Tuôx trâu Sơn La nox siv têx zav nox kaz muôz pax lâus uô

Pax lâus thâuv đê tâu lok muôz uô đros trâu njuôs iêz, jâuz njuôz lok sik hâu shơư têx cuô poz cxa, grêix thiêz đo njêr, mì chính uô shơư têx txuôx lov li: Xaz txoz, kix, cuô txoz, tâux đuz thiêz têx jâuz cxưz uz no..... zuôr yênhx têx zav nox nhiêk kaz txơưr lơưv nhiêk tsi siz thôngx.

Chiê muôx tâu têx pax lâus jông gâux, tsi tuôs njưk lol uô têx zav nox li heik sâuv hâur niêx hnuz, lênhx pox niêv sơưr nzor thâuv tas cik mul zok đê têx pax lâus pêv har jôngr lok tsâus cov hur, muôz uô txix 3-5 zav nox chênhr thiêz têx zav nox txơưr đuô hâur nênhs Poz Ziz pluôk nox. Niêv lâuk Cà Thị Thùy, uô hâux lưv ntơưv qơư uô jâuz mor nox Nặm La, jok Giảng Lắc, phường Quyết Thắng, đrôngs Sơn La heik:

“Txos cheix pax lâus tơưs, pêz qơư uô jâuz mor nox no muk đê têx pax lâus lok uô têx zav nox phưx vưv tsôngv kruô. Pax lâus muôx iz tsok mê njik pluôk, taz sik ho muôx iz tsok kaz jiz thiêz, viv li muôz lok uô nox tso shơư têx txuôx lov faz Tây Bắc mak yênhx têx zav nox lok six kaz hur siêz. Phênhv ntâu cxuô lênhx kruô sđ tuôx txos pêz qơư uô jâuz mor nox no, lơưr puôr lênhx nus txos têx zav nox muôz pax lâus uô, tsi tok txos pêz heik kriê. Thâuv tâu nox tsôngv kruô kruôs tiêk, co zos iz zav nox lok six kaz”.

Pax lâus muôx têx muôz uô yênhx têx zav nox li: Ciz, ndu, chuz đo njêr, cuô txoz, txuôx lov lok sik muôz juôx cov lưx shơư grêix tsuôr, njêl cxiêz, keiz cxiêz, hâu shơư poz cxa co tơư buô.....tâu tsôngv box Poz Ziz lok six nhiêv nox, kriê tsês têx tuz nhuôs uô nox iz cxênhx đhâu iz cxênhx, iz tiêv đhâu iz tiêv.

Niêv lâuk Cà Thị Hoa nhoz xã Chiềng Xôm, đrôngs Sơn La heik:

“Pax lâus tsi tiêk tơưs yiêz jông jav, tsênhv muôz lok uô yênhx têx zav nox kaz, cur zos iz tus ndâux xiv taz sik thâuv nox têx zav nox muôz pax lâus uô mak cur nhiêv cơưk”.

  Zav nox muôz pax lâus uô yênhx zav nox kaz, zos tâu trâu sâuv trôngx mor đros trâu têx txuôx lov shơư tsư ha nziês tưz uô trâu tsôngv kruô txơưv iz jiês lok sik ntâu jiês tâu nox zav nox co ndo njôngr hâur đruôz siêz tsi plox.

Tix lâus Nguyễn Văn Quyết nhoz Hà Nội tuôx trâu Sơn La thiêz tâu nox siv zav nox muôz têx pax lâus uô heik pâuz:

“Cur hnor pax lâus zos iz zav pax tơưs yiêz jông nhoz tox siêz faz Bắc, thâuv tuôx txos Sơn La thiêx pâuz pax lâus muôx têx muôz uô tâu ntâu zav nox, têx zav nox muôz pax lâus uô mak lok six zôngx ziv, jông xưk iz zav li tsôngv px tox siêz faz Bắc no luz nênhx nox nhoz. Cur tror muk tsêr cur zuôr muk heik kriê trâu têx fôngx zưs cov lơưr pâuz txos zav nox kaz nhoz faz Bắc no”.

Txix têx luz pax lâus đơưz, tơưs yiêz jông jav, chor pox niêv nênhs Poz Ziz tưz txơưx muôz uô yênhx têx zav nox kaz nhoz thax tsav faz Bắc; paz uô muôx nzir cxuô heir nênhs têx zav nox, txux chi vênhx huôv, hu zâuv tsôngv kruô sđ tuôx trâu Sơn La ndis seiz têz qơưk, nox siv têx zav nox kaz./.

(Trấn Long-Riê Lâux cxeik, nhênhv)

Lênhx lâuk nênhs huôv tsar truôx hêir nênhs Cơ Tu li vênhx huôv jông

          Txơưv tưz lâuk 70 ntâu shông, taz sik zơưv Bling Hạnh nhoz jos Công Dồn, xã Zuôih, huyện Nam Giang, tỉnh Quảng Nam, zos iz lênhx nto bê lul tsênhv khơưk tsês tâu zuk hêir nênhs têx vênhx huôv txux chi kênhx.

          Thâuv zơưv Bling Hạnh muôx 15 shông, tưz đros cxiv kho têz qơưs, tov kaz no têz qơưs thax zênhz, zơưv tror lok tsêr uô hâux lưv hâur ngênhx y tế, tư pháp thiêz tsênhv tâu bâux xêir uô chủ tịch uỷ Ban MTTQ Việt Nam xã Zuôih tâu 10 shông siz lơư liês. Thâuv tsênhv uô hâux lưv têz qơưs, zơưv Bling Hạnh muk txos trâu cxuô luz jêx jos, zos sêiz tsik pov zuk hêir nênhs têx đruôk tôngx cxêz tôngx, zơưv cux qiv siêz hênhr.

          Hâur shông 1998, huyện Nam Giang, tỉnh Quảng Nam, chox car iz xã tsuv cxiv tsa cov tâu iz paz tuz nxêik khoz đruôk tôngx cxêz tôngx. Txix ntơư, zơưv Bling Hạnh tưz muk trâu cxuô luz jêx jos hâur thax tsav xã, yax kriê tsôngv px sđ tsuv zok nriêr thiêz khơưk tsês chiê zuk hêir nênhs têx vênhx huôv đruôk tôngx cxêz tôngx thiêz cxiv tsa chor tuz nxêik hluôk chiê muk nthuôr uô cêr lov jêv đhiê pax vuôs, khoz đruôk tôngx cxêz tôngx hâur têx hnuz kriz ntênhk hội thiêz muk nthuôr uô cêr lov jêv trâu đrôngl Hà Nội, Đà Nẵng, Cần Thơ, Tây Ninh thiêz zơưv Bling Hạnh zos iz lênhx uô ntêx nyuôk đros muk tưr nthuôr uô cêr lov jêv têz qơưs muôz ntâu ntơưr kruôk.

          “Hâur ntu tsênhv zâu, niêv txir uô nênhx pluôs, tsik muôx đruôk tôngx cxêz tôngx chox lok shâuv khoz ntâuk; tsuôk zos ndax trâu têx hnuz kriz ntênhk hội hâur jêx jos, cur thiêx tâu khoz ntâuk siv đruôk tôngx cxêz tôngx. Taz sik, txos trâu nhiv no, zos hâur iz hnuz tsik hnor têx suôz đruôk tôngx cxêz tôngx thiêz têx suôz kênhx đror, chuôs li cux uô trâu zuk uô tsik yênhx zav hâux lơv tưs hlo. Chênhr zos li hêik ntơư, txos trau têx hnuz no, cur thiêx tsênhv tuôr tsês tâu zuk hêir nênhs têx txux chi, vênhx huôv jông tsik chiê pôngz plox”

          Txix zơưv Bling Hạnh yax kriê, muôx chôngz lênhx hluôk hâur xã tưz pâuz khoz cxuô jax đruôk tôngx cxêz tôngx. Zơưv Bling Thái zos iz lênhx cơưv shâuv khoz đruôk tôngx cxêz tôngx shir phaz lul hêik:

          “Cur jông siêz cơưs, viv tâu hêik kriê zuk hêir nênhs Cơ Tu nhoz ntâu tỉnh têx txux chi, vênhx huôv jông trâu sđ pâuz txos thiêz tâu zơưv Bling Hạnh kriê cơưv shâuv, cur thiêx pâuz tâu zuk hêir nênhs têx txux chi, vênhx huôv jông tsiv grê hênhr”

          Nền nhạc…..

          Hâur ntu huôv tsar hêir nênhs Cơ Tu têx vênhx huôbv jông, tsuv hêik txos zơưv Y Kông, nhoz xã Ba, huyện Đông Giang, tỉnh Quảng Nam, shông no zơưv Y Kông tưz lâuk xar muôx 100 shông, zơưv cux cxơưx tiêk, ziv hnuz zuk hêir nênhs Cơ Tu têx txux chi, vênhx huôv jông ziv trâus pôngz plox lơưv jux juk, chor hluôk nhiv no tsuv huôv tsar thiêz khơưk tsês zuk hêir nênhs têx txux chi, vênhx huôv jông cov muôx đros đrêiv zuk hêir nênhs li luz nênhx niêx hnuz tsik chiê pôngz plox thiêz hâur ntâu shông đhâu, zơưv Y Kông tưz muk trâu cxuô luz tsêr cơưv chiê kriê tsôngv tuz nxêik hluôk sđ cơưv shâuv khoz zuk hêir nênhs têx đruôk tôngx cxêz tôngx.

          “Cur cux zok nriêr thiêz khơưk tsês chiê zuk hêir nênhs têx txux chi, vênhx huôv đruôk tôngx cxêz tôngx chiê khoz ntâuk trâu têx hnuz nox yôngz cok”

          Zơưv Đỗ Hữu Tùng, phơv chủ tịch huyện Đông Giang, tỉnh Quảng Nam  cux hêik pâuz tiêk: nhiv no hâur thax tsav tsôngv px hêir nênhs Cơ Tu, cux zos yuôr tsơưs lênhx lâuk thiêx pâuz uô thiêz pâuz khoz đruôk tôngx cxêz tôngx li zơưv Y Kông.

          “Zơưv Y Kông tưz yax kriê tsôngv tuz nxêik hluôk nhiv no huôv tsar thiêz khơưk tsês zuk hêir nênhs Cơ Tu têx txux chi, vênhx huôv jông cov muôx đros đrêiv hâur luz nênhx tsik chiê pôngz plox”./.

                                             Tsu cxêik nhênhv-VOV Mièn Trung