Sơn La ciêr chênhr uô tiêr têx côngz tsinhx phax tar ntux nas

Chuôz zis niêv lâuk Lường Thị Cương nhoz jos Nà Lĩnh, xã Chiềng Ly, huyện Thuận Châu cheix ntux nas shông tưs cux trâus zênhr shar. Thâuv ntux lok nas lox, chuôz zis li tas nro 1 cxênhz yiv ndis liêx puôr lênhx trâus đêx ngaz tas, tsêz chos tsi tâu. Tsi taz li ntơưv, đêx nas tsênhv ntưs lok ngaz tas hâur tsêr, uô chuôz zis tsuv tso tsês hâux lưv uô qơư nox sơưr nzor, lok six phêv liv:

          “Cur chuôz zis nhoz no cux tưz tâu 10 shông ntâu lơưv, nhoz no buôk ciês tul đêx viv li ntâu jiês trâus đêx ngaz. Thâuv ntux lok nas lox mak ngaz tas tsêr nhoz, muôx têx thâuv siêz txos yênhx yiv ngaz yênhx ciêz, uô tul tsi cux tsi tâu”.

          Thôngz sâu hâur 5 shông jê ntơưv no, ntơưv huyện Thuận Châu, ntux nas tưz uô 6 lênhx nênhs tuôs, 13 lênhx trâus saz; 1 cxênhz 600 ntâu luz tsêr trâus poz vây; 1 cxênhz côngz tsinhx đêx liv, đêx xênhz huôx thiêz yênhx cxênhz hecta blêx, poz cưk, tsoz chos cxuô zav, pas đêx, yuôx zêx, cà phê puôr lênhx trâus đêx ngaz, cuôr yôngz...uô zênhr shar ntâu txos tsôngv box li luz nênhx.

          Zơưv Lường Văn Chuyên, Phưv chủ tịch UB xã Chiềng Ly, huyện Thuận Châu puz pâuz:

          “Thâuv txos cheix ntux nas pox nhuôs cux tsuv txar muk nhoz qơư siêz đuô, tsiêx cxu keiz ok cux trâus đêx cuôr yôngz tas. Tiv zix zos cheix ntux nas shông 2018, pox nhuôs trâus ruôr hiêv lok six hnhar, tsiêx cxu keiz ok trâus đêx cuôr yôngz, tsoz chos cxuô zav trâus đêx ngaz tas”.

Chiê chuv tôngv tir tar ntux nas, sir jos txu grês têx trâus ruôr hiêv, kaz shôngk shông 2020, huyện Thuận Châu, tỉnh Sơn La tưz tsov cưv yưv pênhr cxiv uô côngz tsinhx  njưs tar đêx, phax tar tox poz thiêz têx cơ sở cxuô zav buôk ntus đêx Muội ntơưv thị trấn Thuận Châu. Tsưr ziv zos tso đêx sâuv tul đêx Nậm Muội, taz por đêx xâuk tâu sei, tir tar ar poz nhoz 2 saz ntus đêx. Lơưr zơưv Phạm Văn Lâm, Phưv Giám đốc Ban coar lik yưv pênhr, cxiv tsa huyện Thuận Châu , ntu 1, côngz tsinhx krêz uô ntêr 400 yiv ndis ntâu, tas nro pênhr yưv uô zos 25 tỷ đeiv. Txos nhiv no tưz uô tiêr 75% hâux lưv. Têx taz viv tsênhv sir jos uô tiêr côngz tsinhx hâur hli 6 zuôr txos:

“Ban coar lik yưv pênhr cxiv tsa huyện Thuận Châu tsênhv cxơưz cxiz têx lênhx nênhs cxiv uô cxơưz tiês krêz uô têx côngz tsinhx: tiv zix zos zuôr chuôz zênhx, 2 zos heik cxaz lênhx nênhs krêz uô ntơưv têx qơư li njưs tar đêx, khơưz cưx đês. Chuôz tsar six hơưv uô, chiê uô li chas taz por khơưz tul đêx cxiv uô njưs tar đêx uô ntêx hli 6, taz por đêx ntưs muk tâu nhoz thax tsav buôk tul đêx Muội”.

Đros cxơưz tiês hâux lưv cxiv tsa cơ sở cxuô zav, côngz tsinhx zaoz thôngz, đêx liv, cxix luôk tso đêx nhoz têx qơư tsôngv box nhoz uô nênhx...huyện Thuận Châu cux tsênhv tror chuôz tsar huôx tôngv thôngz xor mông, heik kriê tsôngv box tsưr ziv phax tar đros têx zav ntux nas, tiv zix zos đêx ngaz, đêx cuôr yôngz; thôngx cxix, tsưr tsix txar têx ziv chuôz zis hâur thax tsav njuôs xav trâus zênhr shar tiv ntux nas muk nhoz qơư taz por.

Zơưv Nguyễn Xuân Hoàng, Phưv Chủ tịch UB huyện Thuận Châu, tỉnh Sơn La puz pâuz:

“Ciês cxôngx hâur shôngk shông, UB huyện tưz chox kriê chiê tso tơưv têx văn bản muôx lênhx coaz txos chox kriê côngz xưv nriêr chơưv nanv shông 2021, têx tsưr ziv phax tar ntux nas...Lơưr co zos tsưr tsix jor lơưr six hơưv cui tênhv hâur cheix ntux nas, seiz njôngr qênhx shênhx qiv hơưv, thôngz xor mông, pov cov, heik kriê têx tsưr ziv phax tar, khưx phưx têx trâus ruôr hiêv tiv ntux nas sâuv thax tsav”.

Cxôngx hâux lưv ciêr chênhr cxiv tsa têx côngz tsinhx phax tar ntux nas; sir jos yax mông chiê tsôngv box muôz siêz siêz xar, jênhv pâuz thiêz pênhr xưv phax tar ntux nas, Thuận Châu tsênhv ndar txos iz cheix ntux nas taz por, txu grês têx trâus ruôr hiêv./.

(Trấn Long- Txâur Vax cxeik nhênhv)

Phax tar moz hâur cheix ntux cuz sor trâu têx tsiêx tu zus

Nam: Yar ntux cuz sor uô trâu têx tsiêx tu zus tsi yuô muôx đas jos jông, uô tsiêx cxu nox tsi yuô tâuk têx jâuz krâur thiêz tsi yuô hloz.

Nữ: Chiê por hưv truôx tuk trâu têx tsiêx tu zus, ngênhx kôngz nuv cxuô thax tsav qơư cxơưz tiês luôs hâux lưv yax mông, kriê px sđ uô lơưr cxuô faz tsưr ziv lok phax tar cuz sor.

Nam: Iz chas ntơư, tsuv taz por têx qơư tu zus cov kruôr krơưr, hur si, lax chuô nziêk, huv đros têx tsiêx cxu; muôz blôngx, kuôr blêx lok vor, bos nzir saz sâuv tsêr cov tsik yuô sor; Têx hnuz yar ntux cuz sor hênhr tsuv muôz đêx tsuôs sâuv tsêr cov tsi cxoz cuz hênhr chiê têx tsiêx nhoz tâuk, tsi chiê têx qơư tu zus nông hênhr; thoz huk cưx cov têx đêx kiêk nênhs vuôz tsuôz ntưk tâuk, tsi tênhr.

Nữ: Têx ziv chuôz zis tu zus tsuv muôz nzir jâuz krâur trâu tsiêx cxu nox, muôz đêx trâu tsiêx hâuk cov txâuk. Sđ tsi tâu tso têx nhux tưv, nhux đas muk nox jâuz thâuv txix 10 six txos 4 six zuôr tsâuk ntux hâur têx hnuz yar cuz hênhr, viv thâuv co têx tsiêx zuôr zôngx ziv trâul kâus yar cuz. Tsi so qêz suô têx qơư tu zus cov đu lus, nzuôr têx đaz nox jâuz, têik hâuk đêx cov hur si, tsuôs yuôx tuô lov caz moz, caz vêiv, zôngr uz no li tsi uô têx moz ơưk huôv xênhz hâur cheix ntux sor.

Nam: Muôz txâuk têx jâuz krâur trâu tsiêx nox cov huv đros, paz max tsiêx muôx đas jos phax tir moz ơưk. Iz chas ntơư, zôngv têx meir nzuôx chuô uô lax qơư tu zus, tsiêx cxu tsuv tâu seiz shuôs njôngr tsi chiê tênhv tuôs, tênhv tuôx tsi txâuk lol sik pôngz tênhv, chiê muôx tsưr ziv kho zênhx max. Iz chas co, cxax yuôx vắc xin phax phôngz moz ơưk trâu tsiêx cxu.

Nữ: Hâux lưv bax cxuô faz tsưr ziv phax tar yar ntux cuz sor trâu têx tsiêx tu zus cux zov chênhr cơưs. Taz sik, iz chas cxuô ngênhx lês car uô đreiv têx hâux lưv phax tar moz ơưk trâu tsiêx cxu, lênhx nênhs tu zus cux tsuv sir jos, bax uô trơưk têx tsưr ziv lok phax phôngz moz ơưk, taz por chor tsiêx tu zus hloz lox jông./.

(Thanh Thủy-Riê Lâux cxeik, nhênhv)