Yên Bái: Chor yêz thâux xa kruô txo grêk tsơưs 50% tiv phiv liv zav

moz Covid 19

Txix đhâu tsiêz, tsik tsơưs chor yêz piz muk txix qơư tsar đrêk yêz kruô Yên Bái tsuôk muôx oz pêz lênhx kruô chêix. Txix thâuv muôx xor mông lok moz Covid 19, tưz tsik zos yêz muk txix Yên Bái trâu Hà Nội mak têx yêz muk chor cêr txơưr cux puôr pênhx trâus txo grêk tsơưs xar muôx 50% chor kruô chêix pir li uô ntêx co. Muôx têx qơư tưz tsuv txo grêk tsơưs chor yêz muk thiêz lok hâur hnuz chiê txo grêk tsơưs pôngz pênhr. Zơưv Nguyễn Hữu Việt, tsưr yêz Việt Phương, Công ty Vận Tải Thủy bộ Yên Bái puz pâuz:

“Doanh nghiệp njiz lok six ntâu phiv liv viv li tsuv txo grêk tsơưs 1/3 chor yêz muk lok hâur hnuz. Tsôngv kruô chêix yêz mak chor yêz tưz paz trâu tsôngv kruô ntâuz chox bos kror ndâux”.

Tưz tsik zos chor yêz njiz phiv liv, mak chor qơư nox hâuk hâur qơư tsar đrêk yêz kruô Yên Bái cux muôx tsơưs nênhs nox hâur iz hli đhâu. Niêv tix Bùi Thị Thanh Thủy, muôs huv ntơưv no puz pâuz:

“Kruô chêix yêz muk lok grêk tsơưs, chor kruô cux tsik tuôx ntơưv qơư tsar đrêk yêz kruô ntâu. Jênhv ntiêr qơư muôs huv ntơưv no sik tsik muôx kruô mak cux phiv liv hênhr”.

Chiê paz uô trâu tsôngv kruô tso siêz thâuv chêix yêz muk lok, nhiv no chor yêz puôr lênhx bax jông têx ntâuz bos kror ndâux thiêz cuô đêx nzuôr têk tsik tas nhiêx txiêx chiê txo grêk tsơưs caz moz siz cik, paz trâu tsôngv kruô muôx đas jos cux xưk li chor nhân viên tsêr yêz thâuv muk lok đhâu ntâu thax tsav qơư:

“Tâu chor yêz tsov cưv txos li no zuk cux lok six tso siêz. Uô tsâus chor yêz tưz tsov cưv txos chor kruô sơưr đơưk li pêz”.

Chiê phax tar caz moz, Công ty Vận tải Thủy bộ thiêz qơư tsar đrêk yêz kruô Yên Bái tưz hêik chor nênhs tsar yêz, nhân viên phưx vưv uô huv zos li tsưr ziv lok phax tar caz moz; thôngx cxix sir jos yax kriê, hêik trâu tsôngv kruô pâuz chor tsưr ziv tsuv muôx. Zơưv Đỗ Sỹ Bằng, Phưv trưởng qơư tsar đrêk yêz kruô Yên Bái puz pâuz:

“Tsuôs yuôx tuô lov caz moz tas nro qơư tsar đrêk yêz. Đros côngz xưv yax kriê mak pêz tưz bax ntâuz chox bos kror ndâux tsik tas nhiêx txiêx, tsuôs yuôx phax moz hâur qơư tsar đrêk yêz”.

Nhiv no, iz cxiê yêz kruô nhoz Yên Bái vav tiêk têz qơưk muôx têx tsưr ziv paz, tiv zix zos sêiz shuôk truz ntêr nux grik thiêz sêiz shuôk đuô nhiêx liv hâur zênhx hangx chiê doanh ngiệp tsik yuô txov nhêv hâur ntu nhiv no./.

(Tuấn Xuân-Lik Thox cxêik nhênhv)

Chor cưk yuôx tuz lênhv thiêz tsôngv px nhoz thax tsav ntus đriv

li têx cêr côngv siêz

Niêv lâuk Hoàng Mai Hoa, cưk kriê ntơưr nhoz tsêr cơưv cxênhx iz Phiêng Pằn, xã Phiêng Pằn, huyện Mai Sơn, tỉnh Sơn La lênhx nhuôv tuz tiv 2 cux tưz muôx 5 shông, hloz lox jông, txơưx njê. Lênhx nhuôv tâu li hnuz no, niêv lâuk Hoa chuôz zis thâuv tưs tưz ndo njôngr txos lênhx cưk yuôx uô hâux lưv seiz njuôk shuôs, kho moz trâu tsôngv px sđ hâur jok-Thượng úy Trần Đức Thiện li txiêx njis, côngz đas jos tưz zênhx max paz chơưv niêv lâuk 2 niêv tuz thâuv niêv lâuk xênhz zus lênhx nhuôv heik sâuv. Thâuv co, niêv lâuk tưz moz plaz hênhr, zuôr xênhz tuz. Pâuz tâu niêv lâuk Hoa xênhz zus tuk nhuôv co zos nhuôv tuz, ntơưv Zênhx pênhz phax tsi muôx jông têx chuôz zênhx seiz njuôk shuôs, kho moz, viv li thượng úy Thiện tưz heik cov niêv lâuk Hoa thiêz chuôz zis chox niêv lâuk mul trâu tsêr kho moz lox chiê taz por truôx tuk trâu lênhx niêv thiêz tuk mê nhuôv. Taz sik, tiv cêr mul lok trâu têx tsêr kho moz lox đêz, chênhr li ntơư thâuv tsênhv taz tov muk tsêr kho moz, niêv lâuk Hoa tưz xênhz zus mê nhuôv trâu tos cêr. Thâuv co, thượng úy Trần Đức Thiện cê uô hâux lưv seiz njuôk shuôs moz, cê zos lênhx paz txeik mê nhuôv thâuv niêv lâuk Hoa xênhz zus nhuôs. Niêv lâuk Hoa tror piêr đuô lok thâuv luz six hơưv co li no:

“Cur chuôz zis uô tsâus lok six ntâu txos Zênhx pênhz phax, lar heik zos tix lâus Thiện. Khov muôx tix lâus mak cur 2 niêv tuz thiêx tâu li hnuz no, zos tsi muôx tix lâus Thiện paz mak tsi pâuz cur 2 niêv tuz zuôr uô li chas. Tsênhz tiês hâur luz nênhx, cux li hâur chuôz zis siêz xar, thâuv tưs cux muôz tix lâus seiz hloz”.

Thượng úy, cưk yuôx Trần Đức Thiện heik: Txix hâur shông 2002, đhâu thâuv cơưv tas ntơưr trung cấp uô cưk yuôx, tix lâus tưz lok uô hâux lưv ntơưv Zênhx pênhz phax Phiêng Pằn, huyện Mai Sơn. Têx hnuz xuz thơưx, cưk yuôx Thiện njiz trâul lok six ntâu phiv liv, viv hâur thax tsav xã cêr muk lol phiv liv, tsôngv px phênhv ntâu zos heir nênhs tsơưs viv li luz nênhx xênhz huôx, cêr nox nhoz mul lok, seiz njuôk shuôs moz tsênhv yuôr trâul ntâu. Lar heik, tsôngv px cux tsênhv njênhs nênhz zêis, luz nênhx pôngz kaz, thâuv muôx moz gênhs lơưr tsênhv uô nênhz seiz, tsi chox muk seiz njuôk shuôs, chơưv kho moz trâu têx tsêr kho moz. Uô trơưk zơưv Hloz Hôx luk kriê “ têx cưk yuôx jông chuôs li lênhx niêv”, tix lâus thâuv tưs tưz moz siêz lus uô jông hâux lưv tsoz phưz đas jos trâu tsôngv px, muôz px seiz hloz, trâu gri xưk li zuk lênhx nênhs, chuôz zis. Tix lâus đros têx fôngx zưs, cưr tix uô hâux lưv uô cê tsi so muk trâu têx jêx jok, yênhx chuôz zis heik kriê tsôngv px sđ nox nhoz hur si, phax tir thêir moz gênhs, tso tsês têx cêr nênhx pôngz kaz, thâuv muôx moz tsuv muk trâu têx qơư y tế seiz njuôk shuôs, kho moz. Tix lâus cux sir jos tâus nriêr tsôngv box têx cêr nênhx phôngz cxưx, cơưv shâuv lơưr têx lul heik chiê zôngx ziv hâur seiz njuôk shuôs, kho moz trâu px sđ. Zuôr xar 20 shông uô hâux lưv thiêz nhoz đreiv hâur thax tsav qơư no, têx jiês muk jêx jok seiz njuôk shuôs, kho moz trâu px cux njiz trâus tsi tsơưs têx phiv liv, cêr shir phaz..... Kror lar heik đuô hur si zos thâuv paz txeik mê nhuôv trâu lênhx cưk kriê ntơưr Hoa thâuv xênhz zus nhuôv tos cêr, mak tix lâus ndo njôngr hâur đruôz siêz tsi plox. Taz sik cux muôx têx jiês uô trâu zuk xar tsi tas tsi thôngz hlo. Ntơư zos thâuv hâur shông 2017, iz lênhx nhuôs tưx xênhz zus hâur tsêr tâu 3 hnuz mak txơưv trâul moz njưk lol six hnhar, chuôz zis ho chox tsi tâuk lênhx nhuôv co muk chơưv kho trâu tsêr kho moz. Txơưv tiêk thâuv co zos cheix ntux nas lok six phiv liv mul lok, taz sik Thượng úy Thiện thiêz iz lênhx canr bôv hâur Zênhx pênhz phax Phiêng Pằn cux sir jos mul heik cov chuôz zis đros chox tuk nhuôv ntơư trâu tsêr kho moz lox. Hâur six hơưv chox, xa lênhx nhuôs no muk tsêr kho moz, lênhx nhuôs co tuk pos ho trâul moz plơưr tsi hnor kaz hlo, sđ tsuv nhoz so tos cêr chiê chơưv lênhx pos, siz chos gôngr nhiêx txiêx chiê zuôr yuôx chơưv kho pos. Thâuv chơưv tâu lênhx pos lơưv, taz sik kror trâu lơưr qiv thiêz pôngz siêz yax zos tưz chơưv paz tsi tâu tuk nhuôv heik sâuv, viv tưz lok six hnhar. Seiz pov tâu têx hâux lưv uô muôx liv thâuv muôx tsi txâuk, tsi cxix têx chuôz zênhx seiz njuôk shuôs, kho moz, đhâu hlo ntơư, chor nênhs siêz jông nhoz Hà Nội tưz muôz paz ntâu chuôz zênhx seiz njuôk shuôs, kho moz trâu qơư y tế hâur Zênhx:

“Kror phiv liv tiv iz zos tsi pâuz px lul heik, px tsi pâuz zuk lul. Tiv 2 zos cêr mul lok phiv li, lar heik zos hâur cheix ntux nas. Chênhr viv li xuz thơưx zos tsuv khưx phưx thiêz uô li chas cov px njênhs, xar cov px chiê siêz, njênhs zuk zos tsuv moz siêz uô hâux lưv, muôz px seiz hloz. Iz chas ntơư, txo grêk tsơưs têx nhiêx txiêx seiz njuôk shuôs, kho moz trâu px. Ciês cur lok cux hu lơưk sđ, têx nênhs siêz jông siz chos paz iz phênhv tưs têx nhiêx txiêx khiêz kho moz ntơư trâu px.....”.

Hâur shông nhiv kruôr đhâu, thượng úy Thiện đros canr bôv chiến sĩ chor cưk yuôx tuz lênhv hâur taz viv tưz buôk ti seiz njuôk shuôs moz, pheiz yuôx tsi zuôr nhiêx trâu 1.500 ntâu lênhx canr bôv, chiến sỹ thiêz tsôngv px hâur thax tsav qơư mak taz viv nhoz, đros thiêz hur si têx nhiêx txiêx tas muôx 44 tsov đeiv ntâu. Iz chas ntơư đros qơư y tế xã cxax yuôx phax tar moz trâu 1.600 lênhx nhuôs zâu, txix 8-15 shông hâur jiês cxax yuôx phax tar moz hlưz hâu Nhật Bản B.... Thượng úy Thiện cux heik têx tsưr tsix uô têx hâux lưv jông siêz, nênhs siêz jông paz max, muôz têx chuôz zênhx seiz njuôk shuôs, kho moz, yuôx uz no phưx vưv trâu hâux lưv seiz njuôk shuôs, kho moz trâu px tâu 50 tsov đeiv; thor sđ sik đros paz nhiêx txiêx seiz njuôk shuôs, khiêz kho moz trâu chor nênhs trâus moz hnhar, têx lênhx px muôx luz nênhx txov nhêv.... Heik lol thượng úy, y sỹ Trần Đức Thiện têx hâux lưv uô jông, Trung tá Quàng Văn Xôm, chính trị viên Zênhx pênhz phax Phiêng Pằn heik li no:

“Đôngx chir Thiện thâuv tưs tưz zos lênhx đảng viên, lênhx tuz lênhv zơưv Hloz Hôx uô ntêx nyuôs hâur cxuô luôs hâux lưv. Lar heik zos hâur têx hâux lưv tâu zok muôz, đôngx chir Thiện thâuv tưs tưz nhênhz chơưv trâu Đảng ủy, chỉ huy taz viv lok tsưr ziv tsoz phưz đas jos trâu chor tuz lênhv thiêz tsôngv px. Lar heik zos uô lơưr têx hloz hâur Zênhx pênhz phax li chox kriê, đôngx chir tưz hu lơưk chor nênhs siêz jông, têx tsưr tsix uô têx hâux lưv jông siêz paz têx chuôz zênhx seiz njuôk shuôs, kho moz; yuôx nox...chiê seiz njuôk shuôs moz trâu px, muôz yuôx pheiz trâu px tsi zuôr nhiêx”.

Đros thiêz têx sir jos hâur luôs hâux lưv tâu zok muôz, thượng úy, y sỹ Trần Đức Thiện tưz tâu Ủy ban tỉnh Sơn La, Bộ chỉ huy Bôv đôiv pênhz phax tỉnh muôz ntâu ntơưr kruôs txos./.

(Chẻo Thu-Riê Lâux cxeik, nhênhv)