Mường La-Sơn La: Nhoz tsêr kho moz xưk li nhoz hâur tsêr

Chox tuk txir muk tsêr kho moz đa khoa Mường La viv trâus moz plaz cêv, niêv tix Pạ Xênhv Tsaz, mênhx cxưx Hmôngz nhoz jok Huổi Ngùa, xar Ngọc Chiến zênhx cxơưx hênhr. Vax tsêr pluôs, tsik muôx nhiêx, tsik pâuz ntơưr, tsik pâuz cêr muk lok, hax zav uô trâu niêv tix cxơưx đuô, tiv zix no zos jiês xuz thơưx niêv tix tuôx tsêr khoz moz. Tiv vax tsêr nhoz đêz huyện xar muôx 50 cêik cêr, viv li niêv tix cux tuôx ciêz đrôngs tsơưs.

Nhiv kruôr tuôx txos ntơưv trôngx vas tsêr kho moz, njiz lênhx y tas hnar luz yo đơưz tsênhv lok six hluôk, luz njêx muôs luôs nxi nus txĩ xluk Hmôngz, niêv tix Pạ shir phaz hlo, cux tso siêz đuô. Đhâu thâuv tâu hêik pâuz tiêk zos Ánh Xênhv Vưx, điều dưỡng hâur tsêr kho moz, Ánh tưz nus thiêz chox ciês muk trâu khoa njuôk shuôk moz, đhâu co kruôz kriê iz kror jux juk, têx ntâuz ntơưr tưs tsuv muôx chiê uô ntơưr nhoz hâur tsar kho moz. Cê sêiz shuôk tuk txir ho chox đros tuk mê nhuôv nhiv kruôr muôx 7 hli, luk tsoz tsiz lok tsik pâuz, xar uô đaz tsik, thiêz têx kror tsik pâuz mak ho muk nus Ánh, têx thâuv tsênhv thor paz jor mê nhuôs chiê tsoz phưz trâu tuk txir.

Niêv tix Lò Thị Bương nhoz jok Nà Noong, xar Ít Ong puz pâuz: Thâuv nhoz tsêr chox tuk txir tuôx tsêr kho moz, tas nro oz niêv txir puôr lênhx cxơưx hur si. Kuôk no 5 hnuz, thâuv muk zus nhux tix lâus Nhính trâus ntos, saz xuz pưs lâux tsông trâu poz jêz trâus lor poz cxa. Lok tsêr nriêr yuôx njuôz krưr, oz hnuz tov kaz tsik jông moz o lox thiêx tuôx muk tsêr kho moz. Hmôngr jông tâu fêik kho ciês viv li đas jos tưz muôx jux juk lơưv. Niêv tix Bương hêik, tiv nyêi tsav tâu chiê muk kho moz ntơưv tỉnh, vax tsêr ho tsik muôx nhiêx viv li tsik chox tuk txir tuôx ciês tsêr kho moz thâuv nhiv kruôr ntos trâus.

“Tsêr kho moz nhiv no hur hênhr. Bác sỹ mak zuk muk txos kror tưs muôx nếnh skruô txos co, njuôk shuôk moz kror tưs, muk li chak lok nhiv no cux tsik cxơưx lơưv. Fênhx xar tiêk lor poz cxa mak tsuv muk trâu tỉnh, taz sik tuôx ntơưv no bác sỹ cux fêik kho tâu hur si. Uô bác sỹ tsâus ntâu hênhr”.

Y tá, điều dường viên Ánh Xênhv Vưx, mênhx cxưx Hmôngz tâu jênhv lok tsêr kho moz uô siv hâux lưv kuôk no 6 luz hli tâu phêiz txêik tok chor nênhs moz puz pâuz: Nênhs moz hax zav txov nhêv mak hax zav tâu tsov cưv txos đuô chiê lơưr tso siêz nhoz chơưv kho moz, tsik khiêr muk tsêr tiv cxơưx txos pluôs nox thiêz trik yo hnar. Tsik tsơưs jiês Anh thiêz sơưr đơưk tưz zôngv zuk chor nhiêx hli chiê pox nhuôs zuôr mor nox, lok sik ntiêr yêz chêix lok muk tsêr. Đrâuv zuk mênhx cxưx têx luk hêik, Ánh tsênhv cơưv nzir luk mênhx cxưx Thái chiê kruôz kriê trâu pox nhuôs:

“Pâuz cur zos hmôngz mak thâuv tuôx tsêr kho moz lơưr tuôx nus cur tiêk: Pêz tuôx ntơưv no tsik pâuz luk tsoz tsiz, tsik muôx đaz tsi hlo, kror no chox muk ntâuk thưx kror tưs cox paz kriê xưz. Cur hluz pox nhuôs hênhr viv lơử rtsik pâuz luk tsoz tsiz thiêz tsik muôx nhiêx”.

Phưv trưởng phongx kế hoạch, nghiệp vụ uô chủ tịch công đoàn tsêr kho moz đa khoa huyện Mường La Quàng Thị Thoa puz pâuz: đros pluôs nox siêz jông, tủ trik yo siêz jông ntơưv tsêr kho moz tưz tâu cxiv uô 3 shông no lơưv cux zos piz uô txix phêiz kênh đros pox nhuôs tox siêz thâuv chox nênhs hâur tsêr tuôx tsêr kho moz chiê chơưv kho.

Tsêr kho moz đa khoa huyện Mường La zos tỉnh Sơn La luz tsêr kho moz xuz thơưx ciês muôx mêir njuôk shuôk moz trưx phax nzor, lok six muôx liv jông trâu pêx xênhv tox siêz, nhoz đêz. Têx yênhx côngz no tưz paz trâu ziv hnuz ziv muôx chôngz lênhx nênhs moz pluôs tuôx chơưv kho moz, txo grêk tsơưs qênhx shênhx khiêr ntơưv tsêr kho moz tror muk tsêr, tsik kho nzir viv luz nênhx txov nhêv, zos yênhx qơư njênhs njôngr trâu pêx xênhv. Bác sỹ Bùi Ngọc Minh, Phưv giám đốc tsêr kho moz puz pâuz:

“Xuz thơưx lok vênhv thix nhiêx txiêx mak zuk paz txo grêk tsơưs tâu iz kror nhiêx txiêx muk lok hâur bảo hiểm cux tsuôk thêv iz phênhv xưz tsik zos tas nro. Viv muôx têx phiv liv li co mak pêz sir jos tsik chiê yêv ntâu muk thênhv siêz đuô chiê cxênhx txuôs tâu nhiêx txiêx thiêz six hơưv kho moz trâu nênhs moz”.

Nhiv no, niêv tix Pạ Xênhv Tsaz; Lò Thị Bương oz niêv txir tưz tror lok uô luz nênhx nhoz li kuz ntơưv têx jêx jok. Taz sik têx lo luk thav txos chor y, bác sỹ tsêr kho moz đa khoa Mường La li siêz jông, txơưx jênhv zos kror shir phaz tsik zos nhoz hâur lơưr luz nênhx xưz, mak tsênhv zos têx luk trâu lơưr thav txos, siz hêik pâuz, tsik cxơưx txos thâuv tuôx trâu tsêr kho moz xưk li thâuv ntêx lơưv./.

(Thùy-Thủy-Lik Thox cxêik nhênhv)

Đrôngl HCM tsuv ndo njôngr tir thêir moz suôz

Ntơưv khoa kho moz suôz liêz, Tsêr kho moz mê nhuôs zâu 1 đrôngl HCM, tưz muôx zuôr xar 70 lênhx mê nhuôs tsênhv chox tuôx kho moz suôz liêz trâu tsêr kho moz; chor moz hnhar tsar 10%. Phênhv ntâu zos mê nhuôs cxôngx 5-10 shông. Tix lâuk Nguyễn Ngọc Sinh, nhoz phường Bình Hưng Hòa, quận Bình Tân tsoz phưz mê nhuôs tsênhv kho moz suôz liêz trâu tsêr kho moz puz pâuz:

          “Iz tas hmo pov mê nhuôs cuz sor iz chêr. Chox mul bác sĩ seiz njuôs heik tiêk zos moz chax pak. Đhâu 2,3 hnuz thiêx pov tơưv poz liêz sâuv tơưr greix, njuôs siv mak thiêx li pâuz trâus moz suôz liêz hnhar. Hnuz đhâu tsênhv ntuôr thiêz thox plaz thiêz, viv li chox tuôx ntơưv no chiê chơưv kho”.

          Lơưr Tiến sĩ- Bác sĩ Nguyễn Minh Tuấn, Tsar khoa moz suôz liêz, tsêr kho moz mê nhuôs zâu 1 TPHCM, moz suôz liêz khênhr truz ntêr 7 hnuz, taz sik riêz nênhs tiv zix zos ntu cxôngx hnuz tiv 3 txos hnuz tiv 6, viv ntu no lok six zôngx ziv muôx moz yưv lok six hnhar. No zos ntu mak iz chêr tsi yuô cuz hênhr lơưv thiêz, têx lênhx uô niêv uô txir khênhr tso siêz thiêz xar tiêk moz jông jux jus, viv li moz khênhr hnhar đuô. Bác sĩ Tuấn heik:

          “Zos pov mê nhuôs iz chêr tsi yuô cuz sor lơưv taz sik gênhs gênhs, moz plaz, tơưv poz liêz sâuv tơưr greix, lok nyar kror njưk, ntuôr lok sik tso qir đuz, tês tơư txiêk jiêkmak ciêr chênhr chox ciês mul tsêr kho moz jê tiv zix”.

          Yuôr ntơưv Khoa chơưv kho Tsêr kho moz mê nhuôs zâu 1, 2 lênhx mê nhuôs trâus moz suôz liêz muôx têx moz yưv lok six hnhar tsênhv tâu chơưv kho. Lơưr bác sĩ Quang, moz suôz liêz zos pov nzor mak zuôr zôngx ziv kho jông moz, jav tâu têx moz yưv hnhar uô tuôs lênhx nênhs. Tiến sĩ- Bác sĩ Phạm Văn Quang, Tsar khoa chơưv kho heik:

          “Moz suôz liêz muôx moz yưv hnhar uô ruôr hiêv txos hâux lưv đôngk nyar, lok nyar hâur plaz; uô nênhs moz zôngx ziv tuôs. Đrâuv co moz suôz liêz tsênhv uô ruôr hiêv txos plaz hnhur, txos cêr uô pa, txos hlưz tâuz hâu...”

          Lơưr Tsênhv qơư y tế dưv phax TPHCM, xav txix shông 2019 txos nhiv no, tas nro thành phố muôx 6 cxênhz 67 lênhx nênhs trâus moz suôz liêz, chuôz ndê 200% ntâu pir đros tsêz no.

          Tiv moz suôz liêz tsi tâu muôx yuôx chiê cxax phax moz, viv li nganhx y tế heik tsôngv box tsuv tsưv ziv phax tar moz li: tuô veiv, tuô zôngr, vor têx chuôz zênhx tso đêx tsi chiê zôngr ntês kê. Tsôngv box tsưv ziv hlôngr đêx trâu têx hưx đêx tso pax, zus cxaz njês hâur têx kror đêx lox, têx chuôz zênhx muôx đêx tênhr hâur co mak muôz lâuz por tsês thiêz muôz khưz cov zôngr tsi muôx qơư ntês kê..../.

(VOVTPHCM- Txâur vax cxeik nhênhv)