Jax thưr 4, hnuz 27/4/2016:

Mộc Châu, Sơn La: Têx tsưr ziv uô hlôngr yiêz ngênhx công nghiệp

Tsi uô trơưk têx tsưr ziv uô đrav ntêx, txix têx tsưr ziv cơưv shâuv tâu hâur têx thax tsav ju lix huôv tsar txơưr đuô, zơưv Nguyễn Mạnh Hùng tưz sir jos yưv pênhr cxiv tsa thiêz huôv tsar iz qơư ju lix đar muôx 5 ha, ntơưv jok Nà Lùn, huyện Mộc Châu, tỉnh Sơn la. Đros têx pênhr nhiêx muôz uô tas xar muôx 4 tỷ đeiv, qơư ju lix muôx ntâu zav shôngz ntông jông jav, lar heik zos têx pax ntông jông jav muôx nhoz thax tsav Tây Bắc. Txos nhiv no doanh nghiệp tưz hu zâuv tâu chôngz lênhx, ntâu tuk kruô hâur thiêz đrâuv luôs 2 chas tuôx ndis uô si. Zơưv Nguyễn Mạnh Hùng, Giám đốc doanh nghiệp Hùng Anh, thị trấn Mộc Châu, Sơn La heik:

“ Mộc Châu zos thax tsav, suôv qơư jông, luôs têx khênhr pir Mộc Châu tiêk zos Đà Lạt tiv 2, chênhr viv li Mộc Châu tưz chos tâu ntâu tsar zav  pax, ntơư cux zos iz kro lok six jông. taz sik, nưk cux muôx nưk têx phiv liv, viv luôs hâux lưv no nhiv kruôr uô yiêz, tsi tâu muôx thax tsav tưs nhoz Mộc Châu cux li faz Bắc uô viv li njiz tsi tsơưs têx phiv liv”.

Tuôx trâu Mộc Châu, tsôngv kruô cux zuôr seiz pov têx tox trôngz câuv har đar muôx 50 cxênhz ha, đros trâu ntâu zav jông li: Ciêz nhoz Sông Đà, Kror tsuô, trôngz ntông chiêz Jok Áng, Tsas tsuô, por trôngz Phiêng Luông…..Đros têx muôx jông li heik sâuv, Mộc Châu muôx têx huôv tsar uô tâu ntâu zav nuv ju lix jông li: Ju lix côngv thôngx, muk ndis seiz têx qơư uô yuôx zêx, qơư tu zus nhux tso cuô mik thiêz qươ tso cuô mik, seiz têx thax tsav qơư chos jâuz, chos pax muôs trâu luôs 2 chas têz qơưs…. Lar heik, zos tsôngv kruô tuôx no tsi tiêk tâu pâuz txos têx muôx jông li heik ntơư mak tsênhv tâu buôk ti đros đê têx yuôx zêx, đê txir khơưz, chos jâuz, chos pax….chiê  pâuz tsênhz txos tsôngv box têx cêr khưr, huôv tsar uô nox. Iz chas ntơư tâu ndis seiz têx qơư ju lix di sản vênhx huôv cxuô heir nênhs, tâu pâuz, tâu nox siv tsôngv box cxuô heir nênhs nhoz suôv qơư no têx cêr nênhx vênhx huôv, zav nox kaz. Pos Maya Lou, nhoz bang California, têz qơưs Mỹ tuôx ndis seiz têz qơưs shir phaz heik:

“ Tuôx no cur lok six shir phaz, viv seiz pov têx têz yuôx zêx lok six jông, cur zos iz lênhx cưk kriê ntơưr thiêz cur seiz zuk zos iz lênhx hmôngr jông viv tưz tâu tuôx txos suôv têz qơưs no”.

Shông 2014, thủ tướng Chính phủ tưz muôx quyết tinhv thôngz đhâu “ tsưr ziv njuôk hov cxuô lok huôv tsar têz qơưs qơư ju lix Mộc Châu txos shông 2020, uô ndar txos shông 2030”. Iz chas ntơư, têz qơưs thax tsav qơư ju lix Mộc Châu tâu njuôk hov, kuôk cêv muôx hur si 206.150ha, nhoz hâur thax tsav 2 huyện Mộc Châu thiêz vân Hồ, no zos qơư zov chênhr chiê tỉnh Sơn La heik, fuô kriê têx muôx jông, six hơưv, cui tinhv yưv pênhr huôv tsar trâu Mộc Châu txos têx lênhx nênhs yưv pênhr uô hâur thiêz đrâuv luôs 2 chas têz qơưs pâuz txos. Pos Nguyễn Thị Hoa, Phưv Chủ tịch UBND huyện Mộc Châu, tỉnh Sơn La heik:

“ Huyện tsưr ziv hâur shông zuôr txos zos huôv tsar ju lix yênhx iz ngênhx kinh tế zov chênhr, huyện zuôr cxiv tsa Mộc Châu yênhx têz qơưs tsênhv qơư ju lix thiêz pêz muôx ntâu tsaz yênhx uô, hâur ntơư cxơưz tiês yax kriê lok sâuv têx muôx jông cux li cxuô heir nênhs têx txux chi vênhx huôv chiê hu zâuv têx lênhx nênhs yưv pênhr uô thiêz tsôngv kruô tuôx Mộc Châu”.

Têx trâur nuv huôv tsar ju lix, tsênhv jux juk uô tâu jông, paz cxơưz huôv tsar ngênhx công nghiệp ntươv Mộc Châu, tỉnh Sơn La huôv tsar. Ntơư cux zos six hơưv jông chiê Mộc Châu nzor yênhx thax tsav Tây Bắc muôx jông qơư ju lix./.

( Hoàng Long-Riê Lâux cxeik, nhênhv) 

Phênhv “ Đas jos thiêz siv nênhx” thưr 4/27/4/2016:

MOZ KROR MUÔS LIÊZ

          Moz kror muôs liêz zos tiv têx zav moz kror muôs, njiêz muôs uô muôx yưv.

          Thâuv moz kror muôs liêz, đhâu 3 hnuz kho tsi jông lok sik tsi yuô pov cêr, kror muôs tsik yuô pov cêr, tsuv ciêr chênhr mul seiz njuôs shuôk kror muôs trâu tsêr kho moz.

          Tsi zôngv yuôx muôx corticoid plênhr kror muôs thâuv tsi tâu bác sĩ heik kriê. Ntơưv tỉnh Sơn La taz viv uô ntêx hâur nganhx lok khoa sêiz njuôk shuôk moz kror muôs zos tsênhv qơư phax tar têx zav moz xã hôiv tỉnh Sơn La, qươ nhoz số 5 phường Chiềng Lề, đrôngs Sơn La. Đros  zênhx y tế muôx têx bác sĩ txơưx thiêz jông siêz muôx txux chi siêz lok fuô kror muôs, heik kriê thiêz kho ntâu zav moz lok kror muôs txơưr đuô.

          Lok sik pox nhuôs mul seiz njuôs shuôk ntơưv têx tsêr kho moz đa khoa huyện muôx qươ tsoz phưz kror muôs li tsêr kho moz Mộc Châu, Yên Châu, Thuận Châu, Phù Yên, Mai Sơn./.

( H.Việt-Txâur Vax cxeik nhênhv)