhx nênhs lox tôngv viv têx lênhx nênhs no coar lik tsi tâu nhoz têx chiz coaz coar lik têz qơưk mak phênhv ntâu zos cxôngx ntơưv qơư. Hâux lưv seiz car tsuv tsưv ziv uô thiêz tsi chiê yuôr lênhx nênhs tsi tâu jênhv phênhv paz txưv”./.

(Thu Thùy- Txâur Vax cxeik nhênhv)

Tsưr ziv chos thiêz tsoz phưz tsoz txir lưk hmaz

Tsoz chos txir lưk hmaz hloz lox thiêz huôv sei, hlar ntâu hmaz, zos yax six txiêr hmaz, trơưk tsưr ziv kriê, cux zuôr tơưs ntâu pax.

          Đrav kaz no zos iz cxiê tsưr ziv chos thiêz tsoz phưz tsoz chos txir lưk hmaz pox nhuôs tsuv moz siêz txos:

          Uô ar chiê chos:

          Ar chos tsuv zos ar fov, xâuk tâu đêx, zos ar nhoz siêz tsuv khơưz cưx đês tso đêx ntưk.

          Luz kror chos tsuv muôx iz đok ntâu, muôz ar shơư đros 20 cir qir tsiêx đros 0,3-05 cir qir lân+ 1 điêr môngr jêz siz. Thâuv muôz sik shơư tas, tso hâur luz kror thiêz bôngs ar tror trâu cov txưv 1 luz hlik uô ntêx mav chos.

Trax

          Tsưr ziv chos, six hơưv chos

          Tsov lơưr ar têz jông lok sik tsi jông, lơưr txax txir lưk hmaz chiê chos cov huv đros.

          Six hơưv chos mak chos tâu hâur yênhx shông, taz sik jông tiv zix zos cxôngx hli 4 txos hli 6 zax lix. Ntu no zos cheix ntux lok nas. Tsoz txir lưk hmaz zuôr hloz lox jông đuô, tsi zuôr zưs ntâu đêx.

Trax

          Tsưr ziv tsoz phưz:

          Zưs đêx: Tsoz txir lưk hmaz zuôr tsuv zưs ntâu đêx taz sik zos ar xâuk tsi tâu đêx thiêz trâus đêx ngaz mak tsi jông, tsuv yax six qênhz yuôx thiêz zưs đêx co huv đros, tiv zix zos ntu hlar hmaz thâuv tưz sâu txir tas, ntu txi txir txos thâuv sâu txir. Hâur cheix ntux kruôr zôngv xuô blêx, hnhaz blês...tso hâur hâur pâus tsoz chos cov ar nông.

          + Nthuô đrox: tsơưs tiv zix 4-5 jiês iz shông, yax six nthuô cov vax đu luk, tsơưs muôx caz hmoz uô hiêv.

          + Txiêr hmaz, chaz hmaz:

          Thâuv tsoz chos siêz 0,8 txos 1 yiv tsuv đê njik hmaz chiê tsoz chos tror hlar muôx jos đuô. Tsês 3-5 hmaz muôx jos chiê hlar chaz trâu sâuv txax.

          Thâuv chaz tas sâuv txax, tsuv yax six txiêr têx hmaz tsi muôx jos, hmaz trâus caz hmoz. Thâuv sâu đê txir, chiê chiv tov kaz sâuv tâu ntâu txir, tsuv txiêr têx hmaz tưz txi txir. Tsês hâur pâus thiêz hmaz tuôx cxôngx hâur pâus tuôx. Đhâu iz ntu tsoz chos zuôr hlar hmaz yiêz, li ntơưv yar lengx zuôr tâu taz por đuô./.

(Thu Thùy- Txâur Vax cxeik nhênhv)