Jax sâu thưr 2 hnuz 27/3/2017

Yuôx zêx hur Yên Bái-muôx oz kror liv

Xã Bảo Hưng muôx zuôr xar 300 hec ta tsoz chos yuôx zêx, hâur co muôx 200 ntâu hec ta tsênhv jông sâu đê. Pos Hà Thị Vụ nhoz jok Ngòi Đong, xã Bảo Hưng shir phaz lul hêik pâuz: Hâur ntu đảv ntêx, chuôz zis chos ntâu zos yuôx zêx huv trâu thax tsav qơư lax txiêk, tsoz chos ntông yuôx zêx lâul jux juk, tsik tâu sâu đê tsik so thiêz ho tas ntâu đas jos tu tsưx phưv. Oz pêz shông đhâu lok no, cux xưk li ntâu ziv chuôz zis hâur xã, pos chuôz zis hlôngr chos tsoz chos yuôx zêx yiêz li: Phúc Vân Tiên, Bát Tiên, yuôx zêx txuôv LDT1, sâu tâu nju đuô, tsar ndê 15 txos 20%, gri muôs ho siêz đuô 3 txos 4 jiês  gri yuôx zêx thâuv ntêx. Thiêz luôs hauax lưv tsuôs yuôx tuô lov caz hmoz cux tsơưs, viv li tsik muôx tưx thâuv uô thiêz sâu đê. Pos Hà Thị Vụ hêik:

“Cur vax yuôx zêx thâuv ntêx no uô tsuôk tâu iz puô cir iz hec ta xưz, taz sik thâuv uô lơưr ploz tsênhr VietGap mak tsơưr lươngv tâu iz puô cir ntâu. Yuôx zêx cux tâu nênhs sir zôngv nhiêv. Nênhs nhoz Phú Thọ, Hà Nội thiêz ntâu qơư txơưr đuô cux tuôx ntơưv no zuôr, tsơưr lươngv jông viv li lơưr cux zuôr tsik so”.

Uô lơưr dự án gra siêz tsơưr lươngv, ngaz tuk hax huv kôngz nuv thiêz huôv tsar pa sinh học tỉnh Yên Bái, hâur têx shông đhâu, pêx xênhv xã Bảo Hưng tưz tâu đros cơưv lớp kriê tsưr ziv chos, tsoz phưz, sâu đê, uô thiêz tsês chiê lơưr VietGap…Hâur ntu uô, pox nhuôs tưz uô huv lơưr têx tsưr ziv tso tơưv. Lar hêik zos shông 2016, ntơưr cungz jênhv uô tâu trơưk VietGap tưz tâu muôz trâu chor yuôx zêx njuôz xã Bảo Hưng.

Zơưv Hà Văn Đông-Ủy viên Hội đồng quản trị Hợp tác xã yuôx zêx hur Bảo Hưng puz pâuz: Nhiv no Hợp tác xã Bảo Hưng muôx 17 chuôz zis đros huôv tsar uô yuôx zêx ngaz tuk lơưr VietGap, đros xar muôx 20 ha. Thâuv ntêx, uô yuôx zêx lơưr tsưr ziv cxôngx nzor, sâu tâu yuôx zêx tsơưs. Sir zôngv yuôx por vêv đrox tsuôs thiêz qir zuôv tsik tâu huv đros cux phiv liv ntâu txos tsơưr lươngv yuôx zêx, phiv liv txos tênhv qơư thiêz đas jos nênhs uô. Xưk li thâuv ntêx pêx ênhv chiv chir tsuôs yuôx, chiv chir sâu đê mak nhiv no, sir zôngv yuôx đaz tsi, tsoz phưz li chak, six hơưv tsês yuôx đuô txos thâuv sâu đê cux tâu uô huv lơưr tsưr ziv. Zơưv Hà Văn Đông hêik:

“Tsoz phưz tsuv huv đros mak thiêx muôx tâu yuôx zêx kaz. Zuôv qir mak zôngv chor qir huv đros trâu yuôx zêx, đuô li tsênhv muôx qir guôx. Thâuv ntêx mak xar uô li chak chêk uô, tsik uô lơưr iz tsưr ziv tưs hlo mak lơưr ciêz đrôngs, txix thâuv uô lơưr VietGap mak muôx têx ploz tsênhr truôx jông thâuv tsoz phưz, sâu đê, uô puôr lênhx tsuv taz por ngaz tuk zav nox…’.

Sir zôngv chor tsưr ziv huôv tsar uô yuôx zêx ngaz tuk lơưr nhr VietGap tưz paz tâu trâu Bảo Hưng muôx chor hax huv tsiv gri siêz đuô. Nhiv no, njil yuôx zêx nhôngk tâu uô lơưr 1 njil 2 đêiv blôngx muôx gri zos 11 cxênhz đêiv ntâu iz cir; gri yuôx zêx tâu uô yênhx hax huv zos 150 txos 250 cxênhz đêiv iz cir khov lơưr yênhx zav. Yênhx shông, iz hec ta nhoz Bảo Hưng paz sâu tâu muôx 100 triệu đêiv. Txix têx luôs hâux lưv uô no, ntâu ziv chuôz zis hâur thax tsav xã tưz muôx luz nênhx tsâu sor jux juk txix tsoz chos yuôx zêx. No cux zos tsưr ziv uô tâu truôx nhoz ntâu qơư chos yuôx zêx txơưr đuô sâuv thax tsav tỉnh Yên Bái./.

            (Đinh Tuấn-Lik Thox cxêik nhênhv)

Phênhv  thưr 2, hnuz 27/3/2017:

Tuz lênhv cơưv shâuv uô trơưk zơưv hloz Hôx

Xênhz thiêz hloz lox nhoz suôv qơư Củ Chi, muôx cêr chax chês nhiêv têz nhiêv qơư, Thiếu tướng Cao Long Hỷ, kuz Cục trưởng Cục por vêv txiv ngaz bôv đôiv, Bộ Côx phax thâuv tưs tưz sir jos uô jông lơưr chuôz zis thiêz têx lâuk cêr nênhx jông lok nhiêv têz nhiêv qơư. Shông 1946, thâuv nhiv kruôr muôx 14 shông, zơưv thor muk uô tuz lênhv, sơưr cêr muk tsưx phưv têz qơưk. Zơưv Hloz Hôx đeiv đuôz đros đrêiv têx tuz nhuôs zâu mak zơưv tâu lơưr muôz kuôk no 70 ntâu shông zos zav huv puôr fênhx jông tiv iz tưz đros đreiv zơưv hâur ntu uô tuz lênhv tir ntâuk trok châuz. Lâuk Hôx đeiv đuôz thâuv tưs cux gra đros zơưv Hỷ, paz cxơưz đas jos trâu zơưv sir jos uô hâux lưv tir ntâuk trok châuz, kriê cêr uô nênhx jông. Cơưv shâuv, uô trơưk zơưv Hloz Hôx cêr uô nênhx zos lênhx tuz lênhv lâuk tưz zuôr muôx 90 shông tsưr ziv, siêz xar njôngr hâur niêx hnuz:

" Cur thâuv ntêx cux li nhiv no iz siêz muk lơưr Lâuk Hôx. Lâuk Hôx zos lênhx tiz nênhs txơưx njê thiêz jông yax. Muk lơưr txox cêr mak tsôngv pêx xênhv VN tưz tâus trơưk. Cur iz  siêz muk lơưr hâur iz siv nênhx thiêz tsi tiêk zuk iz lênhs mak hur si zuk têx tuz nhuôs đros mul trơưk Lâuk Hôx, cơưv shâuv trơưk Zơưv têx cêr nênhx uô jông".

Cux xưk li Thiếu tướng Cao Long Hỷ, tror lok đros pox niêv, têx mê tuz mê nhuôv nhoz uô nênhx, Thượng sỹ Phạm Văn Hễ cux ndo njôngr suôz gâux heik "sir đas jos, tsưr ziv viv tsôngv pêx xênhv" mak zơưv thiêz têx tuz lênhv heik hâur niêx hnuz hâur ntu tsênhv uô tuz lênhv, ntơư zos "chos luk uô trơưk Lâuk Hôx, chos luk sir jos tir ntâuk trok châuz, tsưx phưv têz qơưk viv tsôngv pêx xênhv". Trơưk li lênhx bôv đôiv lâuk Phạm Văn Hễ, uô lơưr Bộ Chính trị Chỉ thị 05 zos zuk tsuv cơưv shâuv cêr uô nênhx jông thiêz tsuv tâu cơưv hâur iz siv nênhx, tsi zos iz, oz hnuz mak zos niêx hnuz, tsuv cơưv tsi so. Iz kro uô trâu zơưv Hễ ndo njôngr zos Lâuk Hôx tsưr ziv buôk ti, sưv jê đros tsôngv box, têx luk heik, hâux lưv uô jông:

"Cơưv thiêz uô trơưk zơưv HLoz Hôx mak uô ntêx zos tsuv sưv jê đros tsôngv box, pâuz tâu têx muôx tsênhz. Txix têx li heik ntơư chiê cxiv tsa tsaz yênhx, têx nuv uô tsênhv tsênhz. Iz kro thiêz zos đaz tsi cux uô zôngx ziv thiêz viv tsôngv pêx xênhv, tsi tiêk uô iz lênhs, uô muôx liv trâu zuk mak đaz tsi lok tưz zuôr uô tâu tiêr. Tsuv tror uô li chas chiê uô tâu zos thiêz uô tâu trơưk Lâuk Hôx, ntơư zos viv tsôngv box, viv têz qơưk".

Muôx têx heik, bôv đôiv lâul lênhk txeik Bộ Chính trị Chỉ thị 05 lok cxơưz tiês cơưv shâuv, uô lơưr Lâuk Hôx cêr uô nênhx tâu tror cơưv shâuv thiêz heik txos têx chiv nhênhv, nuv uô hâur ntu tsênhv uô tuz lênhv. Thượng tá Nguyễn Linh Năng, Chủ tịch Hội bôv đôiv lâuk phường Đa Kao, Quận 1 heik pâuz, hâur têx jiês xênhz huôx hội, chor bôv đôiv lâuk puôr lênhx siz heik kriê cov tuôr truôx têx txux chi tsưr ziv uô nênhx jông trơưk zơưv  Hloz Hôx, tsi chiê têx tsi jông uô hiêv txos:

"Pêz tưz pov iz cxiê lênhx canr bôv, đảng viên "muôx tsưr ziv, siêz xar tsi jông lok sâuv cêr uô nênhx". Chênhr viv li, hâux lưv cơưv shâuv, cxiv kho đuô Đảng ziv zov chênhr đuô. Pêz tsuv pâuz tsênhz thiêz tuôr truôx Nghị quyết cux li heik kriê sơưr đơưk siz chos cơưv shâuv thiêz uô trơưk Lâuk Hôx cêr uô nênhx chiê cov thâuv tưs pêz cux uô tâu jông".

Đros Đảng, đros têx tuz lênhv, tsôngv pêx xênhv uô lơưr Bộ Chính trị Chỉ thị 05 lok cxơưz tiês cơưv shâuv, uô trơưk zơưv Hloz Hôx cêr uô nênhx jông, têx tsưr tsix hội cux li têx lênhx bôv đôiv lâuk tsênhv paz phênhv uô lơưr hội Bôv đôiv lâuk VN li tsưr ziv "Uô ntêx nyuôs hâur cxuô luôs hâux lưv-truôx siêz uô trơưk-sik côngv siêz hlôngr yiêz Hội tuz lênhv lâuk VN"./.

                       (TPHCM-Riê Lâux cxeik, nhênhv)