Trung Đồng truôx tuk đhâu tir tar tâu zax zênhz

Jok Phiêng Phát, xar Trung Đồng, huyện Tân Uyên zos qơư 60 ntâu ziv chuôz zis tsôngv box mênhx cxưx Thái sik đros uô nênhx nhoz. Ntơưv no tưz zênhx zos qơư phiv liv lok zuôr, muôs, sir zôngv tsik zos chêi cxuô zav tsơưr zax zênhz. Muôx ntu, jok muôx tsos 20 ntâu lênhx nênhs muôx zênhk zax zênhz, đros zuôr muôs zax zênhz lok six phiv liv. Muôx zênhk zax zênhz, uô muôx yưv ntâu kror phiv liv li yêiz pluôs, pôngz kaz, têx tuz nhuôs tso ntơưr tsês nzor thiêz ntâu ziv chuôz zis njiz tsuv trâus tik cêr cxâuv muk nhoz tux…Tix lâus Hoàng Văn Luân, nhoz jok Phiêng Phát 2 Zênhx zos nênhs muôx zênhk zax zênhz, viv li tix lâus pâuz tâu lok six tsênhz txos têx phiv liv, pôngz siêz mak chor nênhs cxênhz jê, xar hôiv njiz trâus. Thâuv huôv zênhk, nênhs muôx zênhk zuôr gra tas cxuô zav, tsuôk zos têx co pâur tâu nhiêx txiêx chiê zuôr zax zênhz xưz. Thâuv hâur vax tsêr tsik muôx đaz tsi jông chox muk muôs lơưv mak, nênhs muôx zênhk zuôr muk uô tuz saz nhiês sơưr đơưk li cxuô zav chox muk muôs:

“Cur tưz zênhx muôx jiês zos iz lênhx nênhs muôx zênhk zax zênhz. Tâu chor tix lâus Công an, sêiz car tiv phaz li têx paz mak cur tưz chiv tâu zênhk zax zênhz kuôk no muôx 3 shông lơưv. Nhiv no mak cur tưz muk cơưv hâux lưv uô chiê paz trâu chuôz zis muôx nzir phênhv sâu. Muk cơưv uô hâux lưv kho têx mêir lêix liêx lok mak kho trâu têx mêir hâur zuk jêx jok. Cur vav tiêk zuôr nzor muôx pênhr chiê kriz uô qơư kho têx mêir kôngz nuv, phưx vưv paz trâu pox nhuôs hâur jok”.

5 shông tror uô ntêx, Xar Trung Đồng zênhx sos qơư phiv liv lok zax zênhz nhoz huyện Tân Uyên, đros xar muôx 100 lênhx nênhs muôx zênhk zax zênhz. Đros phiv liv lok txiêz nav zax zênhz sâuv thax tsav, Công an huyện Tân Uyên tưz tso nzir cán bộ, chiến sĩ công an chính quy lok xar, sik côngv đros cấp ủy, chính quyền tiv phaz tsưr tsix yax kriê trâu pêx xênhv lok zax zênhz li têx phiv liv. Têx tsưr ziv jông chiê tir tar chor nênhs phamv cxâuv lok zax zênhz thiêz txiêz nanv zax zênhz tâu sir jos kriz uô, đhâu co hêik pêx xênhv sơưr đơưk hêik pâuz lok chor nênhs phamv cxâuv, viv li chor qơư zuôr muôs zax zênhz zâu jux juk tâu tir tar.

Đhâu nriêr pâuz chor nênhs muôx zênhk zax zênhz, lưx lươngv công an xar tưz sik côngv đros chính quyền, chor tsưr tsix đoanx thêv xar, jêx jok hêik chor nênhs muôx zênhk muk chiv zênhk zax zênhz. Txos nhiv no muôx 20 ntâu lênhx nênhs nhoz xar tưz chiv tâu zênhk zax zênhz ntơưv têx tsênhv qơư thiêz côngv thôngx tror lok đros chuôz zis, tso tâu zax zênhz tsês. Chor nênhs tsênhv yuôr mak tsênhv tâu paz hâuk yuôx Methadone ntơưv côngv thôngx. Khov co, txiêz nanv tuz saz, tuz nhiês sâuv thax tsav tưz jux juk tâu tir  tar, paz trâu pêx xênhv tso siêz uô nox, txo grêk tsơưs chor chuôz zis pluôs txix  60% ntâu shông 2015 txos yuôr 28% ntâu shông 2019. Thượng úy Trần Văn Nguyên, Phưv trưởng Công an xar Trung Đồng, huyện Tân Uyên puz pâuz:

“Đros têx phiv liv lok txiêz nanv zax zênhz, cấp ủy, chính quyền tiv phaz, lưx lươngv công an xar tưz tsưr tsix yax kriê trâu pêx xênhv pâuz. Đhâu co mak kriz uô têx tsưr ziv uô hâux lưv chiê qênhz yuôx cxuô zav nênhs, chor qơư zuôr muôs zâu têx zav zax zênhz, chiê sik côngv đros Công an huyện sir jos uô hâux lưv tir tar. Txos nhiv no, qênhx shênhx ngaz tuk sâuv thax tsav xar Trung Đồng tưz tâu tuôr truôx”.

Txix iz kror qơư phiv liv lok zax zênhz ntơưv huyện Tân Uyên, nhiv no, Trung Đồng tưz zos yênhx iz hâur 5 xar nhoz huyện tsik pov muôx zax zênhz. Jêx jok Trung Đồng hnuz no tsênhv muôx tâu têx hlôngr yiêz jông-co zos iz jêx jok yiêz nhoz tox siêz Tây Bắc ngaz tuk thiêz pêx xênhv muôx tâu luz nênhx tsâu sor./.

(Khắc Kiên-Lik Thox cxêik  nhênhv)

Chos têx tsơưz kuk li: Tsơưz liêz, tsơưz njuôz, tsơưz tox cux txo grêk tâu cêr yeiz pluôs

Têx shông jê lok no, tsơưz liêz, tsơưz njuôz, tsơưz tox tâu ntâu chuôz zis tsôngv px nhoz jok Lưu Thông, xã Lưu Kiền, huyện Tương Dương, tỉnh Nghệ An gra lok chos chiê đê blôngx muôs, muôx nzir phênhv sâu tâu nhiêx txiêx, txo grêk tâu cêr yeiz pluôs trâu tsôngv box Hmôngz

(Hlôngr suôz): Jok Lưu Thông, xã Lưu Kiền muôx zuôr xar 54 chuôz zis tsôngv box Hmôngz uô nênhx nhoz. Thax tsav no phênhv ntâu zos tox trôngz hâur pêk nxaz, tsi yuô jông tsêz chos têx kôngz lôngk. Trơưk li tsar jok Jôngr Nênhz Xênhv Vưx heik pâuz, thâuv xuz thơưx nhiv kruôr lok nhoz ntơưv no, tsôngv cưr tix nênhx tsa Hmôngz hâur jok Lưu Thông luz nênhx cux njiz ntâu txov nhêv. Px mnôngs trơưk canr bôv heik, njênhs Đảng chox kriê grêk lol nhoz trâu thax tsav qơư no chiê tso tsês têx cêr nênhx pôngz kaz. Taz sik uô li chas cov px muôx ar uô nox muôx luz nênhx truôx tuk, tsi khiêr têz qơưk mul nhoz trâu uz trâu no.

Hâux lưv muôz têx tsơưz liêz, tsơưz njuôz, tsơưz tox chox lok chos hâur jok zos iz kro uô fiv đros trâu thax tsav no, paz txo grêk tâu cêr yeiz pluôs trâu tsôngv cưr tix nênhx tsa Hmôngz jok Lưu Thông. Têx tsơưz heik sâuv jông trâu por hưv tênhx qơư, viv uô ar nông, por hưv hâur đêx, têx ar têz tsi trâul đêx nas cuôr yôngz.

Nhạc cắt

Zos iz lênhx uô ntêx nyuôs gra têx tsơưz liêz, tsơưz njuôz, tsơưz tox chox lok chos hâur jok txix shông 2016. Tix lâus Nov Lưv Xênhv Vưx heik pâuz tiêk: “Cur chuôz zis thâuv nhiv kruôr chos tsơưz, tsuôk xar tiêk chos chiê muôx tsơưz puz buô xưz. Taz sik, đhâu ntơư pov chor blôngx tsơưz muôs tâu zôngx ziv thiêz tâu gri, viv li cur krêz đar ar têz chos ntâu zav tsoz chos co. Nhiv no chuôz zis chos iz ha chor tsơưz heik sâuv, iz shông sâu đê têx blôngx txix 3-5 jiês, iz jiês muôs tâu txix 4-5 tsov đeiv thiêz iz shông tâu nhos 20 tsov đeiv txix muôs têx blôngx tsơưz. Khov chos chor tsơưz co, chuôz zis tưz muôx nox muôx tsês, zuôr tâu ntâu zav chuôz zênhx uz no lok phưx vưv luz nênhx hâur niêx hnuz”.

 Têx tsơưz heik co zos iz zav zôngx ziv chos, zôngx ziv tu thiêz muôs. Six hơưv chos zos txix 3-4 luz hlik, txơưv jông sâu lêis têx blôngx muôs thiêz six hơưv sâu chor blôngx co tâu lok six ntêr đhâu iz jiês chos. Phênhv ntâu tas hur si tus tsơưz puôr lênhx tâu sir zôngv. Chor njuôs tsơưz mok zos muôz txiêr, têr tơưr tas, muôz chor plơưr mok chox lok uô nox cux lol six kaz. Đros co, đê chor pax tsơưz chox lok uô zav kâuz nox thiêz muôz chox lok ciz nox...., no zos iz zav nox kaz hur siêz cơưk thiêz. Têx txir tsơưz đhâu thâuv cuôv tas cxênhx tơưr saz đrâuv por tsês, muôz cxôngr uô têx đêiv mê chox lok hâu shơư cuô grêix lok sik ciz cux jông nox hur si. Têx tsơưz kuk li: Tsơưz liêz, tsơưz njuôz, tsơưz tox ntơư puôr lênhx zos têx yuôx đrox njuôz, iz txưv têx lâuk pâuz thiêz zôngv chiê kho iz cxiê zav moz gênhk: Pir li muôz têx tơưr txir tsơưz tưz siêr siêr đax chox lok jiêz kruôr, cxôngr uô yênhx đêiv chox lok râuz đêx hâuk, jông uô yuôx kho moz plaz, trơưk plaz. Chor txir tsơưz muôx nôngz, muôz chor nôngz co chox lok tsâu chơưr, zar car tsơưz zôngv chiê puz buô, puz nhux tưv.....

Nhạc cắt

Tix lâus Jôngr Nênhz Xênhv Vưx, chi hội tsar Hội nôngx mênhx jok Lưu Thông heik pâuz: Hâur têx shông đhâu, chor tsơưz heik co tưz tâu ntâu chuôz zis tsôngv px hâur jok chos chiê lêis txiêr chor blôngx muôs trâu têx tuz luôv, gri txix 3 cxênhz đeiv tror zar sâuv iz cir blôngx nhôngs thiêz muôx kênh jiês ndê txos 6.500 đêiv iz cir blôngx tsơưz nhôngs. Hâur iz shông, chor chuôz zis chos tsơưz muôx phênhv sâu tâu yênhx puô tsov đeiv nhiêx. Đhâu sik thav đros tix lâus, pêz ziv pov thiêz pâuz tsênhz đuô lok hâux lưv chos tsơưz li têx muôx liv trâu tsôngv box Hmôngz nhoz suôv qơư no. Chor tsơưz liêz, tsơưz njuôz, tsơưz tox nưk chiêx tâuk sâuv têx ar têz nxaz. Chos têx tsơưz co cê por hưv tâu tênhx qơư, fiv đros trâu tsôngv px nhoz tox siêz, tsi muôx ar têz tsêz chos kôngz lôngk.

Hâux lưv chos tsơưz liêz, tsơưz njuôz, tsơưz tox nhoz jok Lưu Thông cux paz nzôngr trâu têx tox trôngz câuv har, tir thêir têx ar têz tsi trâul đêx nas cuôr yôngz. Khov chos têx tsơưz li heik sâuv, tsôngv px nhoz thax tsav qơư no tưz muôx luz nênhx truôx tuk, tsâu sor, paz trâu xã uô tiêr luôs hâux lưv cxiv tsa jêx jok yiêz./.

Nhạc cắt

(Hlôngr suôz): Tsôngv box....! Phênhv “nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Cơ quan Đeix TNVN nhoz faz Tây Bắc uô. Tsênhv qơư cxiz kôngz têz qơưk paz max./.

(Lik Thox cxiv sâu-Riê Lâux cxeik, nhênhv)