Mắc ca thiêz kôngz nuv jông-paz trâu kôngz nuv Lai Châu huôv tsar

Muôx 265 cêik cêr ntâu ntus đriv buôs ti đros Trung Quốc, chôngz tsôngv box mênhx cxưx tsơưs nênhs uô nênhx nhoz, Lai Châu cux tsênhv tâu pâuz zos iz hâur têx tỉnh pluôs txov nhêv tiv zix hur si têz qơưk. Taz sik, đros xar muôx 350.000 héc ta ar kôngz nuv thiêz đêx ar, qiv hơưv huv đros, thax tsav qơư no tâu chor nênhs nhênhz chơưv ntâuk gri tiêk huv đros trâu huôv tsar kôngz nuv thiêz ntâu zav tsoz chos. Zơưv Nguyễn Lân Hùng, Phưv Chủ tịch Hiệp hôiv Mắc Ca Việt Nam puz pâuz:

“Lai Châu zuôr huôv tsar chos tâu ntâu zav tsoz chos. Ntu nhiv no mak zov chênhr tiv zix zos têx doanh nghiệp, uô chak cov chor doanh nghiệp njiê pov tâu kror liv, huôv tsar tâu cxuô kror hax huv ntơưv Lai Châu. Iz hâur têx zav tsênhv tâu pêz sir jos uô zos Mắc ca, thiêz nhiv no pêz tưz chos tâu muôx 2.000 ntâu héc ta lơưv thiêz pêz cux tsênhv xar kriz đar nzir chiê pox nhuôs sik đros uô. Iz chuôz zis tsês mê njil ar, têx thâuv tsênhz muôx 1 héc ta chiê chos Mắc ca, bâuv li xưz cux zênhx txâuk chiê Lai Châu bluô nux, tsik zos txo grêk cêr yêiz pluôs xưz”.

Zơưv Nông Đàm Thắng, Chủ tich Hôiv đồng Quản trị, Công ty cổ phần Liên Việt-iz hâur têx doanh nghiệp yưv pênhr xuz thơưx ciês trâu kôngz nuv ntơưv tỉnh Lai Châu puz pâuz: Txix xav jênhv thax tsav Tây Bắc, hâur co muôx Lai Châu lok six huv đros chiê chos Mắc ca, txix shông 2017, taz viv tưz yưv pênhr chiê chos zav tsoz chos no, txos nhiv no tưz huôv tsar tâu xar muôx 2.000 héc ta.

“Ntu pêz kriz uô dự án sâuv thax tsav tỉnh Lai Châu tưz txêik tâu tỉnh thiêz têx sở, nganhx ntơưv thax tsav qơư sir jos paz, viv li hâux lưv kriz uô dự án cux zôngx ziv đuô. Njênhs tiêk đros muôx lênhx tov tỉnh, pêx xênhv li thôngx ziv đros uô, pêz zuôr kriz uô txos shông 2030 chos tâu muôx 35.000 héc ta. Thiêz dự án huôv tsar Mắc ca ntơưv Lai Châu zuôr paz sâu tâu ntâu lok trâu doanh nghiệp; thôngx cxix cux zos paz muôx tâu iz kror hax huv jông trâu tỉnh Lai Châu thiêz paz muôx  tâu ntâu kror hâux lưv uô trâu lox tôngv ntơưv thax tsav qơư”.

Đros pêx xênhv nhoz tỉnh Lai Châu, uô lơưr tỉnh li tsưr ziv lok huôv tsar kôngz nuv hax huv, ntâu ziv chuôz zis tưz sir jos hlôngr chiê chos têx zav tsoz chos yiêz txơưr đuô paz muôx tâu tsiv gri kinh têr siêz đuô. Iz zav li zơưv Trần Đức Văn ziv chuôz zis, nhoz tôv 15, phường Tân Phong, thành phố Lai Châu tưz hlôngr đuô muôx 10 héc ta ar têz chiê chos têx zav ntông nox txir. Đrâuv txir lưk jôngr tơưr njuôz, txir chuôz thox tsik muôx nôngz, txir mox mix Thái, txir lưv tsiz sôngz, nhiv no zơưv chuôz zis tưz muôx zuôr xar 6 héc ta Mắc ca. Phênhv sâu tâu yênhx shông txix chor zav tsoz chos no tâu muôx yênhx tiv đêiv.

“Ntông nox txir chos sâuv chor ar têz no mak tsik trâu đêx ngaz, yar ntux cuz mak tsik kruôr gis luôx tưs. Tsoz Mắc ca mak lok six huv đros trâu đêx ar ntơưv Lai Châu, pir li tas nro chor zav ntông nox txir mak Mắc ca zos tsoz chos xuz thơưx ciês, gri muôs nhiv no tâu muôx 70 cxênhz đêiv iz cir, kra kruôr mak tâu muôx 350 cxênhz đêiv iz cir, zos kror sâu tâu siêz tiv zix”.

Lơưr zơưv Nguyễn Trọng Lịch, Phưv Giám đốc Sở Kôngz nuv thiêz Huôv tsar jêx jok, tox siêz tỉnh Lai Châu, uô lơưr tsưr ziv huôv tsar kôngz nuv zos kror zov chênhr thiêz tsênhv njiêz, zos jênhv vưv huôv tsar trâu tas nro ntu uô lơưr Nghị quyết Đại hôiv Đảng bộ tỉnh jiês tiv 14, ntu 2020-2025 tưz tso tơưv, Lai Châu tsênhv sir jos uô hlôngr yiêz têx ntâuz ntơưr hành chính; tso tơưv têx tsênhv chêi paz thiêz zaz zâuv chor nênhs yưv pênhr tuôx yưv pênhr trâu hâux lưv uô kôngz nuv ntơưv thax tsav qơư. Đros co zos cxơưz cxiz, paz trâu chor nênhs yưv pênhr  huôv tsar kôngz nuv zâu thiêz tov thơưx, chiê paz muôx tâu têx hax huv kôngz nuv jông. Nhiv no tas nro tỉnh muôx 106 hax huv OCOP tâu côngz jênhv thiêz thax tsav qơư tsênhv sir jos chiê paz pêx xênhv huôv tsar kôngz nuv cov truôx đrênhk.

“Ntu zuôr txos mak tỉnh tror sir jos uô cov truôx jông đuô nganhx kôngz nuv, cxiv tsa nganhx kôngz nuv cov huôv tsar cxix cxuô lơưr saz yiêz jông thiêz truôx đrênhk. Tỉnh zuôr tsov cưv txos yưv pênhr trâu pênhr jos chiê cxiv tsa cxuô zav lok kinh têr, têx tsênhv chêi paz chiê zaz zâuv tsưr tsix, tiz nênhs, doanh nghiệp sik côngv đros chor chuôz zis uô kôngz nuv chiê cxiv tsa côngz bê trâu hax huv muôx tsiv gri siêz cov tsav txênhz tâu sâuv ciêz đrôngs”./.

(Khắc Kiên-Lik thox cxêik nhênhv)