Lớp cơưv ntơưr hâur tơu trôngz Pom Có

Txơưv tưz muôx 60 shông, taz sik txos tar su yênhx hnuz, pos Quàng Thị Thiện nhoz jok Chạng, xar Quài Cang cux sir jos muk cov muôx njê muôs nzor ntơưv Chi hôiv trưởng pox niêv jok-cưk kriê ntơưr Lò Thị Ơi li lớp cơưv cxuôv đis muôs ntơưr. Oz cxêik têk zênhx cor cav uô liêx têz, tuôr co triêv, co hlâu nhiv no hax zav lax tuôr chưx mêv chiê sâu ntơưr đuô. Taz sik đros pos Thiện mak no zos iz kror cêr shir phaz hâur yênhx hnuz: “Thâuv ntêx cur chuôz zis muôx chôngz cưr tix, nuk muôs hênhr, cur tsuv nhoz tsêr jor têx zâu chiê niêv txir muk uô liêx têz viv li tsik tâu muk cơưv ntơưr. Xar hôiv nhiv no huôv tsar lơưv, uô đaz tsi cux tsuv pâuz ntơưr. Tiv zix zos muk tsêr kho moz, tsik pâuz nhênhv ntơưr, zos njiz nênhs jông mak lơưr kriê zuk, taz sik muôx iz cxiê lênhx mak ho chêv zuk, tiv tsik pâuz ntơưr. Xar mak pôngz siêz hênhr. Viv li nhiv no tâu jok kriz lớp cơưv ntơưr li no mak shir phaz hênhr. Txơưv tiêk hnuz nhôngs tưz siêz lơưv taz sik cur cux sir jos tuôx cơưv cov pâuz ntơưr”.

Cưk kriê ntơưr Ơi li lớp cơưv ntơưr ntơưv jok Chạng piz kriz cơưv txix hli 2 nhiv kruôr đhâu tâu chor pox niêv hâur jok chiv chir tuôx cơưv. Txix đêiv bảng, phấn sâu txos têx ntơưr sâu, ntơưr cơưv puôr lênhx zos chor nênhs cơưv sik côngv paz. Six hơưv cơưv zos txix 12 six txos 1 six tar su yênhx hnuz. Niêv tix Lò Thị Ơi hêik: “Đhâu nriêr pâuz chor hôiv viên li xênhz huôx mak pov muôx chôngz lênhx nênhs tsik pâuz ntơưr, tsik tâu muk cơưv ntơưr thiêz cux lok six chôngz nênhs tror tsik pâuz ntơưr. Chor cưk kriê ntơưr cux tuôx kriê taz sik sơưr đơưk cux txax muôs viv li tsik xar cxaz chuôz. Cur cux nus sơưr đơưk mak lơưr hêik tiêk zos cur kriê ntơưr mak lơưr zuôr sir jos tuôx cơưv ntơưr. Viv li mak cur cux nriêr pâuz nus chor cưk kriê ntơưr sêz tsưr ziv kriê li chak chiê lơưr pâuz tâu ntơưr. Viv li sơưr đơưk cux shir phaz cxaz chuôz cơưv”.

Pos Vũ Thị Tình, zos iz lênhx tuôx đros cơưv hâur pâuk ntơưr hêik pâuz: “Kriz lớp cơưv ntơưr no đros thiêz pêz mak lok six muôx tsiv gri. Pêz tsik pâuz ntơưr txix thâuv zâu zênhx txov nhêv, nhiv no muôx lớp cơưv li no mak pêz sir jos cơưv chiê cov pâuz ntơưr. Txix thâuv kriz cơưv txos nhiv no mak cux nhênhv tâu mê njik ntơưr thiêz sâu tâu mê njil lơưv”.

Pâuz nhênhv, pâuz sâu ntơưr chuôs li lok six zôngx ziv, taz sik ho zos chor pox niêv tsuôk pâuz uô liêx têz, tuôr co triêv, co hlâu li têx siêz xar njôngr txix ntêr lok. Hâur niêx hnuz đhâu, chor pox niêv hêik co ho tror sir jos cơưv ntơưr  trâu tơư trôngz Pom Có no./.

(Vũ Lợi-Lik Thox cxêik nhênhv)